Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

ānarta uvāca |
anye'pi vividhāḥ kālāḥ santi puṇyatamā dvija |
kasmācceṃdukṣaye śrāddhaṃ viśeṣā tsamudāhṛtam || 1 ||
[Analyze grammar]

etanme sarvamācakṣva vistareṇa mahāmune || 2 ||
[Analyze grammar]

bhartṛyajña uvāca |
satyametanmahārāja śrāddhārhāḥ saṃti bhūriśaḥ |
kālāḥ pitṛgaṇānāṃ ca tṛptidāstuṣṭidāśca ye || 3 ||
[Analyze grammar]

manvādyā vā yugādyāśca teṣāṃ saṃkrāṃtayo'parāḥ |
vyatīpāto gajacchāyā grahaṇaṃ soma sūryayoḥ || 4 ||
[Analyze grammar]

eteṣu yujyate śrāddhaṃ prakartuṃ pitṛtṛptaye |
tathā tīrthe viśeṣeṇa puṇya āyatane śubhe || 5 ||
[Analyze grammar]

śrāddhārhairbrāhmaṇaiḥ prāptairdravyairvā pitṛvallabhaiḥ |
aparvaṇyapi kartavyaṃ sadā śrāddhaṃ vicakṣaṇaiḥ || 6 ||
[Analyze grammar]

somakṣaye viśeṣeṇa śṛṇuṣvaikamanā nṛpa |
amā nāma rave raśmisahasrapramukhaḥ sthitaḥ || 7 ||
[Analyze grammar]

yasya svatejasā sūryaḥ proktastrailokyadīpakaḥ |
tasminvasati yenenduramāvasyā tataḥ smṛtā || 8 ||
[Analyze grammar]

akṣayā dharmakṛtye sā pitṛkṛtye viśeṣataḥ |
agniṣvāttā barhiṣada ājyapāḥ somapāstathā || 9 ||
[Analyze grammar]

raśmipā upahūtāśca tathaivāyaṃtunāḥ pare |
tathā śrāddhabhujaścānye smṛtā nāndīmukhā nṛpa || 10 ||
[Analyze grammar]

ete pitṛgaṇāḥ khyātā nava devasamudbhavāḥ |
ādityā vasavo rudrā nāsatyāvaśvināvapi || 11 ||
[Analyze grammar]

santarpayanti te caitānmuktvā nāndīmukhānpitṝn |
brahmaṇā te samādiṣṭāḥ pitaro nṛpasattama || 12 ||
[Analyze grammar]

tānsaṃtarpya tataḥ sṛṣṭiṃ kurute padmasaṃbhavaḥ || 13 ||
[Analyze grammar]

pitaro anye'pi martyā nivasanti triviṣṭape |
dvividhāste pradṛśyaṃte sukhino'sukhinaḥ pare || 14 ||
[Analyze grammar]

yebhyaḥ śrāddhāni yacchaṃti martya loke svavaṃśajāḥ |
te sarve tatra saṃhṛṣṭā devavanmuditāḥ sthitāḥ || 15 ||
[Analyze grammar]

yeṣāṃ yacchanti te naiva kiṃcitkiñcitsvavaṃśajāḥ |
kṣutpipāsākulā ste ca dṛśyante bahuduḥkhitāḥ || 16 ||
[Analyze grammar]

kasyacittvatha kālasya pitaraḥ surapūjitāḥ |
agniṣvāttādayaḥ sarve tridaśendramupasthitāḥ || 17 ||
[Analyze grammar]

bhaktyā dṛṣṭā mahārāja sahasrākṣeṇa pūjitāḥ |
tathānyairvibudhaiḥ sarvaiḥ prasthitāḥ sve niketane || 18 ||
[Analyze grammar]

pitṛlokaṃ mahārāja durlabhaṃ tridaśairapi |
tāndṛṣṭvā prasthitānrājanpitaro martyasaṃbhavāḥ || 19 ||
[Analyze grammar]

kṣutpipāsārditā ye ca ta ūcurdainyamāśritāḥ |
stutvā'tha sustavairdivyaiḥ pitṛsūktaiśca pārthiva || 20 ||
[Analyze grammar]

vedoktairaparaiścaiva pitṛtuṣṭikaraiḥ paraiḥ |
tataḥ procuśca saṃhṛṣṭāḥ pitarastānsurodbhavāḥ || 21 ||
[Analyze grammar]

