Chapter 276

[English text for this chapter is available]

sūta uvāca |
tathānye'pi vasantīha rudrā ekādaśaiva tu |
sañjātā brāhmaṇaśreṣṭhā munīnāṃ hitakāmyayā || 1 ||
[Analyze grammar]

yairdṛṣṭaiḥ pūjitai rvāpi stutairvātha namaskṛtaiḥ |
vipāpmā jāyate martyaḥ sarvadoṣavivarjitaḥ || 2 ||
[Analyze grammar]

ṛṣaya ūcuḥ |
eka eva śruto rudro na dvitīyaḥ kathaṃcana |
gaurī bhāryāpriyā yasya skandaḥ putraḥ prakīrtitaḥ || 3 ||
[Analyze grammar]

tenaikaṃ vidmahe rudraṃ nānyamīśaṃ kathaṃcana |
tasmādbrūhi mahābhāga sarvānetānsuvistarāt || 4 ||
[Analyze grammar]

sūta uvāca |
satyametanmahābhāgā yadbhavadbhirudāhṛtam |
eka eva sthito rudro na dvitīyaḥ kathaṃcana || 5 ||
[Analyze grammar]

paraṃ yathā ca sañjātā rudrā ekādaśātra bhoḥ |
tathāhaṃ kīrtayiṣyāmi śṛṇudhvaṃ susamāhitāḥ || 6 ||
[Analyze grammar]

vārāṇasyāṃ purā saṃsthā munayaḥ śaṃsitavratāḥ |
hāṭakeśvaradevasya darśanārthaṃ samutsukāḥ || 7 ||
[Analyze grammar]

prasthitāḥ samayaṃ kṛtvā spardhamānāḥ parasparam |
ahaṃpūrvamahaṃ pūrvaṃ vīkṣayiṣyāmi taṃ vibhum || 8 ||
[Analyze grammar]

sarveṣāmagrato bhūtvā pātāle hāṭakeśvaram |
yaścādau tatra gatvā ca nekṣayiṣyati taṃ haram |
sarveṣāṃ śramajaṃ pāpaṃ tasyaikasya bhaviṣyati || 9 ||
[Analyze grammar]

evamuktvā tataḥ sarve vārāṇasyāṃ tataḥ param |
prasthitā dhāvamānāśca vegena mahatā tataḥ || 10 ||
[Analyze grammar]

etasminnantare devo hāṭakeśvarasaṃjñitaḥ |
jñātvā teṣāmabhiprāyaṃ mithaḥ sparddhāsamudbhavam |
ātmano darśanārthāya bahubhaktipuraskṛtam || 11 ||
[Analyze grammar]

laghunā rakṣyamāṇena sarveṣāṃ ca mahātmanām |
nāgaraṃdhreṇa niṣkramya pātālāccaiva tatkṣaṇāt || 12 ||
[Analyze grammar]

ekādaśaprakāraṃ sa kṛtvā rūpaṃ manoharam |
triśūlabhṛttrinetraṃ ca kapardena vibhūṣitam || 13 ||
[Analyze grammar]

śaśikhaṃḍadharaṃ caiva ruṇḍamālāpradhārakam |
samaṃ caiva sthitasteṣāṃ darśane śaṃkaraḥ prabhuḥ || 183 ||
[Analyze grammar]

tataste vai samālokya purasthaṃ vṛṣabhadhvajam |
jānubhyāṃ dharaṇīṃ gatvā stutiṃ cakrustatastataḥ || 15 ||
[Analyze grammar]

eko jānāti devo'yaṃ mama saṃdarśanaṃ gataḥ |
devadevo mahādevaḥ prathamaṃ bhaktavatsalaḥ || 16 ||
[Analyze grammar]

anyo jānāti me pūrvaṃ jātaste tāpasottamaḥ |
stutiṃ cakruśca vipreṃdrā jānubhyāmavaniṃ gatāḥ || 17 ||
[Analyze grammar]

tāpasā ūcuḥ |
namo devādhidevāya sarvadevamayāya ca |
namaḥ śāṃtāya sūkṣmāya namaścāṃdhakabhedine || 18 ||
[Analyze grammar]

namo'stu sarvarudrebhyo ye divaṃ saṃśritāḥ sadā |
jīvāpayaṃti jagatīṃ vāyubhiśca pṛthagvidhaiḥ || 19 ||
[Analyze grammar]

namo'stu sarvarudrebhyo ye sthitā vāruṇīṃ diśam |
rakṣaṃti sarvalokāṃśca piśācānāṃ durātmanām || 20 ||
[Analyze grammar]

namo'stu sarvarudrebhyo diśamūrdhvaṃ samāśritāḥ |
rakṣaṃti sakalāṃllokānbhūtārnāṃ jaṃbhakādbhayāt || 21 ||
[Analyze grammar]

namo'stu sarvarudrebhyo ye'dha ūrdhvaṃ samāśritāḥ |
rakṣaṃti sakalāṃllokānkūṣmāṃḍānāṃ bhayātsadā || 22 ||
[Analyze grammar]

