Chapter 5

[English text for this chapter is available]

sūta uvāca |
ityevamukte vipreṃdrā śaṃkareṇa mahātmanā |
punaḥ papraccha sā devī harṣasaṃpūrṇamānasā || 1 ||
[Analyze grammar]

devyuvāca |
devadeva jagannātha sarvaprāṇahitāya vai |
prabhāsakṣetramāhātmyaṃ vistarādvada me prabho || 2 ||
[Analyze grammar]

īśvara uvāca |
anyaddṛṣṭāṃtarūpaṃ te kathayāmi yaśasvini |
yena sṛṣṭaṃ mahādevi kṣetrametanmama priyam || 3 ||
[Analyze grammar]

yā gatirdhyāyatāṃ nityaṃ niḥsaṃgānāṃ ca yoginām |
saivaṃ saṃtyajatāṃ prāṇānprabhāse tu parā gatiḥ || 4 ||
[Analyze grammar]

anekakalpasthāyī ca mārkaṃḍeyo mahātapāḥ |
so'pi devaṃ virūpākṣaṃ prabhāse tu sadā'rcati || 5 ||
[Analyze grammar]

aṭitvā sarvatīrthāni prabhāsaṃ naiva muṃcati |
durvāsāśca mahātejā liṃgasyārādhanodyataḥ |
na muṃcati kṣaṇaṃ devi tatkṣetraṃ śaśimaulinaḥ || 6 ||
[Analyze grammar]

bharadvājo marīciśca muniścoddālakastathā |
kratuścaiva vasiṣṭhaśca kaśyapo bhṛgureva ca || 7 ||
[Analyze grammar]

dakṣaścaiva tu sāvarṇiryamaścāṃgirasastathā |
śuko vibhāṃḍakaścaiva ṛṣyaśṛṃgo'tha gobhilaḥ || 8 ||
[Analyze grammar]

gautamaśca ṛcīkaśca agastyaḥ śaunako mahān |
nārado jamadagniśca viśvāmitro'tha lomaśaḥ || 9 ||
[Analyze grammar]

anye ca ṛṣayaścaiva divyā devarṣayastathā |
na muṃcaṃti mahākṣetraṃ liṃgasyārādhanodyatāḥ || 10 ||
[Analyze grammar]

ahaṃ tatraiva tiṣṭhāmi liṃgārādhanatatparaḥ |
na muṃcāmi mahākṣetraṃ satyaṃsatyaṃ varānane || 11 ||
[Analyze grammar]

sarvatīrthāni deveśi mayā dṛṣṭāni bhūtale |
prabhāsena samaṃ kṣetraṃ naiva dṛṣṭaṃ kadācana || 12 ||
[Analyze grammar]

devi ṣaṣṭisahasrāṇi yājñavalkyapuraskṛtāḥ |
japaṃ kurvaṃti rudrāṇāṃ candrabhāgāṃ vyavasthitāḥ || 13 ||
[Analyze grammar]

catvāriṃśatsahasrāṇi ṛṣīṇāmūrddhvaretasām |
devikātaṭamāśritya japaṃti śatarudriyam || 14 ||
[Analyze grammar]

koṭayaścaiva paṃcāśanmunīnāmūrddhvaretasām |
umāpatiṃ samāsādya liṃgaṃ tatraiva saṃsthitam || 15 ||
[Analyze grammar]

rudrāṇāṃ koṭi jāpyaṃ tu kṛtaṃ tatraiva taiḥ purā |
koṭistatraiva saṃsiddhāstasmiṃlliṃge na saṃśayaḥ || 16 ||
[Analyze grammar]

śataṃ caiva sahasrāṇāṃ deveśaṃ śaśibhūṣaṇam |
pūjayaṃti mahāsiddhā mama kṣetraniṣeviṇaḥ || 17 ||
[Analyze grammar]

vedāṃteṣu ca yatproktaṃ phalaṃ caiva maharṣibhiḥ |
tatphalaṃ sakalaṃ tatra caṃdrabhūṣaṇadarśanāt || 18 ||
[Analyze grammar]

agnitīrthe ṛṣīṇāṃ tu koṭiḥ sāgrā sthitā śubhe |
rudreśvare smṛtaṃ lakṣaṃ kaṃparddīśe tathaiva ca || 19 ||
[Analyze grammar]

ratneśvare sahasraṃ tu ṛṣīṇāmūrddhvaretasām |
arkasthale mahāpuṇye koṭiḥ sāgrā sthitā śubhe || 20 ||
[Analyze grammar]

ṣaṣṭiścaiva sahasrāṇi tatra siddheśvare sthitāḥ |
sapta caiva sahasrāṇi mārkaṃḍeye tu saṃsthitāḥ || 21 ||
[Analyze grammar]

sarasvatyāṃ brahmakuṇḍe'saṃkhyātā munayaḥ smṛtāḥ |
daśārbudasahasrāṇi koṭitritayameva ca || 22 ||
[Analyze grammar]