prasannāḥ smo vayaṃ sarve yuṣmākaṃ śaṃsitavratāḥ |
tasmādbrūta vayaṃ yena yacchāmo vo hṛdi sthitam || 22 ||
[Analyze grammar]

pitara ūcuḥ |
vayaṃ hi pitaraḥ khyātā manuṣyāṇāmihāgatāḥ |
svarge svakarmaṇā nityaṃ nivasāma suraiḥ saha || 23 ||
[Analyze grammar]

vimāneṣu vicitreṣu saṃsthitāḥ sarvatodiśam |
vāṃchiteṣu ca lokeṣu yāmo dhvajapatākiṣu || 24 ||
[Analyze grammar]

haṃsabarhiṇa juṣṭeṣu saṃsevyeṣvapsarogaṇaiḥ |
gandharvairgīyamānāśca stūyamānāśca guhyakaiḥ || 25 ||
[Analyze grammar]

paraṃ santiṣṭhamānānāmasmākaṃ tridaśaiḥ saha |
atyarthaṃ jāyate tīvrā kṣutpipāsā sudāruṇā || 26 ||
[Analyze grammar]

yasyā manyāmahe citte vahnimadhyagatā vayam |
bhakṣayāmaḥ kimetānhi pakṣiṇo vividhānapi |
haṃsādīnmadhurālāpānkiṃ vā cāpsarasāṃ gaṇān || 27 ||
[Analyze grammar]

yadi kaścitkṣudhāviṣṭaḥ kañcidādāya pakṣiṇam |
gupto gṛhṇāti bhakṣārthaṃ hantuṃ śakto'pi so'pi na || 28 ||
[Analyze grammar]

ajarāścāmarāścaiva svarge ye svargagāḥ khagāḥ |
tathā manoramā vṛkṣā nandanādi vaneṣu ca || 29 ||
[Analyze grammar]

phalitā ye pradṛśyaṃte prāpyāṃścāpi manoramāḥ |
tatphalāni vayaṃ sarve gṛhṇīmaḥ pitaro yadi || 30 ||
[Analyze grammar]

na truṭaṃtyapi yatnena samākṛṣṭāni tānyapi |
etallekhāpagātoyaṃ tṛṣārttā yadi yatnataḥ |
prapibāmo na hasteṣu tacca toyaṃ punaḥ spṛśet || 31 ||
[Analyze grammar]

bhuṃjānaśca na ko'pyatra dṛśyate'tra pibannapi |
tasmāttriviṣṭapāvāso hyasmākaṃ ghoradāruṇaḥ || 32 ||
[Analyze grammar]

ete suragaṇāḥ sarve ye cānye guhyakādayaḥ |
dṛśyaṃte'tra vimānasthā sarve saṃhṛṣṭamānasāḥ || 33 ||
[Analyze grammar]

kṣutpipāsāparityaktā nānābhogasamāśrayāḥ |
kadācicca vayaṃ sarve bhavāmastādṛśā iva || 34 ||
[Analyze grammar]

kṣutpipāsāparityaktāḥ satoṣaṃ paramaṃ gatāḥ |
tatkiṃ kāraṇametadyatkṣutpi pāsā prajāyate || 35 ||
[Analyze grammar]

ākasmikī ca bādhā naḥ kadācinna praṇaśyati |
tathā kuruta bhadraṃ vo yathā tuṣṭiḥ prajāyate || 36 ||
[Analyze grammar]

śāśvatī no yathā'nyeṣāṃ devānāṃ svargavāsinām |
yūyaṃ hi pitaro yasmāddevānāṃ bhāvitātmanām || 37 ||
[Analyze grammar]

vayaṃ caiva manuṣyāṇāṃ tena vaḥ śaraṇaṃ gatāḥ |
pitara ūcuḥ |
asmākamapi caivaiṣā kaṣṭāvasthā prajāyate || 38 ||
[Analyze grammar]

