Chapter 23

[English text for this chapter is available]

īśvara uvāca |
tataḥ śāṃtamanā bhūtvā caṃdramā vismayānvitaḥ |
śaṃbhubhaktyā parītātmā prabhāsakṣetramāsthitaḥ || 1 ||
[Analyze grammar]

pūrvoktaṃ yattu devena sa tathā kṛtavānvibhuḥ |
gatvā sāgaramadhye tu gṛhītvā liṃgamuttamam || 2 ||
[Analyze grammar]

viśvakarmmāṇamāhūya sahitaṃ paricārakaiḥ |
ādideśa svayaṃ somastvaṣṭāraṃ devaśilpinam || 3 ||
[Analyze grammar]

caṃdra uvāca |
viśvakarmannidaṃ liṃgaṃ mama dattaṃ tu śaṃbhunā |
gṛhāṇa tvaṃ mahābāho yuktasthāne niveśaya || 4 ||
[Analyze grammar]

rakṣasva tāvadgantāsmi svakīyaṃ bhavanaṃ vibho |
yajñārthamānayiṣyāmi yajñopakaraṇāni ca || 5 ||
[Analyze grammar]

īśvara uvāca |
ityuktvā ca tadā caṃdraścaṃdra lokaṃ jagāma ha |
gatvā tatra mahādevi caṃdralokaṃmahāprabham || 6 ||
[Analyze grammar]

koṭiyojanavistīrṇaṃ sadāmṛtamayaṃ śubham |
tatrāhūya mahādevi pratīhāraṃ sumedhasam || 7 ||
[Analyze grammar]

maṃtriṇaṃ hemagarbhāṃgaṃ bṛhaspatisamaṃ dhiyā |
yajñopaskarasaṃbhāraṃ sarvamādāya satvarāḥ || 8 ||
[Analyze grammar]

prabhāsakṣetraṃ gacchaṃtu mamādeśaparāyaṇāḥ |
sāgnibhirbrāhmaṇaiḥ sārddhaṃ gacchaṃtu kṣetramuttamam || 9 ||
[Analyze grammar]

śīghraṃ saṃpādyatāṃ sarvaṃ yathā yajñaḥ pravartate |
sarveṣāmeva viprāṇāṃ caṃdralokanivāsinām || 10 ||
[Analyze grammar]

pṛthakpṛthagvimānaṃ tu deyaṃ teṣāṃ mahādhanam |
gavāṃ ca daśalakṣāṇāṃ savatsānāṃ payomucām || 11 ||
[Analyze grammar]

hemabhārairbhūṣitānāṃ kāmadhenūpamatviṣām |
aśvānāṃ śyāmakarṇānāṃ sapādaṃ lakṣameva ca || 12 ||
[Analyze grammar]

daṃtināmayutaṃ caiva ghaṃṭābharaṇaśobhitam |
sahasrāṇi ca catvāri rathānāṃ vātaraṃhasām || 13 ||
[Analyze grammar]

lakṣaṃ tu karabhāṇāṃ ca maṇimāṇikyasaṃyutam |
sainyānāṃ koṭirekā tu caturaṃgabalānvitā || 14 ||
[Analyze grammar]

agniśaucāni vastrāṇi brāhmaṇārthaṃ tathaiva ca |
vibhūṣaṇāni divyāni ṛtvigarthaṃ śubhāni ca || 15 ||
[Analyze grammar]

nānābhakṣyāṇi bhojyāni pānāni vividhāni ca |
lakṣaṃ karmakarāṇāṃ tu dāsīnāṃ lakṣameva ca || 16 ||
[Analyze grammar]

dāruvaṃśāvadhi proktaṃ yatkiṃcitsvaṃ madājñayā |
anyadyadbrāhmaṇā brūyustatsarvaṃ tatra nīyatām || 17 ||
[Analyze grammar]

devānāṃ dānavānāṃ tu yakṣagaṃdharvarakṣa sām |
saptadvīpakṣitīśānāṃ saptapātālavāsinām || 18 ||
[Analyze grammar]

nānānṛpasahasrāṇāṃ ghoṣaṇā kriyatāṃ muhuḥ |
sarveṣāṃ ghoṣaṇā kāryā prabhāsāgamanaṃ prati || 19 ||
[Analyze grammar]

