Chapter 199

[English text for this chapter is available]

ṛṣaya ūcuḥ |
tisraḥkoṭyordhakoṭī ca tīrthānāmiha bhūtale |
śrūyate sūta kārtsnyena kīrtyamānā munīśvaraiḥ || 1 ||
[Analyze grammar]

kathaṃ labhyeta sarveṣāṃ tīrthānāṃ snānajaṃ phalam |
alpāyurbhirmahābhāga kalikāla upasthite || 2 ||
[Analyze grammar]

sūta uvāca |
kṣetratrayamihākhyātaṃ tathāraṇyatrayaṃ mahat |
purītrayaṃ vanānyeva trīṇi grāmāstathātrayaḥ || 3 ||
[Analyze grammar]

tathā tīrthatrayaṃ cānyatparvatatritayānvitam |
mahānadītrayaṃ caiva sarvapātakanāśanam || 4 ||
[Analyze grammar]

martyalokesthitaṃ viprāḥ sarvatīrthaphalapradam |
sarveṣveteṣu yaḥ snāti sa sarveṣāṃ phalaṃ labhet || 5 ||
[Analyze grammar]

caturviṃśatisaṃkhyānāmidamāha prajāpatiḥ |
ya ekasmiṃstrike snāti sarva trikaphalaṃ labhet || 6 ||
[Analyze grammar]

ṛṣaya ūcuḥ ||
trīṇi kṣetrāṇi kānīha tathāraṇyāni kāni ca |
puryastisro mahābhāga kāḥkhyātāśca vanāni ca || 7 ||
[Analyze grammar]

ke grāmāḥ kāni tīrthāni ke nagāḥ saritaśca kāḥ |
nāmabhirvada naḥ sūta sarvāṇyetāni vistarāt || 8 ||
[Analyze grammar]

sūta uvāca ||
kurukṣetramiti khyātaṃ prathamaṃ kṣetramuttamam |
hāṭakeśvarajaṃ kṣetraṃ dvitīyaṃ parikīrtitam || 9 ||
[Analyze grammar]

prābhāsikaṃ tṛtīyaṃ tu kṣetraṃ hi dvijasattamāḥ |
etatkṣetratrayaṃ puṇyaṃ sarvapātakanāśanam || 10 ||
[Analyze grammar]

yathoktavidhinā dṛṣṭvā naraḥ pāpātpramucyate |
yo yaṃ kāmamabhidhyāyankṣetreṣveteṣu bhaktitaḥ || 11 ||
[Analyze grammar]

snānaṃ karoti tasyeṣṭaṃ manaso jāyate phalam |
caturviṃśatimāneṣu snāto bhavati sa dvijāḥ || 12 ||
[Analyze grammar]

ekaṃ tu puṣkarāraṇyaṃ naimiṣāraṇyameva ca |
dharmāraṇyaṃ tṛtīyaṃ tu teṣāṃ saṃkīrtyate dvijāḥ || 13 ||
[Analyze grammar]

triṣveteṣu ca yaḥ snāti caturviṃśatibhāgbhavet || 14 ||
[Analyze grammar]

vārāṇasī purītyekā dvitīyā dvārakāpurī |
avantyākhyā tṛtīyā ca viśrutā bhuvanatraye || 15 ||
[Analyze grammar]

etāsu yo naraḥ snāti caturviṃśatibhāgbhavet || 16 ||
[Analyze grammar]

vṛndāvanaṃ vanaṃ caikaṃ dvitīyaṃ khāṃḍavaṃ vanam |
khyātaṃ dvaitavanaṃ cānyattṛtīyaṃ dharaṇītale || 17 ||
[Analyze grammar]

triṣveteṣu ca yaḥ snāti caturviṃśatibhāgbhavet || 18 ||
[Analyze grammar]

kalpagrāmaḥ smṛtaścaikaḥ śāligrāmo dvitīyakaḥ |
naṃdigrāmastṛtīyastu viśruto dvijasattamāḥ || 19 ||
[Analyze grammar]

triṣveteṣu ca yaḥ snāti caturviṃśatibhāgbhavet || 20 ||
[Analyze grammar]

agnitīrthaṃ smṛtaṃ caikaṃ śuklatīrthamathāparam |
tṛtīyaṃ pitṛtīrthaṃ tu pitṝṇāmativallabham || 21 ||
[Analyze grammar]

triṣveteṣu ca yaḥ snāti caturviṃśatibhāgbhavet || 22 ||
[Analyze grammar]

