Chapter 278

[English text for this chapter is available]

sūta uvāca |
ye cānye bhāskarā statra saṃti brāhmaṇasattamāḥ |
hāṭakeśvaraje kṣetre yājñavalkyapratiṣṭhitāḥ || 1 ||
[Analyze grammar]

yastānpūjayate bhaktyā hṛdi kṛtvā'bhivāṃchitān |
saptamyāṃ caiva saptamyāṃ labhate nātra saṃśayaḥ || 2 ||
[Analyze grammar]

ṛṣaya ucuḥ |
eka eva sthitaḥ sūryo dṛśyate ca nabhastale |
tatkathaṃ dvādaśaite ca tatra kṣetre pratiṣṭhitāḥ |
kasminkāle tathā kṛtye kimarthaṃ sūtanandana || 3 ||
[Analyze grammar]

sūta uvāca |
āsītpūrvaṃ kṛtirnāma śunaḥśepasamudbhavaḥ || 4 ||
[Analyze grammar]

tasya putraḥ śunaḥ putro babhūva munisattamaḥ |
cārāyaṇaḥ sutastasya vabhūva munisattamaḥ || 5 ||
[Analyze grammar]

kasyacittvatha kālasya brahmā loka pitāmahaḥ |
sāvitrīśāpanirdagdho hyavatīrṇo dharātale || 6 ||
[Analyze grammar]

gāyatrī ca yadā viprāstenoḍhā yajñakarmaṇi |
prāksthitāṃ ca parityajya sarvadevasamāgame |
kālātyayo bhavennaiva sāvitryāgamane sthire || 7 ||
[Analyze grammar]

tatastasya samādeśādgāyatrī gopakanyakā |
śakreṇa ca samānītā divyalakṣaṇalakṣitā || 8 ||
[Analyze grammar]

gopakanyāṃ ca tāṃ jñātvā gośca vaktreṇa padmajaḥ |
praveśyākarṣayāmāsa guhyena ca tataḥ param || 9 ||
[Analyze grammar]

brāhmaṇānāṃ gavāṃ caiva kulamekaṃ dvidhā sthitam |
ekatra mantrāstiṣṭhaṃti havirekatra saṃsthitam || 10 ||
[Analyze grammar]

tena tāṃ brāhmaṇīṃ kṛtvā paścāttasyāḥ parigraham |
gṛhyoktavidhinā cakre puraḥstho'pi pitāmahaḥ || 11 ||
[Analyze grammar]

patnīśālopaviṣṭāyāṃ tatastasyāṃ dvijottamāḥ |
sāvitrī samanuprāptā devapatnībhirāvṛtā || 12 ||
[Analyze grammar]

tatastāṃ sā samālokya raśanāsamalaṃkṛtām |
daurbhāgyaduḥkhamāpannā śaśāpa ca vidhiṃ tataḥ || 13 ||
[Analyze grammar]

sāvitryuvāca |
yasmāttvayā parityaktā nirdoṣāhaṃ pitāmaha |
pitāmaho'si me nūnamadyaprabhṛti saṃgame || 14 ||
[Analyze grammar]

manuṣyāṇāṃ bhavetkṛtyamanyanārīparigrahaḥ |
etattvayā kṛtaṃ yasmānmā nuṣastvaṃ bhaviṣyasi || 15 ||
[Analyze grammar]

kāmārtaśca viśeṣeṇa mama vākyādasaṃśayam || 16 ||
[Analyze grammar]

evamuktvā tu sāvitrī tyaktvā taṃ yajñamaṃḍapam |
gireḥ śikharamārūḍhā tapaścakre mahattataḥ || 17 ||
[Analyze grammar]

pitāmaho'pi tacchāpāccārāyaṇaniveśane |
avatīrṇo dharāpṛṣṭhe kālena mahatā tataḥ || 18 ||
[Analyze grammar]

