Chapter 261

[English text for this chapter is available]

nārada uvāca |
kathaṃ nityā bhagavatī harapatnī yaśasvinī |
yogasiddhiṃ sumahatīṃ prāpa māsacatuṣṭaye || 1 ||
[Analyze grammar]

mantrarājamimaṃ japtvā dvādaśākṣarasaṃbhavam |
etanme vistareṇa tvaṃ kathayasva yathātatham || 2 ||
[Analyze grammar]

brahmovāca |
cāturmāsye harau supte pārvatī niyatavratā |
manasā karmaṇā vācā haribhaktiparāyaṇā || 3 ||
[Analyze grammar]

cāruśṛṃge piturnityaṃ tiṣṭhaṃtī tapasi sthitā |
devadvijāgnigo'śvatthātithipūjāparāyaṇā || 4 ||
[Analyze grammar]

cāturmāsye'tha saṃprāpte vimale harivāsare |
jajāpa paramaṃ maṃtraṃ yathādiṣṭaṃ pinākinā || 5 ||
[Analyze grammar]

śaṃkhacakradharo viṣṇuścaturhastaḥ kirīṭadhṛk |
meghaśyāmoṃ'bujākṣaśca sūryakoṭisamaprabhaḥ || 6 ||
[Analyze grammar]

garuḍādhiṣṭhito hṛṣṭo vasanvyāpya jagattrayam |
śrīvatsakaustubhayutaḥ pītakauśeyavastrakaḥ || 7 ||
[Analyze grammar]

sarvābharaṇaśobhābhirabhidīptamahāvapuḥ |
babhāṣe pārvatīṃ viṣṇuḥ prasannavadanaḥ śubhām |
devi tuṣṭo 'smi bhadraṃ te kathayasva tavepsitam || 8 ||
[Analyze grammar]

pārvatyuvāca |
tajjñānamamalaṃ dehi yena nāvarttanaṃ bhavet |
ityuktaḥ sa mahāviṣṇuḥ pratyuvāca harapriyām || 9 ||
[Analyze grammar]

sa eva devadeveśastava vakṣyatyasaṃśayam |
sa eva bhagavānsākṣī dehāṃtarabahiḥsthitaḥ || 10 ||
[Analyze grammar]

viśvasraṣṭā ca goptā ca pavitrāṇāṃ ca pāvanaḥ |
anādinidhano dharmo dharmādīnāṃ prabhurhi saḥ || 11 ||
[Analyze grammar]

akṣaratrayasevyaṃ yatsakalaṃ brahma eva saḥ |
mūrttāmūrttasvarūpeṇa yo'jo janmadharo hi saḥ || 12 ||
[Analyze grammar]

mamādhikāro naivāsti vaktuṃ tava na saṃśayaḥ |
ityuktvā bhagavānīśo virarāma prahṛṣṭavān || 13 ||
[Analyze grammar]

etasminnaṃtare śaṃbhurgirijāśramamabhyagāt |
sarvabhūta gaṇairyukto vimāne sārvakāmike || 14 ||
[Analyze grammar]

tayā vai bhagavāndevaḥ pūjitaḥ parameśvaraḥ |
sakhīnāmapi pratyakṣamāścaryaṃ samajāyata || 15 ||
[Analyze grammar]

stutvā'tha taṃ mahādevaṃ viṣṇurdehe layaṃ yayau |
athovāca maheśānaḥ pārvatīṃ parameśvaraḥ || 16 ||
[Analyze grammar]

vimānavaramāruhya tuṣṭo'haṃ tava suvrate |
gatvaikāṃtapradeśaṃ te kathaye paramaṃ mahaḥ || 17 ||
[Analyze grammar]

evamuktvā bhagavatīṃ kare gṛhya mudānvitaḥ |
vimānavaramāropya līlayā prayayau tadā || 19 ||
[Analyze grammar]

nānādhātumayānadrīnnānāratnavicitritān |
nadīnirjharakuṃjāṃśca nadānkokilakūjitān || 19 ||
[Analyze grammar]

akhātāndevakhātāṃśca gaṃgādyāḥ saritastathā |
saugaṃdhikāṃśca kalhārānsahasradalapiṃjarān || 2 ||
[Analyze grammar]

darśanyakarṇikārāṃśca kovidārānmahādrumān |
tālāṃstamālānhiṃtālānpriyaṃgūnpanasānapi || 21 ||
[Analyze grammar]

tilakānbakulāṃścaiva bahūnapi ca puṣpitān |
kṣetrāṇi kalanābhāni piñjarāṇi vidarśayan || 22 ||
[Analyze grammar]

yayau devanadītīre gataṃ śaravaṇaṃ mahat |
phullakāśaṃ svarṇamayaṃ śarastaṃbagaṇānvitam || 23 ||
[Analyze grammar]

hema bhūmivibhāgasthaṃ vahnikāṃtimṛgadvijam |
tatra tīragatānāṃ ca munīnāmūrdhvaretasām || 24 ||
[Analyze grammar]