śrīparvataḥ smṛtaścaiko dvitīyaścārbudastathā |
tṛtīyo raivatākhyo'tra vikhyātaḥ parvatottamāḥ || 23 ||
[Analyze grammar]

triṣveteṣu ca yaḥ snāti caturviṃśatibhāgbhavet || 24 ||
[Analyze grammar]

gaṃgā nadī smṛtā pūrvā narmadākhyā tathā parā |
sarasvatī tṛtīyā tu nadī plakṣasamudbhavā || 25 ||
[Analyze grammar]

āsu sarvāsu yaḥ snāti caturviṃśatibhāgbhavet || 26 ||
[Analyze grammar]

eteṣveva hi sarveṣu yaḥ snānaṃ kurute naraḥ |
sārdhakoṭitrayasyātra sa kṛtsnaṃ phalamāpnuyāt || 27 ||
[Analyze grammar]

yaścaikasminnaraḥ snāti sa trikasya phalaṃ labhet || 28 ||
[Analyze grammar]

etadvaḥ sarvamākhyātaṃ yatpṛṣṭo'smi dvijottamāḥ |
saṃkṣepāttīrthajaṃ puṇyaṃ labhyate yannarairbhuvi || 29 ||
[Analyze grammar]

sāṃprataṃ kiṃ nu vo vacmi yattadvadata mā ciram || 30 ||
[Analyze grammar]

ṛṣaya ūcuḥ ||
hāṭakeśvaraje kṣetre yāni tīrthāni sūtaja |
tāni proktāni sarvāṇi tvayā'smākaṃ suvistarāt || 31 ||
[Analyze grammar]

tathā cāyatanānyeva saṃkhyayā rahitāni ca |
api varṣaśatenātra snānaṃ kartuṃ na śakyate || 32 ||
[Analyze grammar]

teṣu sarveṣu martyena yathoktavidhinā sphuṭam |
devatāyatanānyeva tathā draṣṭuṃ mahā mate || 33 ||
[Analyze grammar]

yasminsnāto dine caiva tasya vyuṣṭiḥ prakīrtitā |
alpāyuṣastadā martyāḥ kṛte'pi parikīrtitāḥ || 34 ||
[Analyze grammar]

tretāyāṃ dvāpare cāpi kimu prāpte kalau yuge |
evamalpāyuṣo jñātvā mānavānsūtanaṃdana || 35 ||
[Analyze grammar]

labheraṃśca kathaṃ sarvatīrthānāṃ snānajaṃ phalam |
devadarśanajaṃ vāpi viśeṣānnirdhanāśca ye || 36 ||
[Analyze grammar]

asti kaścidupāyo'tra daivo vā mānuṣo'pi vā |
yena teṣāṃ bhavetpuṇyaṃ sarveṣāmeva helayā || 37 ||
[Analyze grammar]

sūta uvāca |
asminnarthe purā pṛṣṭo viśvāmitro mahāmuniḥ |
samupetyāśramaṃ tasya ānartena mahībhujā || 38 ||
[Analyze grammar]

rājovāca |
bhagavannatra tīrthāni saṃkhyayā rahitāni ca |
teṣu snānavidhiḥ proktaḥ sarveṣveva pṛthakpṛthak || 39 ||
[Analyze grammar]

māse vāre dine caiva kutracinmunisattamaiḥ |
dānāni ca tathoktāni yathā snāna vidhistathā || 40 ||
[Analyze grammar]

devānāṃ darśanaṃ cāpi pṛthaktena prakīrtitam |
na śakyate phalaṃ prāptuṃ sarveṣāṃ kenacinmune || 41 ||
[Analyze grammar]

api varṣaśatenāpi kiṃ punaḥ stokavāsaraiḥ |
tasmādvada mahābhāga sukhopāyaṃ ca dehinām || 42 ||
[Analyze grammar]

ekasminnapi ca snātastīrthe prāpnoti mānavaḥ |
sarveṣāmeva tīrthānāṃ snānajaṃ sakalaṃ phalam || 43 ||
[Analyze grammar]

tathaikasminsure dṛṣṭe sarvadevasamudbhavam |
phalaṃ darśanajaṃ bhāvi narāṇāṃ dvijasattama || 49 ||
[Analyze grammar]

sūta uvāca |
tacchrutvā suciraṃ dhyātvā viśvāmitro mahāmuniḥ |
abravīcchṛṇu rājeṃdra sarahasyaṃ vadāmi te || 45 ||
[Analyze grammar]

catvāryatra prakṛṣṭāni mukhyatīrthāni pārthiva |
yeṣu snāne kṛte rājañchrāddhe ca tadanaṃtaram |
sarveṣāmeva tīrthānāṃ snānajaṃ labhyate phalam || 46 ||
[Analyze grammar]

