Chapter 259

[English text for this chapter is available]

gālava uvāca |
tasmiṃstu patite liṃge yojanāyāmavistṛte |
viṣādārttā ṛṣigaṇāstatrājagmuḥ sahasraśaḥ || 1 ||
[Analyze grammar]

vyalokayanta sarvatra dṛṣṭvā tatra maheśvaram |
nāsau dṛṣṭipathe teṣāṃ babhūva bhayavihvalaḥ || 2 || || 1 ||
[Analyze grammar]

vīryaṃ varṣasahasrāṇi bahūnyapi susaṃcitam |
pṛthivīṃ sakalāṃ vyāpya sthitaṃ dadṛśire dvijāḥ || 3 ||
[Analyze grammar]

taddṛṣṭvā sumahalliṃgaṃ rudhirāktaṃ jalaiḥ plutam |
brāhmaṇāḥ saṃśayagatā dahyamānā vasundharā || 4 ||
[Analyze grammar]

talliṃgaṃ tatra saṃsthāpya cakrustāṃ narmadāṃ nadīm |
tajjalaṃ narmadārūpaṃ lliṃgaṃ cāmarakaṇṭakam || 5 ||
[Analyze grammar]

narakaṃ vārayatyetatsevitaṃ narakāpaham |
bhūtagrahāśca sarve'pi yāsyaṃti vilayaṃ dhruvam || 6 ||
[Analyze grammar]

tatra snātvā jalaṃ pītvā saṃtarpya ca pitṝṃstathā |
sarvānkāmānavāpnoti manuṣyo bhuvi durlabhān || 7 ||
[Analyze grammar]

liṃgāni nārmadeyāni pūjayiṣyaṃti ye narāḥ |
teṣāṃ rudramayo deho bhaviṣyati na saṃśayaḥ |
cāturmāsye viśeṣeṇa liṃgapūjā mahāphalā |
cāturmāsye rudrajapaṃ harapūjā śive ratiḥ || 9 ||
[Analyze grammar]

paṃcāmṛtena snapanaṃ na teṣāṃgarbhavedanā |
ye kariṣyaṃti madhunā secanaṃ liṃgamastake || 10 ||
[Analyze grammar]

teṣāṃ duḥkhasahasrāṇi yāsyaṃti vilayaṃ dhruvam |
dīpadānaṃ kṛtaṃ yena cātu rmāsye śivāgrataḥ || 11 ||
[Analyze grammar]

kulakoṭiṃ samuddhṛtya svecchayā śivalokabhāk |
candanāgurudhūpaiśca suśvetakusumairapi || 12 ||
[Analyze grammar]

narmadājalaliṃgaṃ ye hyarca yiṣyaṃti te śivāḥ |
śilā haratvamāpannāḥ prāṇināmapi kā kathā || 13 ||
[Analyze grammar]

tatsaṃbhūtaṃ mahāliṃgaṃ jaladhāraṇasaṃyutam |
pūjayitvā vidhānena cāturmāsye śivo bhavet || 14 ||
[Analyze grammar]

cāturmāsye ye manujā narmadā'marakaṇṭake |
tīrthe snāsyaṃti niyatāsteṣāṃ vāsastriviṣṭape || 15 ||
[Analyze grammar]

brahmovāca |
ityuktvā te dvijāstatra sthāpya liṃgaṃ yathāvidhi |
amarakaṇṭakatīrthe narmadāṃ ca mahānadīm || 16 ||
[Analyze grammar]

punaścintāparā jātā viśvasya kṣobhakāraṇe |
padmāsanagatā bhūtvā prāṇāyāmaparāyaṇāḥ || 17 ||
[Analyze grammar]

cintayāmāsuravyagraṃ hṛdayasthaṃ mahe śvaram |
tato devā maheṃdrādyāḥ saṃprāpyāmarakaṇṭakam || 18 ||
[Analyze grammar]

brāhmaṇānāṃ stutiṃ cakrurvinayānatakandharāḥ |
namo'stu vo dvijātibhyo brahmavidbhyo maheśvarāḥ || 19 ||
[Analyze grammar]

bhūsurebhyo gurubhyaśca vimuktebhyaśca vaṃdhanāt |
yūyaṃ guṇatrayātītā guṇarūpā guṇākarāḥ || 20 ||
[Analyze grammar]

guṇatrayamayairbhāvaiḥ satataṃ prāṇabudbudāḥ |
yeṣāṃ vākyajalenaiva pāpiṣṭhā api śuddhatām |
prayāṃti pāpapuṃjāśca bhasmasādyāṃti pāpinām || 21 ||
[Analyze grammar]