ityuktvā maṃtriṇaṃ tatra caṃdramāstvarayā'nvitaḥ |
brahmalokaṃ sa gatavānyajñārthaṃ brahmaṇoṃtikam || 20 ||
[Analyze grammar]

so'pi caṃdramaso maṃtrī hemagarbho mahāprabhaḥ |
somājñāṃ śirasā kṛtvā yajñasaṃbhārasaṃbhṛtaḥ || 21 ||
[Analyze grammar]

prabhāsaṃ kṣetramāgatya yajñārthaṃ yatnavānabhūt |
tathaiva cāhvayāṃcakre bhūrbhuvaḥsvarnivāsinaḥ || 22 ||
[Analyze grammar]

śrutvā tu ghoṣaṇāṃ sarve śīghraṃ tatra samāyayuḥ |
raviyojanaparyaṃtaṃ kṣetramālokya tatra tat || 23 ||
[Analyze grammar]

brāhmaṇāṃśca samāhūya somādhyakṣaṃ uvāca tān |
yajñāṃgaṃ sarvamānītaṃ mayā somājñayā dvijāḥ |
anaṃtaraṃ tu yatkṛtyaṃ bhavadbhistadvidhīyatām || 24 ||
[Analyze grammar]

ityuktā brāhmaṇāḥ sarve taponirdhūtakalmaṣāḥ |
tatraiva dadṛśuḥ sarve tvaṣṭāraṃ devaśilpinam || 25 ||
[Analyze grammar]

taṃ dṛṣṭvā tu dvijāḥ sarve liṃgaṃ dṛṣṭvā samīpataḥ |
kathametaditi procurviśvakarmanbravīhi naḥ |
kasmādatra sthitastvaṃ vai śilpikoṭisamanvitaḥ || 26 ||
[Analyze grammar]

viśvakarmmovāca |
ahaṃ somaniyuktastu yukto'smi liṃgarakṣaṇe |
tadājñāpālane yatnaḥ kriyate'to mayā dvijāḥ || 27 ||
[Analyze grammar]

īśvara uvāca |
evaṃ śrutvā yadā viprā jñātvā sarvaṃ tu kāraṇam |
caritā yajñakāryārthaṃ tataścakrurupa kramam || 28 ||
[Analyze grammar]

tatra yojanaparyaṃtaṃ devānāṃ yajanaṃ śubham |
taddevayajanaṃ kṛtvā patnīśālāṃ ca cakrire || 29 ||
[Analyze grammar]

havirddhānaṃ sadaścaiva uttarā vedireva ca |
brahmaṇaḥ sadanāgnīdhrītyevaṃ sthānāni cakrire || 30 ||
[Analyze grammar]

tatra yojanaparyaṃtaṃ yajñayūpāṃśca maṃḍapān |
viśvakarmā cakārāśu kuṃḍāni vividhāni ca || 31 ||
[Analyze grammar]

sahasrasaṃkhyayā tatra kuṇḍānāṃ maṃḍapāvadhi |
tatra te brāhmaṇāḥ sarve pratiṣṭhāyajñakovidāḥ || 32 ||
[Analyze grammar]

nānābharaṇaratnaiśca brāhmaṇāḥ samalaṃkṛtāḥ |
cakruḥ sarve yathanyāyaṃ śāstraṃ dṛṣṭvā punaḥpunaḥ || 33 ||
[Analyze grammar]

vṛkṣāṃstathauṣadhīrdivyā samitpuṣpakuśādikān |
homadravyādikaṃ sarva mājyaṃ prājyaṃ navaṃ payaḥ || 34 ||
[Analyze grammar]

tathānyadapi yatkiṃcidyajñopakaraṇaṃ smṛtam |
varddhanīkalaśādyaṃ ca sarvaṃ hemamayaṃ śubham || 35 ||
[Analyze grammar]

cakruḥ sarvaṃ yathānyāyaṃ pratiṣṭhāmakhamādṛtāḥ |
tatra vipragaṇo hṛṣṭo bhakṣyabhojyāditarpitaḥ || 36 ||
[Analyze grammar]

vedadhvanitanirghoṣairdivaṃ bhūmiṃ ca saṃspṛśan |
suśubhe maṃḍapastatra patākābhiralaṃkṛtaḥ || 37 ||
[Analyze grammar]

divyasiṃhāsanopeto muktādāmapariṣkṛtaḥ |
divyacandanamālābhiḥ kalpapallavatoraṇaiḥ || 38 ||
[Analyze grammar]

divyagandha sugandhādyaiḥ svargasthānamivābhavat |
caturdaśavidhastatra bhūtagrāmaḥ samāgataḥ || 39 ||
[Analyze grammar]

sthāvaraḥ sarpajātiśca pakṣijātistathaiva ca |
mṛgasaṃjñaścaturthaśca paśvākhyaḥ pañcamaḥ smṛtaḥ || 40 ||
[Analyze grammar]