sa yadā yauvanaṃ bheje mānuṣaṃ ca purā sthitaḥ |
tathātathā ca tāpena kāmotthena prapīḍyate || 19 ||
[Analyze grammar]

tato'sau vīkṣate nārīṃ kanyāṃ vātha tapasvinīm |
avikalpamanā bheje rūpasaubhāgyagarvitaḥ || 20 ||
[Analyze grammar]

tatastaṃ byasanārtaṃ ca dṛṣṭvā cārāyaṇo muniḥ |
svayaṃ niḥsārayāmāsa prakopena nijāśramāt || 21 ||
[Analyze grammar]

sa ca pitrā parityakto bhramamāṇastatastataḥ |
camatkārapuraṃ prāptaḥ śākalyo yatra tiṣṭhati || 22 ||
[Analyze grammar]

nāmnā brāhmaṇaśārdūlo nāgaro vedapāragaḥ |
vṛtaḥ śiṣya sahasreṇa vedavidyāṃ pracārayan || 23 ||
[Analyze grammar]

atha taṃ sa praṇamyoccaiḥ śiṣyatvaṃ samupāgataḥ |
vedādhyayanasaṃpanno babhūvātha cirādapi || 24 ||
[Analyze grammar]

etasminneva kāle nu ānartādhipatiḥ svayam |
āgatastiṣṭhate yatra jalaśāyī hariḥ svayam || 25 ||
[Analyze grammar]

cāturmāsyavrataṃ tena gṛhītaṃ tatpurastadā |
prārthitastu tato viprāḥ śākalyastaina bhūbhujā || 26 ||
[Analyze grammar]

śāṃtikaṃ pauṣṭikaṃ nityaṃ tvayā kāryaṃ mamālaye |
yāvattiṣṭhāmyahaṃ cātra prasādaḥ kriyatāmiti || 27 ||
[Analyze grammar]

bāḍhamityeva sa proktvā dākṣiṇyena dvijottamāḥ |
ekaikaṃ preṣayāmāsa svaśiṣyaṃ tasya maṃdire || 28 ||
[Analyze grammar]

sa śāṃtikaṃ vidhāyātha dattvāśīḥ pārthivasya ca |
saṃprāpya dakṣiṇāṃ tasmātpunareti ca taṃ dvijam || 29 ||
[Analyze grammar]

śākalyāya ca tāṃ dattvā dakṣiṇāṃ nijamaṃdire |
jagāma nityamevaṃ hi vyavahāro vyavasthitaḥ || 30 ||
[Analyze grammar]

anyasminnahani prāpte śākalyena visarjitaḥ |
śāṃtyarthaṃ yājñavalkyastu pārthivasyaniveśanam || 31 ||
[Analyze grammar]

tasya bhūpasya rūpāḍhayā maṃtharāsti vilāsinī |
rātrau ca kāmitā tena kāmāḍhayena sukāminī || 32 ||
[Analyze grammar]

bhāvairvātsyāyanaproktaiḥ samāliṃganapūrvakaiḥ |
sa tayā vividhaiḥ kṛtto mayūrapadakādibhiḥ |
śarīre cādhare caiva tathā maṇipravālakaiḥ || 33 ||
[Analyze grammar]

saṃprāpto'dhyayanārthāya yāvacchākalyasannidhau |
tāvatsaṃpreṣitastena śāṃtyarthaṃ bhūpamaṃdire || 34 ||
[Analyze grammar]

so'pi saṃpreṣitastena gatvā taṃ pārthivālayam |
śāṃtikaṃ ca tataścakre yathoktavidhinā dvijāḥ || 35 ||
[Analyze grammar]

