Chapter 254

[English text for this chapter is available]

śūdra uvāca |
idamāścaryarūpaṃ me pratibhāti vacastava |
yadyapi syānmahākleśo vadatastava suvrata || 1 ||
[Analyze grammar]

tathāpi mama bhāgyena matpuṇyairmadgṛhaṃ gataḥ |
na tṛpye tvanmukhāṃbhojāccyutaṃ vākyāmṛtaṃ punaḥ || 2 ||
[Analyze grammar]

pibangaurīkathākhyānaṃ viśeṣaguṇapūritam |
kathaṃ maheśvaro nṛtyaṃ cakāra surasaṃvṛtaḥ || 3 ||
[Analyze grammar]

cāturmāsye kathaṃ jātaṃ ki grāhyaṃ vratamucyate |
anugrahaṃ kṛtavatī sā kathaṃ ko hyanugrahaḥ || 4 ||
[Analyze grammar]

etadvistarato brūhi pṛcchato me dvijottama |
bhagavānpūjyate loke mamānugrahakārakaḥ || 5 ||
[Analyze grammar]

prasannavadano bhūtvā svasthaḥ kathaya suvrata |
gālavaścāpi tacchrutvā punarāha prahṛṣṭavān || 6 ||
[Analyze grammar]

gālava uvāca |
itihāsamimaṃ puṇyaṃ kathayāmi tavānagha |
śṛṇuṣvāvahito bhūtvā yajñāyutaphalapradam || 7 ||
[Analyze grammar]

cāturmāsye'tha saṃprāpte haro bhaktisamanvitaḥ |
brahmacaryavrataparaḥ prahṛṣṭavadano'bhavat || 8 ||
[Analyze grammar]

devatānāṃ ca saṃkalpaṃ maharṣīṇāṃ cakāra ha |
samāgatya tato devā mandarācalamāsthitāḥ || 9 ||
[Analyze grammar]

praṇamya te maheśānaṃ tasthuḥ prāṃjalayo'grataḥ |
tānuvāca surānsarvānharo dṛṣṭvā samāgatān || 10 ||
[Analyze grammar]

pārvatyābhihitaṃ prāha kasminkāryāṃtare sati |
mayā niyukte'bhinaye yatra sāhāyyakāriṇaḥ || 11 ||
[Analyze grammar]

bhavaṃtviṃdrapurogāśca cāturmāsye samāgate |
te tathocuśca saṃhṛṣṭā namaskṛtya ca śūlinam || 12 ||
[Analyze grammar]

svaṃsvaṃ bhavanamājagmurvimānaiḥ sūryasannibhaiḥ |
tathā'ṣāḍhe śuklapakṣe caturdaśyāṃ maheśvaraḥ || 13 ||
[Analyze grammar]

pranarttayitumārebhe bhavānītoṣaṇāya ca |
maṃdare parvataśreṣṭhe tatra jagmurmaharṣayaḥ || 14 ||
[Analyze grammar]

nārado devalo vyāsaḥ śukadvaipāyanādayaḥ |
aṃgirāśca marīciśca kardamaśca prajāpatiḥ || 15 ||
[Analyze grammar]

kaśyapo gautamaścātrirvasiṣṭho bhṛgureva ca |
jamadagnistathottaṃko rāmo bhārgava eva ca || 16 ||
[Analyze grammar]

agastyaśca pulomā ca pulastyaḥ pulahastathā |
pracetāśca kratuścaiva tathaivānye maharṣayaḥ || 17 ||
[Analyze grammar]

siddhā yakṣāḥ piśācāśca cāraṇāścāraṇaiḥ saha |
ādityā guhyakāścaiva sā dhyāśca vasavo'śvinau || 18 ||
[Analyze grammar]

ete sarve tathendrādyā brahmaviṣṇupurogamāḥ |
samājagmurmaheśasya nṛtyadarśanalālasāḥ || 19 ||
[Analyze grammar]

tato gaṇā naṃdimukhā ratnāni pradadustathā |
bhūṣaṇāni ca vāsāṃsi munyādibhyo yathākramam || 20 ||
[Analyze grammar]

tato vādyasahasreṣu vāditreṣu samaṃtataḥ |
sarvairjayeti caivoktā bhagavā nvratamādiśat || 21 ||
[Analyze grammar]