ṣaṣṭhaśca mānuṣaḥ proktaḥ paiśācaḥ saptamaḥ smṛtaḥ |
aṣṭamo rākṣasaḥ prokto navamo yajña eva ca || 41 ||
[Analyze grammar]

gāṃdharvaśākrasaumyāśca prājāpatyastathaiva ca |
brāhmaśceti samākhyātaścaturdaśavidho gaṇaḥ || 42 ||
[Analyze grammar]

viśvedevāstathā sādhyā maruto vasavastathā |
lokapālāstathāṣṭau ca nakṣatrāṇi grahaiḥ saha || 43 ||
[Analyze grammar]

brahmāṇḍe devatā yāśca tāḥ sarvāstatra cāgatāḥ |
hṛṣṭāḥ prabhāsake kṣetre prārabdhe yajñakarmmaṇi || 44 ||
[Analyze grammar]

ghṛtakṣīravahā nadyo dadhipāyasakardamāḥ |
pakvānnānāṃ phalānāṃ ca rāśayaḥ parvatopamāḥ || 45 ||
[Analyze grammar]

dṛśyante vividhākārāstasminyajñamahotsave |
jagu statraiva gandharvā nanṛtuścāpsarogaṇāḥ || 46 ||
[Analyze grammar]

bhakṣyabhojyaiśca vividhaiḥ kāmapānādibhistathā |
tṛptā devāśca munayo bhūtagrāmāścaturdaśa || 47 ||
[Analyze grammar]

evaṃ saṃbhārasahitaṃ yajñāṃgaṃ sarvameva hi |
praguṇīkṛtya sacivo muktvā tatraiva rakṣakān |
somasyāhvānanārthaṃ ca brahmalokaṃ jagāma ha || 48 ||
[Analyze grammar]

īśvara uvāca |
sa dṛṣṭvā brahmaṇaḥ pārśve sthitaṃ somamahāprabham |
praṇamya daṇḍavadbhūmau somaṃ brahmāṇameva ca || 49 ||
[Analyze grammar]

kṛtāṃjalipuṭo bhūtvā uvāca natakaṃdharaḥ |
hemagarbha uvāca |
bhagavanbhavadādeśādyajñāṃgaṃ sarvameva hi || 50 ||
[Analyze grammar]

tatra prābhāsike kṣetre mayā te praguṇīkṛtam |
tatra brahmarṣayaḥ sarve tathā rājarṣayo'pare || 51 ||
[Analyze grammar]

tvanmārgaprekṣakāḥ sarve santiṣṭhante samākulāḥ |
anantaraṃ tu yatkṛtyaṃ tadbhavānkartumarhati || 52 ||
[Analyze grammar]

īśvara uvāca |
ityuktastu tadā candraḥ samudrasya sutena vai |
prahasyovāca brahmāṇaṃ candramā lokasākṣiṇam || 53 ||
[Analyze grammar]

bhagavansarvadeveśa mamānugrahakāmyayā |
pratiṣṭhāyajñakāmasya mamātithyaṃ kuru prabho || 54 ||
[Analyze grammar]

adya me saphalaṃ janma saphalaṃ ca tapaḥ prabho |
devatvamadya me brahmaṃstvatprasādādbhaviṣyati || 55 ||
[Analyze grammar]

mayā ca tapasogreṇa prāptaṃ liṃgamumāpateḥ |
tatpratiṣṭhāvidhiṃ sarvaṃ tadbhavānkarttumarhati || 56 ||
[Analyze grammar]

brahmovāca |
avaśyaṃ tava karttāsmi pratiṣṭhāṃ śaṃkarātmikām |
tvadārādhanaliṃge tu someśe'tiviśeṣataḥ || 57 ||
[Analyze grammar]

