Chapter 274

[English text for this chapter is available]

| sūta uvāca |
tathānyadapi tatrāsti durvāsaḥsthāpitaṃ purā |
talliṃgaṃ devadevasya trinetrasya mahātmanaḥ || 1 ||
[Analyze grammar]

caitramāsi naro yastu tamārādhayate dvijāḥ |
nṛtyagītapravādyaiśca trikālaṃ vihitakṣaṇaḥ |
sa nūnaṃ tatprasādena gandharvādhipatirbhavet 1 || 2 ||
[Analyze grammar]

ṛṣaya ūcuḥ |
durvāsā nāmakaścāyaṃ kenāyaṃ sthāpito haraḥ |
kasminkāle mahābhāga sarvaṃ no vistarādvada || 3 ||
[Analyze grammar]

sūta uvāca |
āsītpurā niṃbaśuco vaidiśe ca purottame || 4 ||
[Analyze grammar]

sa ca pūjayate liṃgaṃ kiṃcinmaṭhapatiḥ sthitaḥ |
sa yatkiṃcidavāpnoti vastrādyaṃ ca tathā param || 5 ||
[Analyze grammar]

māheśvarasya lokasya vikrīṇīte tatastataḥ |
tato gṛhṇāti nityaṃ sa hema mūlyena tasya ca || 6 ||
[Analyze grammar]

na karoti vyayaṃ tasya kevalaṃ saṃcaye rataḥ |
tataḥ kālena mahatā maṃjūṣā'sya nirargalā |
jātā hemamayī viprāḥ kārpaṇyaniratasya ca || 7 ||
[Analyze grammar]

atha saṃsthāpya bhūmadhye maṃjūṣāṃ tāṃ prapūritām |
karoti vyavahāraṃ sa kakṣāṃ tāṃ naiva muṃcati || 8 ||
[Analyze grammar]

kadāciddevapūjāyāṃ so'pi brāhmaṇasattamāḥ |
viśvāsaṃ naiva niryāti kasyacicca kathaṃcana || 9 ||
[Analyze grammar]

kasyacittvatha kālasya paravittāpahārakaḥ |
alakṣadbrāhmaṇastacca duḥśīlākhyo vyaciṃtayat || 10 ||
[Analyze grammar]

tataḥ śiṣyo bhaviṣyāmi viśvāsārthaṃ durātmanaḥ |
sudīnaiḥ kṛpaṇairvākyaiścāṭukāraiḥ pṛthagvidhaiḥ || 11 ||
[Analyze grammar]

ālasyaṃ ca divānaktaṃ sādhayiṣyāmyasaṃśayam |
anyasminnahani prāpte dṛṣṭvā taṃ maṭhamadhyagam || 12 ||
[Analyze grammar]

tataḥ samīpamagamaddaṃḍākāraṃ praṇamya ca |
abravītprāṃjalirbhūtvā vinayāvanataḥ sthitaḥ || 13 ||
[Analyze grammar]

bhagavaṃste prabhāvo'dya tapasā vai mayā śrutaḥ || 14 ||
[Analyze grammar]

yadanyastāpaso nāsti īdṛśo'tra dharātale |
tenāhaṃ dūrataḥ prāpto vairāgyeṇa samanvitaḥ || 15 ||
[Analyze grammar]

saṃsārāsāratāṃ jñātvā janmamṛtyujarātmikām |
arthātsvapnapratīkāśaṃ yauvanaṃ ca nṛṇā miha || 16 ||
[Analyze grammar]

yadvatparvatasaṃjātā nadī ca kṣaṇabhaṃgurā |
putrāḥ kalatrāṇi ca vā ye cānye bāṃdhavādayaḥ || 17 ||
[Analyze grammar]

te sarve ca parijñeyā yathā pāpa samāgamāḥ |
tatsaṃsārasamudrasya tāraṇārthaṃ bravīhi me || 18 ||
[Analyze grammar]

upāyaṃ kaṃcidadyaiva upadeśe vyavasthitam |
tarāmi yena saṃsāraṃ prasādāttava suvrata || 19 ||
[Analyze grammar]