saptaviṃśatiliṃgāni tathātraiva sthitāni ca |
siddheśvaraprapūrvāṇi sarvapāpaharāṇi ca || 47 ||
[Analyze grammar]

teṣu sarveṣu dṛṣṭeṣu bhaktyā pūtena cetasā |
sarveṣāmeva devānāṃ bhaveddarśanajaṃ phalam || 48 ||
[Analyze grammar]

ekasminnapi saṃdṛṣṭe pūjite vā surottame |
saptaviṃśatiliṃgānāṃ pūjā tena kṛtā bhavet || 49 ||
[Analyze grammar]

rājovāca |
kāni catvāri tīrthāni tatra mukhyāni sanmune |
yeṣu snāto naraḥ samyaksarveṣāṃ labhate phalam || 50 ||
[Analyze grammar]

viśvāmitra uvāca |
atrāsti kūpikā puṇyā yasyāṃ saṃśrayate gayā |
kṛṣṇapakṣe caturdaśyāmamāvāsyādine tathā || 51 ||
[Analyze grammar]

viśeṣeṇa mahābhāga kanyāsaṃsthe divākare |
nirviṇṇā bhūmilokānāṃ kṛtaiḥ śrāddhairanekadhā || 52 ||
[Analyze grammar]

yastasyāṃ kurute śrāddhaṃ samyakchraddhāsamanvitaḥ || 53 ||
[Analyze grammar]

tasminnahani rājeṃdra sa saṃtārayate pitṝn |
tathā tīrthaṃ dvitīyaṃ tu śaṃkhatīrthamiti smṛtam || 54 ||
[Analyze grammar]

tatra snātvā naro yastu paśyecchaṃkheśvaraṃ tataḥ |
sarveṣāṃ phalamāpnoti māghasya prathame'hani || 55 ||
[Analyze grammar]

tathā mannāmakaṃ tīrthe tṛtīyaṃ mukhyatāṃ gatam |
atra snātvā tu yaḥ paśyenmayā saṃsthāpitaṃ haram || 56 ||
[Analyze grammar]

viśvāmitreśvaraṃ nāma sarveṣāṃ sa phalaṃ labhet |
nabhasyasya sitāṣṭamyāṃ sarveṣāṃ labhate phalam || 57 ||
[Analyze grammar]

śakratīrthamiti khyātaṃ caturthaṃ bālamaṇḍanam |
tatra snātvā ca paṃcāhaṃ śakreśvaramavekṣya ca |
āśvinasya site'ṣṭamyāṃ sarveṣāṃ labhate phalam || 58 ||
[Analyze grammar]

rājovāca |
vidhānaṃ vada me vipra gayākūpyāḥ samudbhavam |
vistareṇa mahābhāga śraddhā me mahatī sthitā || 59 ||
[Analyze grammar]

viśvāmitra uvāca |
amāvāsyādine prāpte tatra kanyāgate ravau |
yaḥ śrāddhaṃ kurute bhaktyā sa pitṝṃstārayennijān || 60 ||
[Analyze grammar]

bhartṛyajñavidhānena śuddhaiḥ sthānodbhavairdvijaiḥ |
bhartṛyajñavidhiṃ tyaktvā yo'nyena vidhinā naraḥ || 61 ||
[Analyze grammar]

śrāddhaṃ karoti mūḍhātmā vihīnaṃ sthānajairdvijaiḥ |
sthānajairapi vā'śuddhaistasya tadvyarthatāṃ vrajet || 62 ||
[Analyze grammar]

vṛṣṭiḥ syādūṣare yadvatsatyametanmayoditam |
aṃdhasyāgre yathā nṛtyaṃ pragītaṃ badhirasya ca |
tathā ca vyarthatāṃ yāti anyasthānodbhavairdvijaiḥ || 63 ||
[Analyze grammar]

brāhmaṇaiḥ kārayecchrāddhaṃ mūrkhairapi dvijottamāḥ |
caturvedā api tyājyā anyasthānasamudbhavāḥ || 64 ||
[Analyze grammar]

dave karmaṇi pitrye vā somapāne viśeṣataḥ |
deśāṃtaragato yastu śrāddhaṃ ca kurute naraḥ |
vaiśvānarapurastena kāryaṃ nānyadvijasya ca || 65 ||
[Analyze grammar]

saṃniveśya darbhabaṭūñchrāddhaṃ kuryāddvijottamāḥ |
dakṣiṇā bhojanaṃ deyaṃ sthānikānāṃ cirādapi || 66 ||
[Analyze grammar]

paṃcagavyasya saṃpūrṇo yathā kumbhaḥ praduṣyati |
biṃdunaikena madyasya patitena nṛpottama || 67 ||
[Analyze grammar]