bhavānī hṛṣṭahṛdayā mahādevaṃ vyalokayat |
jayā ca vijayā caiva jayantī maṃgalāruṇā || 22 ||
[Analyze grammar]

catuṣṭayasakhīmadhye vira rāja śubhānanā |
tasyāḥ sānnidhyayogena jagadbhāti guṇottaram || 23 ||
[Analyze grammar]

yasyāḥ śarīrajā śobhā varṇituṃ naiva śakyate |
īśo'pi gaṇakoṭībhirnā nāvakttrābhirīkṣitaḥ || 24 ||
[Analyze grammar]

piśācabhūtasaṃghaiśca vṛtaḥ paramaśobhanaḥ |
svarṇavetradharo nandī babhau kapimukho'grataḥ || 25 ||
[Analyze grammar]

vidyādharāśca gaṃdharvāści trasenādayastathā |
citranyastā iva babhustatra nāgā munīśvarāḥ || 26 ||
[Analyze grammar]

śrīrāgapramukhā rāgāstasya putrā mahaujasaḥ |
amūrttāścaiva te putrā haradeva samudbhavāḥ || 27 ||
[Analyze grammar]

ekaikasya ca ṣaḍbhāryāḥ sarvāsāṃ ca pitāmahaḥ |
tābhiḥ sahaiva te rāgā līlāvapurdharāstathā || 28 ||
[Analyze grammar]

prādurbabhūvuḥ sahasā ciṃtitāstena śaṃbhunā |
teṣāṃ nāmāni te vacmi śṛṇuṣva tvaṃ mahādhana || 29 ||
[Analyze grammar]

śrīrāgaḥ prathamaḥ putra īśvarasya vimohanaḥ |
āsāṃ cakre bhruvormadhye parabrahma pradāyakaḥ || 30 ||
[Analyze grammar]

tanmadhyaścaiva māheśātsamudbhūto gaṇottamaḥ |
dvitīyo'tha vasanto'bhūtkaṭideśānmahāyaśāḥ || 31 ||
[Analyze grammar]

mahadaṃkaśca bhūtānāṃ cakrāccaiva viśuddhitaḥ |
paṃcamastu tṛtīyo'bhūtsuto viśvavibhūṣaṇaḥ || 32 ||
[Analyze grammar]

maheśvarahṛdo jātaṃ cakraṃ caivamanāhatam |
nāsādeśātsamudbhūto bhairavo bhairavaḥ svayam || 33 ||
[Analyze grammar]

maṇipūrakanāmedaṃ cakraṃ taddhi vimuktidam |
paṃcāśacca tathā varṇā aṃkā nāma maheśvarāt || 34 ||
[Analyze grammar]

rāśayo dvādaśa tathā nakṣatrāṇi tathaiva ca |
svādhiṣṭhānasamudbhūtā jagadbījasamanvitāḥ || 35 ||
[Analyze grammar]

kṣaṇena vṛddhimāyāṃti tato retaḥ pravartate |
retasastu jagatsṛṣṭaṃ tadīśajananeṃdriyam || 36 ||
[Analyze grammar]

ādhārācca mahānṣaṣṭho naṭo nārāyaṇo'bhavat |
maheśavallabhaḥ putro nīlo viṣṇuparākramaḥ || 37 ||
[Analyze grammar]

ete mūrtidharā rāgā jātā bhāryāsahāyinaḥ |
bhāryāsteṣāṃ samudbhūtāḥ śirobhāgātpinākinaḥ || 38 ||
[Analyze grammar]

ṣaṭtriṃśatparimāṇena tatastāstvaṃ niśāmaya |
gaurī kolāhalī dhīrā drāviḍī māla kauśikī || 39 ||
[Analyze grammar]