śastraṃ lohamayaṃ yeṣāṃ vāgeva tatsamanvitāḥ |
pāpaiḥ parābhibhūtānāṃ teṣāṃ lokottaraṃ balam || 22 ||
[Analyze grammar]

kṣamayā pṛthivītulyāḥ kope vaiśvānaraprabhāḥ |
pātane'nekaśaktīnāṃ samarthā yūyameva hi || 23 ||
[Analyze grammar]

svargādīnāṃ tathā yāne bhavanto gatayo dhruvam || 24 ||
[Analyze grammar]

satkarmakārakāścaiva satkarmaniratāḥ sadā |
satkarmaphaladātāraḥ satkarmebhyo mumukṣavaḥ || 25 ||
[Analyze grammar]

sāvitrīmaṃtraniratā ye bhavaṃto'ghanāśanāḥ |
ātmānaṃ yajamānaṃ ca tārayaṃti na saṃśayaḥ || 26 ||
[Analyze grammar]

vahnayaśca tathā viprāstarpitāḥ kāryasādhakāḥ |
cāturmāsye viśeṣeṇa teṣāṃ pūjā mahāphalā || 27 ||
[Analyze grammar]

kopitāḥ sarvadehasya nāśanāya bhavaṃti hi || 1 ||
[Analyze grammar]

tāvanna vajramiṃdrasya śūlaṃ naiva pinākinaḥ || 28 ||
[Analyze grammar]

daṇḍo yamasya tāvanno yāvacchāpo dvijodbhavaḥ |
agninā jvālyate dṛśyaṃ śāpoddiṣṭānapi svayam || 29 ||
[Analyze grammar]

haṃti jātānajātāṃśca tasmādvipraṃ na kopayet |
viprakopāgninā dagdho narakānnaiva mucyate || 30 ||
[Analyze grammar]

śastrakṣato'pi narakānmucyate nātra saṃśayaḥ |
devānāṃ madhudhānyānāṃ sāmarthyaṃ bhedanena hi || 31 ||
[Analyze grammar]

vāṅmātreṇa hi viprasya bhidyate sakalaṃ jagat |
te yūyaṃ guravo'smākaṃ viśvakāraṇakārakāḥ |
prasādaparamā nityaṃ bhavaṃtu bhuvaneśvarāḥ || 32 ||
[Analyze grammar]

īśvareṇa vinā sarve vayaṃ lokāśca duḥkhitāḥ |
tatkathyatāṃ sa bhagavānkutrāste parameśvaraḥ || 33 ||
[Analyze grammar]

gālava uvāca |
jñātvā munibhayatrastaṃ deveśaṃ śūlapāṇinam || 34 ||
[Analyze grammar]

surabhīgarbhasaṃbhūtaṃ devānūcurmaharṣayaḥ |
svāgataṃ devadevebhyo jñāto vai sa maheśvaraḥ || 35 ||
[Analyze grammar]

tatra gacchaṃtu deveśā yatra devaḥ sanātanaḥ |
ityuktvā te mahātmānaḥ saha devairyayustadā || 36 ||
[Analyze grammar]

golokaṃ devamārgeṇa yatra pāyasakardamāḥ |
ghṛtanadyomadhu hradā nadīnāṃ yatra saṃghaśaḥ || 37 ||
[Analyze grammar]

pūrvajānāṃ gaṇāḥ sarve dadhipīyūṣapāṇayaḥ |
marīcipāḥ somapāśca siddhasaṃghāstathā pare || 38 ||
[Analyze grammar]