ekenāpi ca bāhyena bahūnāmapi bhūpate |
madhye samupaviṣṭena tacchrāddhaṃ doṣamāpnuyāt || 68 ||
[Analyze grammar]

sthānajo'pi caturvedo yadyapi syānna śuddhibhāk |
bahūnāmapi śuddhānāṃ madhye śrāddhaṃ vināśayet || 69 ||
[Analyze grammar]

tasmātsarvaprayatnena śuddhaṃ brāhmaṇamānayet || 70 ||
[Analyze grammar]

sthānikaṃ mūrkhamapyevamalābhe guṇināmapi |
hīnāṃgamadhikāṃgaṃ vā dūṣitaṃ no tathā param || 71 ||
[Analyze grammar]

kanyādāne tathā śrāddhe kulīno brāhmaṇaḥ sadā |
āhartavyaḥ prayatnena ya icchecchubhamātmanaḥ |
so'pi śuddhisamāyukto yadi syānnṛpasattama || 72 ||
[Analyze grammar]

vṛkṣāṇāṃ ca yathā'śvattho devatānāṃ yathā hariḥ |
śreṣṭhasthānajaviprāṇāṃ tathā cāṣṭakulodbhavaḥ || 73 ||
[Analyze grammar]

āyudhānāṃ yathā vajraṃ sarasāṃ sāgaro yathā |
śreṣṭhasthānajaviprāṇāṃ tathāṣṭakulasaṃbhavaḥ || 74 ||
[Analyze grammar]

uccaiḥśravā yathā'śvānāṃ gajānāṃ śakravāhanaḥ |
śreṣṭhasthānajaviprāṇāṃ tathāṣṭakulasaṃbhavaḥ || 75 ||
[Analyze grammar]

nadīnāṃ ca yathā gaṃgā satīnāṃ cāpyaruṃdhatī |
tadvatsthānajaviprāṇāṃ śreṣṭho'ṣṭakulikaḥ smṛtaḥ || 76 ||
[Analyze grammar]

grahāṇāṃ bhāskaro yadvannakṣatrāṇāṃ niśākaraḥ |
tadvatsthānajaviprāṇāṃ śreṣṭho'ṣṭakulikaḥ smṛtaḥ || 77 ||
[Analyze grammar]

parvatānāṃ yathā merurdvipadānāṃ dvijottamaḥ |
sthānajānāṃ tu viprāṇāṃ śreṣṭho'ṣṭakulikastathā || 78 ||
[Analyze grammar]

pakṣiṇāṃ garuḍo yadvatsiṃho'raṇyanivāsinām |
sthānajānāṃ tu viprāṇāṃ śreṣṭho'ṣṭakulikastathā || 79 ||
[Analyze grammar]

evaṃ jñātvā prayatnena śrāddhe yajñe ca pārthiva |
kanyādāne viśeṣeṇa yojyaścāṣṭakulodbhavaḥ || 80 ||
[Analyze grammar]

nṛtyaṃti pitarastasya garjaṃti ca pitāmahāḥ |
vedimūle samālokya prāptamaṣṭakulaṃ nṛpa || 81 ||
[Analyze grammar]

punarvadaṃti saṃhṛṣṭāḥ kimasmākaṃ pradāsyati |
dauhitraścāpasavyena jalaṃ darbhatilānvitam || 82 ||
[Analyze grammar]

rājovāca |
yadetadbhavatā proktaṃ śraiṣṭhyamaṣṭakulodbhavam |
sarveṣāṃ nāgarāṇāṃ ca tatkiṃ vada mahāmate || 83 ||
[Analyze grammar]

na hyatra kāraṇaṃ svalpaṃ bhaviṣyati dvijottama || 84 ||
[Analyze grammar]

viśvāmitra uvāca |
satyametanmahārāja yattvayā vyāhṛtaṃ vacaḥ |
anye'pi nāgarāḥ saṃti vedavedāṃgapāragāḥ || 85 ||
[Analyze grammar]

śrāddhārhā yajñayogyāśca kanyāyogyā viśeṣataḥ |
paraṃ te sthāpitā rājansvayamiṃdreṇa tatra ca || 86 ||
[Analyze grammar]

pradhānatvena sarveṣāṃ nāgaraiścāpi kṛtsnaśaḥ |
tena te gauravaṃ prāptāḥ sthānetraiva viśeṣataḥ || 87 ||
[Analyze grammar]

tasmācchrūाddhaṃ prakartavyaṃ viprai ścāṣṭakulodbhavaiḥ |
aprāptau caiva teṣāṃ tu kāryaṃ nāgarasaṃbhavaiḥ || 88 ||
[Analyze grammar]