śakrādyā vibudhā vyagrāḥ śrāddhaṃ yacchaṃti no yadā |
tataścāgatya tānsarve devānsaṃprārthayāmahe || 39 ||
[Analyze grammar]

tatastṛptiṃ pragacchāmastairdevaistarpitā vayam |
yuṣmākaṃ vaṃśajā ye ca prayacchaṃti samāhitāḥ || 40 ||
[Analyze grammar]

kathaṃ na tṛptimāyātāste sarve taiḥ pratarpitāḥ |
yatra pramādibhirvaṃśyairna tarpyaṃte kathaṃcana || 41 ||
[Analyze grammar]

kṣutpipāsākulāḥ sarve te tadā syurna saṃśayaḥ |
kiṃ punarnarakasthā ye dharmarājaniveśane || 42 ||
[Analyze grammar]

etaddhi kāraṇaṃ proktaṃ yuṣmākaṃ ca kathaṃcana |
kṣutpipāsodbhavaṃ raudraṃ yuṣmābhiryadudīritam || 43 ||
[Analyze grammar]

tadasmākaṃ vibhāgaṃ cedyūyaṃ yacchata sattamāḥ |
sarve kavyasya dattasya tatkurmo vai hitaṃ śubham || 44 ||
[Analyze grammar]

brahmāṇaṃ prārthayitvā ca svayaṃ gatvā tadaṃtikam |
bāḍhamityeva tairukte tata ādāya tānapi || 45 ||
[Analyze grammar]

divyāḥ pitṛgaṇāḥ prāptā vidheḥ sadanamuttamam |
nāṃdīmukhānpuraskṛtya pitṝnyāṃstarpayedvidhiḥ || 46 ||
[Analyze grammar]

sṛṣṭikāle tu saṃprāpte vṛddhikāmaḥ sureśvaraḥ |
atha taiḥ saha te sarve stutvā taṃ kamalāsanam |
praṇipatya sthitāḥ sarve pitaro vinayānvitāḥ || 47 ||
[Analyze grammar]

pitṝṃstānvinayopetānpraṇipātapuraḥsarān |
vidhiḥ provāca rājeṃdra sāṃtvayañślakṣṇayā girā || 48 ||
[Analyze grammar]

brahmovāca |
kimarthaṃ pitaraḥ sarve samāyātā mamāṃtikam |
devatānāṃ mayā sārdhaṃ saṃpūjyāḥ sarvadā sthitāḥ || 49 ||
[Analyze grammar]

tathānye'pi ca dṛśyaṃte yuṣmābhiḥ saha saṃgatāḥ |
ya ete mānavā kārāḥ svalpatejonvitāḥ sthitāḥ || 50 ||
[Analyze grammar]

pitara ūcuḥ |
pitaro mānavā hyete svargaṃ prāptāḥ svakarmabhiḥ |
devānāṃ madhyasaṃsthāśca pīḍyaṃte kṣutpipāsayā || 51 ||
[Analyze grammar]

yadā yacchaṃti no vaṃśyāḥ kavyaṃ caiva pramādataḥ |
tadā gacchaṃti no tṛptiṃ yānairyāṃti yathā surāḥ || 52 ||
[Analyze grammar]

tadaitaiḥ prārthanā'smākaṃ kṛtā śāśvatatṛptaye |
na ca śaktā vayaṃ dātuṃ tena tvāṃ samupasthitāḥ || 53 ||
[Analyze grammar]

yathā syurdevatā vyagrāstadā'smākamapi prabho ||
kavyaṃ vinā bhavedeṣā daśā kaṣṭā sureśvara || 54 ||
[Analyze grammar]

tasmātkuru prasādaṃ naḥ samemetaiḥ sureśvara |
yathā syācchāśvatī tṛptiḥ svasthānasthāyināmapi || 55 ||
[Analyze grammar]

ete'smākaṃ pradāsyaṃti kavyaṃ yannijavaṃśajaiḥ |
pradattaṃ tena saṃprāptā vayaṃ deva tvadantikam || 56 ||
[Analyze grammar]

devānāṃ caiva yatkavyaṃ tannāsmākaṃ pratṛ ptaye |
yataḥ kriyāvihīnaṃ tanna teṣāṃ vidyate kriyā || 57 ||
[Analyze grammar]

pitṝnuddiśya yatkavyaṃ brāhmaṇebhyaḥ pradīyate |
snātairdhautāṃbarairmartyaistadbhavettṛptidaṃ mahat || 58 ||
[Analyze grammar]

pitṝṇāṃ sarvadeveśa ityeṣā vaidikī śrutiḥ |
na snātasyādhikāro'sti devānāṃ ca dvijātivat || 59 ||
[Analyze grammar]

pīyūṣamapi tairdattaṃ tena naḥ syānna tṛptaye || 60 ||
[Analyze grammar]

