Chapter 217

[English text for this chapter is available]

ānarta uvāca |
vidhinā yena kartavyaṃ śrāddhaṃ sarvaṃ munīśvara |
tamācakṣvā'dya kārtsnyena śraddhā me mahatī sthitā || 1 ||
[Analyze grammar]

bhartṛyajña uvāca |
śṛṇu rājanpravakṣyāmi śrāddhasya vidhimuttamam |
pitṝṇāṃ tuṣṭidaṃ nityaṃ sarvakāmapradaṃ nṛṇām || 2 ||
[Analyze grammar]

svakarmopārjitairvittaiḥ śrāddhakāryāṇi cāharet |
māyādibhirna cauryeṇa na cchalāptairna vaṃcanaiḥ |
svavṛttyopārjitairvittaiḥ śrāddhadravyaṃ samāharet |
supratigrahajairdravyairbrāhmaṇānāṃ viśiṣyate || 4 ||
[Analyze grammar]

rakṣaṇāptairnarendrasya vaiśyasya kṣetra saṃbhavaiḥ |
śūdrasya paṇyalabdhaiśca śrāddhaṃ kartuṃ prayujyate || 5 ||
[Analyze grammar]

evaṃ śuddhisamopete dravye prāpte gṛhāṃtikam |
pūrvedyuḥ sāyamāsādya śrāddhārhāṇāṃ dvijanmanām || 6 ||
[Analyze grammar]

gṛhaṃ gatvā śucirbhūtvā kāmakrodhavivarjitaḥ |
āmaṃtrayedyatīnpaścātsnātakānbrahmakarmiṇaḥ || 7 ||
[Analyze grammar]

tadabhāve gṛhasthāṃśca |
brahmajñānaparāyaṇān || agnihotraparānviprānvedavidyāvicakṣaṇān || 8 ||
[Analyze grammar]

śrotriyāṃśca tathā vṛddhānṣaṭkarmaniratānsadā |
bahubhṛtyakuṭumbāṃśca daridrā्nsaṃyutānguṇaiḥ || 9 ||
[Analyze grammar]

avyaṃgānroganirmuktāñjitāhārāṃstathā śucīn |
ete syurbrāhmaṇā rājañchrāddhārhāḥ parikīrtitāḥ || 10 ||
[Analyze grammar]

anarhā ye ca nirdiṣṭāḥ śṛṇu tānapi vacmi te |
hīnāṃgānadhikāṃgāṃśca sarvabhākṣannirākṛtīn || 11 ||
[Analyze grammar]

śyāvadantānvṛthādantānvedavikrayakārakān |
vedaviplavakānvāpi vedaśāstravivarjitān || 12 ||
[Analyze grammar]

kunakhānrogasaṃyuktāndvirnagnānparahiṃsakān |
janāpavādasaṃyuktānnāstikānṛtakānapi || 13 ||
[Analyze grammar]

vārdhuṣikānvikarmasthāñchaucācāravivarji tān |
atidīrghānkṛśānvāpi sthūlānapi ca lomaśān || 14 ||
[Analyze grammar]

nirlomānvarjayecchrāddhe ya icchetpitṛgauravam |
paradāraratā ye ca tathā yo vṛṣalī patiḥ || 15 ||
[Analyze grammar]

vaṃdhyā vai vṛṣalī proktā vṛṣalī ca mṛtaprajā |
aparā vṛṣalī proktā kumārī yā rajasvalā || 16 ||
[Analyze grammar]

ṣaṇḍho malimluco dambhī rājapai śunyavṛttayaḥ |
sagotrāyāśca saṃbhūtastathaikapravarāsutaḥ || 17 ||
[Analyze grammar]

kaniṣṭhaḥ prākkṛtādhānaḥ kṛtodvāhaśca prāktu yaḥ |
tathā prāgdīkṣito yaśca sa tyājyo gṛhasaṃyutaḥ || 18 ||
[Analyze grammar]

pitṛmātṛparityāgī tathāca gurutalpagaḥ |
nirddoṣāṃ yastyajetpatnīṃ kṛtaghno yaśca karṣukaḥ || 19 ||
[Analyze grammar]

śilpajīvī pramādī ca paṇya jīvī kṛtāyudhaḥ |
etānvivarjayecchrāddhe yeṣāṃ no jñāyate kulam || 20 ||
[Analyze grammar]

ata ūrdhvaṃ pravakṣyāmi ye śastāḥ śrāddhakarmaṇi |
ye brāhmaṇāḥ purā khyātāḥ pāpānāṃ paṃktipāvanāḥ || 21 ||
[Analyze grammar]

triṇāciketastrimadhustrisuparṇaḥ ṣaḍaṃgavit |
yaśca vidyāvratasnāto dharmadroṇasya pāṭhakaḥ || 22 ||
[Analyze grammar]

purāṇajñastathā jñānī vijñeyo jyeṣṭhasāmavit |
atharvaśiraso vettā kratugāmī sukarmakṛt || 23 ||
[Analyze grammar]