ye kecidbhavitāro vā atītā ye niśākarāḥ |
teṣāṃ somānvayānāṃ ca sarveṣāmādyadaivatam || 58 ||
[Analyze grammar]

yo'sau someśvaro deva ādau bhairavanāmabhṛt |
manvantarāntare'tīte pratiṣṭhe'haṃ punaḥpunaḥ || 59 ||
[Analyze grammar]

yadā prābhāsikaṃ kṣetre gato'haṃ cāṣṭavārṣikaḥ |
āhūtaḥ pūrvamindreṇa bhairavasya pratiṣṭhite || 60 ||
[Analyze grammar]

tatprabhṛtyeva me nāma bālarūpī nigadyate |
anyeṣu sarvatīrtheṣu vṛddharūpī vasāmyaham || 61 ||
[Analyze grammar]

prabhāse tu punaścaṃdra bālyāprabhṛti saṃvase |
brahmāṇḍe yāni tīrthāni brāhmaṇāsteṣu ye smṛtāḥ || 62 ||
[Analyze grammar]

teṣāmādyo niśānātha prabhāse'haṃ vyavasthitaḥ |
kalpekalpe niśānātha mama nāmāṃtaraṃ bhavet || 63 ||
[Analyze grammar]

svayaṃbhūḥ prathame nāma dvitīye padmabhūḥ smṛtaḥ |
tṛtīye viśvakartteti bālarūpī turīyake || 64 ||
[Analyze grammar]

eṣāmeva parīvarto nāmnāṃ bhāvi punaḥpunaḥ |
parārddhadvayaparyaṃtaṃ prabhāse saṃsthitasya me || 65 ||
[Analyze grammar]

ādisomena tatraiva śaṃbhornetrodbhavena vai |
prabhāse tu tapastaptvā pratyakṣīkṛtaīśvaraḥ || 66 ||
[Analyze grammar]

tato dadau varaṃ tuṣṭaḥ pūrvacandrasya śūladhṛk |
yasmādārādhito'haṃ te soma bhaktyā cirantanam || 67 ||
[Analyze grammar]

tasmātsomeśanāmaivamasmiṃlliṃge bhaviṣyati |
yāvadbrahmā śatānandaḥ prakṛtau na pralīyate || 68 ||
[Analyze grammar]

ye kecidbhavitāro vai rātrināthā niśākarāḥ |
te madārādhanaṃ cātra kariṣyaṃti punaḥpunaḥ || 69 ||
[Analyze grammar]

ityuktvā bhagavāñchaṃbhustatraivāṃtaradhīyata |
tasminkāle mayā soma ādyaṃ liṃgaṃ pratiṣṭhitam || 7 ||
[Analyze grammar]

tadāprabhṛti somānāṃ lakṣāṇāṃ dvitayaṃ gatam |
sahasradvitayaṃ caiva śataṃ caikaṃ ṣaḍuttaram || 71 ||
[Analyze grammar]

saptamastvaṃ mahāvāho varttase soma sāṃpratam |
etāvantyeva liṃgāni pratiṣṭhāṃ prāpitāni me || 72 ||
[Analyze grammar]

eṣa evādhunā so'haṃ tadārādhanajaṃ phalam |
pratiṣṭhātāsmi bhadraṃ te soma kṛtya mamaiva tat || 73 ||
[Analyze grammar]

īśvara uvāca |
ityuktvā bhagavānbrahmā vedavidyāsamanvitaḥ |
sarvadevamayo devaiḥ sahitastīrthasaṃyutaḥ || 74 ||
[Analyze grammar]

sanatkumārapramukhai ryogīndrairṛṣibhiḥ saha |
bṛhaspatiṃ samāhūya puraskṛtya purodhasam || 75 ||
[Analyze grammar]

haṃsayānaṃ samāruhya koṭibrahmarṣibhiḥ saha |
āgataḥ somarājena tadā brahmā jagatpatiḥ || 76 ||
[Analyze grammar]

prābhāsike mahātīrthe yatra dāruvanaṃ smṛtam |
ṛṣitoyā nadī yatra mahāpātakanāśinī || 77 ||
[Analyze grammar]

asmiṃstīrthe prabhāse tu brahmabhāgaḥ sa ucyate |
tridaivatamidaṃ kṣetraṃ mayā te kathitaṃ priye || 78 ||
[Analyze grammar]

tatrāgatva caturvaktro brāhmabhāge'tinirmale |
munīnākārayāmāsa unnata sthānavāsinaḥ || 79 ||
[Analyze grammar]