tasmānmānuṣadattairno yathā kavye prajāyate |
svargasthānāṃ parā tṛptiḥ samametaistathā kuru || 61 ||
[Analyze grammar]

bhartṛyajña uvāca |
tacchrutvā suciraṃ dhyātvā brahmā lokapitāmahaḥ |
tānuvāca tataḥ sarvānpitṝnpārthivasattama || 62 ||
[Analyze grammar]

brahmovāca |
asmiṃstretāyuge saṃjñā havyakavyasamudbhavā |
saṃprayātā yuge yugme kalau na prabhaviṣyati || 63 ||
[Analyze grammar]

yathāyathā yugānāṃ ca hrāsa eṣa bhaviṣyati |
tathātathā janā duṣṭā bhaviṣyaṃtyanyabhaktikāḥ || 64 ||
[Analyze grammar]

na dāsyaṃti yathoktāni te kavyāni kathaṃcana |
tataḥ kaṣṭatarā'vasthā pitṝṇāṃ saṃbhaviṣyati || 65 ||
[Analyze grammar]

tasmādahaṃ kariṣyāmi sukhopāyaṃ śarīriṇām |
yena santarpitā yūyaṃ parāṃ tṛptimavāpsyatha || 66 ||
[Analyze grammar]

pituḥ pitāmahasyaiva tatpituśca tataḥ param |
samuddeśena dattena brāhmaṇebhyaḥ prabhaktitaḥ || 67 ||
[Analyze grammar]

sarveṣāṃ syātparā tṛptiryāvanmāṃ pitaro'dhunā |
tathā mātāmahānāṃ ca pakṣe nāstyatra saṃśayaḥ || 68 ||
[Analyze grammar]

tribhiḥ santarpitāste'pi tarpitāḥ syurmamāvadhi |
yuṣmākaṃ tṛptaye yaśca sukhopāyo bhaviṣyati || 69 ||
[Analyze grammar]

taṃ śṛṇudhvaṃ mahābhāgā gadato mama sāṃpratam |
pitṝnannena yenaiva samuddiśya dvijottamān || 70 ||
[Analyze grammar]

tarpayiṣyaṃti tenaiva piṇḍāndāsyaṃti bhaktitaḥ |
tannāmnā tena vastṛptiḥ śāśvatī saṃbhaviṣyati || 71 ||
[Analyze grammar]

tasmādgacchata santuṣṭāḥ svāni sthānāni pūrvajāḥ || 72 ||
[Analyze grammar]

tataste sahitāstaistu svāni sthānāni bhejire |
vimānaiḥ sūryasaṃkāśairgatvā pārthivasattama || 73 ||
[Analyze grammar]

atha saṃgacchatā rājankālena mahatā tataḥ |
taccāpi na daduḥ śrāddhaṃ martyāstripuruṣaṃ ca yat || 74 ||
[Analyze grammar]

nityaṃ pitṝnsamuddiśya bahavo'tra narādhipa |
kavyabhāgānpunasteṣāṃ tathā pūrvaṃ yathā nṛpa || 75 ||
[Analyze grammar]

kṣutpipāsodbhavāpīḍā mahatī samajāyata |
teṣāṃ ca daivikānāṃ ca pitṝṇāṃ nṛpasattama || 76 ||
[Analyze grammar]

sametyātha punaḥ sarve brahmāṇaṃ śaraṇaṃ gatāḥ |
procuśca praṇipatyoccaiḥ sudīnāḥ prapitāmaham || 77 ||
[Analyze grammar]

bhagavanna prayacchaṃti nityaṃ no vaṃśasaṃbhavāḥ |
śrāddhāni dauḥsthyamāpannāstena sīdāmahe vibho || 78 ||
[Analyze grammar]

yathā pūrvaṃ tathā deva tadupāyaṃ pracintaya |
kaṃcidyena daridrā vai prīṇayaṃti ca te pitṝn || 79 ||
[Analyze grammar]

bhartṛyajña uvāca |
teṣāṃ tadvacanaṃ śrutvā tānāha prapitāmahaḥ |
kṛpāviṣṭo mahārāja sarvānpitṛgaṇāṃstathā || 80 ||
[Analyze grammar]

satyametanmahābhāgā dauḥsthyaṃ yāṃti dinedine |
janā yathāyathā yāti yugaṃ śreṣṭhaṃ ca pṛṣṭhataḥ || 81 ||
[Analyze grammar]