śāṃtikasyāvasāne tu pragṛhya kalaśodakam |
paṃcāṃgaiḥ kalpitaṃ rudraiḥ svayamevābhimaṃtritaiḥ || 36 ||
[Analyze grammar]

sākṣataṃ sumanoyuktaṃ samādāya gatastataḥ |
saṃtiṣṭhate nṛpo yatra ānarto tratasaṃyutaḥ || 37 ||
[Analyze grammar]

dyāmālekhīti maṃtraṃ sa proccārya vidhipūrvakam |
chaṃdarṣisahitaṃ caiva yāvatkṣipati mastake |
tāvannirīkṣitastena nakhalekhāvikartitaḥ || 38 ||
[Analyze grammar]

khaṃḍitenādhareṇaiva tato'bhūddurmanā nṛpaḥ || 39 ||
[Analyze grammar]

viṭaprāyaṃ tu taṃ dṛṣṭvā malināṃbaradhāriṇam |
taṃ provāca vihasyoccai dehi viprā'kṣatāñjalam || 40 ||
[Analyze grammar]

maṃdurāyāṃ sthitaṃ yacca kāṣṭhametatpradṛśyate |
yājñavalkyastato dṛṣṭvā sakopastamupādravat || 41 ||
[Analyze grammar]

kṣiptvā tatra jalaṃ viprāḥ sākṣataṃ gṛhamāgamat |
agṛhya dakṣiṇāṃ tasya pārthivasya yathāsthitām || 42 ||
[Analyze grammar]

etasminnaṃtare tasya dhavakāṣṭhasya sarvataḥ |
niṣkrāṃtā vividhāḥ śākhāḥ pallavaiḥ samalaṃkṛtāḥ || 43 ||
[Analyze grammar]

taddṛṣṭvā vismitaḥ so'tha ānartādhipatirnṛpaḥ |
paścāttāpaṃ paraṃ cakre dhiṅmayaivamanuṣṭhitam || 44 ||
[Analyze grammar]

sa nūnaṃ vibudhaḥ ko'pi viprarūpeṇa saṃgataḥ |
yenedṛśaḥ prabhāvo'yaṃ tasya maṃtrasya saṃsthitaḥ || 45 ||
[Analyze grammar]

yadyahaṃ pratigṛhṇāmi tasya mantroditaṃ jalam |
jarāmaraṇahīnastu tadbhavābhi na saṃśayaḥ || 46 ||
[Analyze grammar]

evaṃ ciṃtayatastasya taddinaṃ vismitasya ca |
pārthivasya dvijaśreṣṭhā jātaṃ varṣaśatopamam || 47 ||
[Analyze grammar]

divase tu samākrāṃte kathaṃcittasya bhūpateḥ |
vibhāvarī kṣayaṃ yāti kathaṃcinnaiva śāradī || 48 ||
[Analyze grammar]

tataḥ prabhātasamaye samutthāya mahīpatiḥ |
āhvayāmāsa śākalyaṃ puruṣairāptakāribhiḥ || 49 ||
[Analyze grammar]

tataḥ provāca vinayātsādaraṃ prāṃjaliḥ sthitaḥ |
kalye śiṣyaḥ samāyāto yastvadīyo mamāṃtikam || 50 ||
[Analyze grammar]

śāṃtyarthaṃ preṣaṇīyastu so'dyāpi ca dvijottama |
tasyopari parā bhaktirmama jātā'dya kevalam || 51 ||
[Analyze grammar]

sa tatheti pratijñāya gatvā'tha nijamandiram |
provāca yājñavalkyaṃ ca śāṃtyarthaṃ ślakṣṇayā girā || 582 ||
[Analyze grammar]

gaccha vatsa tvamadyaiva pārthivasya niveśanam |
śāṃtyarthaṃ tena bhūyo'pi tvamevāśunimaṃtritaḥ || 53 ||
[Analyze grammar]

yājñavalkya uvāca |
nāhaṃ yāsyāmi taddharmye śāṃtyarthaṃ dvijapuṃgava |
anādareṇa dṛṣṭo'haṃ nāśīrme ca samāhṛtā || 54 ||
[Analyze grammar]

kāṣṭhopari mayā dattā tasya vākyādasaṃśayam |
tasmātpreṣaya cānyaṃ tvaṃ guro śiṣyaṃ vicakṣaṇam |
ānartaṃ raṃjayedyastu vivekena samanvitam || 55 ||
[Analyze grammar]

