Chapter 14

[English text for this chapter is available]

devyuvāca |
yadetadbhavatā proktaṃ māhātmyaṃ sūryadaivatam |
tanme vistarato brūhi devadeva jagatpate || 1 ||
[Analyze grammar]

kathamarkasthalo bhūtaḥ prabhāsakṣetrabhūṣaṇaḥ |
pūjanīyo mahādevaḥ samyagyātrāphalepsubhiḥ || 2 ||
[Analyze grammar]

ke maṃtrāḥ kiṃ vidhānaṃ tu keṣu parvasu pūjayet |
jaigīṣavyeśvaro bhūtvā hyabhūtsiddheśvaraḥ katham |
tanme kathaya deveśa vistarātsarvameva hi || 3 ||
[Analyze grammar]

pātāle vivaraṃ tatra yoginyastatra kiṃ purā |
tathā mātṛgaṇaścaiva kathametadabhūtpurā || 4 ||
[Analyze grammar]

etatsarvamaśeṣeṇa dayāṃ kṛtvā jagatpate |
mamācakṣva virūpākṣa yadyahaṃ te priyā hara || 5 ||
[Analyze grammar]

īśvara uvāca |
sādhu pṛṣṭaṃ tvayā devi kathayāmi samāsataḥ |
siddheśvaro hyabhūdyena jaigīṣavyeśvaro haraḥ || 6 ||
[Analyze grammar]

pūjāvidhānaṃ vistīrya tanme nigadataḥ śṛṇu |
āsīdasminkṛte devi sarva jñānaviśāradaḥ || 7 ||
[Analyze grammar]

putraḥ śatakalākasya jaigīṣavya iti śrutaḥ |
prabhāsakṣetramāsādya sa cakre duścaraṃ tapaḥ || 8 ||
[Analyze grammar]

atiṣṭhadvāyubhakṣaśca varṣāṇāṃ śatakaṃ kila |
ambubhakṣaḥ sahasraṃ tu śākāhāro'yutaṃ tathā || 9 ||
[Analyze grammar]

cāṃdrāyaṇasahasraṃ ca kṛtaṃ sāṃtapanaṃ punaḥ |
śoṣayitvā mitāhāro digvāsāḥ samapadyata || 10 ||
[Analyze grammar]

pūrve kalpe svayaṃ bhūtaṃ mahodayamiti śrutam |
sa liṃgaṃ devadevasya pratiṣṭhāpyārcayannapi || 11 ||
[Analyze grammar]

bhasmaśāyī bhasmadigdho nṛtta gītairatoṣayat |
japena vṛṣanādaiśca tapasā bhāvitaḥ śuciḥ || 12 ||
[Analyze grammar]

tamevaṃ toṣayāṇaṃ tu bhaktyā paramayā yutam |
bhagavāṃśca tamabhyetya idaṃ vacanamabravīt || 13 ||
[Analyze grammar]

jaigīṣavya mahābuddhe paśya māṃ divyacakṣuṣā |
tuṣṭo'smi varadaścāhaṃ brūhi yatte manogatam || 14 ||
[Analyze grammar]

sa evamukto devena devaṃ dṛṣṭvā trilocanam |
praṇamya śirasā pādāvidaṃ vacanamabravīt || 15 ||
[Analyze grammar]

jaigīṣavya uvāca |
bhagavandevadeveśa mama tuṣṭo yadi prabho |
jñānayogaṃ hi me dehi yaḥ saṃsāranikṛntanam || 16 ||
[Analyze grammar]

bhagavannānyadicchāmi yogātparataraṃ hitam |
tvayi bhaktiśca nityaṃ me devyāṃ skande gaṇeśvare || 17 ||
[Analyze grammar]

na ca vyādhibhayaṃ bhūyānna ca tejo'pamānatā |
anutsekaṃ tathā kṣāṃtiṃ damaṃ śamamathāpi ca || 18 ||
[Analyze grammar]

etānvarānmahādeva tvadicchāmi trilocana || 19 ||
[Analyze grammar]

īśvara uvāca |
ajaraścāmaraścaiva sarvaśokavivarjitaḥ |
mahāyogī mahāvīryo yogaiśvaryasamanvitaḥ || 20 ||
[Analyze grammar]

prabhāvāccāsya kṣetrasya guhyasya mama śāśvatam |
yogāṣṭaguṇamaiśvaryaṃ prāpsyase paramaṃ mahat || 21 ||
[Analyze grammar]

bhaviṣyasi muniśreṣṭha yogācāryaḥ suviśrutaḥ || 22 ||
[Analyze grammar]

yaścedaṃ tvatkṛtaṃ ligaṃ niyamenārcayiṣyati |
sarvapāpavinirmukto yogaṃ divyamavāpsyati || 23 ||
[Analyze grammar]

jaigīṣavyaguhāṃ cemāṃ prāpya yogaṃ karoti yaḥ |
sa saptarātrādyuktātmā saṃsāraṃ saṃtariṣyati || 24 ||
[Analyze grammar]

māsena pūrvajātiṃ ca janmātītaṃ ca vetsyati |
ekarātrāttanuṃ śuddhāṃ dvābhyāṃ tārayate pitṝn |
trirātreṇa vyatītena tvaparānsapta tārayet || 25 ||
[Analyze grammar]

punaśca tava viprarṣe ajeyatvaṃ ca yogibhiḥ |
icchato darśanaṃ caiva bhaviṣyati ca te mama || 26 ||
[Analyze grammar]

iti devo varāndattvā tatraivāṃtaradhīyata |
etatkṛtayuge vṛttaṃ tava devi prabhāṣitam || 27 ||
[Analyze grammar]

tretāyuge mahādevi dvāpare'pi tathaiva ca |
kaliyugapraveśe tu vālakhilyā maharṣayaḥ || 28 ||
[Analyze grammar]

asminprābhāsike kṣetre sūryasthalasamīpataḥ |
ārādhayaṃto deveśaṃ guhāmadhyanivāsinam || 29 ||
[Analyze grammar]

aṣṭāśītisahasrāṇi ṛṣayaścorddharetasaḥ |
varṣāyutaṃ tapastaptvā siddhiṃ jagmustadātmikām || 30 ||
[Analyze grammar]

tataḥ siddheśvaraṃ liṃgaṃ kalau khyātaṃ varānane |
yadā somena saṃyuktā kṛṣṇā śivacaturdaśī |
tadaiva tasya devasya darśanaṃ devi durllabham || 31 ||
[Analyze grammar]

brahmāṃḍaṃ sakalaṃ dattvā yatpuṇyamupajāyate |
tatpuṇyaṃ labhate devi siddhaliṃgasya pūjanāt || 32 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye siddheśvarotpattivarṇanaṃnāma caturdaśo'dhyāyaḥ || 14 ||
[Analyze grammar]