tathāpi ca kariṣyāmi yuṣmadarthamasaṃśayam |
upāyaṃ laghu santṛptiryena vo'tra bhavi ṣyati || 82 ||
[Analyze grammar]

amānāma rave raśmisahasrapramukhaḥ sthitaḥ |
tasminvasati yenenduramāvāsyā tataḥ smṛtā || 83 ||
[Analyze grammar]

tasminnahani ye śrāddhaṃ pitṝnuddiśya cātmanaḥ |
kariṣyaṃti narā bhaktyā te bhaviṣyaṃti susthitāḥ || 84 ||
[Analyze grammar]

dhanadhānyasamopetā sarvaśatruvivarjitāḥ |
apamṛtyuparityaktā mama vākyāda saṃśayam || 85 ||
[Analyze grammar]

bhartṛyajña uvāca |
tasya tadvacanaṃ śrutvā babhūvurhṛṣṭamānasāḥ |
pitaraḥ kavyamāsādya prahaṣṭenāṃtarātmanā || 86 ||
[Analyze grammar]

yayuḥ svāni niketāni preṣitāḥ padmayoninā |
amāvāsyādinaṃ prāpya śrāddhaṃ dattaṃ svavaṃśajaiḥ || 87 ||
[Analyze grammar]

saṃtṛptā māsamātraṃ ca tasthuḥ saṃtuṣṭamānasāḥ |
gacchatā tvathakālena dauḥsthyaṃ prāpya narā bhuvi |
darśe'sminnapi no śrāddhaṃ prāyaḥ kurvaṃti kecana || 88 ||
[Analyze grammar]

tataḥ pitṛgaṇāḥ sarveṃ ye divyā ye ca mānuṣāḥ |
kṣutpipāsākulā bhūyo brahmāṇaṃ śaraṇaṃ gatāḥ || 89 ||
[Analyze grammar]

procuśca praṇipatyoccaiste sametāḥpitāmaham |
paramaṃ dainyamāsthāya bāṣpagadgadayā girā || 9 ||
[Analyze grammar]

bhagavanniṃdukṣaye śrāddhaṃ proktaṃ māsaṃ tvayā vibho |
asmākaṃ prīṇanārthāya yatkariṣyaṃti mānavāḥ || 91 ||
[Analyze grammar]

dauḥsthāttadapi no kuryuḥ prāyaśastu pitāmaha |
tenāsmākaṃ parā pīḍā kṣutpipāsāsamudbhavā || 92 ||
[Analyze grammar]

tasmātkuru prasādaṃ no yathā pūrvaṃ sureśvara |
tathāpi duḥsthatābhājastarpayiṣyaṃti no'dhunā || 93 ||
[Analyze grammar]

bhartṛyajña uvāca |
atha brahmāpi saṃcintya tānuvāca kṛpānvitaḥ |
yuṣmadarthaṃ mayopāyaściṃtitaḥ pitaro laghuḥ || 94 ||
[Analyze grammar]

yena tṛptiṃ parāṃ yūyaṃ gamiṣyatha pitrīśvarāḥ |
amāvāsyodbhavaṃ śrāddhamalabdhvāpi ca vatsaram || 95 ||
[Analyze grammar]

yathā mama prasādena tacchṛṇudhvaṃ samāhitāḥ |
āṣāḍhyāḥ paṃcame pakṣe kanyāsaṃsthe divākare || 96 ||
[Analyze grammar]

mṛtāhani punaryo vai śrāddhaṃ dāsyati mānavaḥ |
tasya saṃvatsaraṃyāvatṛptāḥ syuḥ pitaro dhruvam || 97 ||
[Analyze grammar]

evaṃ jñātvā kariṣyaṃti pretapakṣe narā bhuvi |
śrāddhaṃ yūyaṃ na saṃdeho bhaviṣyatha sutarpitāḥ || 98 ||
[Analyze grammar]

yāvatsaṃvatsaraṃ tena ekenāpi tu sattamāḥ |
tasminnapi ca yaḥ śrāddhaṃ yuṣmākaṃ na pradāsyati || 99 ||
[Analyze grammar]

