Chapter 20

[English text for this chapter is available]

īśvara uvāca |
atha daityāvatārāṇāṃ kramo hi kathyate punaḥ |
hiraṇyakaśipū rājā varṣāṇāmarbudaṃ babhau || 1 ||
[Analyze grammar]

tathā śata sahasrāṇi yāni kāni dvisaptatim |
aśītiṃ ca sahasrāṇi trailokyasyeśvaro'bhavat || 2 ||
[Analyze grammar]

sautye'hanyatirātrasya kaśyapasyāśvamedhike || 3 ||
[Analyze grammar]

upakṣiptā sanaṃ yattu hoturarthe hiraṇmayam |
niṣasāda sa garto 'tra hiraṇyakaśipustataḥ || 4 ||
[Analyze grammar]

śatavarṣasahasrāṇāṃ tapaścakre suduścaram |
daśavarṣasahasrāṇi dityā garbhe sthitaḥ purā || 5 ||
[Analyze grammar]

hiṇayakaśipordaityaiḥ śloko gītaḥ purātanaḥ |
rājā hiraṇyakaśipuryāṃ yāmāśāṃ nirīkṣate || 6 ||
[Analyze grammar]

tasyāṃ tasyāṃ diśi surā namaścakruḥ saharṣibhiḥ || 1 ||
[Analyze grammar]

paryāye tasya rājābhūdbalirvarṣārbudaṃ punaḥ || 7 ||
[Analyze grammar]

ṣaṣṭiṃ caiva sahasrāṇi triṃśacca niyutāni ca |
bale rājyādhikārastu yāva tkālaṃ babhūva ha || 8 ||
[Analyze grammar]

prahlādo nigṛhīto'bhūttāvatkālaṃ tathā suraiḥ || 1 ||
[Analyze grammar]

iṃdrādayaste vikhyātā asurāñjaghnurojasā || 9 ||
[Analyze grammar]

daityasaṃsthamidaṃ sarvamā sīddaśayugaṃ kila |
asapatnaṃ tataḥ sarvamaṣṭādaśayugaṃ punaḥ || 10 ||
[Analyze grammar]

trailokyamidamavyagraṃ maheṃdreṇa tu pālitam |
tretāyuge tu daśame kārttavīryo mahābalaḥ || 11 ||
[Analyze grammar]

paṃcāśītisahasrāṇi varṣāṇāṃ vai narādhipaḥ |
sa saptaratnavānsamrāṭ cakravartī babhūva ha || 12 ||
[Analyze grammar]

dvīpeṣu saptasu sa vai khaḍgī carmī śarāsanī |
rathī rājā sānucaro yogāccaurānapaśyata || 13 ||
[Analyze grammar]

praṇaṣṭadravyatā yasya smaraṇānna bhavennṛṇām |
caturyuge tvatikrāṃte manau hyekādaśe prabhau || 14 ||
[Analyze grammar]

arddhāvaśiṣṭe tasmiṃstu dvāpare saṃpravartite |
mānavasya nariṣyaṃto hyāsītputro madaḥ kila || 15 ||
[Analyze grammar]

navamastasya dāyādastṛṇabiṃduriti smṛtaḥ |
tretāyugamukhe rājā tṛtīye saṃbabhūva ha || 16 ||
[Analyze grammar]

tasya kanyā tvilavilā rūpe ṇāpratimā'bhavat |
pulastyāya sa rājarṣistāṃ kanyāṃ pratyapādayat || 17 ||
[Analyze grammar]

ṛṣirailavilo yasyāṃ viśravāḥ samapadyata |
tasya patnyaśca tisrastu paulastyakulamaṃḍanāḥ || 18 ||
[Analyze grammar]

bṛhaspateḥ śubhā kanyā nāmnā vai vedavarṇinī |
puṣpotkaṭā ca vīkā ca ubhe mālyavataḥ sute || 19 ||
[Analyze grammar]

kekasī mālinaḥ kanyā tasyāṃ devi śṛṇu prajāḥ |
jyeṣṭhaṃ vaiśravaṇaṃ tasya suṣuve varavarṇinī || 20 ||
[Analyze grammar]