tasya tadvacanaṃ śrutvā romāṃcita tanūruhaḥ |
jñātvā māheśvaraḥ ko'yaṃ ciṃtāvānsamupasthitaḥ || 20 ||
[Analyze grammar]

yathā bravīṣi dhanyo'si yasya te matirīdṛśī |
tāruṇye vartamānasya sukumārasya caiva hi || 21 ||
[Analyze grammar]

tāruṇye vartamāno yaḥ śāṃtaḥ so'tra nigadyate |
dhātuṣu kṣīyamāṇeṣu śamaḥ kasya na jāyate || 22 ||
[Analyze grammar]

yadyevaṃ suviraktiḥ syātsaṃsāropari saṃsthitā |
samārādhaya deveśaṃ śaṃkaraṃ śaśiśekharam || 23 ||
[Analyze grammar]

nānyathā ghorajāpyena tīryate bhavasāgaraḥ |
mayā samyakparijñātametacchāstrasamāgamāt || 24 ||
[Analyze grammar]

śūdro vā yadi vā vipro mlecho vā pāpakṛnnaraḥ |
śivadīkṣāsamopetaḥ puṣpamekaṃ tu yo nyasait || 25 ||
[Analyze grammar]

ṣaḍakṣareṇa maṃtreṇa liṃgasyopari bhaktitaḥ |
sa tāṃ gatimavāpnoti yāṃyāṃ yāṃtīha yajvinaḥ || 56 ||
[Analyze grammar]

yo dadāti prabhaktyā ca śivadīkṣānvitāya ca |
vastropānahakaupīnaṃ sa yajñaiḥ kiṃ kariṣyati || 27 ||
[Analyze grammar]

tacchrutvā caraṇau tasya duḥśīlo'sau tadā'dade |
vinyasya svaśira stābhyāṃ tatovākyamuvāca ha || 28 ||
[Analyze grammar]

śivadīkṣāpramāṇena prasādaṃ kuru me prabho |
śuśrūṣāṃ yena te nityaṃ prakaromi samāhitaḥ || 29 ||
[Analyze grammar]

tato'sau tāpaso viprāściṃtayāmāsa cetami |
dakṣo'yaṃ dṛśyate ko'pi pumāṃścaiva samāgataḥ || 30 ||
[Analyze grammar]

mamāsti nāparaḥ śiṣyastasmādenaṃ karomyaham |
tato'bravītkare gṛhya yadyevaṃ vatsa me samam |
samayaṃ kuru yena tvāṃ dīkṣayāmyadya caiva hi || 31 ||
[Analyze grammar]

tvayā kuṭīrakaṃ kāryaṃ maṭhasyāsya vidūrataḥ |
praveśo naiva kāryastu mamātrāstaṃ gate ravau || 32 ||
[Analyze grammar]

duḥśīla uvāca |
tavādeśaḥ pramāṇaṃ me kevalaṃ tāpasottama |
kiṃ maṭhena kariṣyāmi viśeṣādrā trisaṃgame || 33 ||
[Analyze grammar]

yaḥ śiṣyo guruvākyaṃ tu na karoti yathoditam |
tasya vrataṃ ca tadvyarthaṃ narakaṃ ca tataḥ param || 34 ||
[Analyze grammar]

tacchrutvā tuṣṭimāpannaḥ śivadīkṣāṃ tato dadau |
tasmai vinayayuktāya tadā niṃbaśuco muniḥ || 35 ||
[Analyze grammar]

tataḥprabhṛti so'tīva tasya śuśrūṣaṇe rataḥ || |
raṃjayāmāsa taccittaṃ paricaryāparāyaṇaḥ || 36 ||
[Analyze grammar]

manasā cintayānastu tanmātrārthaṃ dinedine |
na cchidraṃ vīkṣate kiṃcidvīkṣamāṇo'pi yatnataḥ || 37 ||
[Analyze grammar]