śākenā'pi daridro'sāvaṃtyajatvamupeṣyati |
āsanaṃ śayanaṃ bhojyaṃ sparśaṃ saṃbhāṣaṇaṃ tathā || 100 ||
[Analyze grammar]

ye kariṣyaṃti taiḥ sārdhaṃ te'pi pāpatamā narāḥ |
na teṣāṃ saṃtatirvṛddhiṃ saṃprayāsyati karhicit || 11 ||
[Analyze grammar]

na sukhaṃ dhanadhānyaṃ ca teṣāṃ bhāvi kathaṃcana |
tasmādgacchata cāvyagrāḥ svasthānaṃ pitaro drutam || 102 ||
[Analyze grammar]

kalikāle'pi saṃprāpte dāruṇe nirdhene jane |
varṣāṃte śrāddhamekaṃ hi prakariṣyaṃti mānavāḥ || 103 ||
[Analyze grammar]

yenākhilaṃ bhavedvarṣaṃ yuṣmākaṃ prītiruttamā || 104 ||
[Analyze grammar]

bhartṛyajña uvāca |
tacchrutvā pitaro hṛṣṭā jagmuḥ svaṃsvaṃ niketanam |
varṣāṃte'pi samāsādya śrāddhaṃ na syurbubhukṣitāḥ || 105 ||
[Analyze grammar]

atha ye'tra durātmāno niḥśaṃkāḥ kṛpaṇātmakāḥ |
kalinā mohitāḥ śrāddhaṃ vatsarāṃte'pi no daduḥ || 106 ||
[Analyze grammar]

teṣāṃ tu pitaro bhūyo divyaiḥpitṛbhiranvitāḥ |
brahmāṇaṃ śaraṇaṃ jagmuḥ procuste dīnamānasāḥ || 107 ||
[Analyze grammar]

bhagavanvatsarāṃte'pi kanyāsaṃsthe divākare |
nāsmākaṃ vaṃśajāḥ śrāddhaṃ prayacchaṃti durātmakāḥ || 108 ||
[Analyze grammar]

tena saṃpīḍitā deva kṣutpipāsā samākulāḥ |
vayaṃ śaraṇamāpannāstatpratīkāramācara || 109 ||
[Analyze grammar]

yathā pūrvaṃ mahābhāga vadopāyaṃ laghūttamam |
ekāhikena śrāddhena yenāsmākaṃ hi śāśvatī |
prītiḥ saṃjāyate deva tvatprasādātsureśvara || 110 ||
[Analyze grammar]

vaṃśakṣaye'pi saṃjāte hyasmākaṃ patanaṃ bhavet || 111 ||
[Analyze grammar]

bhartṛyajña uvāca |
teṣāṃ tadvacanaṃ śrutvā ciraṃ dhyātvā pitāmahaḥ |
kṛpayā parayāviṣṭastataḥ provāca sādaram || 112 ||
[Analyze grammar]

brahmovāca |
anyo yuṣmatpratuṣṭyarthamupāyaściṃtito mayā |
sa laghuryena vo'tyaṃtaṃ tṛptirbhavati śāśvatī || 113 ||
[Analyze grammar]

gayāśiraḥ samāsādya śrāddhaṃ dāsyaṃti ye'tra vaḥ |
apyekaṃ tatprabhāvena divyāṃ gatimavāpsyatha || 114 ||
[Analyze grammar]

api pāpātmanaḥ puṃso brahmaghnasyāpi dehinaḥ |
api rauravasaṃsthasya kumbhīpākagatasya ca || 115 ||
[Analyze grammar]

pretabhāvagatasyāpi yasya śrāddhaṃ pradāsyati |
gayāśirasi vaṃśasthastasya muktirbhaviṣyati || 116 ||
[Analyze grammar]

etanmama vacaḥ śrutvā sāṃprataṃ bhuvi mānavāḥ |
niḥsvā api kariṣyaṃti śrādamekaṃ hi tatra ca |
gayāśirasi suvyaktaṃ yuṣmākaṃ muktidāyakam || 117 ||
[Analyze grammar]

bhartṛyajña uvāca |
tacchrutvā pitarastasya vacanaṃ parameṣṭhinaḥ |
anujñātāstatastena svāni sthānāni bhejire || 118 ||
[Analyze grammar]

tataḥprabhṛti śrāddhāni pravṛttāni dharātale |
piṃḍadānasame tāni yāvadāpuruṣatrayam || 119 ||
[Analyze grammar]

pūrvaṃ brahmāditaḥ kṛtvā ye kecitpuruṣā gatāḥ |
paralokaṃ samuddiśya tānnarāñchaktito nṛpa || 120 ||
[Analyze grammar]

