Chapter 204

[English text for this chapter is available]

ānarta uvāca |
proktā'smākaṃ tvayā vipra śuddhirnāgarasaṃbhavā |
vaṃśajā vistareṇaiva yathā pṛṣṭo'si suvrata || 1 ||
[Analyze grammar]

sāṃprataṃ śīlajāṃ brūhi naṣṭavaṃśaśca yo bhavet |
pitāmahaṃ na jānāti na ca mātāmahīṃ nijām |
tasya śuddhiḥ kathaṃ kāryā nāgaro'smīti yo vadet || 2 ||
[Analyze grammar]

viśvāmitra uvāca |
etadarthaṃ purā pṛṣṭo bhartṛyajñaśca nāgaraiḥ |
naṣṭavaṃśakṛte rājanyathā pṛṣṭo'smi vai tva yā || 3 ||
[Analyze grammar]

bhartṛyajña uvāca |
naṣṭavaṃśastu yo brūyānnāgaro'smīti saṃsadi |
tasya śīlaṃ pravijñeyaṃ tataḥ śuddhiṃ samādiśet || 4 ||
[Analyze grammar]

nāgarāṇāṃ tu ye dharmā vyavahārāśca kevalāḥ |
teṣu cedvartate nityaṃ saṃbhāvyo nāgaro hi saḥ || 5 ||
[Analyze grammar]

tasya śuddhikṛte deyaṃ dhaṭaṃ brāhmaṇasattamāḥ |
dhaṭe tu śuddhimāpanne tato'sau śuddhatāṃ vrajet || 6 ||
[Analyze grammar]

śrāddhārhaḥ kanyakārhaśca somārhaśca viśeṣataḥ |
sāmānyapadayogyaśca samaste sthānakarmaṇi || 7 ||
[Analyze grammar]

etatte sarvamākhyātaṃ yatpṛṣṭo'smi narottama |
dvitīyā jāyate śuddhiryathā naṣṭānvaye dvije |
tasmādvada mahārāja yadbhūyaḥ śrotumarhasi || 8 ||
[Analyze grammar]

ānarta uvāca |
tasmātte nāgarā bhūtvā viprāścāṣṭakulodbhavāḥ |
sarveṣāmuttamā jātāḥ prādhānyena vyavasthitāḥ || 9 ||
[Analyze grammar]

tapasaḥ kiṃ prabhāvaḥ sa teṣāṃ vā yajanodbhavaḥ |
vidyodbhavo'thavā vipra kiṃ vā dānasamudbhavaḥ || 10 ||
[Analyze grammar]

viśvāmitra uvāca |
te sarve guṇasaṃpannā yathānye nāgarāstathā |
viśeṣaścāparasteṣāṃ te śakreṇa pratiṣṭhitāḥ || 11 ||
[Analyze grammar]

tena te gauravaṃ prāptāḥ sarveṣāṃ tu dvijanmanām || 12 ||
[Analyze grammar]

ānarta uvāca |
kasminkāle tu te viprāḥ śakre ṇātra pratiṣṭhitāḥ |
kimarthaṃ ca vadāsmākaṃ vistareṇa mahāmate || 13 ||
[Analyze grammar]

viśvāmitra uvāca |
hiraṇyākṣa iti khyātaḥ purā'sīddānavo ttamaḥ |
abhavattasya saṃgrāmaḥ śakreṇa saha dāruṇaḥ || 14 ||
[Analyze grammar]

tatra devāsure yuddhe mṛtā bhūridivaukasaḥ |
dānavāśca mahārāja parasparajigīṣavaḥ || 15 ||
[Analyze grammar]

atha te dānavāḥ saṃkhye śakreṇa vinipātitāḥ |
vidyābalena tāñchukraḥ sajīvānkurute punaḥ || 16 ||
[Analyze grammar]

devāśca nidhanaṃ prāptā na jīvaṃti kathaṃcana |
kasyacittvatha kālasya viṣṇuṃ provāca vṛtrahā || 17 ||
[Analyze grammar]

dhārātīrthamṛtānāṃ ca prahāraiḥ sanmukhaiḥ prabho |
yā gatiśca samādiṣṭā tāṃ me vada janārdana || 18 ||
[Analyze grammar]

parāṅmukhā mṛtā ye ca palāyanaparāyaṇāḥ |
teṣāmapi gatiṃ brūhi yādṛgjāyetavācyuta || 19 ||
[Analyze grammar]