āyāṃtaṃ vedhasaṃ dṛṣṭvā devarṣigurusaṃyutam |
te sarve pūjayāmāsuḥ saṃstavairvedasaṃmitaiḥ || 80 ||
[Analyze grammar]

athovāca dvijānsarvānbrahmā lokapitāmahaḥ |
ciramārādhya somena someśaṃ pāpanāśanam || 81 ||
[Analyze grammar]

tasminprasanne somena labdhaṃ liṅgamanuttamam |
pratiṣṭhārthaṃ tu devasya āyātā dvijasattamāḥ || 82 ||
[Analyze grammar]

yathā mayā sadā kāryā pratiṣṭhā śaṃkarātmikā |
bhavadbhiḥ parikāryā sā mama bhāgasamāśrayaiḥ || 83 ||
[Analyze grammar]

yataḥ kopena bhavatāṃ liṃgaṃ prapatitaṃ bhuvi |
pratiṣṭhā tasya kartavyā yuṣmābhirvai na saṃśayaḥ || 84 ||
[Analyze grammar]

īśvara uvāca |
gṛhītvā'tha munīnsarvānbrahmā lokapitā mahaḥ |
ānītaḥ somarājena tadā brahmā jagatpatiḥ || 85 ||
[Analyze grammar]

prābhāsike mahātīrthe sāvitryā sahitaḥ prabhuḥ |
kārayāmāsa kuṇḍānāṃ maṇḍapānāṃ śataṃśatam || 86 ||
[Analyze grammar]

ekaike maṇḍape tatra cakre saptadaśartvijaḥ |
guruṇā prerito brahmā tatra devapurodhasā || 87 ||
[Analyze grammar]

pārśve sthitastadā brahmā vidhānairveda bhāṣitaiḥ |
dīkṣayāmāsa somaṃ tu rohiṇyā sahitaṃ vibhum || 88 ||
[Analyze grammar]

patnīṃ ca rohiṇīṃ kṛtvā sarvalakṣaṇasaṃyutām |
mṛgacarmadharāṃ devīṃ kṣaumavastrāvaguṃṭhitā m || 89 ||
[Analyze grammar]

patnīśālāṃ samānītā ṛtvigbhirvedapāragaiḥ |
caṃdramā dīkṣayā yukta ṛṣigaṃdharvasaṃstutaḥ || 90 ||
[Analyze grammar]

auduṃbareṇa daṃḍena saṃvṛto mṛgacarmaṇā |
atīva tejasā yuktaḥ śuśubhe sadasi sthitaḥ || 91 ||
[Analyze grammar]

tato brahmā mahādevi sarvalokapitāmahaḥ |
ṛtvijāṃ varaṇaṃ cakre vedoktavidhinā tadā || 92 ||
[Analyze grammar]

gururhotā vṛtastatra vasiṣṭho'dhvaryureva ca |
tatrodgātā marīcistu brahmatve nāradaḥ kṛtaḥ || 93 ||
[Analyze grammar]

sanatkumārasaṃyuktāḥ sadasyāstatra vai kṛtāḥ |
vastrairābharaṇairyuktā mukuṭairaṃgulīyakaiḥ || 94 ||
[Analyze grammar]

bhūṣitā bhūṣaṇaughena tasminyajñe tadartvijaḥ |
caturṣu tajjñāścatvāra evaṃ te ṣoḍaśartvijaḥ || 95 ||
[Analyze grammar]

prastotā kaśyapastatra pratihartā tu gālavaḥ |
subrahmaṇyastathā gargaḥ sadasyaḥ pulahaḥ kṛtaḥ || 96 ||
[Analyze grammar]

hotā śukraḥ samākhyāto neṣṭā kratha udāhṛtaḥ |
maitrāvaruṇo durvāsā brāhmaṇācchaṃsī kauśikaḥ || 97 ||
[Analyze grammar]

acchāvākaśca śākalyo grāvasthaḥ kratureva ca |
prasthātā pratipūrvo yaḥ śālaṃkāyana eva ca || 98 ||
[Analyze grammar]

