Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 50

< Previous

Next >

[English text for this chapter is available]

īśvara uvāca |
tato gacchenmahādevi liṃgaṃ rāhupratiṣṭhitam |
śanaiścareśvarāddevi vāyavye saṃpratiṣṭhitam || 1 ||
[Analyze grammar]

ajādevyāścottarato dhanuṣāṃ saptake sthitam |
maṃgalāyāḥ samīpasthaṃ nātidūre vyavasthitam || 2 ||
[Analyze grammar]

liṃgaṃ mahāprabhāvaṃ tu saiṃhikeyapratiṣṭhitam |
tatra varṣasahasraṃ tu vaipracittistapo'karot || 3 ||
[Analyze grammar]

svarbhānuḥ sa mahāvīryo vaktrayodhī mahāsurāḥ |
samārādhya mahādevaṃ divyena tapasā prabhum || 4 ||
[Analyze grammar]

liṃge'vatārayāmāsa jagaddīpaṃ maheśvaram |
yaścainaṃ pūjayedbhaktyā naraḥ samyakca paśyati |
tasya pāpaṃ kṣayaṃ yāti api brahmavadhodbhavam || 5 ||
[Analyze grammar]

nāṃdho na badhiro mūko na rogī na ca nirddhanaḥ |
kadācijjāyate martyastena dṛṣṭena bhūtale || 6 ||
[Analyze grammar]

sukhasaubhāgyasaṃpannastadā bhavati rūpavān |
sarvakāmasamṛddhātmā modate divi devavat || 7 ||
[Analyze grammar]

iti te kathitaṃ devi māhātmyaṃ rāhudaivatam |
śrutvā tu mohaniryāto naro niṣkalmaṣo bhavet || 8 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye rāhvīśvaramāhātmyavarṇanaṃnāma paṃcāśo'dhyāyaḥ || 50 ||
[Analyze grammar]