tatsaṃkhyānāṃ dvijeṃdrāṇāṃ dattavaṃto'pi vāṃchitam |
adaivatyamidaṃ śrāddhaṃ daridrāṇāṃ sukhāvaham || 121 ||
[Analyze grammar]

pitṝṇāṃ devatānāṃ ca manuṣyāṇāṃ sutṛpti dam |
tasmācchrāddhaṃ prakartavyaṃ puruṣeṇa vijānatā || 122 ||
[Analyze grammar]

pitṝṇāṃ vāṃchatā tṛptiṃ kāleṣveteṣu yatnataḥ |
gayāyāṃ ca viśeṣeṇa lokadvayamabhīpsatā || 123 ||
[Analyze grammar]

na dadāti naraḥ śrāddhaṃ pitṝṇāṃ candrasaṃkṣaye |
kṣutpipāsāparītāṃgāḥ pitarastasya duḥkhitāḥ || 124 ||
[Analyze grammar]

pretapakṣaṃ pratīkṣaṃte guruvāṃchāsamanvitāḥ |
karṣukā jaladaṃ yadvaddivānaktamataṃdritāḥ || 125 ||
[Analyze grammar]

pretapakṣe vyatikrāṃte yāvatkanyāṃ gato raviḥ |
tāvacchrāddhaṃ ca vāṃchaṃti dattaṃ svaiḥ pitaraḥ sutaiḥ || 126 ||
[Analyze grammar]

tatastulāgatepyeke sūrye vāṃchaṃti pārthiva |
śrāddhaṃ svavaṃśajai rdattaṃ kṣutpipāsāsamākulāḥ || 127 ||
[Analyze grammar]

tasminnapi vyatikrāṃte kāle cāṃliṃ gate ravau |
nirāśāḥ pitaro dīnāstato yāṃti nijālayam || 128 ||
[Analyze grammar]

māsadvayaṃ pratīkṣaṃte gṛhadvāraṃ samāśritāḥ |
vāyubhūtāḥ pipāsārtāḥ kṣutkṣāmāḥ pitaro nṛṇām || 129 ||
[Analyze grammar]

yāvatkanyāgataḥ sūryastulāsthaśca mahīpate |
tathā darśadine tadvadbrahmaṇo vacanānnṛpa || 130 ||
[Analyze grammar]

tasmācchrāddhaṃ sadā kāryaṃ pitṝṇāṃ tṛptimicchatā |
tilodakaṃ viśeṣeṇa yathā brahmavaco nṛpa || 131 ||
[Analyze grammar]

vittābhāve'pi darśāyāṃ śrāddhaṃ deyaṃ vipaścitā |
tadabhāve ca kanyāyāṃ saṃsthite divasādhipe || 132 ||
[Analyze grammar]

tadabhāve gayāyāṃ ca sakṛcchrāddhaṃ hi nirvapet |
yena nityaṃ pradattasya śrāddhasya phalamaśnute || 133 ||
[Analyze grammar]

etatte sarvamākhyātaṃ yatpṛṣṭo'smi narādhipa |
yenaitatkriyate śrāddhaṃ janaiḥ pitṛ parāyaṇaiḥ || 134 ||
[Analyze grammar]

amāvāsyāṃ viśeṣeṇa pretapakṣe ca pārthiva || 135 ||
[Analyze grammar]

yaścaitāṃ śṛṇuyātpuṇyāṃ śrāddhotpattiṃ paṭhecca vā |
sa sarvadoṣanirmuktaḥ śrāddhadānaphalaṃ labhet || 136 ||
[Analyze grammar]

śrāddhakāle paṭhedyastu śrāddhotpattimimāṃ naraḥ |
akṣayaṃ tadbhavecchrāddhaṃ sarvacchidravivarjitam || 137 ||
[Analyze grammar]

asaddravyeṇa vā cīrṇamanarhairbrāhmaṇairapi |
abhuktaṃ kāmahīnaṃ vā mantrahīnamathāpi vā || 138 ||
[Analyze grammar]

sarvaṃ saṃpūrṇatāṃ yāti kīrtanātpārthivottama |
asyāḥ śrāddhasamutpatteḥ kīrtanācchravaṇādapi || 139 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭake śvarakṣetramāhātmye śrāddhakalpe śrāddhotpattivarṇanaṃnāma ṣoḍaśottaradviśatatamo'dhyāyaḥ || 216 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 216

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: