Chapter 231

[English text for this chapter is available]

sūta uvāca |
vṛko'pi tatsamāsādya rājyaṃ trailokyasaṃbhavam |
yadṛcchayā jagatsarvaṃ samājñāpayattadā || 1 ||
[Analyze grammar]

soṃ'dhakasya bale vīrye dhairye kope ca dānavaḥ |
sahasraguṇitaścāsīdraudraḥ paramadāruṇaḥ || 2 ||
[Analyze grammar]

etasminnaṃtare kaścinna martyo yajati kṣitau |
na homaṃ naiva jāpyaṃ ca daityāñjñātvā surāspade || 3 ||
[Analyze grammar]

atha yaḥ kurute dharmaṃ homaṃ vā japameva vā |
suguptasthānamāsādya karotyamaratuṣṭaye || 4 ||
[Analyze grammar]

atha svargasthitā daityā yajñabhāgavivarjitāḥ |
tathā martyodbhavairbhāgaiḥ saṃdehaṃ paramaṃ gatāḥ || 5 ||
[Analyze grammar]

tataḥ kopaparītātmā preṣayāmāsa dānavaḥ |
martyaloke carānguptānnipuṇāṃścābravīttataḥ || 6 ||
[Analyze grammar]

yaḥ kaściddevatānāṃ ca pragṛhṇāti karoti ca |
tadarthaṃ yajanaṃ homaṃ dānaṃ vā pṛthivītale |
sa ca vadhyaśca yuṣmābhirmama vākyādasaṃśayam || 7 ||
[Analyze grammar]

atha te tadvacaḥ śrutvā dānavā balavattarāḥ |
gatvā ca medinīpṛṣṭhaṃ guptāḥ sarpaṃti sarvataḥ || 8 ||
[Analyze grammar]

yaṃ kañcidvīkṣayaṃtisma japahomaparāyaṇama |
svādhyāyaṃ vā prakurvāṇaṃ taṃ nighnaṃti śitāsibhiḥ || 9 ||
[Analyze grammar]

etasminneva kāle tu sāṃkṛtirmunisattamaḥ |
guptaścakre tatastasyāṃ gartāyāṃ channavarṣmakaḥ |
yatra pūrvaṃ tapastaptaṃ vṛkeṇa ca dvijāḥ purā || 10 ||
[Analyze grammar]

atha te taṃ tadā dṛṣṭvā tadguhāyāṃ vyavasthitam |
bhartsamānāstapastacca procuśca paruṣākṣaraiḥ || 11 ||
[Analyze grammar]

dṛṣṭvā tasyāgrataḥ saṃsthāṃ gandhapuṣpaiśca pūjitām |
vāsudevātmikāṃ mūrtiṃ caturhastāṃ dvijottamāḥ || 12 ||
[Analyze grammar]

tataste śastramudyamya nirjaghnustaṃ krudhānvitāḥ |
na śekuste yadā haṃtuṃ saṃvṛtaṃ viṣṇutejasā |
kuṇṭhatāṃ sarvaśastrāṇi gatāni vimalānyapi || 13 ||
[Analyze grammar]

atha vailakṣyamāpannā nirviṇṇāḥ sarva eva te |
tāṃ vārtāṃ dānavendrāya vṛkāyocuśca te tadā || 14 ||
[Analyze grammar]

kaścidvipraḥ samādhāya vaiṣṇavīṃ pratimāṃ puraḥ |
tapastepe mahābhāga kṣetre vai hāṭakeśvare || 15 ||
[Analyze grammar]

yatra tvayā tapastaptaṃ bhītyā sarvadivaukasām |
api cauryeṇa cāsmākaṃ tapastapati tādṛśam || 16 ||
[Analyze grammar]

yena sarvāṇi śastrāṇi kuṇṭhatāṃ pragatāni ca |
tasya gātre prahāraiśca tasmātkuru yathocitam || 17 ||
[Analyze grammar]

teṣāṃ tadvacanaṃ śrutvā vṛkaḥ kopasamanvitaḥ |
jagāma satvaṃ tatra yatrāsau sāṃkṛtiḥ sthitaḥ || 18 ||
[Analyze grammar]

