Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 41

< Previous

Next >

[English text for this chapter is available]

īśvara uvāca |
tasyaiva pūrvadigbhāge sarasvatyā pratiṣṭhitam |
liṃgaṃ mahāprabhāvaṃ tu someśādagnigocare || 1 ||
[Analyze grammar]

bhairaveśvararūpastu vāḍavaḥ kumbhasaṃsthitaḥ |
yatra devyā samānītaḥ sāgarasya samīpataḥ || 2 ||
[Analyze grammar]

viśrāmārthaṃ kṣaṇaṃ muktvā devyā liṃgaṃ pratiṣṭhitam |
samabhyarcya vidhānena gṛhītvā vaḍavānalam |
samudramadhye cikṣepa devānāṃ hitakāmyayā || 3 ||
[Analyze grammar]

tato hṛṣṭatarā devāḥ śaṃkhadundubhiniḥsvanaiḥ |
pūrayantoṃ'baraṃ devīmīḍire puṣpavṛṣṭibhiḥ || 4 ||
[Analyze grammar]

devamāteti te nāma kṛtvocustāṃ tadā surāḥ |
kṛtvā tu bhairavaṃ kāryamasādhyaṃ devadānavaiḥ || 5 ||
[Analyze grammar]

pratiṣṭhitavatī cātra yasmālliṃgaṃ mahodayam |
tvaṃ sarvasaritāṃ śreṣṭhā sarvapātakanāśinī |
tasmādbhairavanāmeti liṃgaṃ khyātiṃ gamiṣyati || 6 ||
[Analyze grammar]

ityuktā tu tadā devī bhairaveśvaranairṛte |
sāgarasya sthitā ramye tatra mūrttimatī satī || 7 ||
[Analyze grammar]

pūjayettāṃ vidhānena taṃ tathā bhairaveśvaram |
mahānavamyāṃ yatnena kṛtvā snānaṃ vidhānataḥ |
sarasvatīṃ pūjayitvā vāgdoṣānmucyate'khilāt || 8 ||
[Analyze grammar]

tasyā liṃgaṃ tu saṃpūjya saṃsnāpya payasā pṛthak |
aghoreṇaiva vidhivatsamyagyātrāphalaṃ labhet || 9 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye bhairaveśvaramāhātmyavarṇanaṃnāmaikacatvāriṃśo'dhyāyaḥ || 41 ||
[Analyze grammar]