ṣaṣṭhī syāddevagāṃdhārī śrīrāgatya priyā imāḥ |
āndolā kauśikī caiva tathā caramamaṃjarī || 40 ||
[Analyze grammar]

gaṃḍagirī devaśākhā rāma girī vasantagā |
triguṇā stambhatīrthā ca ahirī kuṃkumā tathā || 41 ||
[Analyze grammar]

vairāṭī sāmaverī ca ṣaḍbhāryāḥ paṃcame matāḥ |
bhairavī gurjarī caiva bhāṣā velāgulī tathā || 42 ||
[Analyze grammar]

karṇāṭakī raktahaṃsā ṣaḍbhāryā bhairavānugāḥ |
baṃgālī madhurā caiva kāmodā cākṣinārikā || 43 ||
[Analyze grammar]

devagirī ca devālī megha rāgānugā imā |
troṭakī mīḍakī caiva narādumbī tathaiva ca || 44 ||
[Analyze grammar]

malhārī sindhumalhārī naṭanārāyaṇānugāḥ |
etā hi giriśaṃ natvā maheśaṃ ca maheśvarīm || 45 ||
[Analyze grammar]

svamūrttivāhanopetāḥ svabhartṛsahitāḥ sthitāḥ |
brahmā mṛdaṃgavādyena toṣayāmāsa śaṃkaram || 46 ||
[Analyze grammar]

caturakṣaravādyena suvādyaṃ cākarotpunaḥ |
tālakriyāṃ maheśāya darśayāmāsa keśavaḥ || 47 ||
[Analyze grammar]

vāyavastatra vādyaṃ ca cakruḥ susvaramojasā |
mahendro vaṃśavādyaṃ ca sugiraṃ susvaraṃ bahuḥ || 48 ||
[Analyze grammar]

vahniḥ śūrparavaṃ cakre paṇavaṃ ca tathāśvinau |
upāṃgavādanaṃ cakre somaḥ sūryaḥ samaṃtataḥ || 49 ||
[Analyze grammar]

ghaṃṭānāṃ vādanaṃ cakrurgaṇāḥ śatasahasraśaḥ |
munīśvarāstathā devyaḥ pārvatīsahitāstathā || 50 ||
[Analyze grammar]

svarṇabhadrāsaneṣvete hyupaviṣṭā vyalokayan |
śṛṃgāṇāṃ vādanaṃ cakrurvasavaḥ samahoragāḥ || 51 ||
[Analyze grammar]

bherīdhvaniṃ tathā sādhyā vādyānyanye surottamāḥ |
jharjharīgomukhādīni sādhyāścakrurmahotsave || 52 ||
[Analyze grammar]

tantrīlayasamāyuktā gaṃdharvā madhura svarāḥ |
suvarṇaśṛṃganādaṃ ca cakruḥ siddhāḥ samaṃtataḥ || 53 ||
[Analyze grammar]

tatastu bhagavānāsīnmahānaṭavapurdharaḥ |
mukuṭāḥ paṃcaśīrṣe tu pannagairupaśobhitāḥ || 54 ||
[Analyze grammar]

jaṭā vimucya sakalā bhasmoddhūlitavigrahaḥ |
bāhubhirdaśabhiryukto hārakeyūrasaṃyutaḥ || 55 ||
[Analyze grammar]

trailokyavyāpakaṃ rūpaṃ sūryakoṭisamaprabham |
kṛtvā nanartta bhagavānbhāsuraṃ sa mahānage || 56 ||
[Analyze grammar]

tataṃ vīṇādikaṃ vādyaṃ kāṃsyatālādikaṃ ghanam |
vaṃśādikaṃ tu vāditraṃ tomarādikanāmakam || 57 ||
[Analyze grammar]

caturvidhaṃ tato vādyaṃ tumulaṃ samajāyata |
tālānāṃ paṭahādīnāṃ hastakānāṃ tathaiva ca || 58 ||
[Analyze grammar]

mānānāṃ caiva tānānāṃ pratyakṣaṃ rūpamābabhau |
sukaṃṭhaṃ susvaraṃ muktaṃ sugambhīraṃ mahāsvanam || 59 ||
[Analyze grammar]

viśvāvasurnāradaśca tuṃburuścaiva gāyakāḥ |
jagurgaṃdharvapatayo'psaraso madhurasvarāḥ || 60 ||
[Analyze grammar]

grāmatrayasamopetaṃ svarasaptakasaṃyutam |
divyaṃ śuddhaṃ ca sāṃkalpaṃ tatra geyamavarttata || 61 ||
[Analyze grammar]

parvato'pi mahānādaṃ harapādatalāhataḥ |
bhramibhirbhramayaṃstatra mahīṃ sapurakānanām || 62 ||
[Analyze grammar]

hastakāṃścaturāśītiṃ sa sasarja sadāśivaḥ |
lalāṭaphalakasvedātsūtamāgadhabaṃdinaḥ || 63 ||
[Analyze grammar]