sa gatvā vaiṣṇavīṃ mūrtiṃ tāmutkṣipya sudūrataḥ |
śvabhrādbahiḥ pracikṣepa bhartsamānaḥ punaḥ punaḥ || 19 ||
[Analyze grammar]

jaghāna pādaghātena dakṣiṇenetareṇa tam |
abravīnmama vadhyastvaṃ yanmacchatruṃ janārdanam || 20 ||
[Analyze grammar]

saṃpūjayasi cauryeṇa tena prāṇānharāmyaham |
evamuktvātha khaḍgena taṃ jaghāna sa daityapaḥ || 21 ||
[Analyze grammar]

tatastasya sa khaḍgastu tīkṣṇo'pi dvijasattamāḥ |
tasya kāye prahīṇastu śatadhā samapadyata || 22 ||
[Analyze grammar]

tataḥ kopaparītātmā taṃ śaśāpa sa sāṃkṛtiḥ || 23 ||
[Analyze grammar]

yasmātpāpa tvayāhaṃ ca pādaghātaiḥ pratāḍitaḥ |
tasmātte patatāṃ pādau sadya eva dharātale || 24 ||
[Analyze grammar]

sūta uvāca |
uktamātre tatastena pādau tasya dvijottamāḥ |
patitau medinīpṛṣṭhe paṃcaśīrṣāvivoragau || 25 ||
[Analyze grammar]

etasminneva kāle tu ākrandaḥ sumahānabhūt |
vṛkasya sainikānāṃ ca nārīṇāṃ ca viśeṣataḥ || 26 ||
[Analyze grammar]

atha devāḥ parijñāya taṃ tadā paṃgutāṃ gatam |
āgatya merupṛṣṭhaṃ ca nijaghnustatparigraham || 27 ||
[Analyze grammar]

hataśeṣāśca daityāste pātālāṃtaḥsamā gatāḥ |
vṛko'pi paṃgutāṃ prāptastasthau tapasi susthiram || 28 ||
[Analyze grammar]

sarvairaṃtaḥpuraiḥ sārdhaṃ duḥkhaśokasamanvitaḥ |
indro'pi prāptavānrājyaṃ tadā nihata kaṃṭakam || 29 ||
[Analyze grammar]

dharmakriyāḥ pravṛttāśca tato bhūyo rasātale || 30 ||
[Analyze grammar]

atha dīrgheṇa kālena tasya tuṣṭaḥ pitāmahaḥ |
uvāca tatra cāgatya garttāmadhye dvijottamāḥ || 31 ||
[Analyze grammar]

vṛka tuṣṭo'smi te vatsa varaṃ varaya suvrata |
ahaṃ dāsyāmi te nūnaṃ yadyapi syātsudurlabham || 32 ||
[Analyze grammar]

vṛka uvāca |
yadi tuṣṭo'si me deva yadi deyo varo mama |
pādadānaṃ tadā deva mama brahmansamācara |
paṃgutā yāti śīghraṃ me yeneyaṃ te prasādataḥ || 33 ||
[Analyze grammar]

tacchrutvā taṃ samānīya sāṃkṛtiṃ tatra padmajaḥ |
provāca sāṃtvapūrvaṃ ca vṛkasyāsya dvijottama || 34 ||
[Analyze grammar]

madvākyātpaṃgutā yāti yenāsya tvaṃ tathā kuru || 35 ||
[Analyze grammar]

sāṃkṛtiruvāca |
anṛtaṃ noktapūrvaṃ me svaireṣvapi pitāmaha |
jñāyate devadeveśa tatkathaṃ tatkaromyaham || 36 ||
[Analyze grammar]

brahmovāca |
mama bhaktiparo nityaṃ vṛko'yaṃ daityasattamaḥ |
pautrastvaṃ dayito nityaṃ tena tvāṃ prārthayāmyaham || 37 ||
[Analyze grammar]

tava vākyaṃ ca no mithyā kartuṃ śaknomi sanmune || 38 ||
[Analyze grammar]

sāṃkṛtiruvāca |
eṣa daityaḥ suduṣṭātmā devānāmahite sthitaḥ |
viśeṣādvāsudevasya purormama mahātmanaḥ || 39 ||
[Analyze grammar]