agnīdhraśca manustatra unnetā tvaṃgirāḥ kṛtaḥ |
evamādyānmaṇḍapeṣu kṛtvā tānṛtvijaḥ prabhuḥ || 99 ||
[Analyze grammar]

anyeṣu maṇḍapeṣveva pratyekamṛtvijaḥ kṛtāḥ |
maṇḍapānāṃ śateṣveva kṛtvā kuṇḍānyakalpayat || 100 ||
[Analyze grammar]

ekaiko maṇḍapastatra viṃśahastapramāṇataḥ |
astreṇāśodhya bhūmiṃ tu paṃcagavyena prokṣya ca || 101 ||
[Analyze grammar]

carmaṇā cāvaguṃṭhyaiva ālikhyāstreṇa pārvati |
ullikhya prokṣaṇaṃ kṛtvā khātaṃ kṛtvā vidhānataḥ || 102 ||
[Analyze grammar]

aṣṭau kuṃḍāni saṃkalpya tathaikamaṇḍape priye |
lepanaṃ maṇḍape kṛtvā vajrākaraṇameva ca || 103 ||
[Analyze grammar]

caturasrakārmukaṃ ca vartulaṃ kamalākṛti |
pūrvāṃ diśaṃ samā rabhya kṛtvā tāni prayatnataḥ || 104 ||
[Analyze grammar]

catuḥkoṇasamāyuktaṃ pūrve kuṇḍaṃ niveśya tu |
bhagākṛti tathā'gneyyāṃ dakṣiṇe dhanurākṛti || 105 ||
[Analyze grammar]

nairṛtye tu trikoṇaṃ vai vartulaṃ paścimena tu |
ṣaṭkoṇaṃ caiva vāyavye padmākāraṃ tathottare || 106 ||
[Analyze grammar]

aiśānyāmaṣṭakoṇaṃ tu madhye caikaṃ vidhā nataḥ |
pratyekaṃ maṇḍapaṃ śubhraṃ stambhaiḥ ṣoḍaśabhiryutam || 107 ||
[Analyze grammar]

dhvajaiḥ satoraṇairyuktaṃ cakre brahmā vidhānataḥ |
nyagrodhaṃ pūrvato nyasya dakṣe coduṃbaraṃ tathā || 108 ||
[Analyze grammar]

aśvatthaṃ paścime caiva palāśaṃ cottare kramāt |
bāhudaṃḍapramāṇena dhvajāṃstatra niveśya vai || 109 ||
[Analyze grammar]

aindryādau pītavarṇādi patākā parikalpitāḥ |
tato brahmā hyagnikuṃḍe cāgnisthāpanamārabhat || 110 ||
[Analyze grammar]

svasthāne brāhmaṇāṃścaiva jāpye caiva nyayojayat |
śrīsūktaṃ pāvamānaṃ ca sadā caiva ca vājinam || 111 ||
[Analyze grammar]

vṛṣākapiṃ tathaindraṃ ca bahvṛcaḥ pūrvato'japan |
rudrānpuruṣasūktaṃ ca krokādhyāyaṃ ca vaikriyam || 112 ||
[Analyze grammar]

brāhmaṇaṃ paitryamaiṃdraṃ ca japeranyajuṣo yame |
devavrataṃ vāmadevyaṃ jyeṣṭhaṃ sāma rathaṃtaram || 113 ||
[Analyze grammar]

bheruṃḍāni ca sāmāni cchaṃdogaḥ paścime'japat |
atharvātharvaśirasaṃ skambhastaṃbhamatharvaṇam || 114 ||
[Analyze grammar]

nīlarudramatharvāṇamatharvā cottare'japat |
garbhādhānādikaṃ sarvaṃ tato'gnerakarodvibhuḥ || 115 ||
[Analyze grammar]

pūrṇāhutiṃ tato dattvā snānakarma tathā'rabhat |
paṃcapallavasaṃyuktaṃ mṛttikābhiḥ samanvitam || 116 ||
[Analyze grammar]

kaṣāyaiḥ paṃcagavyaiśca paṃcāmṛtaphalaistathā |
tīrthodakaiḥ sametaṃ tu maṃtraiḥ snānamathārabhat || 117 ||
[Analyze grammar]

netrāṇyutpādya devasya kṛtvā ca tilakakriyām |
pṛthivyāṃ yāni tīrthāni pātāle ca viśeṣataḥ || 118 ||
[Analyze grammar]

