Chapter 255

[English text for this chapter is available]

gālava uvāca |
evaṃ te labdhaśāpāśca pārvatīśāpa pīḍitāḥ |
anapatyā babhūvuśca tathā ca pratimānavāḥ || 1 ||
[Analyze grammar]

śālagrāmastu gaṃḍakyāṃ narmadāyāṃ maheśvaraḥ |
utpadyate svayaṃbhūśca tāvetau naiva kṛtrimau || 2 ||
[Analyze grammar]

caturviṃśatibhedena śālagrāmagato hariḥ |
parīkṣyaḥ puruṣairnityamekarūpaḥ sadāśivaḥ || 3 ||
[Analyze grammar]

śālagrāmaśilā yatra gaṃḍakīvimale jale |
tatra snātvā ca pītvā ca brahmaṇaḥ padamāpnuyāt || 4 ||
[Analyze grammar]

tāṃ pūjayitvā vidhivadgaṃḍakīsaṃbhavāṃ śilām |
yogīśvaro viśuddhātmā jāyate nātra saṃśayaḥ || 5 ||
[Analyze grammar]

etatte kathitaṃ sarvaṃ yatpṛṣṭo'hamiha tvayā |
yathā haro vipraśāpaṃ prāptavāṃstanniśāmaya || 6 ||
[Analyze grammar]

yaḥ śṛṇoti naro bhaktyā vācyamānāmimāṃ kathām |
girīśanṛtyasaṃbandhāmumādehārddhavarṇitām || 7 ||
[Analyze grammar]

brahmaṇaḥ stutisaṃyuktāṃ sa gacchetparamāṃ gatim |
ślokārddhaṃ ślokapādaṃ vā samastaṃ ślokameva vā || 8 ||
[Analyze grammar]

yaḥ paṭhedavirodhena māyāmānavivarjitaḥ |
sa yāti paramaṃ sthānaṃ yatra gatvā na śocati || 9 ||
[Analyze grammar]

cāturmāsye viśeṣeṇa paṭhañchṛṇvannarottamaḥ |
labhate ciṃtitāṃ siddhiṃ dhanaputrādisaṃvṛtaḥ || 1 ||
[Analyze grammar]

yathā brahmādayo devā gītavādyābhiyogataḥ |
parāṃ siddhi mavāpuste durgāśivasamīpataḥ || 11 ||
[Analyze grammar]

varṣākāle ca saṃprāpte bhaktiyoge janārdane |
maheśvare'tha durgāyāṃ na bhūyaḥ stanapo bhavet || 12 ||
[Analyze grammar]

gaṇeśasya sadā kuryāccāturmāsye viśeṣataḥ |
pūjāṃ manuṣyo lābhārthaṃ yatno lābhaprado hi saḥ || 13 ||
[Analyze grammar]

sūryo nīrogatāṃ dadyādbhaktyā yaiḥ pūjyate hi saḥ |
cāturmāsye samāyāte viśeṣaphalado nṛṇām || 14 ||
[Analyze grammar]

idaṃ hi paṃcāyatanaṃ sevyate gṛhamedhibhiḥ |
cāturmāsye viśeṣeṇa sevitaṃ ciṃtitapradam || 15 ||
[Analyze grammar]

śālagrāmagataṃ viṣṇuṃ yaḥ pūjayati nityadā |
dvāravatīcakraśilāsahitaṃ mokṣadāyakam || 16 ||
[Analyze grammar]

cāturmāsye viśeṣeṇa darśanādapi muktidam |
yasminstute stutaṃ sarvaṃ pūjite pūjitaṃ jagat || 17 ||
[Analyze grammar]

pūjitaḥ paṭhito dhyātaḥ smṛto vai kaluṣāpahaḥ |
śālagrāme kiṃ punaryacchālagrāmagato hariḥ || 18 ||
[Analyze grammar]

punarhi harinaivedyaṃ phalaṃ cāpi dhṛtaṃ jalam |
cāturmāsye viśeṣeṇa śālagrāmagataṃ śubham || 19 ||
[Analyze grammar]

tilāḥ punaṃtyarpitāśca śālagrāmasya śūdraja |
cātumāsye viśeṣeṇa naraṃ bhaktyā samanvitam || 20 ||
[Analyze grammar]

sa lakṣmīsahito nityaṃ dhanadhānyasamanvitaḥ |
mahābhāgyavatāṃ gehe jāyate nātra saṃśayaḥ || 21 ||
[Analyze grammar]

sa lakṣmīsahito viṣṇurvijñeyo nātra saṃśayaḥ |
taṃ pūjayenmahābhaktyā sthirā lakṣmīrgṛhe bhavet || 22 ||
[Analyze grammar]

tāvaddaridratā loke tāvadgarjati pātakam |
tāvatkleśāḥ śarīre'sminna yāvatpūjayeddharim || 23 ||
[Analyze grammar]

sa eva pūjyate yatra paṃcakrośaṃ pavitrakam |
karoti sakalaṃ kṣetraṃ na tavā'śubhasaṃbhavaḥ || 24 ||
[Analyze grammar]

etadeva mahābhāgyametadevamahātapaḥ |
eṣa eva paro mokṣo yatra lakṣmīśapūjanam || 25 ||
[Analyze grammar]

śaṃkhaśca dakṣiṇāvartto lakṣmīnārāyaṇātmakaḥ |
tulasī kṛṣṇasāro'tra yatra dvāravatī śilā |
tatra śrīrvijayo viṣṇurmuktirevaṃ catuṣṭayam || 26 ||
[Analyze grammar]

lakṣmīnārāyaṇe pūjāṃ vidhāturmanujasya tu |
dadāti puṇyamatulaṃ mukto bhavati tatkṣaṇāt || 27 ||
[Analyze grammar]

cāturmāsye viśeṣeṇa pūjyo lakṣmīyuto hariḥ || 28 ||
[Analyze grammar]

kurvatastasya devasya dhyānaṃ kalmaṣanāśanam |
tulasīmañjarībhiśca pūjito janmanāśanaḥ || 29 ||
[Analyze grammar]

pūjito bilvapatreṇa cāturmāsye'ghahṛttamaḥ || 30 ||
[Analyze grammar]

sarvaprayatnena sa eva sevyo yo vyāpya viśvaṃ jagatāmadhīśaḥ |
kāle sṛjatyatti ca helayā vā taṃ prāpya bhakto na hi sīdatīti || 31 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye lakṣmīnārāyaṇamahimavarṇanaṃnāma pañcapañcāśaduttaradviśatatamoadhyāyaḥ || 255 ||
[Analyze grammar]