paṃgutāmarhati prāyaḥ pāpātmā dvijadūṣakaḥ |
balena mahatā yukto jarāmaraṇavarjitaḥ || 40 ||
[Analyze grammar]

purā kṛtastvayā deva sa cetpādāvavāpsyati |
haniṣyati jagatsarvaṃ sadevāsuramānuṣam || 41 ||
[Analyze grammar]

tasmāttiṣṭhatu tadrūpo na kalpaṃ kartumarhasi |
tvayāpi cintā kartavyā trailokyasya yataḥ prabho || 42 ||
[Analyze grammar]

brahmovāca |
prāvṛṭkāle tu sañjāte yānaṃ kartuṃ na yujyate |
vijigīṣorviśeṣeṇa muktvā śītātapāgamam || 43 ||
[Analyze grammar]

tasmācca caturo māsānvārṣikānpādasaṃyutaḥ |
agamyaḥ sarvalokānāṃ kuryātkarmāṇi dhairyataḥ || 44 ||
[Analyze grammar]

tadbhūyātpādasaṃyuktaḥ sa vṛko dāna vottamaḥ |
yena kṣemaṃ ca devānāṃ dvijānāṃ jāyate dvija || 45 ||
[Analyze grammar]

evaṃ kṛte na mithyā te vākyaṃ vipra bhaviṣyati |
phalaṃ ca tapasastasya na vṛthā saṃbhaviṣyati || 46 ||
[Analyze grammar]

sūta uvāca |
bāḍhamityeva tenokte sāṃkṛtena mahātmanā |
utthitau sahasā pādau tasya gātrātpunarnavau || 47 ||
[Analyze grammar]

punaśca dānavo raudraḥ paśutvaṃ samapadyata |
tasyāmeva tu gartāyāṃ saṃtiṣṭhati dvijottamāḥ || 48 ||
[Analyze grammar]

māsānaṣṭau sa duḥkhena sakalatraḥ sabāṃdhavaḥ |
smaramāṇo mahadvairaṃ daivaiḥ sārdhaṃ divāniśam || 49 ||
[Analyze grammar]

anyāṃśca caturo māsānniṣkramya sa ruṣānvitaḥ |
sadā pīḍayate devānsaheṃdrānmānuṣānapi || 5 ||
[Analyze grammar]

vidhvaṃsayati sarvāṇi dharmasthānāni yāni ca || 51 ||
[Analyze grammar]

vidhvaṃsayati devānāṃ striyo māsacatuṣṭayam |
udyānāni ca sarvāṇi sapurāṇi gṛhāṇi ca || 52 ||
[Analyze grammar]

tato devāḥ samabhyetya devadevaṃ janārdanam |
kṣīrābdhau saṃsthitaṃ nityaṃ śeṣaparyaṃkaśāyinam || 53 ||
[Analyze grammar]

caturo vārṣikānmāsāṃstatra sthitvā tadaṃtike |
māsānaṣṭau punarjagmustridivaṃ prati nirbhayāḥ || 54 ||
[Analyze grammar]

tasminpaṃgutvamāpanne daitye paramadāruṇe |
kasyacittvatha kālasya devarājo bṛhaspatim |
provāca duḥkhasaṃtapta āṣāḍhāṃte suro ttamaḥ || 55 ||
[Analyze grammar]

guro sa māsaḥ saṃprāptaḥ prāvṛṭkālo bhayāvahaḥ |
āgamiṣyati yatrāsau labdhapādo vṛkāsuraḥ || 56 ||
[Analyze grammar]

gantavyaṃ ca tato'smābhiḥ kṣīrode keśavālaye |
maivaṃ dīnaistathā bhāvyaṃ parāśrayanivāsibhiḥ || 57 ||
[Analyze grammar]

svagṛhāṇi parityajya śayanānyāsanāni ca |
vāhanāni vicitrāṇi yaccānya ddayitaṃ gṛhe || 58 ||
[Analyze grammar]

tasmātkathaya cāsmākamupāyaṃ kañcideva hi |
vrataṃ vā niyamaṃ vātha homaṃ vā munisattama || 59 ||
[Analyze grammar]