ghṛtapāścaiva sādhyāśca yatra devāḥ sanātanāḥ |
te tatra gatvā munayo dadṛśuḥ surabhīsutam || 39 ||
[Analyze grammar]

tejasā bhāskaraṃ caiva nīlanāmeti viśrutam |
itastato'bhidhāvaṃtaṃ gavāṃ saṃghātamadhyagam || 40 ||
[Analyze grammar]

naṃdā sumanasā caiva surūpā ca suśīlakā |
kāminī naṃdinī caiva medhyā caiva hiraṇyadā || 41 ||
[Analyze grammar]

dhanadā dharmadā caiva narmadā sakalapriyā |
vāmanālaṃbikā kṛṣṇā dīrghaśṛṃgā supicchikā || 42 ||
[Analyze grammar]

tārā tareyikā śāṃtā durviṣahyā manoramā |
sunāsā dīrghanāsā ca gaurā gauramukhīha yā || 43 ||
[Analyze grammar]

haridravarṇā nīlā ca śaṃkhinī paṃcavarṇakā |
vinatābhinatācaiva bhinnavarṇā supatrikā || 44 ||
[Analyze grammar]

jayā'ruṇā ca kuṇḍodhnī sudatī cārucaṃpakā |
etāsāṃ madhyagaṃ nīlaṃ dṛṣṭvā tā munidevatāḥ || 45 ||
[Analyze grammar]

vicaraṃti surūpaṃ taṃ saṃjātavismayonmukhāḥ |
munīśvarāḥ kṛpāviṣṭā indrādyā hṛṣṭamānasāḥ |
stutimārebhire karttuṃ tejasā tasya toṣitāḥ || 46 ||
[Analyze grammar]

śūdra uvāca |
kathaṃ nīleti nāmāsau jātoyamadbhutākṛtiḥ |
kimastuvanprasannāste brāhmaṇā viśvakāraṇam || 47 ||
[Analyze grammar]

gālava uvāca |
lohito yastu varṇena mukhe pucche ca pāṃḍuraḥ || 48 ||
[Analyze grammar]

śvetaḥ khuraviṣāṇeṣu sa nīlo vṛṣabhaḥ smṛtaḥ |
catuṣpādo dharmarūpo nīla lohitacihnakaḥ || 49 ||
[Analyze grammar]

kapilaḥ khuracihneṣu sa nīlo vṛṣabhaḥ smṛtaḥ |
yo'sau maheśvaro devo vṛṣaścāpi sa eva hi || 50 ||
[Analyze grammar]

catuṣpādo dharmarūpo nīlaḥ paṃcamukho haraḥ |
yasya saṃdarśanādeva vājapeyaphalaṃ labhet || 51 ||
[Analyze grammar]

nīle ca pūjite yasminpūjitaṃ sakalaṃ jagat |
snigdhagrāsapradānena jagadāpyāyitaṃ bhavet || 52 ||
[Analyze grammar]

yasya dehe sadā śrīmānviśvavyāpī janārdanaḥ |
nityamarcayate yo'sau vedamantraiḥ sanātanaiḥ || 53 ||
[Analyze grammar]

ṛṣaya ūcuḥ |
tvaṃ devaḥ sarvagoptṝṇāṃ viśvagoptā sanātanaḥ |
vighnahartā jñānadaśca dharmarūpaśca mokṣadaḥ || 54 ||
[Analyze grammar]

tvameva dhanadaḥ śrīdaḥ sarvavyādhiniṣūdanaḥ |
jagatāṃ śarmakaraṇe pravṛttaḥ kanakapradaḥ || 55 ||
[Analyze grammar]

tejasāṃ dhāma sarveṣāṃ saurabheya mahābala |
śṛṃgāgre dhṛtakailāsaḥ pārvatīsahitastvayā || 56 ||
[Analyze grammar]

