Chapter 30

[English text for this chapter is available]

devyuvāca |
snātvā tatrāgnitīrtheṣu kaṃ devaṃ pūrvamarccayet |
nirvighnā jāyate yena yātrā nṛṇāṃ sureśvara |
tanme yātrāvidhānaṃ tu yathāvadvaktumarhasi || 1 ||
[Analyze grammar]

īśvara uvāca |
evaṃ snātvā vidhānena dattvārghyaṃ ca mahodadhau |
saṃpūjya gaṃdhapuṣpaiśca vastraiḥ puṣpāvalepanaiḥ || 2 ||
[Analyze grammar]

hiraṇmayaṃ yathāśaktyā prakṣipettatra kaṃkaṇam |
tataḥ pitṝṃstarpayitvā gaccheddevaṃ kapardinam || 3 ||
[Analyze grammar]

puṣpairdhūpaistathā gandhairvastraiḥ saṃpūjya bhaktitaḥ |
gaṇānāṃ tveti mantreṇa arghyaṃ cāsmai nivedayet || 4 ||
[Analyze grammar]

śūdrāṇāmatha deveśi maṃtraścāṣṭākṣaraḥ smṛtaḥ |
tatra someśvaraṃ gaccheddevaṃ pāpaharaṃ param || 5 ||
[Analyze grammar]

snāpayitvā vidhānena japecca śatarudriyam |
tathā rudrānsapañcāṃgāstathānyā rudrasaṃhitāḥ || 6 ||
[Analyze grammar]

snāpayetpayasā caiva dadhnā ghṛtayutena ca |
madhunekṣurasenaiva kuṃkumena vilepayet || 7 ||
[Analyze grammar]

karpūrośīramiśreṇa mṛganābhiyutena ca |
candanena sugandhena pūjyaṃ saṃpūjayettataḥ || 8 ||
[Analyze grammar]

dhūpairbahuvidhairdevaṃ dhūpayitvā yathāvidhi |
vastraiḥ saṃveṣṭayetpaścāddadyānnaivedyamuttamam || 9 ||
[Analyze grammar]

ārārtikaṃ tataḥ kṛtvā nṛtyaṃ kuryādyathecchayā |
aṣṭāṃgaṃ praṇipatyaivaṃ gītavādyādikaṃ tataḥ || 10 ||
[Analyze grammar]

dharmaśravaṇasaṃyuktaṃ kāryaṃ prekṣaṇakaṃ vibhoḥ |
tato dadyāddvijātibhyastapasvibhyaśca śaktitaḥ || 11 ||
[Analyze grammar]

dīnāṃdhakṛpaṇebhyaśca dānaṃ kārpaṭikeṣu ca |
vṛṣabhastatra dātavyaḥ pravṛtte krūrakarmaṇi |
upavāsaṃ tataḥ kuryāttasminnahani bhāmini || 12 ||
[Analyze grammar]

yasminnahani paśyeta devaṃ someśvaraṃ naraḥ |
sā tithirvarṣamekaṃ tu upoṣyā bhaktitatparaiḥ || 13 ||
[Analyze grammar]

evaṃ kṛtvā naro bhaktyā labhate janmanaḥ phalam |
tathā ca sarvatīrthānāṃ sakalaṃ labhate phalam || 14 ||
[Analyze grammar]

uddharetpitṛvargaṃ ca mātṛvargaṃ ca bhāmini |
bālye vayasi yatpāpaṃ vārdhakye yauvane'pi vā || 15 ||
[Analyze grammar]

kṣālayeccaiva tatsarvaṃ dṛṣṭvā someśvaraṃ naraḥ |
na duḥkhito na dāridro durbhago vā na jāyate || 16 ||
[Analyze grammar]

saptajanmāntareṇaiva dṛṣṭe someśvare vibhau |
dhanadhānyasamāyukte sphīte sañjāyate kule || 17 ||
[Analyze grammar]

bhaktirbhavati bhūyo'pi somanāthaṃ prati prabhum |
kṣīreṇa snapanaṃ pūrvaṃ tato dhārāsamudbhavam || 18 ||
[Analyze grammar]

prathame prathame yāme mahāsnā namataḥ param |
madhyāhne devadevasya ye prapaśyanti mānavāḥ |
saṃdhyāmārārtikaṃ bhūyo na jāyante ca mānuṣāḥ || 19 ||
[Analyze grammar]

matvā kaliyugaṃ raudraṃ bahupāpaṃ varānane |
nānyena tarate durgāṃ karmaṇā durgatiṃ naraḥ || 20 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetra māhātmye someśvaramāhātmye someśvarapūjāmāhātmyavarṇanaṃnāma triṃśodhyāyaḥ || 30 ||
[Analyze grammar]