āśramānsa vimānāgre tiṣṭhanpatnyai pradarśayat |
ṣaṭkṛttikāśca dadṛśe pārvatī vanasannidhau || 25 ||
[Analyze grammar]

snātāḥ svalaṃkṛtāścandrapatnyastā virajāṃbarāḥ |
ūcustā yojitakarā ke'yaṃ putrāya gamyate || 26 ||
[Analyze grammar]

tatkathyatāṃ mahābhāge sa ca te darśanaṃ gataḥ || 27 ||
[Analyze grammar]

pārvatyuvāca |
mama bhāgyavaśātputraḥ kathamutsaṃgamāharet |
na hyabhāgyavaśātpuṃsāṃ kvāpi saukhyaṃ nirantaram || 28 ||
[Analyze grammar]

sutanāmnāpyahaṃ dṛṣṭvā bhavatīnāṃ ca darśanāt |
kimarthamiha saṃprāptāḥ kathyatāmavilaṃbitam || 29 ||
[Analyze grammar]

kṛttikā ūcuḥ |
vayaṃ tava sutaṃ nyastaṃ pradātumiha sundari |
cāturmāsye ravau snātumāgatā devanimnagām || 30 ||
[Analyze grammar]

pārvatyuvāca |
na hāsyāvasaraḥ sakhyaḥ satyameva hi kathyatām |
ekāṃtāvasare hāsyaṃ jāyate cetaretaram || 31 ||
[Analyze grammar]

kṛttikā ūcuḥ |
 satyaṃ vadāmahe devi tava trailokyaśobhite |
asya staṃbasamūhasya madhyasthaṃ bālakaṃ vṛṇu || 32 ||
[Analyze grammar]

kṛttikānāṃ vacaḥ śrutvā śaṃkitā pārvatī tadā |
dadarśa bālaṃ dīptābhaṃ ṣaṇmukhaṃ dīptavarcasam || 33 ||
[Analyze grammar]

taḍitkoṭipratīkāśaṃ rūpadivyaśriyā yutam |
vahniputraṃ ca gāṃgeyaṃ kārtikeyaṃ mahābalam || 34 ||
[Analyze grammar]

sā vatseti gṛhītvā taṃ kumāraṃ pāṇinā mudā |
vimānamadhyamādāya kṛtvotsaṃge hyuvāca ha || 35 ||
[Analyze grammar]

ciraṃjīva ciraṃ nanda ciraṃ naṃdaya bādhavān |
ityuktvā gāḍhamāliṃgya mūrdhni cāghrāya taṃ sutam || 36 ||
[Analyze grammar]

saṃhṛṣṭā paramodāraṃ bhāsvaraṃ hṛṣṭamānasam |
kārtikeyo mahāpremṇā praṇipatya maheśvaram || 37 ||
[Analyze grammar]

tataḥ prāṃjaliravyagraḥ prahṛṣṭenāṃtarātmanā |
tadvimānaṃ yayau śīghraṃ tīrtvā nadanadīpatīn || 38 ||
[Analyze grammar]

jaṃbudvīpamatikramya lakṣayojanamāyatam |
tataḥ samudraṃ dviguṇaṃ lavaṇodaṃ tathaiva ca || 39 ||
[Analyze grammar]

uttarāṃśca kurūnnītvā vimānenārkatejasā |
samudradviguṇaṃ dvīpaṃ kuśanābheti kīrtitam || 4 ||
[Analyze grammar]

divyalokasamākrāṃtaṃ divyaparvatasaṃkulam |
ikṣūdādviguṇaṃ dvīpaṃ taddvīpāddviguṇaḥ punaḥ || 41 ||
[Analyze grammar]

tamatikramya tatsindhordaviguṇaṃ krauṃcasaṃjñitam |
tato'pi dviguṇaḥ sindhuḥ surodo yakṣasevitaḥ || 42 ||
[Analyze grammar]

tato'pi dviguṇaṃ dvīpaṃ śākadvīpetisaṃjñitam |
arṇavadviguṇaṃ tasmādājyarūpaṃ sunirmitaṃ || 43 ||
[Analyze grammar]

paramasvādasaṃpūrṇaṃ yatra siddhāḥ samaṃtataḥ |
tasmācca dviguṇaṃ dvīpaṃ śālmalīvṛkṣasaṃjñitam || 44 ||
[Analyze grammar]