asaṃkhyātāḥ sahasrāṇi ye rudrā bhūmimāśritāḥ |
namastebhyo'pi sarvebhyasteṣāṃ rakṣaṃti ye rujaḥ || 23 ||
[Analyze grammar]

evaṃ stutāstu te rudrā ekādaśatapasvibhiḥ |
ekādaśāpi tānprocurbhaktinamrāṃstu tāpasān || 24 ||
[Analyze grammar]

rudrā ūcuḥ |
ekādaśaprakāro'haṃ tuṣṭo vastāpasottamāḥ |
bahubhaktyatirekeṇa vriyatāṃ ca yathepsitam || 25 ||
[Analyze grammar]

tāpasā ūcuḥ |
yadi tuṣṭosi no deva yadi yacchasi vāṃchitam |
ekādaśaprakāraistu sadā stheyamihaiva tu || 26 ||
[Analyze grammar]

hāṭakeśvaraje kṣetre sarvatīrthamaye śubhe |
ārādhanaṃ prakurvāṇā vasāmo yena vai vayam || 27 ||
[Analyze grammar]

śrībhagavānuvāca |
ekādaśaprakārā yā mūrtayo nirmitā mayā |
etābhireva sarvābhiḥ sthāsyāmyatra sadaiva hi || 28 ||
[Analyze grammar]

ādyā tu mama yā mūrtiḥ sā kailāsaṃ samāśritā |
saṃtiṣṭhati sadaivātra kailāse parvatottame || 29 ||
[Analyze grammar]

etāstu mūrtayo'smākaṃ sthāsyaṃtyatraiva sarvadā |
sarveṣāmeva lokānāṃ hitāya dvijasattamāḥ || 30 ||
[Analyze grammar]

nāmabhiśca krameṇaiva yuṣmadīyaiḥ svayaṃ dvijāḥ |
viśvāmitrahrade snātvā etā mūrtīrmamātra vai |
pūjayiṣyaṃti ye martyāste yāsyaṃti parāṃ gatim || 31 ||
[Analyze grammar]

kiṃ vācā bahunoktena bhūyobhūyo dvijottamāḥ |
yā tāsāṃ kriyate pūjā ekādaśaguṇā bhavet || 32 ||
[Analyze grammar]

evamuktvā trinetrastu tatraivādarśanaṃ gataḥ |
te'pi tatrāśramaṃ kṛtvā śraddhayā parayā yutāḥ |
mūrtīśca tāḥ samārādhya saṃprāptāḥ paramaṃ padam || 33 ||
[Analyze grammar]

anyo'pi yaḥ pumāṃstāśca ārādhayati śraddhayā |
sa yāti paramaṃ sthānaṃ yatra devo maheśvaraḥ || 34 ||
[Analyze grammar]

tataḥ prabhṛti te jātā rudrā ekādaśaiva tu |
saṃkhyayā devadevasya maheśvaravapurdharāḥ || 35 ||
[Analyze grammar]

tejottamāste saṃyuktāstrinetrāḥ śūlapāṇayaḥ |
etadvaḥ sarvamākhyātaṃ yatpṛṣṭo'smi dvijottamāḥ || 36 ||
[Analyze grammar]

ekādaśaprakārastu yathā jāto maheśvaraḥ |
caitre māsi site pakṣe caturdaśyāṃ dine sthite || 37 ||
[Analyze grammar]

yastānpūjayate bhaktyā sa yāti paramāṃ gatim |
adhano dhanamāpnoti hyaputraḥ putravānbhavet || 38 ||
[Analyze grammar]

sarogo rogamuktastu parābhūto ripukṣayam |
tatsamārādhanādeva kāmānaṃtyamavāpnuyāt || 39 ||
[Analyze grammar]

yaḥ punaḥ śivadīkṣāḍhyo bhasmasnānaparāyaṇaḥ |
tatsamārādhanaṃ kuryācchṛṇu tasyāpi yatphalam || 40 ||
[Analyze grammar]

yadanyaḥ prāpnuyānmartyastatpūjāsaṃbhavaṃ phalam |
ṣaḍakṣareṇa maṃtreṇa puṣpeṇaikena tatphalam || 41 ||
[Analyze grammar]

śivadīkṣādharo yastu śataghnaṃ labhate phalam |
tasmācchataghnamāpnoti śaivātpāśupataśca yaḥ |
tasmātkālamukho yaśca mahāvratadharaśca yaḥ || 42 ||
[Analyze grammar]

mūrtīryāstāśca ye bhaktyā vinatāḥ pūjayaṃti ca |
sarveṣāmeva teṣāṃ tu phalaṃ śataguṇaṃ bhavet || 43 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmya ekādaśarudrotpatti varṇanaṃ nāma ṣaṭsaptatyuttaradviśatatamo'dhyāyaḥ || 276 ||
[Analyze grammar]