sadyaḥprakṣālako yaśca śuklo dauhitra eva ca |
jāmātā bhāgineyaśca paropakaraṇe rataḥ || 22 ||
[Analyze grammar]

mṛṣṭānnādo mṛṣṭavākyaḥ sadā japaparāyaṇaḥ |
ete  brāhmaṇā jñeyā niḥśeṣāḥ paṃktipāvanāḥ || 25 ||
[Analyze grammar]

etairvimiśritāḥ sarve garhitā api ye dvijāḥ |
pitṝṇāṃ te'pi kurvaṃti tṛptiṃ bhuktvā kulodbhavāḥ || 26 ||
[Analyze grammar]

tasmātsarvaprayatnena kulaṃ jñeyaṃ dbijanmanām |
śīlaṃ paścādvayo nāma kanyādānaṃ tataḥ param || 27 ||
[Analyze grammar]

śrutaśīlavihīnāya dharmajñāyāpi mānavaḥ |
śrāddhaṃ dadāti kanyāṃ ca yastenāgniṃ vinā hutam || 28 ||
[Analyze grammar]

ūṣare vāpi taṃ sasyaṃ tuṣāṇāṃ kaṇḍanaṃ kṛtam |
kulācārasamopetāṃstasmācchrāddhe niyojayet || 29 ||
[Analyze grammar]

brāhmaṇānnṛpaśārdūla mandavidyādharānapi |
evaṃ vijñāya tānviprāngṛhītvā caraṇau tataḥ || 30 ||
[Analyze grammar]

prayatnena tu savyena pāṇinā dakṣiṇena tu |
yugmānatha yathāśaktyā namaskṛtya punaḥpunaḥ || 31 ||
[Analyze grammar]

dakṣiṇaṃ jānvathālabhya mantramenamudīrayet |
āgacchaṃtu mahābhāgā viśvedevā mahābalāḥ || 32 ||
[Analyze grammar]

bhaktyāhūtā mayā caiva tvaṃ cāpi vratabhāgbhava |
evaṃ yugmā nsamāmaṃtrya viśvedevakṛte dvijān || 33 ||
[Analyze grammar]

apasavyaṃ tataḥ kṛtvā pitrarthaṃ cābhimaṃtrayet |
brāhmaṇāṃstrīnyathāśaktyā ekaikasya pṛthakpṛthak || 34 ||
[Analyze grammar]

ekaikaṃ vā trayāṇāṃ vā ekamevaṃ nimaṃtrayet |
brāhmaṇānmātṛpakṣe ca eṣa eva vidhiḥ smṛtaḥ || 35 ||
[Analyze grammar]

tataḥ pādau parispṛṣṭvā dvijasyedamudīrayet |
śraddhā pūtena manasā pitṛbhaktiparāyaṇaḥ || 36 ||
[Analyze grammar]

pitā me tava kāyesmiṃstathā caiva pitāmahaḥ |
svapitrā sahito hyetu tvaṃ ca vrataparo bhava || 37 ||
[Analyze grammar]

evaṃ pitṝnsamāhūya tathā mātāmahānatha |
saṃmaṃtritāśca te viprāḥ saṃyamātmāna eva te || 38 ||
[Analyze grammar]

yajamānaḥ śāṃtamanā brahmacaryasamanvitaḥ |
tāṃ rātriṃ samatikramya prātarutthāya mānavaḥ || 39 ||
[Analyze grammar]

tadahni varjayetkopaṃ svādhyāyaṃ karma kutsitam |
tailābhyaṃgaṃ śramaṃ yānaṃ vāhanaṃ cātha dūrataḥ || 40 ||
[Analyze grammar]

tato madhyaṃ gate sūrye kāle kutapasaṃjñite |
snātaḥ śuklāṃbaradharaḥ santarpya pitṛdevatāḥ |
santuṣṭāṃśca samāhūtāṃstānviprāñchrāddhamācaret || 41 ||
[Analyze grammar]

vivikte gṛhamadhyasthe manojñe dakṣiṇāplave |
na yatra jāyate dṛṣṭiḥ pāpānāṃ krūrakarmiṇām || 42 ||
[Analyze grammar]

yacchrāddhaṃ vīkṣate śvā vā nārī vā'tha rajasvalā |
patito vā varāho vā tacchrāddhaṃ vyarthatāṃ vrajet || 43 ||
[Analyze grammar]

annaṃ paryuṣitaṃ yacca tailāktaṃ vā pradīyate |
sakeśaṃ vā saniṃdyaṃ ca tacchrāddhaṃ vyarthatāṃ vrajet || 44 ||
[Analyze grammar]

vibhaktirahitaṃ śrāddhaṃ tathā maunavivarjitam |
dakṣiṇārahitaṃ yacca tacchrāddhaṃ vyarthatāṃ vrajet || 45 ||
[Analyze grammar]