śākalya uvāca |
rājā'deśaḥ sadā kāryaḥ puruṣairdeśavāsibhiḥ |
yogakṣemavidhānāya tathā lābhāya kevalam || 56 ||
[Analyze grammar]

pratikūlo bhavedyastu pāthivānāṃ sa mandadhīḥ |
na tasya jāyate saukhyaṃ kathaṃciddvijasattama || 57 ||
[Analyze grammar]

ye jātyādi mahotsekānna nareṃdrānupāsate |
teṣāmāmaraṇaṃ bhikṣā prāyaścittaṃ vinirmitam || 58 ||
[Analyze grammar]

evaṃ tayorvivadatostadā vai guruśiṣyayoḥ |
bhūyo'pi tatra saṃprāptāḥ puruṣāḥ pārthiveritāḥ || 59 ||
[Analyze grammar]

procuśca tvarayā yuktāḥ śākalyaṃ prāṃjalisthitāḥ |
śiṣyaṃ taṃ preṣaya kṣipraṃ rājā mārgaṃ pratīkṣate || 60 ||
[Analyze grammar]

asakṛtprocyamāno'pi yadā gacchati naiva saḥ |
tadā saṃpreṣayāmāsa uddālakamathāruṇim || 61 ||
[Analyze grammar]

śiṣyaṃ vinayasaṃpannaṃ kṛtāṃjalipuṭaṃ sthitam |
gaccha vatsa samādeśātsāṃprataṃ nṛpamaṃdiram || 62 ||
[Analyze grammar]

śāṃtikarma vidhāyātha svādhyāyaṃ ca tataḥ kuru || 63 ||
[Analyze grammar]

sa tatheti pratijñāya gatvā taṃ pārthivālayam |
cakāra śāṃtikaṃ karma vidhidṛṣṭena karmaṇā || 64 ||
[Analyze grammar]

tataḥ kalaśatoyaṃ sa sākṣataṃ sumanonvitam |
gṛhītvopādravattatra yatra rājā vyavasthitaḥ || 65 ||
[Analyze grammar]

rājovāca |
svakīyamantraliṃgena abhiṣekaṃ tu yaccha bhoḥ |
kāṣṭhasyāsya yadagre te protthitaṃ tiṣṭhate dvija || 66 ||
[Analyze grammar]

tatastena śubhaṃ maṃtraṃ procyābhīṣṭaṃ jalaṃ svayam |
abhiṣicya ca tatkāṣṭhaṃ tataśca svagṛhaṃ yayau || 67 ||
[Analyze grammar]

tāvadrūpaṃ ca tatkāṣṭhaṃ dṛṣṭvā'narto mahīpatiḥ |
viṣādasahitaścaiva paścāttāpasamanvitaḥ || 68 ||
[Analyze grammar]

bhūyastu preṣayāmāsa yājñavalkyakṛte tadā |
anyaṃ dūtaṃ vidagdhaṃ ca śākalyasya dvijāśrayam || 69 ||
[Analyze grammar]

vedanā kāyasaṃsthā me vartate dvijasattama |
śāṃtyarthaṃ preṣayā kṣipraṃ taṃ śiṣyaṃ pūrvasaṃcitam || 70 ||
[Analyze grammar]

apamānaṃ kṛtaṃ tasya mayā kalye dvijottama |
tena me sahasā vyādhirāśīrvādamanicchataḥ || 71 ||
[Analyze grammar]

tasmātpreṣaya me śīghraṃ yena me svasthatā bhavem |
asakṛtprocyamāno'pi yadā naiva sa gacchati || 72 ||
[Analyze grammar]