aśūnyaṃ śayanaṃ yena svakalatreṇa jāyate |
tathā na gṛhasaṃtyāgaḥ svakīyasya prajāyate || 60 ||
[Analyze grammar]

nirviṇṇo'haṃ nijasthānabhraṃśāddvijavarottama |
varṣevarṣe ca samprāpte sthānakasya cyutirbhavet || 61 ||
[Analyze grammar]

punarbhūmau śayiṣyāmi yāvanmāsacatuṣṭayam |
niṣkalatro bhayodvigno brahmacaryaparāyaṇaḥ || 62 ||
[Analyze grammar]

tasya tadvacanaṃ śrutvā bhayārtasya bṛhaspatiḥ |
provāca suciraṃ dhyātvā tato devaṃ śatakratum || 63 ||
[Analyze grammar]

aśūnyaśayanaṃnāma vratamasti mahattapaḥ |
viṣṇorārādhanārthāya tatkuruṣva samā hitaḥ || 64 ||
[Analyze grammar]

devo yatrāsti viṣṇuḥ sa kṣīrābdhau madhusūdanaḥ |
jalaśāyī jagadyoniḥ sa dāsyati hitaṃ ca te || 65 ||
[Analyze grammar]

yathā na śūnyaṃ śayanaṃ gṛha bhaṃgaḥ prajāyate |
sarvaśatruvināśaśca tatprasādena vāsava || 66 ||
[Analyze grammar]

sūta uvāca |
tasminvrate tataścīrṇe hyaśūnyaśayanātmake |
tutoṣa bhagavānviṣṇustataḥ provāca devapam || 67 ||
[Analyze grammar]

śakra tuṣṭo'smi bhadraṃ te varaṃ varaya suvrata |
vratenānena cīrṇena cāturmāsyodbhavena ca |
tasmātprārthaya devendra nityaṃ yanmanasi sthitam || 68 ||
[Analyze grammar]

indra uvāca |
kṛṣṇa jānāsi tvaṃ cāpi yaśca me'tra parābhavaḥ |
kriyate dānavendreṇa vṛkeṇa sudurātmanā || 69 ||
[Analyze grammar]

mamāṣṭamāsikaṃ rājyaṃ trailokye'pi vyavasthitam |
śeṣāṃśca caturo māsānvarṣevarṣe sameti saḥ || 70 ||
[Analyze grammar]

evaṃ jñātvā suraśreṣṭha dayāṃ kṛtvā mamopari |
tathā kuru yathā rājyaṃ mama syātsārvakālikam || 71 ||
[Analyze grammar]

viṣṇuruvāca |
ajaraścāmaraścāpi sa kṛtaḥ padmayoninā |
tatkathaṃ jīvamānena tena rājyaṃ bhavettava || 72 ||
[Analyze grammar]

paraṃ tathāpi devendra kariṣyāmi hitaṃ tava || 73 ||
[Analyze grammar]

kṣīrārṇavaṃ parityajya hāṭakeśvarasaṃjñite |
kṣetre gatvā samaṃ lakṣmyā tasyopari tataḥ param || 74 ||
[Analyze grammar]

kariṣyāmi tvahaṃ śakra śayanaṃ yatnamāsthitaḥ |
yāvacca caturo māsānyathā sa na caliṣyati || 785 ||
[Analyze grammar]

tasmātsthānātsahasrākṣa madbhāreṇa prapīḍitaḥ |
varṣevarṣe sadā kāryaṃ mayā tatsuhitaṃ tava || 76 ||
[Analyze grammar]

tasmādgacchādhunā svarge kuru rājyamakaṃṭakam |
prāvṛṭ kāle tu saṃprāpte na bhīḥ kāryā tadudbhavā || 77 ||
[Analyze grammar]

yo māṃ tatra śayānaṃ tu vratenānena devapa |
pūjayiṣyati sadbhaktyā tasya dāsyāmi vāṃchitam || 78 ||
[Analyze grammar]

sūta uvāca |
evamuktvā hṛṣīkeśo visasarja śatakratum |
niḥśeṣabhayanirmuktaṃ svarājyaparivṛddhaye || 79 ||
[Analyze grammar]

