Chapter 201

[English text for this chapter is available]

viśvāmitra uvāca |
atha te brāhmaṇāḥ sarve bhartṛyajñaṃ mahāmatim |
kṛtāṃjalipuṭā bhūtvā stutiṃ kṛtvā vaco'bruvan || 1 ||
[Analyze grammar]

yadetadbhavatā proktaṃ śodhito yo bhaveddvijaḥ |
śrāddhasya kanyakāyāśca somapānasya so'rhati || 2 ||
[Analyze grammar]

kathaṃ śuddhiḥ prakartavyā tasya sarvaṃ bravīhi naḥ |
nāgarasya samastasya deśāṃtaragatasya ca || 3 ||
[Analyze grammar]

deśāṃtaraprajātasya tatra jātasya vā punaḥ |
ajñātapitṛvargasya sāmā nyaṃ padamicchataḥ || 4 ||
[Analyze grammar]

etannaḥ sarvamācakṣva vistareṇa mahāmate || 5 ||
[Analyze grammar]

viśvāmitra uvāca |
teṣāṃ tadvacanaṃ śrutvā brāhmaṇānāṃ nṛpottama |
abravīdbhartṛyajñastu svābhiprāyaṃ susaṃmatam || 6 ||
[Analyze grammar]

bhartṛyajña uvāca |
praśnabhāro mahāneṣa bhavadbhiḥ samudāhṛtaḥ |
tathāpi kathayiṣyāmi namaskṛtya svayaṃbhuvam || 7 ||
[Analyze grammar]

ajñātapitṛvaṃśo yo dūrādapi samāgataḥ |
sāmānyaṃ vāṃchate padyaṃ nāgaro'smīti kīrtayan || 8 ||
[Analyze grammar]

tasya śuddhiḥ pradā tavyā mukhyaiḥ śāṃtaiḥ śubhairdvijaiḥ |
gartātīrthodbhavaṃ vipraṃ kṛtvā caiva puraḥsaram || 9 ||
[Analyze grammar]

viśuddhiṃ yācamānasya yadi yacchaṃti no dvijāḥ |
kāmādvā yadi vā krodhātpradveṣādvā cyuterbhayāt || 10 ||
[Analyze grammar]

brahmahatyodbhavaṃ pāpaṃ sarveṣāṃ tatra jāyate |
tasmādabhyāgato yastu dūrādapi viśeṣataḥ || 11 ||
[Analyze grammar]

tasya śuddhiḥ pradātavyā prayatnena dvijottamaiḥ |
śuddhiṃ tu trividhāṃ prāpto mama vākyasamudbhavām || 12 ||
[Analyze grammar]

sa śuddho nāgaro jñeyo jāto deśāṃtareṣvapi |
pūrvaṃ viśodhayedvaṃśaṃ tato mātṛkulaṃ smṛtam || 13 ||
[Analyze grammar]

tataḥ śīlaṃ tribhiḥ śuddhaḥ sāmānyaṃ padamarhati || 14 ||
[Analyze grammar]

sarveṣāmapi viprāṇāṃ varṣāṃte samupasthite |
śuddhiḥ kāryā prayatnena svasthānasya viśuddhaye || 15 ||
[Analyze grammar]

tadarthaṃ śaradaścāṃte śubharttau brāhmaṇottamāḥ |
cātuścaraṇasaṃpannāḥ saṃsthāpyāḥ ṣoḍaśaiva tu || 16 ||
[Analyze grammar]

brāhmaṇāḥ purataḥ sarve śāṃtā dāṃtā jiteṃdriyāḥ |
garttātīrthodbhavaṃ vipraṃ teṣāṃ madhye niveśayet || 17 ||
[Analyze grammar]

tadagre pīṭhikā deyāścatasro lakṣaṇānvitāḥ |
yāvatkārttikaparyaṃtaṃ cātuścaraṇakalpitāḥ || 18 ||
[Analyze grammar]

prathamā bahvṛcasyārthe yājuṣasya tathā'parā |
sāmagasya tathaivānyā tathā'dyasya caturthikā || 19 ||
[Analyze grammar]

mudrikārthaṃ tathaivānyā paṃcamī parikīrtitā |
śrīsūktaṃ pāvamānaṃ ca śākunaṃ viṣṇudaivatam || 20 ||
[Analyze grammar]

pārāvataṃ tathā sūktaṃ jīvasūktena saṃyutam |
bahvṛcaḥ kīrtayettatra śāṃtikaṃ ca tathāparam || 21 ||
[Analyze grammar]