nānyasthānasamudbhūtaiścaturvedairapi dvijaiḥ |
bhartṛyajñena maryādā kṛtā hyeṣā mahā tmanā || 89 ||
[Analyze grammar]

muktvā tu nāgaraṃ vipraṃ yo'nyenātra kariṣyati |
śrāddhaṃ vā yadi vā yajñaṃ vyarthaṃ tasya bhaviṣyati || 90 ||
[Analyze grammar]

rājovāca |
saṃtyanye vividhā viprā vedavedāṃgapāragāḥ |
madhyadeśodbhavāḥ śāntāstathānye tīrthasaṃbhavāḥ || 91 ||
[Analyze grammar]

bhartṛyajñena ye tyaktāḥ śrāddhe yajñe viśeṣataḥ |
hīnāṃgāścādhikāṃgāśca dvirnagnāḥ śyāvadaṃtakāḥ || 92 ||
[Analyze grammar]

kunakhāḥ kuṣṭhasaṃyuktā mūrkhā api vigarhitāḥ |
śrāddhārhāḥ sūcitāstena etaṃ me saṃśayaṃ vada || 93 ||
[Analyze grammar]

viśvāmitra uvāca |
kīrtayiṣye naravyāghra kāraṇāni bahūni ca |
camatkārasya patnyāśca dānena patitā yataḥ || 94 ||
[Analyze grammar]

strīṇāṃ pratigraheṇaiva vipreṣu proṣiteṣu ca |
pṛthaktvaṃ ca tato jātaṃ bāhyābhyantarasaṃjñakam || 95 ||
[Analyze grammar]

durvāsasā tataḥ śaptā ruṣṭenevāhinā yathā |
vidyādhanābhimānena śāpena patitāḥ sadā || 96 ||
[Analyze grammar]

kuśe rājyagate rājanrākṣasānāṃ mahābhayam |
prajayā'veditaṃ sarvaṃ tasya rājño mahātmanaḥ || 97 ||
[Analyze grammar]

vibhīṣaṇasya laṃkāyāṃ dūtaśca preṣitastadā |
sarvaṃ nivedayāmāsa prajānāṃ bhayasaṃbhavam || 98 ||
[Analyze grammar]

abhivandya kuśādeśaṃ rāmasya caritaṃ smaran |
puryāṃ vilokayāmāsa laṅkāyāṃ rāmaśāsanāt || 99 ||
[Analyze grammar]

upaplavasya kartāro naṣṭāḥ sarve diśo daśa |
gandharvāṇāṃ ca lokaṃ hi bhayena mahatā gatāḥ || 100 ||
[Analyze grammar]

sthātuṃ tatra na śaktāste vibhīṣaṇabhayena ca |
pṛthivyāṃ samanuprāptāḥ sthānānyapi bahūni ca || 101 ||
[Analyze grammar]

bhayena mahatā tatra kuśasyaiva tu śāsane |
brāhmaṇānāṃ ca rūpāṇi kṛtvā tatra samāgatāḥ || 102 ||
[Analyze grammar]

vāḍavānāṃ mahimnā ca madhye sthātuṃ na te'śakan |
patitānāṃ ca saṃsthānaṃ camatkārapuraṃ gatāḥ || 103 ||
[Analyze grammar]

māyāviśāradaistaiśca dhanena vidyayā tataḥ |
adha jagdhaṃ tatastaistu teṣāṃ madhye sthitaṃ ca taiḥ || 104 ||
[Analyze grammar]

tataḥprabhṛti te sarve rākṣasatvaṃ prapedire |
krūrāṇyapi ca karmāṇi kurvaṃti ca padepade || 105 ||
[Analyze grammar]

tataste sarvathā rājanvarjanīyāḥ prayatnataḥ |
śrāddhe yajñe naravyāghra narake pātayaṃti ca || 106 ||
[Analyze grammar]

anyacca dūṣaṇaṃ teṣāṃ kīrtayiṣye tavā'nagha |
trijātāḥ sthāpitā rājansarpāṇāṃ garanāśanāt || 107 ||
[Analyze grammar]

nagaratvaṃ tato jātaṃ camatkāra purasya tu |
trijātatvaṃ tu sarveṣāṃ jātaṃ tatra viśeṣataḥ || 108 ||
[Analyze grammar]

etebhyaḥ kāraṇebhyaśca bhartṛyajñena varjitāḥ |
punaśca kāraṇaṃ teṣāṃ sparśādapi na śuddhibhāk || 109 ||
[Analyze grammar]

kumbhakotthaṃ ca saṃprāptaṃ mahaccaṇḍālasaṃbhavam || 110 ||
[Analyze grammar]