svarga loke ca yānyeva tatra tānyāyayustadā |
etasminnantare brahmā devānāṃ paśyatāṃ tadā || 119 ||
[Analyze grammar]

bhūmiṃ bhittvā viveśātha tatra liṃgamapaśyata |
sparśākhyaṃ taṃ tu saṃchādya madhunā darbhamūlakaiḥ || 120 ||
[Analyze grammar]

tatra brahmaśilāṃ nyasya tasyā ūrdhvaṃ mahāprabham |
liṃgaṃ pratiṣṭhayāmāsa kṛtvā niścalamā tmavān || 121 ||
[Analyze grammar]

sthitvā ca parame tattve maṃtranyāsamathākarot |
evaṃ liṃgaṃ pratiṣṭhāpya tatra brahmā jagadguruḥ |
pūjayāmāsa vidhinā vedoktairmaṃtra vistaraiḥ || 122 ||
[Analyze grammar]

mantranyāse kṛte tatra brahmaṇā lokakartṝṇā |
tatra vipragaṇo hṛṣṭo jayaśabdādimaṃgalaiḥ |
nirdhūmaścābhavadvahniḥ sūryakoṭisamaprabhaḥ || 123 ||
[Analyze grammar]

devadundubhayo neduḥ prasannāśca digīśvarāḥ |
puṣpavṛṣṭiḥ papātoccaistasminyajñamahotsave || 124 ||
[Analyze grammar]

pratiṣṭhāpya tato liṃgaṃ śrīsomeśaṃ pitāmahaḥ |
dāpayāmāsa viprebhyo bhūriśo yajñadakṣiṇām || 125 ||
[Analyze grammar]

sanatkumārapramukhairādyairbrahmarṣibhirvṛtaḥ |
dakṣiṇāmadadātsomastrīṃllokānbrahmaṇe purā || 126 ||
[Analyze grammar]

tebhyo brahmarṣimukhyebhyaḥ sadasyebhyastathaiva ca |
dadau hiraṇyaṃ ratnāni koṭiśo bhūridakṣiṇāḥ || 127 ||
[Analyze grammar]

sobhiṣikto mahātejāḥ sarvairbrahmarṣibhistataḥ |
trīṃllokānbhāvayāmāsa svabhāsā bhāsatāṃ varaḥ || 128 ||
[Analyze grammar]

taṃ sinī ca kuhūścaiva dyutiḥ puṣṭiḥ prabhā vasuḥ |
kīrttirdhṛtiśca lakṣmīśca nava devyaḥ siṣevire || 129 ||
[Analyze grammar]

prāpyāvabhṛthamavyagraḥ kṛtvā māheśvaraṃ makham |
kṛtārthaḥ paripūrṇaśca saṃbabhūva niśāpatiḥ || 130 ||
[Analyze grammar]

tatastasmai dadau rājyaṃ prājyaṃ brahmā pitāmahaḥ |
bījauṣadhīnāṃ viprāṇāmavannānāṃ ca varānane || 131 ||
[Analyze grammar]

tasminyajñe samājagmurye kecitpṛthivīśvarāḥ |
teṣāṃ rājyaṃ dhanaṃ bhogāndadau svargaṃ tathā'kṣayam || 132 ||
[Analyze grammar]

brāhmaṇānbhojayāmāsa svayamevauṣadhīpatiḥ |
dadau sarvaṃ tadā teṣāṃ prabhāsakṣetravāsinām || 133 ||
[Analyze grammar]

hiraṇyādīnyadāccaiva mahādānāni ṣoḍaśa |
yo yadarthayate tatra sāmānyaḥ prākṛto janaḥ |
nijakarmānusāreṇa sa lebhe ca tadeva hi || 134 ||
[Analyze grammar]

evaṃ samarthite yajñe sarve devāḥ savāsavāḥ |
sthāpayitvā tu liṃgāni jagmuḥ sarve yathāgatam || 136 ||
[Analyze grammar]

candramāstu punardevi brahmaṇā sahito vibhuḥ |
liṃgamārādhayāmāsa prabhāse pāpanāśane || 136 ||
[Analyze grammar]

trikālaṃ pūjayāmāsa dhūpamālyānulepanaiḥ |
taṃ praṇamya ca deveśi stauti nityaṃ niśāpatiḥ || 137 ||
[Analyze grammar]