śaivo'pi ca sa kakṣyāṃ tāṃ tāṃ mātrāṃ hemasaṃbhavām |
kathaṃcinmokṣate bhūmau bhojye devārcane'pi na || 38 ||
[Analyze grammar]

tato'sau cintayāmāsa duḥśīlo nijacetasi |
maṭhe tāvatpraveśo'sti naiva rātrau kathaṃcana || 39 ||
[Analyze grammar]

sūryāstamānavelāyāṃ yatprayacchati tatkṣaṇāt |
parighaṃ sudṛḍhaṃ pāpastatkaromi ca kiṃ punaḥ || 40 ||
[Analyze grammar]

maṭho'yaṃ suśilābaddho naiva khātaṃ prajāyate |
tuṃgatvānna praveśaḥ syādupāyairvividhaiḥ paraiḥ || 41 ||
[Analyze grammar]

tatkiṃ viṣaṃ prayacchāmi śastrairvyāpādayāmi kim |
divāpi paśumāreṇa paṃcatvaṃ vā nayāmi kim || 42 ||
[Analyze grammar]

evaṃ cintayatastasya prāvṛṭkāla upasthitaḥ |
śrāvaṇasyāsite pakṣe karkaṭasthe divākare || 43 ||
[Analyze grammar]

prāpto maheśvarastasya ko'pi tatra dhanī drutam |
tenoktaṃ praṇipatyoccaiḥ kariṣyāmi pavitrakam || 44 ||
[Analyze grammar]

caturddaśyāmahaṃ svāminyadyādeśo bhavettava |
yadyāgacchasi me grāmaṃ prasādena sama nvitaḥ || 45 ||
[Analyze grammar]

sūta uvāca |
tacchrutvā tuṣṭimāpannastato niṃbaśuco muniḥ |
tatheti caivamuktvā taṃ preṣayāmāsa tatkṣaṇāt || 46 ||
[Analyze grammar]

āgamiṣyāmyahaṃ kāle svaśiṣyeṇa samanvitaḥ |
kariṣyāmi paraṃ śreyastava vatsa na saṃśayaḥ || 47 ||
[Analyze grammar]

atha kāle tu saṃprāpte cintayitvā prabhātikam |
prabhātasamaye prāpte sa śaivaḥ prasthitastadā |
duḥśīlena samāyuktaḥ saṃprahṛṣṭatanūruhaḥ || 48 ||
[Analyze grammar]

tato vai gacchamānasya tasya mārge vyavasthitā |
puṇyā nadī suvikhyātā muralā sāgaraṃgamā || 49 ||
[Analyze grammar]

sa tāṃ dṛṣṭvā'bravīdvākyaṃ vatsa śiṣya karomyaham |
bhavatā saha devārcāṃ muralāyāṃ sthiro bhava || 50 ||
[Analyze grammar]

bāḍhamityeva sa proktvā saṃsthito'syāstaṭe śubhe |
so'pi niṃbaśucastasya raṃjitaḥ sarvadā guṇaiḥ || 51 ||
[Analyze grammar]

suśiṣyaṃ taṃ parijñāya viśvāsaṃ paramaṃ gataḥ |
sthagitāṃ tāṃ samādāya hemamātrāsamudbhavām || 52 ||
[Analyze grammar]

jāgeśvarasamopetāṃ sa kanthāṃ vyākṣipatkṣitau |
purīṣotsargakāryeṇa tatastokāṃtaraṃ gataḥ || 53 ||
[Analyze grammar]

yāvaccādarśanaṃ prāpto vetasaiḥ parivāritaḥ |
tāvanmātrāṃ samādāya duḥśīlaḥ prasthito drutam |
uttarāṃ diśamāśritya prahṛṣṭenāṃtarātmanā || 54 ||
[Analyze grammar]

athāsau cāgato yāvadduḥśīlaṃ naiva paśyati |
kevalaṃ dṛśyate kanthā jāgeśvarasamanvitā || 55 ||
[Analyze grammar]

tataḥ śīghrataraṃ śaucaṃ kiñcitkṛtvā sudurmanāḥ |
vinaivācamanaṃ prāptaḥ sā kanthā yatra tiṣṭhati || 56 ||
[Analyze grammar]

yāvanmātrāvihīnāṃ ca tato jñātvā ca tāṃ hṛtām |
tena śiṣyeṇa mūrcchāḍhyo nipapāta mahītale || 57 ||
[Analyze grammar]