rājovāca |
etacca kāraṇaṃ vipra kathayasva prasādataḥ |
sthāvarasya carasyaiva jagato jñānamasti te || 111 ||
[Analyze grammar]

viśvāmitra uvāca |
atra te kīrtayiṣyāmi pūrvavṛttakathāṃtaram |
bhartṛyajena ye tyaktāḥ sarvenye brāhmaṇottamāḥ || 112 ||
[Analyze grammar]

vardhamāne pure pūrvamāsīdaṃtyajajātijaḥ |
caṇḍālaḥ kuṃbhakonāma nirdayaḥ pāpakarmakṛt || 113 ||
[Analyze grammar]

kasyacittvatha kālasya tasya putro babhūva ha |
virūpasyāpi rūpāḍhyaḥ pūrvakarmaprabhāvataḥ || 114 ||
[Analyze grammar]

piṃgākṣasya sukṛṣṇasya vayomadhyasya pārthiva |
dakṣaḥ sarveṣu kṛtyeṣu sarvalakṣaṇalakṣitaḥ || 115 ||
[Analyze grammar]

sa vṛddhiṃ drutamabhyeti śuklapakṣe yathoḍurāṭ |
tathā'sau śaṃsyamānastu sarvalokaiḥ surūpabhāk |
dṛṣṭvā kuṭuṃbakaṃ nityaṃ vairāgyaṃ paramaṃ gataḥ || 116 ||
[Analyze grammar]

tato deśāṃtaraṃ duḥkhādbhramamāṇa itastataḥ |
camatkārapuraṃ prāpto dvijarūpaṃ samāśritaḥ |
sa snāti sarvakṛtyeṣu bhikṣānnakṛtabhojanaḥ || 117 ||
[Analyze grammar]

etasminneva kāle tu brāhmaṇaḥ śaṃsitavrataḥ |
chāṃdogyagotravikhyātaḥ subhadronāma pārthivaḥ || 118 ||
[Analyze grammar]

nāgaro varṣayājī ca vedavedāṃgapāragaḥ |
tatrāsīttasya sañjātā kanyakā dviguṇai radaiḥ || 119 ||
[Analyze grammar]

tathā tribhiḥstanai raudrā pṛṣṭhyāvartakasaṃyutā |
daridro'pi suduḥstho'pi kulahīnopi pārthiva || 120 ||
[Analyze grammar]

dīyamānāmapi na tāṃ pratigṛhṇāti kaścana |
yadbhakṣayati bhartāraṃ ṣaṇmāsābhyaṃtare hi sā || 121 ||
[Analyze grammar]

yasyāḥ syurdviguṇā daṃtā evaṃ sāmudrikā jaguḥ |
tristanī kanyakā yā tu śvaśurasya kulakṣayam |
saṃdhatte nātra sandehastasmāttāṃ dūratastyajet || 122 ||
[Analyze grammar]

pṛṣṭhyāvarto bhavedyasyā asatī sā bhaveddrutam |
bahupāpasamācārā tasmāttāṃ parivarjayet || 123 ||
[Analyze grammar]

atha tāṃ vṛddhimāpannāṃ dṛṣṭvā vipraḥ subhadrakaḥ |
cintācakraṃ samārūḍho na śāṃtimadhigacchati || 124 ||
[Analyze grammar]

kiṃ karomi kva gacchāmi kathamasyāḥ patirbhavet |
na kaścitpratigṛhṇāti prārthito'pi muhurmuhuḥ || 125 ||
[Analyze grammar]

daridro vyādhito vā'pi vṛddho'pi brāhmaṇo hi saḥ |
smṛtau yasmādidaṃ proktaṃ kanyārthe prāṅmaharṣibhiḥ || 126 ||
[Analyze grammar]

aṣṭavarṣā bhavedgaurī navavarṣā ca rohiṇī |
daśavarṣā bhavetkanyā ata ūrdhvaṃ rajasvalā || 127 ||
[Analyze grammar]

mātā caiva pitā caiva jyeṣṭho bhrātā tathaiva ca |
trayaste narakaṃ yāṃti dṛṣṭvā kanyāṃ rajasvalām || 128 ||
[Analyze grammar]

evaṃ cintayatastasya soṃ'tyajo dvijarūpadhṛk |
bhikṣārthaṃ tadgṛhaṃ prāpto dṛṣṭastena mahātmanā || 129 ||
[Analyze grammar]

pṛṣṭaśca vismayāttena dṛṣṭvā rūpaṃ tathāvidham |
kutastvamiha samprāptaḥ kva yāsyasi ca bhikṣuka || 130 ||
[Analyze grammar]