samudro dviguṇastatra dadhimaṃḍodasaṃbhavaḥ |
sādhyā vasaṃti niyataṃ mahattapasi saṃsthitāḥ || 45 ||
[Analyze grammar]

tato'pi dviguṇaṃ dvīpaṃ plakṣanāmeti viśrutam |
kṣīrodo dviguṇastatra yatrayatramaharṣayaḥ |
ṣaḍimāni sudivyāni bhaumaḥ svarga udāhṛtaḥ |
tatra svarṇamayī bhūmistathā rajatasaṃyutā || 47 ||
[Analyze grammar]

dṛṣṭavā madhūpalasvādaiḥ sarvakāmapradāyakā |
yatra strīpuruṣāṇāṃ ca kalpavṛkṣā gṛhe sthitāḥ || 48 ||
[Analyze grammar]

vāsāṃsi bhūṣaṇānāṃ ca samūhānharṣayaṃti ca |
etāni dakṣacihnāni dvīpāni munisattama || 49 ||
[Analyze grammar]

maheśvaro vimānena vyatikrāmadvihāyasā |
plakṣadvīpasya ca prāṃte dviguṇaḥ kṣīrasāgaraḥ || 5 ||
[Analyze grammar]

tanmadhye sumahdvīpaṃ śvetaṃ nāma suniścitam |
ramyakaḥ parvatastatra śataśṛṃgomitadrumaḥ || 51 ||
[Analyze grammar]

tasya śṛṃge mahaddivye vimānaṃ sthāpitaṃ tadā |
tadā'mṛtaphalairvṛkṣaiḥ sevite hemavāluke || 52 ||
[Analyze grammar]

kṣīracchedena vihṛte śilātalasusaṃvṛte |
vivikte sarvasubhage maṇiratnasamanvite || 53 ||
[Analyze grammar]

umāyai kathayāmāsa devadevaḥ pinākadhṛk |
kārtikeyo'pi śuśrāva guhyādguhyataraṃ mahat || 54 ||
[Analyze grammar]

dhyānayogaṃ maṃtrarūpaṃ dvādaśākṣarasaṃjñitam || 1 ||
[Analyze grammar]

praṇavena yutaṃ sāgraṃ sarahasyaṃ śruteḥ param || 55 ||
[Analyze grammar]

īśvara uvāca |
akṣaratrayasaṃyukto mantro'yaṃ sakṛdakṣaraḥ |
māghamāsahitaścāyamamākṣohenaścāyamamāyo viśvapāvanaḥ |
viṣṇugamyo viṣṇu madhyo mantratrayasamanvitaḥ |
turīyakalayā'śeṣabrahmāṃḍagaṇasevitaḥ || 57 ||
[Analyze grammar]

niṣkāmairmunibhiḥ sevyo mahāvidyādisevitaḥ |
nābhitaḥ śirasi vyāpta akhaṇḍasukhadāyakaḥ || 988 ||
[Analyze grammar]

oṃkāreti priyoktiste mahāduḥkhavināśanaḥ |
taṃ pūrvaṃ praṇavaṃ dhyātvā jñānarūpaṃ sukhāśrayam || 59 ||
[Analyze grammar]

jñātvā sarvagataṃ brahma dehaśodhanatatparaḥ || 1 ||
[Analyze grammar]

padmāsanaparo bhūtvā saṃpūjya jñānalocanaḥ || 60 ||
[Analyze grammar]

netre mukulite kṛtvā śuro karau kṛtvā tu saṃhatau |
cetasi dhyānarūpeṇa ciṃtayecchivamaṃgalam || 61 ||
[Analyze grammar]

taḍitkoṭipratīkāśaṃ sūryakoṭisamacchavim |
candralakṣasamacchannaṃ puruṣaṃ dyotitākhilam 1 || 62 ||
[Analyze grammar]

mūrttāmūrttavairājaṃ taṃ sadasadrūpa mavyam |
ciṃtayitvā virāḍrūpaṃ na bhūyaḥstanapo bhavet |
cāturmāsye sakṛdapi dhyānātkalmaṣasaṃkṣayaḥ || 63 || || 1 ||
[Analyze grammar]

evaṃ ca madrūpamidaṃ murāreramoghavīryaṃ guṇa topyapāram || 1 ||
[Analyze grammar]

vilokayedyo'ghavināśanāya kṣaṇaṃ prabhurjanmaśatodbhavāya || 64 ||
[Analyze grammar]

iti śrīskāṃde mahāpurāṇa ekāśīsāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye dhyānayogonāmaikaṣaṣṭyuttaradviśatatamo'dhyāyaḥ || 261 ||
[Analyze grammar]