ṛṣayastatra tiṣṭhaṃti yatra prācī sarasvatī |
brahmahatyā gatā yatra śaṃkarasya ca tatkṣaṇāt || 23 ||
[Analyze grammar]

kāyaḥ suvarṇatāṃ prāpa kapālaṃ patitaṃ karāt |
jñātvaivaṃ śaṃkinā pūrvaṃ kṛtaṃ tatra mahātapaḥ || 24 ||
[Analyze grammar]

tuṣṭaḥ śrīśaṃkaro devo liṃga vāsavareṇa tu |
koṭiyajñaphalaṃ snāne prācyāṃ liṃgasya pūjane || 25 ||
[Analyze grammar]

piṃḍe gayāśataguṇamamāsomayute dine |
bhūtāyāṃ piṃḍadastatra kulakoṭiṃ samuddharet || 26 ||
[Analyze grammar]

ye cātra malanāśāya nimaṅkṣyaṃti ca mānavāḥ |
daśagodānajaṃ puṇyaṃ teṣāmapi bhaviṣyati || 27 ||
[Analyze grammar]

pādena vā krīḍamānā jalaṃ lipsaṃti ye narā |
teṣāmapi śrāddhaphalaṃ vidhivatsaṃbhaviṣyati |
tatra liṃgāni pūjyāni śūlabhedādikāni tu || 28 ||
[Analyze grammar]

evaṃ vikalpya liṃgāni aśvamedha phalāni tu |
darśanenāpi sarveṣāṃ sparśāddhi dviguṇaṃ phalam || 29 ||
[Analyze grammar]

evaṃ tuṣṭo jagannāthaḥ sthitaḥ prācīvane dhruvam |
mano'pi ye kariṣyaṃti snānadāneṣu kā kathā || 3 ||
[Analyze grammar]

teṣāṃ tuṣṭo jagannāthaḥ śaṃkaro nīlalohitaḥ |
triṃśatkoṭigaṇastatra prācīṃ rakṣaṃti sarvataḥ || 31 ||
[Analyze grammar]

mahāpāpasamācāraḥ pāpiṣṭho vā'ti kilbiṣī |
ghuṇākṣaramiva prāṇānprācyāṃ muktvā śivaṃ vrajet || 32 ||
[Analyze grammar]

dadhikaṃbaladānaṃ tu tatra deyaṃ dvijottame |
kathitaṃ pāpaśamanaṃ sārātsārataraṃ dhruvam || 33 ||
[Analyze grammar]

adhunā saṃpravakṣyāmi hiraṇyāśca mahodayam |
durvāsasā tapastaptaṃ tatra sūryaḥ pratiṣṭhitaḥ || 34 ||
[Analyze grammar]

koṭirekā tu tatraiva ṛṣīṇāmūrddhvaretasām |
caturviṃśatitattvānāmadhiko balarūpadhṛk || 35 ||
[Analyze grammar]

yatra tiṣṭhati deveśi bhṛgukoṭisamanvitaḥ |
anyatra brāhmaṇānāṃ tu koṭyā yacca phalaṃ labhet || 36 ||
[Analyze grammar]

brahmasthāne tathaikena bhojitena tu tatphalam |
evaṃ jñātvā mahādevi tatra tiṣṭhāmi nirvṛtaḥ |
koṭirbhirdevaṛṣibhirdevaiḥ saha samāvṛtaḥ |
tīrthāni tatra tiṣṭhaṃti aṃtarbhūtāni vai kalau || 38 ||
[Analyze grammar]

tatra kṣetre mahāramye yatra someśvaraḥ sthitaḥ |
mama devi gaṇau dvau tu vibhramaḥ saṃbhramaḥ paraḥ || 39 ||
[Analyze grammar]

tau cātra kṣetrasaṃsthānāṃ lokānāṃ bhramavibhramaiḥ |
yojayaṃti sadā cittaṃ vikalpānaikyasaṃkulam || 40 ||
[Analyze grammar]

vināyakopasargāśca daśa doṣāstathā pare |
evaṃ kṣetraṃ tu rakṣaṃti pāpināṃ duṣṭacetasām || 41 ||
[Analyze grammar]

daṃḍapāṇiṃ tu ye bhaktyā paśyaṃtīha narottamāḥ |
na teṣāṃ jāyate vighnaṃ tatra kṣetranivāsinām || 42 ||
[Analyze grammar]

brāhmaṇāḥ kṣatriyā vaiśyāḥ śūdrā vai varṇasaṃkarāḥ |
akāmā vā sakāmā vā prabhāse ye mṛtāḥ śubhe || 43 ||
[Analyze grammar]

caṃdrārddhamaulinaḥ sarve lalāṭākṣā vṛṣadhvajāḥ |
śive mama pure divye jāyaṃte tatra mānavāḥ || 44 ||
[Analyze grammar]

yastatra vasate vipraḥ saṃyatātmā samāhitaḥ |
trikālamapi bhuṃjāno vāyubhakṣasamo bhavet || 45 ||
[Analyze grammar]

meroḥ śakyā guṇā vaktuṃ dvīpānāṃ ca guṇāstathā |
samudrāṇāṃ ca sarveṣāṃ śakyā vaktuṃ guṇāḥ priye || 46 ||
[Analyze grammar]

ādidevasya deveśi maheśasya mahāprabhoḥ |
śakyā naiva guṇā vaktuṃ varṣākoṭiśatairapi || 47 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kṣetrastharṣidevagaṇavarṇanaṃ nāma paṃcamo'dhyāyaḥ || 5 ||
[Analyze grammar]