īdṛgbhavyataro bhūtvā kasmānmādhukarīṃ gataḥ |
kiṃ gotraṃ tava me brūhi katamaḥ pravaraśca te || 131 ||
[Analyze grammar]

so'bravīdgauḍadeśīyaṃ sthānaṃ me sumahattaram |
nāmnā bhojakaṭaṃ khyātaṃ nānādvijasamāśritam || 132 ||
[Analyze grammar]

tatrāsīnmādhavonāma brāhmaṇo vedapāragaḥ |
vasiṣṭhagotravikhyāta ekapravarasūcitaḥ || 133 ||
[Analyze grammar]

tasyāhaṃ tanayo nāmnā caṃdraprabha iti smṛtaḥ || 134 ||
[Analyze grammar]

tato'hamaṣṭame varṣe yadā vratadharaḥ sthitaḥ |
tadā paṃcatvamāpannaḥ pitā me vedapāragaḥ || 135 ||
[Analyze grammar]

mātā me saha tenaiva praviṣṭā havyavāhanam |
tato vairāgyamāpanno niṣkrāṃto'haṃ nijālayāt || 136 ||
[Analyze grammar]

tīrthāni bhramamāṇo'tra saṃprāptastu puraṃ tava |
adhunā saṃprayāsyāmi prabhāsaṃ kṣetramuttamam || 137 ||
[Analyze grammar]

yatra someśvaro devastyaktvā kailāsamāgataḥ |
na mayā paṭhitā vedā na ca śāstraṃ nṛpottama |
tīrthayātrāprasaṃgena tena bhikṣāṃ carāmyaham || 138 ||
[Analyze grammar]

viśvāmitra uvāca |
tasya tadvacanaṃ śrutvā cintayāmāsa cetasi |
brāhmaṇo'yaṃ sudeśīyastathā bhavyatamākṛtiḥ |
yadi gṛhṇāti me kanyāṃ tadasmai pradadāmyaham || 139 ||
[Analyze grammar]

yāvadrajasvalā naiva jāyate sā nirūpitā |
kṛtsnaṃ dūṣayati kṣipraṃ naiva vaṃśaṃ mamādhamā || 140 ||
[Analyze grammar]

tataḥ provāca taṃ mlecchaṃ saṃmaṃtrya saha bhāryayā |
yadi gṛhṇāsi me kanyāṃ tava yacchāmyahaṃ dvija || 141 ||
[Analyze grammar]

bharaṇaṃ poṣaṇaṃ dvābhyāṃ kariṣyāmi sadaiva hi || 142 ||
[Analyze grammar]

tacchrutvā harṣitaḥ prāha soṃ'tyajo nṛpasattamam |
tavādeśaṃ kariṣyāmi yaccha me kanyakāṃ nṛpa || 143 ||
[Analyze grammar]

tathetyuktvā gatastena tasmai dattā nijā sutā |
gṛhyoktena vidhānena vivāho vihitastataḥ || 144 ||
[Analyze grammar]

tato dadau dhanaṃ dhānyaṃ gṛhaṃ kṣetraṃ ca godhanam |
tasmai tuṣṭisamāyukto manyamānaḥ kṛtārthatām || 145 ||
[Analyze grammar]

atha so'pi ca tāṃ prāpya vilāsānakarodbahūn |
khādyaiḥ pānaiḥ suvastraiśca gandhamālyairvibhūṣaṇaiḥ || 146 ||
[Analyze grammar]

paraṃ sa vrajati prāyo yena mārgeṇa kenacit |
sārameyāḥ saśabdāśca pṛṣṭhato'nuvrajaṃti vai || 147 ||
[Analyze grammar]

anyeṣāmaṃtyajātyānāṃ yadvattasya viśeṣataḥ |
vedābhyāsaparaścaiva yadi saṃjāyate kvacit |
raktaṃ patati vaktreṇa tatkṣaṇāttasya durmateḥ || 148 ||
[Analyze grammar]

etasminnaṃtare lokaḥ sarva eva praśaṃkitaḥ |
abravīcca mitho'bhyetya caṃḍālo'yamasaṃśayam || 149 ||
[Analyze grammar]

yadete pṛṣṭhato yāṃti bhaṣamāṇāḥ śunīsutāḥ |
subhadro'pi ca tatteṣāṃ śrutvā cintāparo'bhavat || 150 ||
[Analyze grammar]

manyamānaśca tatsatyaṃ duḥkhena mahatānvitaḥ |
nūnamaṃtyajajātīyo bhaviṣyati sutāpatiḥ || 151 ||
[Analyze grammar]

jñāyate ceṣṭitaiḥ sarvairyathā'yaṃ jalpate janaḥ || 152 ||
[Analyze grammar]