aṣṭadaṃ haricchmaśruṃ śaṃkukarṇaṃ vilohitam |
śvapādaṃ hrasvabāhuṃ ca piṃgalaṃ śucibhūṣaṇam || 21 ||
[Analyze grammar]

tripādaṃ tu mahākāyaṃ sthūlaśīrṣaṃ mahāhanum |
evaṃvidhaṃ sutaṃ dṛṣṭvā virūpaṃ rūpatastadā || 22 ||
[Analyze grammar]

tadā dṛṣṭvābravīttaṃ tu kubero'yamiti svayam |
kutsāyāṃ kvitiśabdoyaṃ śarīraṃ veramucyate || 23 ||
[Analyze grammar]

kuberaḥ kuśarīratvānnāmnā tena ca soṃkitaḥ |
tasya bhāryyā'bhavadvṛddhiḥ putrastu nalakūbaraḥ || 24 ||
[Analyze grammar]

kaikasyajanayatputraṃ rāvaṇaṃ rākṣasādhipam |
śaṃkukarṇaṃ daśagrīvaṃ pigalaṃ raktamūrddhajam || 25 ||
[Analyze grammar]

vasupādaṃ viṃśadbhujaṃ mahākāyaṃ mahābalam |
kālāṃjananibhaṃ caiva daṃṣṭriṇaṃ raktalocanam || 26 ||
[Analyze grammar]

rākṣasenaujasā yuktaṃ rūpeṇa ca balena ca |
nisargāddāruṇaḥ krūro rāvaṇādrāvaṇaḥ smṛtaḥ || 27 ||
[Analyze grammar]

hiraṇyakaśipustvāsītsa rājā pūrvajanmani |
caturyugāni rājā tu tathā daśa sa rākṣasaḥ || 28 ||
[Analyze grammar]

paṃca koṭīstu varṣāṇāṃ saṃkhyatāḥ saṃkhyāyā priye |
niyutānyekaṣaṣṭiṃ ca saṃkhyāvadbhirudāhṛtam || 29 ||
[Analyze grammar]

ṣaṣṭiṃ caiva sahasrāṇi varṣāṇāṃ sa hi rāvaṇaḥ |
devatānāmṛṣīṇāṃ ca ghoraṃ kṛtvā prajāgaram || 30 ||
[Analyze grammar]

tretāyuge caturviṃśe rāvaṇastapasaḥ kṣayāt |
rāmaṃ dāśarathiṃ prāpya sagaṇaḥ kṣayameyivān || 31 ||
[Analyze grammar]

yo'sau devi daśagrīvaḥ saṃbabhūvārimarddanaḥ |
damaghoṣasya rājarṣeḥ putro vikhyātapauruṣaḥ || 32 ||
[Analyze grammar]

śrutaśravāyāṃ caidyastu śiśupālo babhūva ha |
rāvaṇaṃ kuṃbhakarṇaṃ ca kanyāṃ śūrpaṇakhāṃ tathā || 33 ||
[Analyze grammar]

vibhīṣaṇaṃ caturthaṃ ca kaikasyajanayatsutān |
manoharaḥ prahastaśca mahāpārśvaḥ kharastathā || 34 ||
[Analyze grammar]

puṣpotkaṭāyāste putrāḥ kanyā kumbhīnasī tathā |
triśirā dūṣaṇaścaiva vidyujjihvaśca rākṣasaḥ |
kanyaikā śyāmikā nāma vīkāyāḥ prasavaḥ smṛtaḥ || 35 ||
[Analyze grammar]

ityete krūrakarmāṇaḥ paulastyā rākṣasā nava |
vibhīṣaṇo viśuddhātmā daśamaḥ parikīrtitaḥ || 36 ||
[Analyze grammar]

pulahasya mṛgāḥ putrāḥ sarve vyālāśca daṃṣṭriṇaḥ |
bhūtāḥ piśācāḥ sarpāśca śūkarā hastinastathā || 37 ||
[Analyze grammar]

anapatyaḥ kratustvasminsmṛto vaivasvateṃtare |
atreḥ patnyo daśaivāsansundaryaśca pativratāḥ || 38 ||
[Analyze grammar]