yājñavalkyastataḥ śiṣyamanyaṃ provāca sādaram |
tatastaṃ madhukaṃ paigyaṃ preṣayāmāsa tadgṛhe || 73 ||
[Analyze grammar]

tenāpi vihitaṃ tacca yathoddālakanirmitam |
āśīrvādo nṛpoddeśāddattaḥ kāṣṭhasya tasya ca || 74 ||
[Analyze grammar]

tadrūpamapi tatkāṣṭhaṃ dṛṣṭvā bhūyo'pi pārthivaḥ |
anyaṃ saṃpreṣayāmāsa yājñavalkyakṛte naram || 79 ||
[Analyze grammar]

asakṛtprocyamāno'pi yājñavalkyo vrajenna hi |
yadā tadā bahuguṇamanyaṃ śiṣyaṃ pradiṣṭavān || 76 ||
[Analyze grammar]

pracūḍaṃ bhāgavittiṃ ca so'pi gatvā yathā purā |
cakāra śāṃtikaṃ karma yathā tābhyāṃ purā kṛtam || 77 ||
[Analyze grammar]

tataḥ śāṃtyudakaṃ tasminprākṣipaccaiva dāruṇi |
maṃtravacca tathāpyeva tadrūpaṃ ca vyavasthitam || 78 ||
[Analyze grammar]

tataḥ svayaṃ yayau rājā śākalyasya niveśanam |
yājñavalkyasya mantrārthaṃ paścāttāpasamanvitaḥ || 79 ||
[Analyze grammar]

praṇamya sa dvijaśreṣṭhaḥ śākalyaṃ ca dvijottamam |
śāṃtyarthaṃ mama harmye tvaṃ kalye śiṣyaṃ samādiśa |
yena me jāyate śāṃtiḥ śarīrasya dvijottama || 80 ||
[Analyze grammar]

tataḥ provāca śākalyo yājñavalkyaṃ dvijottamāḥ |
bhūyo'pi śṛṇvatastasya ānartasya mahīpateḥ || 81 ||
[Analyze grammar]

yājñavalkya drutaṃ gaccha mamādeśānnṛpālayam |
rājñosya roganāśāya śāṃtikaṃ kuru putraka || 82 ||
[Analyze grammar]

yājñavalkya uvāca |
nāhaṃ tatra gamiṣyāmi guro maivaṃ bravīhi mām |
apamānaḥ kṛto'nena guro mama mahībhujā || 83 ||
[Analyze grammar]

tasya tadvacanaṃ śrutvā sa kopaṃ paramaṃ gataḥ |
abravīdbhartsamānastu yājñavalkyaṃ tataḥ param || 84 ||
[Analyze grammar]

ekamapyakṣaraṃ yastu guruḥ śiṣye nivedayet |
pṛthivyāṃ nāsti taddravyaṃ yaddattvā cānṛṇī bhavet || 85 ||
[Analyze grammar]

yasmāttvaṃ śiṣyatāṃ gatvā mama vākyaṃ karoṣi na |
tasmāttvāṃ yojayiṣyāmi brahma śāpena sāṃpratam || 86 ||
[Analyze grammar]

yājñavalkya uvāca |
anyāyena hi cecchāpaṃ guro mama pradāsyasi |
ahamapyeva dāsyāmi pratiśāpaṃ tavādhunā || 87 ||
[Analyze grammar]

gurorapyavaliptasya kāryākāryamajānataḥ |
utpathe vartamānasya parityāgo vidhīyate || 88 ||
[Analyze grammar]

tasmāttvaṃ hi mayā tyaktaḥ sāṃprataṃ hi na me guruḥ |
aviśaṣeṇa śiṣyārthaṃ yadādeśaṃ prayacchasi || 89 ||
[Analyze grammar]

yāvaṃtaste sthitāḥ śiṣyāstāvadbhirdivasairaham |
tavādeśaṃ kariṣyāmi nocedyāsyāmi dūrataḥ || 90 ||
[Analyze grammar]