śāṃtikaṃ śivasaṃkalpamṛṣikalpaṃ caturvidham |
maṃḍalaṃbrāhmaṇaṃ caiva gāyatrībrāhmaṇaṃ tathā || 22 ||
[Analyze grammar]

tathā puruṣasūktaṃ ca madhubrāhmaṇameva ca |
adhvaryuḥ kīrtayettatra rudrānpaṃcāṃgasaṃyutān || 23 ||
[Analyze grammar]

devavrataṃ ca gāyatraṃ somasūryavrate tathā |
ekaviṃśatiparyaṃtaṃ tathānyacca rathaṃtaram || 24 ||
[Analyze grammar]

sauvrataṃ saṃhitā viṣṇorjyeṣṭhasāma tathaiva ca |
sāmavedoktarudrāṃśca bhāruṃḍaiḥ sāmabhiryutān || 25 ||
[Analyze grammar]

chaṃdogaḥ kīrtayettatra yaccānyacchāṃtikaṃ bhavet |
garbhopaniṣadaṃ caiva skaṃdasūktaṃ tathāparam || 26 ||
[Analyze grammar]

nīlarudraiḥ samopetānprāṇarudrāṃstathāparān |
navarudrāṃśca kṣurikānādyastatra prakīrtayet || 27 ||
[Analyze grammar]

tataḥ puṇyāhaghoṣeṇa gītavāditranisvanaiḥ |
śuklamālyāṃbaradharaḥ śuklacaṃdanacarcitaḥ || 28 ||
[Analyze grammar]

śuddhikāmo vrajettatra yatra te brāhmaṇāḥ sthitāḥ |
praṇamya śirasā teṣāṃ tatovācyastu madhyagaḥ || 29 ||
[Analyze grammar]

madarthaṃ prārthaya tvaṃ hi sarvānetāndvijottamān |
yataḥ śuddhiṃ prayacchaṃti prasādaṃ kartumarhasi || 30 ||
[Analyze grammar]

tatastu prārthayedviprāṃstadarthaṃ ca viśuddhaye |
gartātīrthodbhavo vipro vinayāvanataḥ sthitaḥ || 31 ||
[Analyze grammar]

gocarmaṇi samālagnaḥ śuddhikāmasya tasya ca |
praṣṭavyāstu tatastena sarva eva dvijottamāḥ || 32 ||
[Analyze grammar]

eṣa śuddhikṛte prāptaḥ sudūrānnāgaro dvijaḥ |
asya śuddhiḥ pradātavyā yuṣmākaṃ rocate yadi || 33 ||
[Analyze grammar]

atha tairvedasūktena niṣedho vā pravartanam |
vaktavyaṃ vacasā naiva mama vākyamidaṃ sthitam || 34 ||
[Analyze grammar]

tataśca bahulāndṛṣṭvā ṛgadhvaryūṃstataḥ param |
chādogyāṃśca tathādyāṃśca krameṇa tu dvijottamāḥ || 35 ||
[Analyze grammar]

yadi teṣāṃ manastuṣṭirjāyate dvijasattamāḥ |
tataḥ sūktāni vākyāni saumyāni suśubhāni ca |
vāruṇāni tathaiṃdrāṇi māṃgalyaprabhavāṇi ca || 36 ||
[Analyze grammar]

śreṣṭhāni maṃtraliṃgāni vṛddhituṣṭikarāṇi ca |
yadi no mānasī tuṣṭi steṣāṃ caiva prajāyate || 37 ||
[Analyze grammar]

tadā raudrāṇi yāmyāni nairṛtyāni viśeṣataḥ |
āgneyāni tvaniṣṭāni tathā nāśakarāṇi ca || 38 ||
[Analyze grammar]

atha ye tatra mūrkhāḥ syurna vedapaṭhane ratāḥ |
puṣpadānaṃ tu vaktavyaṃ taiḥ saṃtuṣṭairdvijottamaiḥ || 39 ||
[Analyze grammar]

sītkāraḥ kupitaiḥ kāryaḥ saṃtoṣeṇa vivarjitaiḥ |
evaṃ sarveṣu kṛtyeṣu na ca kāryo vinirṇayaḥ || 40 ||
[Analyze grammar]

prākṛtairvacanaiścaiva yathā kurvaṃti mānavāḥ |
tathaiva nirṇayasyāṃte madhyagena vipaścitā || 41 ||
[Analyze grammar]

deyaṃ tālatrayaṃ samyaksarveṣāṃ nirṇayodbhave || 42 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye nāgara praśnanirṇayavarṇanaṃnāmaikottaradviśatatamo'dhyāyaḥ || 201 ||
[Analyze grammar]