āṣāḍhasya site pakṣa ekādaśyā dine sadā |
hāṭakeśvaraje kṣetre tatrāgatya svayaṃ vibhuḥ || 80 ||
[Analyze grammar]

vṛkopari tataścakre śayanaṃ yatnamāsthitaḥ |
tenākrāṃtastataḥ so'pi śaknoti calituṃ na hi || 81 ||
[Analyze grammar]

mṛtaprāyastato nityaṃ tadbhāreṇa prapīḍitaḥ |
kārtikasya site pakṣa ekādaśyā dine sthite || 82 ||
[Analyze grammar]

utthānaṃ kurute viṣṇuḥ kṣīrodaṃ prati gacchati ||ा |
so'pi sāṃkṛtiśāpena vṛkaḥ paṃgutvamāpnuyāt || 83 ||
[Analyze grammar]

evaṃ ca caturo māsānna tyajecchayanaṃ hariḥ |
bhayāttasyāsureṃdrasya dānavasya durātmanaḥ || 84 ||
[Analyze grammar]

tatra martyaiḥ kriyā sarvāḥ kriyate na makhodbhavāḥ |
yasmātsa yajñapuruṣo na supto bhāgamaśnute || 85 ||
[Analyze grammar]

tathā yajñāśca ye sarve ktvayādānādi kāḥ śubhāḥ |
te sarve na kriyaṃte ca cūḍākaraṇapūrvakāḥ || 86 ||
[Analyze grammar]

muktvānnaprāśanaṃnāma sīmaṃtonnayanaṃ tathā |
tasmātsupte jagannāthe tāḥ sarvāḥ syurvṛthā dvijāḥ || 87 ||
[Analyze grammar]

vrataṃ vā niyamaṃ vātha tasminyaḥ kurute naraḥ |
prasupte devadeveśe tatsarvaṃ niṣphalaṃ bhavet || 88 ||
[Analyze grammar]

tasmātsarvaprayatnena saṃprasupte janārdane |
vratasthairmānavairbhāvyaṃ tasya devasya tuṣṭaye || 89 ||
[Analyze grammar]

ekādaśyāṃ dine prāpte śayane bodhane hareḥ |
yatkiṃcitkriyate karma śreṣṭhaṃ taccākṣayaṃ bhavet || 90 ||
[Analyze grammar]

kiṃvātra bahunoktena kriyate yadvrataṃ naraiḥ |
tena tuṣṭiṃ parāṃ yāti daityopari sthito hariḥ || 91 ||
[Analyze grammar]

evaṃ sa bhagavānprāha suptastatra janārdanaḥ |
kiṃ vā tasya jvaro jāto mahatī vedanāpi ca || 92 ||
[Analyze grammar]

tasminnahani pāpātmā yonnamaśnāti mānavaḥ |
tasmātsarvaprayatnena saṃprāpte harivāsare || 93 ||
[Analyze grammar]

anyasminnapi bhoktavyaṃ na nareṇa vijānatā |
kiṃ punaḥ śayanaṃ yatra kurute yatra bodhanam || 94 ||
[Analyze grammar]

sūta uvāca |
etadvaḥ sarvamākhyātaṃ yatpṛṣṭo'smi dvijo ttamāḥ |
hāṭakeśvaraje kṣetre yasmācchete janārdanaḥ || 95 ||
[Analyze grammar]

kṣīrābdhiṃ saṃparityajya sadā māsacatuṣṭayam |
śrūyatāṃ ca phalaṃ yatsyāttasminnārādhite vibho || 96 ||
[Analyze grammar]

caturo vārṣikānmāsānyastaṃ pūjayate vibhum |
vratasthaḥ sa naro yāti yatra devaḥ sa saṃsthitaḥ || 97 ||
[Analyze grammar]

kiṃ dānairbahubhirdattaiḥ kiṃ vrataiḥ kimupoṣitaiḥ |
tatra yaḥ puṃḍarīkākṣaṃ suptaṃ pūjayati dhruvam || 98 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye jalaśāyyupākhyāna ekādaśīvratamāhātmyavarṇanaṃnāmaikatriṃśaduttaradviśatatamo'dhyāyaḥ || 231 ||
[Analyze grammar]