33 stutyo vedamayo vedātmā vedavittamaḥ |
vedavedyo vedayāno vedarūpo guṇākaraḥ || 57 ||
[Analyze grammar]

guṇatrayebhyo'pi paro yāthātmyaṃ veda kastava |
vṛṣastvaṃ bhagavāndeva yastubhyaṃ kurute tvagham || 58 ||
[Analyze grammar]

vṛṣalaḥ sa tu vijñeyo rauravādiṣu pacyate |
yadā spṛṣṭaḥ sa tu naro narakādiṣu yātanāḥ || 59 ||
[Analyze grammar]

sevate pāpanicayairnigāḍhaprāyabandhanaiḥ |
kṣutkṣāmaṃ ca tṛṣākrāṃtaṃ mahābhārasamanvitam || 60 ||
[Analyze grammar]

nirdayā ye praśoṣyaṃti matisteṣāṃ na śāśvatī |
caturbhiḥ sahitaṃ martyā vivāhavidhinā tu ye || 61 ||
[Analyze grammar]

vivāhaṃ nīlarūpasya ye kariṣyaṃti mānavāḥ |
pitṝnuddiśya teṣāṃ vai kule naivāsti nārakī || 62 ||
[Analyze grammar]

tvaṃ gatiḥ sarvalokānāṃ tvapitā parameśvaraḥ |
tvayā vinā jagatsarvaṃ tatkṣaṇādeva naśyati || 63 ||
[Analyze grammar]

parā caiva tu paśyaṃtī madhyamā vaikharī tathā |
caturvidhānāṃ vacasāmīśvaraṃ tvāṃ vidurbudhāḥ || 64 ||
[Analyze grammar]

catuḥśṛṃgaṃ catuṣpādaṃ dviśīrṣasaptahastakam |
tridhā baddhaṃ dharmamayaṃ tvāmeva vṛṣabhaṃ viduḥ || 65 ||
[Analyze grammar]

tṛptidaṃ sarvabhūtānāṃ viśvavyāpakamojasā |
brahma dharmamayaṃ nityaṃ tvāmātmānaṃ vidurjanāḥ || 66 ||
[Analyze grammar]

acchedyastvamabhedyastvamaprameyomahā yaśāḥ |
aśocyastvamadāhyo'si viduḥ paurāṇikā janāḥ || 67 ||
[Analyze grammar]

tvadādhāramidaṃ sarvaṃ tvadādhāramidaṃ jagat |
tvadādhārāśca devāśca tvadādhāraṃ tathā mṛtam || 68 ||
[Analyze grammar]

jīvarūpeṇa lokāṃstrīnvyāpya tiṣṭhasi nityadā |
evaṃ sa saṃstuto nīlo vipraistaiḥ somapāyibhiḥ || 69 ||
[Analyze grammar]

prasannavadano bhūtvā viprā npraṇatitatparaḥ |
punareva vacaḥ procurviprāḥ kṛtaśivāgasaḥ || 70 ||
[Analyze grammar]

varaṃ dadurmaheśasya nīlarūpasya dharmataḥ |
ekādaśāhe pretasya yasya notsṛjyate vṛṣaḥ || 71 ||
[Analyze grammar]

pretatvaṃ susthiraṃ tasya dattaiḥ śrāddhaśatairapi |
punareva susarpaṃtaṃ dṛṣṭvā nīlaṃ mahāvṛṣam || 72 ||
[Analyze grammar]

svalpakrodhasamāviṣṭaṃ dvijāścakrustamaṃ kitam |
cakraṃ ca vāmabhāgeṣu śūlaṃ pārśve ca dakṣiṇe || 73 ||
[Analyze grammar]

utsasṛjurgavāṃ madhye taṃ devairgopitaṃ tadā |
tato devagaṇāḥ sarve maharṣīṇāṃ gaṇāḥ punaḥ |
svāni sthānāni te jagmurmunayo vītamatsarāḥ || 74 ||
[Analyze grammar]

evamṛṣīṇāṃ dayitāsu saktaḥ kāmārttacitto munipuṃgavānām |
śāpaṃ samāsādya śivo'pi bhaktyā revājale'gātsuśilāmayatvam || 79 ||
[Analyze grammar]