evaṃ rātriṃdivaṃ tasya cintayānasya bhūpateḥ |
lokāpavādayuktasya kiyānkālo'bhyavartata || 153 ||
[Analyze grammar]

anyasminnahani prāpte ādyādyā dvijasattamāḥ |
madhyagena samāyuktā brahmasthānaṃ samāgatāḥ |
tasya śuddhikṛte procuryena śaṃkā praṇaśyati || 154 ||
[Analyze grammar]

athocustaṃ dvijaśreṣṭhā brahmasthānasya madhyagam |
madhyagasya tu vaktreṇa vivarṇavadanaṃ sthitam || 155 ||
[Analyze grammar]

kulaṃ gotraṃ nijaṃ brūhi pravarāṃśca viśeṣataḥ |
sthānaṃ deśaṃ ca viprāṇāṃ yena śuddhiḥ pradīyate || 156 ||
[Analyze grammar]

athāsau vepamānastu prasvinnavadanastathā |
adhodṛṣṭiruvācedaṃ gadgadaṃ vihitāñjaliḥ || 157 ||
[Analyze grammar]

garbhāṣṭame pitā mahyaṃ varṣe mṛtyuṃ gatastataḥ |
tataḥ sā taṃ samādāya jananī me pativratā |
māṃ tyaktvā duḥkhitaṃ dīnaṃ praviṣṭā havyavāhanam || 158 ||
[Analyze grammar]

ahaṃ vairāgyamāpannastīrthayātrāṃ samāśritaḥ |
bālabhāve piturduḥkhāttāpasairaparaiḥ saha || 159 ||
[Analyze grammar]

na mayā paṭhito vedo na ca śāstraṃ nirūpitam |
tīrthayātrāparo'haṃ ca samāyāto bhavatpuram || 160 ||
[Analyze grammar]

abhadreṇa subhadreṇa śvaśureṇa durātmanā |
etajjānāmyahaṃ viprā gotraṃ vāsiṣṭhameva vā || 161 ||
[Analyze grammar]

athaikapravaro deśo gauḍo madhupuraṃ puram |
tataste brāhmaṇāḥ procuryasya no jñāyate kulam |
tasya śuddhiḥ pradātavyā dhaṭadvāreṇa kevalā || 162 ||
[Analyze grammar]

sa tvaṃ dhaṭaṃ samāruhya brāhmaṇyārthaṃ ca kevalam |
śuddhiṃ prāpya tato bhogānbhuṃkṣvātrastho'pi kevalam || 163 ||
[Analyze grammar]

so'bravītsāhasaṃ kṛtvā sarvāneva ddvijottamān |
pratigṛhṇāmyahaṃ kāmaṃ taptamāṣakameva ca || 164 ||
[Analyze grammar]

praviśāmi hutāśaṃ vā bhakṣayiṣyāmyahaṃ viṣam || 165 ||
[Analyze grammar]

kiṃ punardhaṭadivyaṃ ca kriyamāṇe sukhāvaham |
brāhmaṇasya kṛte viprāścitte no māmake ghṛṇā || 166 ||
[Analyze grammar]

atha te brāhmaṇāstasya dhaṭārohaṇasaṃbhavam |
śuddhiṃ nirdiśya vāraṃ ca sūryasya ca tataḥ param |
jagmuḥ svaṃsvaṃ gṛhaṃ sarve so'pi viproṃ'tyajo dvijāḥ || 167 ||
[Analyze grammar]

tataḥ prāha nijāṃ bhāryāṃ rahasye nṛpasattama |
jñāto'haṃ brāhmaṇaiḥ sarvairaṃtyajātisamudbhavaḥ |
deśātaraṃ gamiṣyāmi tvamāgaccha mayā saha || 168 ||
[Analyze grammar]

bhāryovāca |
ahamagniṃ pravekṣyāmi na yāsyāmi tvayā saha |
pāpabuddhe patiṣyāmi na cāhaṃ narakāgniṣu || 169 ||
[Analyze grammar]

budhyamānā na seviṣye tvāmaṃtyajasamudbhavam |
pāpa saṃdūṣitaṃ sarvaṃ tvayaitatsthānamuttamam || 170 ||
[Analyze grammar]

tathā mama piturharmyaṃ saṃvatsaraprayājinaḥ |
tasmāddrutataraṃ gaccha yāvanno vetti kaścana || 171 ||
[Analyze grammar]

no cetpāpasamācāra saṃprāpsyasi mahā'padam || 172 ||
[Analyze grammar]

tato niśāmukhe prāpte kaupīnāvaraṇānvitaḥ |
naṣṭo'bhīṣṭāṃ diśaṃ prāpya tadā jīvitajādbhayāt || 173 ||
[Analyze grammar]