gharaṭṭolūkhalotthau ca yatra śabdau vyavasthitau |
śūrpasya vā viśeṣeṇa tacchrāddhaṃ vyarthatāṃ vrajet || 46 ||
[Analyze grammar]

yatra saṃskriyamāṇe ca kalahaḥ saṃprajāyate |
paṃktibhedo viśeṣeṇa tacchrāddhaṃ vyarthatāṃ vrajet || 47 ||
[Analyze grammar]

pūrvāhṇe kriyate yacca rātrau vā saṃdhyayorapi |
paryākāśe tathā deśe tacchrāddhaṃ vyarthatāṃ vrajeta || 48 ||
[Analyze grammar]

brāhmaṇo yajamāno vā brahmacaryaṃ vinā yadi |
bhuṃkte dadyācca yacchrāddhaṃ tadrājanvyarthatāṃ vrajet || 49 ||
[Analyze grammar]

tuṣadhānyaṃ saniṣpāvaṃ yaccocchiṣṭaṃ ca dīyate |
ardhabhuktaṃ ghṛtaṃ kṣīraṃ tacchrāddhaṃ vyarthatāṃ vrajet || 50 ||
[Analyze grammar]

yeṣu kāleṣu yaddattaṃ śrāddhamakṣayatāṃ vrajet |
tānahaṃ saṃpravakṣyāmi śṛṇuṣvaikamanā nṛpa || 51 ||
[Analyze grammar]

manvādīrapi te vacmi tāḥ śṛṇuṣva narādhipa |
pitṝṇāṃ vallabhā nityaṃ sarvapāpakṣayāvahāḥ || 52 ||
[Analyze grammar]

yāsu toyamapi kṣmāyāṃ pradattaṃ tilamiśritam |
pitṛbhyo'kṣayatāṃ yāti śraddhāpūtena cetasā || 53 ||
[Analyze grammar]

aśvayukchuklanavamī dvādaśī kārtikasya ca |
tṛtīyāpi ca māghasya tathā bhādrapadasya ca || 54 ||
[Analyze grammar]

amāvāsyā tapasyasya pauṣasyaikādaśī tathā |
tathā'ṣāḍhasya daśamī māghamāsasya saptamī || 55 ||
[Analyze grammar]

śrāvaṇasyāṣṭamī kṛṣṇā tathā'ṣāḍhī va pūrṇimā |
tathā kārtikamāsasya yā cānyā phālgunasya ca || 56 ||
[Analyze grammar]

caitrasya jyeṣṭhamāsasya paṃcaitāḥ pūrṇimā nṛpa |
manūnāmādayaḥ proktāstithayaste mayā nṛpa || 57 ||
[Analyze grammar]

āsu toyamapi snātvā tila darbhavimiśritam |
pitṝnuddiśya yo dadyātsa yāti paramāṃ gatim || 58 ||
[Analyze grammar]

iha loke pare caiva pitṝṇāṃ ca prasādataḥ |
kiṃ punarvividhairannai rasairvastraiḥ sadakṣiṇaiḥ || 59 ||
[Analyze grammar]

adhunā śṛṇu rājendra yugādyāḥ pitṛvallabhāḥ |
yāsāṃ saṃkīrtanenāpi kṣīyate pāpasaṃcayaḥ || 60 ||
[Analyze grammar]

navamī kārtike śuklā tṛtīyā mādhave sitā |
amāvāsyā ca tapaso nabhasyasya trayodaśī || 61 ||
[Analyze grammar]

tretākṛtakalīnāṃ tu dvāparasyādayaḥ kramāt |
snāne dāne jape home viśeṣātpitṛtarpaṇe || 62 ||
[Analyze grammar]

kṛtasyākṣayakāriṇyaḥ sukṛtasya mahāphalāḥ |
yadā syānmeṣago bhānustulāṃ vātha yadā vrajet || 63 ||
[Analyze grammar]

tadā syādviṣuvākhyastu kālaścākṣayakārakaḥ |
makare karkaṭe caiva yadā bhānurvrajennṛpa || 64 ||
[Analyze grammar]

tadāyanābhidhānastu viṣuvo'tha viśiṣyate |
raveḥ saṃkramaṇaṃ rāśau saṃkrāṃtiriti kathyate || 65 ||
[Analyze grammar]

snānadānajapaśrāddhahomādiṣu mahāphalāḥ |
tretādyāḥ kramaśaḥ proktāḥ kālāḥ saṃkrāṃtipūrvakāḥ |
naiteṣu vidyate vighnaṃ dattasyākṣayasaṃjñitāḥ || 66 ||
[Analyze grammar]

aśraddhayā'pi yaddattaṃ kupātrebhyo'pi mānavaiḥ |
akāle'pi hi tatsarvaṃ sadyo hyakṣayatāṃ vrajet || 67 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śrāddhakalpe śrāddhārhapadārthabrāhmaṇakālanirṇaya varṇanaṃnāma saptadaśottaradviśatatamo'dhyāyaḥ || 217 ||
[Analyze grammar]