bhadrāśvasya ghṛtācyaṃtā jajñire daśa cāpsarāḥ || 39 ||
[Analyze grammar]

bhadrā śūdrā ca madrā ca naladā jaladā tathā |
urṇā pūrṇā ca deveśi yā ca gopucchalā smṛtā || 40 ||
[Analyze grammar]

tathā tāmarasā nāma daśamī raktakoṭikā |
etāsāṃ ca mahādevi khyāto bharttā prabhākaraḥ || 41 ||
[Analyze grammar]

svarbhānunā hate sūrye patitesmindivo mahīm |
tamo'bhibhūte lokesminprabhā yena pravarttitā || || 42 ||
[Analyze grammar]

svasti testviti caivoktaḥ patanniha divākaraḥ |
brahmarṣervacanāttasya na papāta yataḥ prabhuḥ || 43 ||
[Analyze grammar]

tataḥ prabhākaretyuktaḥ prabhurevaṃ maharṣibhiḥ |
bhadrāyāṃ janayāmām somaṃ putraṃ yaśasvinam || 44 ||
[Analyze grammar]

tviṣimāndharmaputrastu somo devo varastu saḥ |
śītaraśmiḥ samutpannaḥ kṛttikāsu niśācaraḥ || 45 ||
[Analyze grammar]

pitā somasya vai devi jajñe'trirbhagavānṛṣiḥ |
tatrātriḥ sarvalokeśaṃ bhṛtvā sve nayane sthitaḥ || 46 ||
[Analyze grammar]

karmaṇā manasā vācā śubhānyeva samā carat |
kāṣṭhakuḍyaśilābhūta ūrddhvabāhurmahādyutiḥ || 47 ||
[Analyze grammar]

sudustaraṃ nāma tapastena taptaṃ mahatpurā |
trīṇi varṣasahasrāṇi divyāni surasuṃdari || 48 ||
[Analyze grammar]

tasyorddhvaretasastatra sthitasyānimiṣasya ha |
somatvaṃ vapurāpede mahābuddhestu vai śubhe || 49 ||
[Analyze grammar]

ūrddhvamācakrame tasya somasaṃbhāvitātmanaḥ |
netrābhyāṃ somaḥ susrāva daśadhā dyotayandiśaḥ || 50 ||
[Analyze grammar]

tadgarbhaṃ vidhinā dṛṣṭā diśodaśa dadhustadā |
sametya dhārayāmāsurna ca dhartumaśaknuvan || 51 ||
[Analyze grammar]

sa tābhyaḥ sahasaiveha digbhyo garbhaśca śāśvataḥ || papāta bhāvayaṃllokāñchītāṃśuḥ sarvabhāvanaḥ || 52 ||
[Analyze grammar]

yadā na dhāraṇe śaktāstasya garbhasya tāḥ striyaḥ |
tatastābhyaḥ sa śītāṃśurnipapāta vasuṃdharām || 53 ||
[Analyze grammar]

patitaṃ somamālokya brahmā lokapitāmahaḥ |
rathamāropayāmāsa lokānāṃ hitakā myayā || 54 ||
[Analyze grammar]

sa tadaiva mayā devi dharmārthaṃ satyasaṃgaraḥ |
yukto vājisahasreṇa sitena surasuṃdari || 55 ||
[Analyze grammar]

tasminnipatite devi putretreḥ paramātma ni |
tuṣṭuvurbrahmaṇaḥ putrā mānasāḥ sapta ye śrutāḥ || 56 ||
[Analyze grammar]

tathaivāṃgirasaḥ sarve bhṛgoścaivātmajāstathā |
ṛgbhistu sāmabhiścaiva tathaivāṃgirasairapi || 57 ||
[Analyze grammar]

tasya saṃstūyamānasya tejaḥ somasya bhāsvataḥ |
āpyāyamānaṃ lokāṃstrīnbhāsayāmāsa sarvaśaḥ || 58 ||
[Analyze grammar]

sa tena rathamukhyena sāgarāṃtāṃ vasuṃdharām |
triḥsaptakṛtvotiyaśāścakārābhipradakṣiṇam || 59 ||
[Analyze grammar]