śākalya uvāca |
yadi gacchasi cānyatra tattvaṃ vidyāṃ parityaja |
yāṃ mayā pāṭhitaḥ pāpa vraja paścātkuśiṣya bhoḥ || 91 ||
[Analyze grammar]

mayābhimaṃtritaṃ toyaṃ kṣurikāmuṇḍasaṃbhavam |
piba tasyāḥ prabhāveṇa śīghrameva tyajiṣyasi |
jaṭharānmāmakīṃ vidyāṃ tvayādhītā purā tu yā || 92 ||
[Analyze grammar]

evamuktvā sa cāmaṃtrya maṃtrairātharvaṇairjalam |
pānāya pradadau tasmai vāṃtyarthaṃ sadvijottamaḥ || 93 ||
[Analyze grammar]

yājñavalkyo'pi tatpītvā jalaṃ tenābhimaṃtritam |
vāṃtiṃ kṛtvā sahānnena tadvidyāṃ tāṃ parityajat || 94 ||
[Analyze grammar]

tato mūḍhatvamāpanno viśvāmitrahradaṃ śubham |
gatvā snāto vidhānena śuci rbhūtvā samāhitaḥ || 95 ||
[Analyze grammar]

cakāra mūrtīstā bhaktyā raverdvādaśasaṃkhyayā |
pratiṣṭhāpya tataḥ sarvāḥ pūjayāmāsa bhaktitaḥ || 96 ||
[Analyze grammar]

dhātā mitro'ryamā śakro varuṇaḥ sāṃba eva ca |
bhago vivasvānpūṣā ca savitā daśamastathā |
ekādaśastathā tvaṣṭā viṣṇurdvādaśa ucyate || 97 ||
[Analyze grammar]

evaṃ dvādaśadhā sūryaḥ sthāpito'tra vipaścitā |
ārādhitastato nityaṃ gandhapuṣpānulepanaiḥ || 98 ||
[Analyze grammar]

tataḥ kālena mahatā gatvā pratyakṣatāṃ raviḥ |
provāca sundaraṃ prītyā vākyametanmuniṃ prati || 99 ||
[Analyze grammar]

yājñavalkya pratuṣṭo'haṃ tava brāhmaṇasattama |
iṣṭaṃ dadāmi te brūhi yadyatsaṃprati vāṃchitam || 100 ||
[Analyze grammar]

yājñavalkya uvāca |
varaṃ dadāsi cenmahyaṃ vedapāṭhe niyojaya |
māṃ vibho yena śiṣyatvaṃ tava gacchāmi sāṃpratam || 101 ||
[Analyze grammar]

āditya uvāca |
mayā paryaṭanaṃ kāryaṃ sadaiva dvijasattama |
meroḥ pradakṣiṇārthāya lokālokakṛte dvija || 102 ||
[Analyze grammar]

tatkathaṃ yojayāmi tvāṃ vedapāṭhena sa dvija || 103 ||
[Analyze grammar]

tasmāttvaṃ laghutāṃ gatvā mama mukhyahayasya ca |
śravaṇe tiṣṭha madvākyāttejasā caiva yena me || 104 ||
[Analyze grammar]

na dahyasi mahābhāga tatra stho'dhyayanaṃ kuru |
sa tatheti pratijñāya praviśyādityavājinaḥ || 105 ||
[Analyze grammar]

karṇe'paṭhattato vedāṃścaturo'pi ca tanmukhāt |
aṃgopāṃgasamopetānpariśiṣṭasamanvitān || 106 ||
[Analyze grammar]

tataḥ samāpte sa prāha prārthayasva vibho hi mām |
pradāsyāmi na sandehastavādya gurudakṣiṇām || 107 ||
[Analyze grammar]