maheśahṛdayājjātā gaṃdharvā viśvagāyakāḥ |
te mūrttā devadevasya suraṃgālayasaṃyutāḥ || 64 ||
[Analyze grammar]

prekṣakāṇāmṛṣīṇāṃ ca cakrurāścaryamojasā |
kinnarāḥ puṣpavarṣāṇi sasṛjuḥ svairguṇairiha || 65 ||
[Analyze grammar]

evaṃ caturṣumāseṣu yadā nṛtyamajāyata |
atikrāṃtā śarajjātā nirmalākāśaśobhitā || 66 ||
[Analyze grammar]

padmakhaṃḍasamācchannasarovaramukhāṃbujā |
phalavṛkṣauṣadhībhiśca kiṃcitpāṃḍumukhacchaviḥ || 67 ||
[Analyze grammar]

ūrjaśuklacaturdaśyāṃ prasannā girijā tadā |
samāptavratacaryaḥ sa īśvaro'pi tadā babhau || 68 ||
[Analyze grammar]

sā covāca tadā śaṃbhuṃ vikacasvaralocanā |
vipraśāpapātitaṃ ca yadā liṃgaṃ bhaviṣyati || 69 ||
[Analyze grammar]

narmadājalasaṃbhūtaṃ viśvapūjyaṃ bhaviṣyati |
evamuktvā tatastuṣṭā harastotraṃ cakāra ha || 70 ||
[Analyze grammar]

namaste devadevāya mahādevāya mauline |
jagaddhātre savitre ca śaṃkarāya śivāya ca || 71 ||
[Analyze grammar]

kapardine'jayādāya brahmagarbhāya te namaḥ |
hiraṇyaretase tubhyaṃ nīlagrīvāya te namaḥ || 71 ||
[Analyze grammar]

namo brahmaṇya devāya sitabhūtidharāya ca |
paṃcavaktrāya rūpāya nīrūpāya namonamaḥ || 73 ||
[Analyze grammar]

sahasrākṣāya śubhrāya namaste kṛttivāsase |
andhakāsuramokṣāya paśūnāṃ pataye namaḥ || 74 ||
[Analyze grammar]

vipravahnimukhāgrāya harāya ca bhavāya ca |
śaṃkarāya maheśāya īśvarāya namo namaḥ || 76 ||
[Analyze grammar]

amūrtabrahmarūpāya mūrttānāṃ bhāvanāya ca |
namaḥ śivāya cogrāya harāya ca bhavāya ca || 76 ||
[Analyze grammar]

namaḥ kṛṣṇāya śarvāya tripurāṃtaka hāriṇe |
aghorāya namaste'stu namaste puruṣāya te || 77 ||
[Analyze grammar]

sadyojātāya tubhyaṃ bho vāmadevāya te namaḥ |
īśānāya namastubhyaṃ paṃcāsyāya kapāline || 78 ||
[Analyze grammar]

virūpākṣāya bhāvāya bhaganetranipātine |
pūṣadaṃtanipātāya mahāyajñanipātine || 79 ||
[Analyze grammar]

mṛgavyādhāya dharmāya kālacakrāya cakriṇe |
mahāpuruṣapūjyāya gaṇānāṃ pataye namaḥ || 80 ||
[Analyze grammar]

gaṃgādharāya mṛḍine bhavānīpriyakāriṇe |
jagadānaṃdadātre ca brahmarūpāya te namaḥ || 91 ||
[Analyze grammar]

guṇātītāya guṇine sūkṣmāya gurave'pi ca |
namo mahāsvarūpāya bhasmano janmakāriṇe || 82 ||
[Analyze grammar]

vairāgyarūpiṇe nityaṃ yogācāryāya vai namaḥ |
mayoktamapriyaṃ deva smarasaṃhārakāraka || 83 ||
[Analyze grammar]

kṣaṃtumarhasi viśveśa śirasā tvāṃ prasādaye |
śāpānugraha evaiṣa kṛtaste vai na saṃśayaḥ || 84 ||
[Analyze grammar]

mamāparādhajo manyurna kāryo bhavatā'nagha |
evaṃ prasāditaḥ śaṃbhurhṛṣṭātmā tridaśaiḥ saha || 85 ||
[Analyze grammar]