viṣṇuruvāca |
dhārātīrthamṛtānāṃ ca sanmukhānāṃ mahāhave |
yathā cocchinnabījānāṃ punarjanma na vidyate || 20 ||
[Analyze grammar]

ye punaḥ pṛṣṭhadeśe tu hanyate bhayaviklavāḥ |
bhujyamānāḥ paraiste ca pretāḥ syustridaśādhipa || 21 ||
[Analyze grammar]

indra uvāca |
keciddevā mṛtā yuddhe yudhyamānāśca sanmukhāḥ |
tathaivānye mayā dṛṣṭā hanyamānāḥ parāṅmukhāḥ |
pretatvaṃ dānavānāṃ ca sarveṣāṃ syānna vā prabho || 22 ||
[Analyze grammar]

viṣṇuruvāca |
asaṃśayaṃ sahasrākṣa hatā yuddhe parāṅmukhāḥ |
pretatve yāṃti te sarve devā vā mānuṣā yadi || 23 ||
[Analyze grammar]

viṣādagneḥ kulaghnānāṃ tayā caivātmaghātinām |
daṃṣṭribhirhatadehānāṃ śṛṃgibhiśca sureśvara |
pretatvaṃ jāyate nūnaṃ satyametadasaṃśayam || 24 ||
[Analyze grammar]

indra uvāca |
kathaṃ teṣāṃ bhavenmuktiḥ pretatvāddāruṇādvibho |
etanme sarvamācakṣva yena yatnaṃ karomyaham || 25 ||
[Analyze grammar]

śrībhagavānuvāca |
teṣāṃ saṃyujyate śrāddhaṃ kanyāsaṃsthe divākare |
kṛṣṇapakṣe caturdaśyāṃ nabhasyasya sureśvara || 26 ||
[Analyze grammar]

gayāyāṃ bhaktipūrvaṃ tu pitāmahavaco yathā |
tataḥ prayāṃti te mokṣaṃ satyametadasaṃśayam || 27 ||
[Analyze grammar]

indra uvāca |
kasmāttatra dine śrāddhaṃ kriyate madhusūdana |
śastrairvinihatānāṃ ca sarvaṃ me vistarādvada || 28 ||
[Analyze grammar]

śrībhagavānuvāca |
bhūtapretapiśācaiśca kūṣmāṃḍai rākṣasairapi |
purā saṃprārthitaḥ śaṃbhurdine tatra samāgate |
adyaikaṃ divasaṃ deva kanyāsaṃsthe divākare || 29 ||
[Analyze grammar]

asmākaṃ dehi yena syāttṛptirvarṣasamudbhavā |
pradatte vaṃśajaiḥ śrāddhe dīnānāṃ tvaṃ dayāṃ kuru || 30 ||
[Analyze grammar]

śrībhagavānuvāca |
yaḥ kariṣyati vai śrāddhamasminnahani saṃsthite |
kṛṣṇapakṣe caturdaśyāṃ nabhasyasya ca vaṃśajaḥ |
bhaviṣyati parā prītiryāvatsaṃvatsaraḥ sthitaḥ || 31 ||
[Analyze grammar]

yaḥ punastu gayāṃ gatvā yuṣmadvaṃśasamudbhavaḥ |
kariṣyati tathā śrāddhaṃ tena muktimavāpsyatha || 32 ||
[Analyze grammar]

śastreṇa nihatānāṃ ca svargasthānāmapi dhruvam |
na kariṣyati yaḥ śrāddhaṃ tasminnahani saṃsthite || 33 ||
[Analyze grammar]

kṣutpipāsārtadehāśca pitarastasya duḥkhitāḥ |
sthāsyaṃti vatsaraṃ yāvadetadāha pitāmahaḥ || 34 ||
[Analyze grammar]

tasmātsarvaprayatnena tasminnahani kārayet |
anyamuddiśya tatsarvaṃ pretānāmiha jāyate || 35 ||
[Analyze grammar]

tato bhagavatā dattā teṣāṃ caiva tu sā tithiḥ || śrā |
ddhakarmaṇi saṃjāte vinā śastrahataṃ janam || 36 ||
[Analyze grammar]

saṃmukhasyāpi saṃgrāme yudhyamānasya dehinaḥ |
kadāciccalate cittaṃ tīkṣṇaśastrahatasya ca || 37 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetra māhātmye śakraviṣṇusaṃvāde pretaśrāddhakathanaṃnāma caturadhikadviśatatamo'dhyāyaḥ || 204 ||
[Analyze grammar]