āditya uvāca |
yāni sūktāni ṛgvede madīyāni dvijottama |
sāvanāni yajurvede sāmāni ca tṛtīyake || 108 ||
[Analyze grammar]

kalpoktāni caturthe ca tāni sarvāṇi bhūtale |
tvayā pracāraṇīyāni kṛtvā vyākhyānamuttamam || 9 ||
[Analyze grammar]

ye dvijāstāni sarvāṇi kīrtayiṣyaṃti me puraḥ |
te sarve pāpa nirmuktāḥ prayāsyaṃti divālayam || 110 ||
[Analyze grammar]

vyākhyāsyaṃti punarye ca mama bhaktiparāyaṇāḥ |
te yāsyaṃti dvijā muktiṃ satyametanmayoditam || 111 ||
[Analyze grammar]

sūta uvāca |
evaṃ vedānpaṭhitvā sa pradattvā gurudakṣiṇām |
sūryāyābhyāgato bhūyaścamatkārapuraṃ prati || 112 ||
[Analyze grammar]

tataḥ śākalyamabhyetya gurustvaṃ prāṅ mama sthitaḥ |
prārthayasva mahābhāga dāsyāmi gurudakṣiṇām || 113 ||
[Analyze grammar]

jyeṣṭho bhrātā pitā caiva mātā caiva gurustathā |
vairuddhyenāpi vartaṃte yadyete dvijasatama |
tathāpi pūjanīyāśca puruṣeṇa na saṃśayaḥ || 114 ||
[Analyze grammar]

sāṃgopāṃgā mayādhītā vedāścatvāra eva ca |
adhītāścaiva sarveṣāṃ teṣāmartho'vadhāritaḥ || 115 ||
[Analyze grammar]

tattvaṃ vada mahābhāga kāṃ te yacchāmi dakṣiṇām || 116 ||
[Analyze grammar]

śākalya uvāca |
yāni vedarahasyāni sūryeṇa kathitāni te || 117 ||
[Analyze grammar]

yaiḥ syātpāpapraṇāśaśca vyākhyātaiḥ paṭhitaistathā |
tāni me kīrtaya kṣiprameṣā me gurudakṣiṇā || 118 ||
[Analyze grammar]

yājñavalkya uvāca |
tadāgaccha mayā sārdhaṃ yatra sūryāḥ pratiṣṭhitāḥ |
mayā dvādaśa teṣāṃ ca kīrtayiṣyāmi cātrataḥ || 119 ||
[Analyze grammar]

tacchrutvā śiṣyasaṃyuktaḥ śākalyastaiśca saddvijaiḥ |
śiṣyaistiṣṭhanti ye tatra sthāpitāstena bhāskarāḥ || 120 ||
[Analyze grammar]

tatastu kīrtayāmāsa vyākhyānaṃ tatpuraḥ sthitaḥ |
vedāntānāṃ ca sarveṣāṃ yathoktaṃ raviṇā purā || 121 ||
[Analyze grammar]

avasāne ca teṣāṃ tu catuścaraṇasaṃbhavaiḥ |
brāhmaṇairyājñavalkyastu vedāntajñaiḥ pratoṣitaḥ || 122 ||
[Analyze grammar]

proktastava prasādena vedāṃtajñā vayaṃ sthitāḥ |
śrutādhyayanasaṃpannā yācasva gurudakṣiṇām || 123 ||
[Analyze grammar]

yājñavalkya uvāca |
eteṣāṃ bhāskarāṇāṃ ca madīyānāṃ puro dvijāḥ |
kīrtayiṣyaṃti ye viprāsteṣāṃ yuṣmatprasādataḥ |
bhūyā svargagatirviprā eṣā me guru dakṣiṇā || 124 ||
[Analyze grammar]

ye punarbhaktisaṃyuktāḥ kariṣyaṃti vicāraṇam |
teṣāṃ turyapadaṃ yacca jarāmaraṇavarjitam || 125 ||
[Analyze grammar]

brāhmaṇā ūcuḥ |
bhaviṣyati kalau viprā dausthyabhāvasamanvitāḥ |
paṭhane naiva śaktāśca vyākhyānasya ca kā kathā || 126 ||
[Analyze grammar]

tasmātsārasvataṃ brūhi vedānāṃ dvijasattama |
api dausthyasamāyuktā yena te kīrtayaṃti ca || 127 ||
[Analyze grammar]

yājñavalkya uvāca |
rathaṃ yuñjaṃti sūktaṃ yatprathamaṃ vittalakṣaṇam |
triṣṭubheti ca yatsūktaṃ tathādyaṃ brāhmaṇottamāḥ || 1293 ||
[Analyze grammar]

citraṃ devānāmiti ca tathānyattasya vallabham |
haṃsaḥ śuciṣadityuktaṃ tataścāpi praharṣadam || 129 ||
[Analyze grammar]

pāvamānaṃ tathā sūktaṃ ye paṭhiṣyaṃti bahvṛcaḥ |
ityeṣāmādyamevaṃ tu te yāsyaṃti parāṃ gatim || 130 ||
[Analyze grammar]

ekaviṃśatisāmāni ādityeṣṭāni yāni ca |
sāmagāḥ kīrtayiṣyaṃti ye'trasthāḥ śucayaḥ sthitāḥ || 131 ||
[Analyze grammar]

niścayaṃ tu paraṃ dhṛtvā ye'pi stoṣyaṃti bhāskaram |
tataste'pi prayāsyaṃti nirbhidya ravimaṃḍalam || 132 ||
[Analyze grammar]

kṣurikāsaṃpuṭaṃ caiva sūryakalpaṃ tathaiva ca |
śāṃtikalpasamāyuktaṃ kīrtayiṣyaṃti ye dvijāḥ || 133 ||
[Analyze grammar]

atharvapāṭhakāste'pi prayāsyaṃti parāṃ gatim |
mūrkhā api samāgatya saṃprāpte sūryavāsare || 134 ||
[Analyze grammar]

praṇāmaṃ ye kariṣyaṃti śraddhayā parayā yutāḥ |
saptarātrakṛtātpāpānmuktiṃ prāpsaṃti te dvijāḥ || 135 ||
[Analyze grammar]

sūta uvāca |
tatheti taiḥ pratijñāte catuścaraṇasaṃbhavaiḥ |
brāhmaṇairyājñavalkyastu vijñāto yena kena tu || 136 ||
[Analyze grammar]

videhena tataḥ prāptaḥ śravaṇārthaṃ narādhipaḥ |
vedāṃtānāṃ ca sarveṣāṃ ratnākhyena mahībhujā || 137 ||
[Analyze grammar]

tenāpi ca parijñāya māhātmyaṃ sūryasaṃ bhavam |
tataḥ saṃsthāpitaḥ sūryastasminsthāne dvijottamāḥ || 138 ||
[Analyze grammar]

taṃ cāpi sūryavāreṇa yaḥ prapaśyati mānavaḥ |
saptarātrakṛtātpāpānmucyate nātra saṃśayaḥ || 139 ||
[Analyze grammar]

etadvaḥ kathitaṃ sarvaṃ māhātmyaṃ sūryasaṃbhavam |
yaḥ śṛṇoti naro bhaktyā aśvamedhaphalaṃ labhet || 140 ||
[Analyze grammar]

saṃkrāṃtau yatpradānena sūrye vā śravaṇena tu |
tatphalaṃ samavāpnoti śrutvā māhātmyamutamam || 191 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye dvādaśārkotpattiratnādityotpattimāhātmye yājñavalkyavṛttāṃtavarṇanaṃ nāmāṣṭasaptatyuttaradviśatatamo'dhyāyaḥ || 278 ||
[Analyze grammar]