tataśca cetanāṃ prāpya kṛcchrāccotthāya tatkṣaṇāt |
śilāyāṃ tāḍayāmāsa nijāṃgāni śirastathā || 58 ||
[Analyze grammar]

hā hato'smi vinaṣṭo'smi muṣṭastena durātmanā |
kiṃ karomi kva gacchāmi kathaṃ taṃ vīkṣayāmyaham || 59 ||
[Analyze grammar]

tatastu padavīṃ vīkṣya tasya tāṃ calito dhruvam |
vṛddha bhāvātpariśrāṃto vāvṛtya sa maṭhaṃ gataḥ || 60 ||
[Analyze grammar]

duḥśīlo'pi samādāya mātrāṃ sthānāṃtaraṃ gataḥ |
tatastena suvarṇena vyavahārānkaroti saḥ || 61 ||
[Analyze grammar]

tato gṛhasthatāṃ prāptaḥ kṛtadāraparigrahaḥ |
vṛddhabhāvaṃ samāpannaḥ saṃtānena vivarjitaḥ || 62 ||
[Analyze grammar]

kasyacittvatha kālasya tīrthayātrāparāyaṇaḥ |
bhāryayā sahito vipraścamatkārapuraṃ gataḥ || 63 ||
[Analyze grammar]

snātvā tīrtheṣu sarveṣu devatāyataneṣu ca |
bhramamāṇena saṃdṛṣṭo durvāsā nāma sanmuniḥ || 64 ||
[Analyze grammar]

nijadevasya sadbhaktyā nṛtyagītaparāyaṇaḥ |
taṃ ca dṛṣṭvā namaskṛtya vākyametaduvāca saḥ || 65 ||
[Analyze grammar]

kenaitatsthāpitaṃ liṃgaṃ nirmalaṃ śaṃkarodbhavam |
kiṃ tvaṃ nṛtyasi gītaṃ ca puro'sya prakaroṣi ca |
munīnāṃ yujyate naiva yadetattava ceṣṭitam || 66 ||
[Analyze grammar]

durvāsā uvāca |
mayaitatsthāpitaṃ liṃgaṃ devadevasya śūlinaḥ |
nṛtyagītapriyo yasmāddevadevo maheśvaraḥ || 67 ||
[Analyze grammar]

na me'sti vibhavaḥ kaścidyena bhogaṃ karomyaham || 68 ||
[Analyze grammar]

etasminnaṃtare prāptaścirbhaṭirnāma yogavit |
tena pṛṣṭaḥ sa durvāsā vedāṃtikamidaṃ vacaḥ || 69 ||
[Analyze grammar]

asūryā nāma te lokā aṃdhena tamasā vṛtāḥ |
tāṃste pretyā'bhigacchaṃti ye kecātmahano janāḥ || 70 ||
[Analyze grammar]

upaviśya tatastena tasya dattastu nirṇayaḥ |
duḥśīlenāpi tatsarva vijñātaṃ tasya saṃstutam || 71 ||
[Analyze grammar]

tato viśeṣato jātā bhaktistasya haraṃ prati |
taṃ praṇamya tataścoccairvākyametaduvāca ha || 72 ||
[Analyze grammar]

bhagavan brāhmaṇo'smīti jātyā caiva na karmaṇā |
na kasyacinmayā dattaṃ kadācinnaiva bhojanam |
kevalaṃ devaviprāṇāṃ vaṃcayitvā dhanaṃ hṛtam |
vyasanenābhibhūtena dyūtaveśyodbhavena ca || 74 ||
[Analyze grammar]

tathā ca brāhmaṇenāpi mayā śaivo guruḥ kṛtaḥ |
vaṃcitaśca tathānekaiścāṭubhirvihṛtaṃ dhanam || 75 ||
[Analyze grammar]

tasya saktaṃ dhanaṃ bhūyaḥ sādhumārgeṇa cāhṛtam |
sa cāpi ca gururmahyaṃ paralokamihāgataḥ || 76 ||
[Analyze grammar]

paścāttāpena tenaiva pradahyāmi divāniśam |
puraścaraṇadānena tatprasādaṃ kuruṣva me || 77 ||
[Analyze grammar]

asti me vipulaṃ vittaṃ na saṃtānaṃ munīśvara |
tanme vada mune śreyastadvittasya yathā bhavet |
iha loke pare caiva yena sarvaṃ karomyaham || 78 ||
[Analyze grammar]

durvāsā uvāca |
kṛtvā pāpasahasrāṇi paścāddharmaparo bhavet |
yaḥ pumānso'tikṛcchreṇa taretsaṃsārasāgaram || 79 ||
[Analyze grammar]

dinenāpi gururyo'sau tvayā śaivo vinirmitaḥ |
adharmeṇāpi saṃjātaḥ sa gurustena saṃśayaḥ || 80 ||
[Analyze grammar]

brāhmaṇo brahmacārī syādgrahasthastadanaṃtaram |
vānaprastho yatiścaiva tata ścaiva kuṭīcaraḥ || 81 ||
[Analyze grammar]

bahūdakastato haṃsaḥ paramaśca tato bhavet |
tataśca muktimāyāti mārgamenaṃ samāśritaḥ || 82 ||
[Analyze grammar]

tvayā punaḥ kumārgeṇa yadvrataṃ brāhmaṇena ca |
śaivamārgaṃ samāsthāya tanmahāpātakaṃ kṛtam || 83 ||
[Analyze grammar]

duḥśīla uvāca |
sarveṣveva hi vedeṣu rudraḥ saṃkīrtyate prabhuḥ |
tatkiṃ doṣastvayā proktastasya dīkṣāsamudbhavaḥ || 84 ||
[Analyze grammar]

durvāsā uvāca |
satyametattvayā khyātaṃ vede rudraḥ prakīrtitaḥ |
bahudhā vāsudevo'pi brahmā caiva viśeṣataḥ || 85 ||
[Analyze grammar]

paraṃ viprasya yā dīkṣā vratavaṃdhasamudbhavā |
gāyatrī paramā jāpye gururvrataparo hi saḥ |
vaiṣṇavīṃ cātha śaivīṃ ca yo'nyāṃ dīkṣāṃ samācaret || 86 ||
[Analyze grammar]

brāhmaṇo na bhavetso'tra yadyapi syātṣaḍaṃgavit |
aparaṃ liṃgabhedaste saṃjātaḥ kapaṭādiṣu || 87 ||
[Analyze grammar]

vratatyāgānna saṃdehastatra te nāsti kiṃcana |
prāyaścittaṃ mayā samyaksmṛtimārgeṇa ciṃtitam || 88 ||
[Analyze grammar]

duḥśīla uvāca |
satāṃ saptapadīṃ maitrīṃ pravadaṃti manīṣiṇaḥ |
mitratāṃ tu puraskṛtya kiṃcidvakṣyāmi tacchṛṇu || 89 ||
[Analyze grammar]

asti me vipulaṃ vittaṃ yadi tena prasiddhyati |
tadvadasva mahābhāga yena sarvaṃ karomyaham || 90 ||
[Analyze grammar]

durvāsā uvāca |
eka eva hyupāyo'sti tava pātakanāśane |
taṃ cetkaroṣi me vākyādviśuddhaḥ saṃbhaviṣyasi || 91 ||
[Analyze grammar]

tapaḥ kṛte praśaṃsaṃti tretāyāṃ jñānameva ca |
dvāpare tīrthayātrāṃ ca dānameva kalau yuge || 92 ||
[Analyze grammar]

sāṃprataṃ kalikālo'yaṃ vartate dāruṇākṛtiḥ |
tasmātkṛṣṇājinaṃ dehi sarvapāpaviśuddhaye || 93 ||
[Analyze grammar]

tathā ca te ghṛṇā'pyasti guruvittasamudbhavā |
tadarthaṃ kuru tannāmnā śaṃkarasya niveśanam || 94 ||
[Analyze grammar]

yena tasmādapi tvaṃ hi ānṛṇyaṃ yāsi tatkṣaṇāt |
anyatrāpi ca tadvittaṃ yatkiṃcicca prapadyate || 95 ||
[Analyze grammar]

brāhmaṇebhyo viśiṣṭebhyo nityaṃ dehi samāhitaḥ |
tilapātraṃ sadā dehi sahiraṇyaṃ viśeṣataḥ || 96 ||
[Analyze grammar]

yena te sakalaṃ pāpaṃ dehānnāśaṃ pragacchati |
aparaṃ caitramāse'haṃ sadā'gacchāmi bhaktitaḥ || 97 ||
[Analyze grammar]

kalpagrāmātsudūrācca prāsāde'tra svayaṃ kṛte |
punaryāmi ca tatraiva vratametaddhi me sthitam || 98 ||
[Analyze grammar]

tasmācciṃtyastvayāhyeṣa prāsādo yo mayā kṛtaḥ |
ciṃtanīyaṃ sadaiveha snānādibhiranekaśaḥ || 99 ||
[Analyze grammar]

duḥśīla uvāca |
kariṣyāmi vacaste'haṃ yathā vadasi sanmune || 100 ||
[Analyze grammar]

durvāsā uvāca |
sarvapāpaviśuddhyarthaṃ datte kṛṣṇājine dvijaḥ |
prayaccha tilapātrāṇi guptapāpasya śuddhaye || 101 ||
[Analyze grammar]

sūta uvāca |
tasya tadvacanaṃ śrutvā dattaṃ tena mahātmanā |
tataḥ kṛṣṇājinaṃ bhaktyā brāhmaṇāyāhitāgnaye || 102 ||
[Analyze grammar]

durvāsasaḥ samā deśādyathoktavidhinā dvijāḥ |
yacchatastilapātrāṇi tasya nityaṃ prabhaktitaḥ || 103 ||
[Analyze grammar]

gatapāpasya dīkṣāṃ ca dadau nirvāṇasaṃbhavām |
tathāsau gatapāpasya dīkṣāṃ dattvā yathāvidhi || 104 ||
[Analyze grammar]

tataḥ provāca madhuraṃ dehi me gurudakṣiṇām || 105 ||
[Analyze grammar]

duḥśīla uvāca |
yācasva tvaṃ prabho śīghraṃ yāṃ te yacchāmi dakṣiṇām |
tāṃ pradāsyāmi cecchaktirvittaśāṭhyavivarjitām || 106 ||
[Analyze grammar]

durvāsā uvāca |
kalpagrāmaṃ gamiṣyāmi sāṃprataṃ vartate kaliḥ |
nāhamatrāgamiṣyāmi yāvannaiva kṛtaṃ bhavet || 107 ||
[Analyze grammar]

ardhaniṣpādito hyeṣa prāsādo yo mayā kṛtaḥ |
paripūrtiṃ tvayā neya eṣā me gurudakṣiṇā || 108 ||
[Analyze grammar]

nṛtyagītādikaṃ yacca tathā kāryaṃ svaśaktitaḥ |
purato'sya balirdeyastathānyatkusumādikam || 109 ||
[Analyze grammar]

evamuktvā gataḥ so'tha kalpagrāmaṃ munīśvaraḥ |
duḥśīlo'pi tathā cakre yattena samudāhṛtam || 110 ||
[Analyze grammar]

sūta uvāca |
evaṃ tasya prabhaktasya tatkāryāṇi prakurvataḥ |
tannāmnā kīrtyate so'tha duḥśīla iti saṃjñitaḥ || 111 ||
[Analyze grammar]

caitramāse ca yo nityaṃ taṃ ca devaṃ prapaśyati |
kṣaṇaṃ kṛtvā sa pāpena vārṣikeṇa pramucyate || 112 ||
[Analyze grammar]

yaḥ punaḥ snapanaṃ tasya sarvaṃ caiva karoti ca |
triṃśadvarṣodbhavaṃ pāpaṃ tasya gātrātpraṇaśyati || 113 ||
[Analyze grammar]

yaḥ punarnṛtyagītādyaṃ kurute ca tadagrataḥ |
ājanmamaraṇātpāpātso'pi muktimavāpnuyāt || 114 ||
[Analyze grammar]