tasya yaccāpi tattejaḥ pṛthivīmanvapadyata |
oṣadhyastāḥ samutpannāste jasā'jvalayanpunaḥ || 60 ||
[Analyze grammar]

tābhirdhinotyayaṃ lokaṃ prajāścaiva caturvidhāḥ |
oṣadhyaḥ phalapākāṃtāḥ kaṇāḥ saptadaśa smṛtāḥ || 61 ||
[Analyze grammar]

vrīhayaśca yavāścaiva godhūmā aṇavastilāḥ || 62 ||
[Analyze grammar]

priyaṃguḥ kovidāraśca koradūṣāḥ satīnakāḥ |
māṣā mudgā masūrāśca niṣpāvāḥ sakulatthakāḥ || 63 ||
[Analyze grammar]

āḍhakyaścaṇakāścaiva kaṇāḥ saptadaśa smṛtāḥ |
ityetā oṣadhīnāṃ ca grāmyāṇāṃ jātayaḥ smṛtāḥ || 64 ||
[Analyze grammar]

oṣadhyo yajñiyāścaiva grāmyā raṇyāścaturddaśa |
vrīhayaśca yavāścaiva godhūmāstvaṇavastilāḥ || 65 ||
[Analyze grammar]

priyaṃguṣaṣṭhā ityete saptamāstu kulatthakāḥ |
śyāmākāstvatha nīvārā jartilāḥ sagavedhukāḥ || 66 ||
[Analyze grammar]

ūruvindā markaṭakāstathā veṇuyavāśca ye |
grāmyāraṇyāstathā hyetā oṣadhyastu caturdaśa || 67 ||
[Analyze grammar]

tṛṇagulmalatā vīrudvallīgucchādi koṭiśaḥ |
eteṣāmadhipaścandro dhārayatyakhilaṃ jagat || 68 ||
[Analyze grammar]

jyotsnābhirbhagavānsomo jagato hitakāmyayā |
tatastasmai dadau rājyaṃ brahmā brahmavidāṃ varaḥ || 69 ||
[Analyze grammar]

bījauṣadhīnāṃ viprāṇāṃ maṃtrāṇāṃ ca varānane |
so'bhiṣikto mahātejā rājā rājye niśākaraḥ || 70 ||
[Analyze grammar]

trīṃllokānbhāvayāmāsa svabhāsā bhāsvatāṃ varaḥ |
taṃ sinī ca kuhūścaiva dyutiḥpuṣṭiḥ prabhā vasuḥ || 71 ||
[Analyze grammar]

kīrtirdhṛtiśca lakṣmīśca nava devyaḥ siṣevire |
saptaviṃśatiriṃdostu dākṣāyaṇyo mahāvratāḥ || 72 ||
[Analyze grammar]

dadau prācetaso dakṣo nakṣatrāṇīti yā viduḥ |
sa tatprāpya mahdrājyaṃ somaḥ somavatāṃ varaḥ || 73 ||
[Analyze grammar]

samājahre rājasūyaṃ sahasraśatadakṣiṇam |
hiraṇyagarbhaścodgātā brahmā brahmatvameyivān || 74 ||
[Analyze grammar]

sadasyastasya bhagavānharirnārāyaṇaḥ prabhuḥ |
sanatkumārapramukhairādyairbrahmarṣibhirvṛtaḥ || 75 ||
[Analyze grammar]

dakṣiṇāmadadātsomastrīṃllokāṃstu varānane |
tebhyo brahmarṣimukhyebhyaḥ sadasyebhyaśca vai śubhe || 76 ||
[Analyze grammar]

prāpyāvabhṛthamavyagraḥ sarvadevarṣipūjitaḥ |
atirājati rājendro daśadhā bhāvayandiśaḥ || 77 ||
[Analyze grammar]

tena tatprāpa duṣprāpyamaiśvaryyamakṛtā tmabhiḥ |
sa evaṃ varttate candraścātreya iti viśrutaḥ || 78 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye candrotpattivarṇanaṃnāma viṃśo'dhyāyaḥ || 20 ||
[Analyze grammar]