tīrṇavrataparānaṃdanirbharaḥ prāha tāmumām |
ya imāṃ matstutiṃ bhaktyā paṭhiṣyati tavodgatām |
tasya ceṣṭaviyogaśca na bhaviṣyati pārvati || 86 ||
[Analyze grammar]

janmatrayadhanairyuktaḥ sarvavyādhivivarjitaḥ |
bhuktveha vividhānbhogānaṃte yāsyati matpuram || 87 ||
[Analyze grammar]

ityuktvā tāṃ maheśo'pi svamaṃgaṃ pradadau tataḥ |
vaiṣṇavaṃ vāmabhāgaṃ sā pratijagrāha pārvatī || 88 ||
[Analyze grammar]

śarvaṃ kapālahastaṃ ca grīvārddhe garalānvitam |
ruṇḍamālārddhahāraṃ ca sitagauraṃ samaṃtataḥ || 89 ||
[Analyze grammar]

brahmāṃḍakoṭijanakaṃ jaṭābhirbhūṣitaṃ śiraḥ |
sita dyutikalākhaṃḍaratnabhāsāvabhāsitam || 90 ||
[Analyze grammar]

svarṇābharaṇasaṃyuktamekato bhujagāṃgadam |
ekataḥ kṛttivasanamanyataḥ paṭṭakūlavat || 91 ||
[Analyze grammar]

matsya vāhanasaṃyuktamanyato vṛṣabhāṃkitam |
ekataḥ pārṣadaiḥ sevyamanyataḥ sakhisevitam || 92 ||
[Analyze grammar]

rūpamevaṃvidhaṃ dṛṣṭvā brahmādyā devatāgaṇāḥ |
tuṣṭuvuḥ parayā bhaktyā tejobhūṣitalocanam || 93 ||
[Analyze grammar]

tvameko bhagavānsarvavyāpakaḥ sarvadehinām |
pitṛvadrakṣako'si tvaṃ mātā tvaṃ jīvasaṃjñakaḥ || 94 ||
[Analyze grammar]

sākṣī viśvasya bījaṃ tvaṃ brahmāṃḍavaśakārakaḥ |
utpadyaṃte vilīyaṃte tvayi brahmāṃḍakoṭayaḥ || 95 ||
[Analyze grammar]

ūrmayaḥ sāgare nityaṃ salile budbudā yathā |
ahaṃ kadā citte netrātkadācittava bhālataḥ || 96 ||
[Analyze grammar]

kvacitsaṃge śivādevyā prāhurbhūtvā sṛje jagat |
tavājñākariṇaḥ sarve vayaṃ brahmādayaḥ surāḥ || 97 ||
[Analyze grammar]

anaṃtavaibhavo'naṃto'naṃtadhāmā'syanaṃtakaḥ |
anaṃtaḥ sarvabhaṃgāya kuruṣe rūpamadbhutam || 98 ||
[Analyze grammar]

bhavāni tvaṃ bhayaṃ nityamaśivānāṃ pavitrakṛt |
śivā nāmapi dātrī tvaṃ tapasāmapi tvaṃ phalam || 99 ||
[Analyze grammar]

yaḥ śivaḥ sa svayaṃ viṣṇuryo viṣṇuḥ sa sadāśivaḥ |
ityabhedamatirjātā svalpā nastvatprasādataḥ || 100 ||
[Analyze grammar]

yatkiṃcicca jagatyasmindṛśyate śrūyate'pi vā |
madhye bahiśca tatsarvaṃ trayaṃ vyāpya sthitā yadā || 1 ||
[Analyze grammar]

jagatpūjye sureśāni jagadvaṃdye tathāṃbike |
prasādaṃ kuru deveśi deveśa praṇatā vayam || 2 ||
[Analyze grammar]

ityuktvā tridaśāḥ sarve hṛṣṭā jagmuryathāgatam || 3 ||
[Analyze grammar]

gālava uvāca |
taddivyarūpamatulaṃ bhuvi ye manuṣyāḥ saṃsārasāgarasamuttaraṇaikapotam |
saṃcintayaṃti manasā hṛtakilbiṣāste brahmasvarūpamanuyāṃti vimuktasaṃgāḥ || 104 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsya māhātmye haratāṃḍavanarttanavarṇanaṃnāma catuḥpañcāśaduttaradviśatatamo'dhyāyaḥ || 254 ||
[Analyze grammar]