Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

sūta uvāca |
evaṃ kratuḥ sa saṃjātaḥ pañcarātraṃ dvijottamāḥ |
hāṭakeśvaraje kṣetre sarvakāma samṛddhimān || 1 ||
[Analyze grammar]

viprāṃśca bhikṣukāṃścaiva dīnāṃdhāṃśca viśeṣataḥ |
samāptau tasya yajñasya saṃtarpya sakalāṃstataḥ |
ṛtvijo dakṣiṇābhistānyathoktāndvijasattamān || 2 ||
[Analyze grammar]

tataḥ sa cānayāmāsa nāgarānbrāhmaṇottamān |
cātuścaraṇasaṃpannāñchrutismṛti samanvitān || 3 ||
[Analyze grammar]

kṛtāṃjalipuṭo bhūtvā tatastānprāha sādaram |
yadbhūmau tu mayā tīrthaṃ puṣkaraṃ saṃniveśitam || 4 ||
[Analyze grammar]

kalikālasya bhītena dvitīyaṃ brāhmaṇottamāḥ |
yena no nāśamabhyeti mlecchairapi samāśritam || 5 ||
[Analyze grammar]

hāṭakeśvaradevasya prabhāvena mahātmanaḥ |
kalikāle ca samprāpte tīrthānyāyatanāni ca || 6 ||
[Analyze grammar]

mlecchaiḥ spṛṣṭānyasaṃdigdhaṃ prayāgādīni kṛtsnaśaḥ |
yajñastu vihitastena bhayāyaṃ tatkṛtena ca || 7 ||
[Analyze grammar]

tasmādvadatha kiṃ dānaṃ yuṣmadbhūmeśca niṣkraye || |
prayacchāmi ca yajñasya yena me syātphalaṃ dvijāḥ || 8 ||
[Analyze grammar]

brāhmaṇā ūcuḥ |
yadi yacchasi cāsmākaṃ dakṣiṇāṃ yajñasaṃbhavām |
tadasmākaṃ svavāsena sthānaṃ naya pavitratām || 9 ||
[Analyze grammar]

yadetadbhavatā cātra puṣkaraṃ tīrthamuttamam |
sthāpitaṃ tasya no brūhi māhātmyaṃ surasattama |
yena snānādikāḥ sarvāḥ kriyāḥ kurmaḥ pitāmaha || 10 ||
[Analyze grammar]

brahmovāca |
etattīrthaṃ mayā sṛṣṭamaṃtarikṣasthitaṃ sadā |
kiṃ na śrutaṃ purāṇeṣu bhavadbhirdvijasattamāḥ || 11 ||
[Analyze grammar]

pṛthivyāṃ naimiṣaṃ tīrthamantarikṣe ca puṣkaram |
trailokye tu kurukṣetraṃ viśeṣeṇa vyavasthitam || 12 ||
[Analyze grammar]

tadyuṣmākaṃ hitārthāya paṃcarātraṃ dharātale |
āgamiṣyatyasaṃdigdhaṃ mama vākyapraṇoditam || 13 ||
[Analyze grammar]

kārtikyāṃ śuklapakṣe tu hyekādaśyāṃ dine sthite |
yāvatpaṃcadaśī tāvattithiḥ pāpapraṇāśinī || 14 ||
[Analyze grammar]

paṃcarātrasya madhye tu yaḥ snānaṃ ca kariṣyati |
śrāddhaṃ vā śraddhayā yuktastasya syādakṣayaṃ hi tat || 15 ||
[Analyze grammar]

aha tu paṃcarātraṃ tadbrahmalokādupetya ca |
saṃśrayaṃ tu kariṣyāmi tīrthe'traiva dvijottamāḥ || 16 ||
[Analyze grammar]

brāhmaṇā ūcuḥ |
tava mūrtiṃ kariṣyāmaḥ sthāne'tra prapitāmaha |
tasyāṃ saṃkramaṇaṃ nityaṃ tasmātkāryaṃ tvayāvibho || 17 ||
[Analyze grammar]

tīrthaṃ caiva sadāpya'tra samāgacchatu cāṃbarāt |
lokānāṃ pāpanāśāya tathā tvaṃ kartumarhasi || 18 ||
[Analyze grammar]

eṣā no dakṣiṇā deva yajñasyaiva samudbhavā || 19 ||
[Analyze grammar]

evaṃ kṛte suraśreṣṭha saphalaḥ syātkratustava |
pratijñā ca tathā satyā tasmāddānāya nirmitā || 20 ||
[Analyze grammar]

śrībrahmovāca |
mantrāhūtaṃ tataḥ śreṣṭhaṃ nabhomārgāddvijottamāḥ |
hāṭakeśvaraje kṣetre puṣkaraṃ cāgamiṣyati || 21 ||
[Analyze grammar]

aghamarṣaṃ japaṃścaiva yaḥ kariṣyati toyagaḥ |
mama mūrteḥ puraḥ sthitvā pailamantrapuraḥsaram || 22 ||
[Analyze grammar]

japiṣyati dvijaśreṣṭhāḥ savanānāṃ catuṣṭayam |
brahmalokātsamāgatya praśroṣyā mi ca taddvijāḥ || 23 ||
[Analyze grammar]

sūta uvāca |
atha te nāgarāḥ sarve puṣpadānaprapūrvakam |
anujñāṃ pradadustuṣṭā yajñaphalasamāptaye || 24 ||
[Analyze grammar]

etasminnaṃtare prāptaḥ pulastyo'dhvaryusattamaḥ |
yatra sthāne sthito brahmā nāgaraiḥ parivāritaḥ || 25 ||
[Analyze grammar]

abravīcca samāptaste yataḥ saṃpūrṇadakṣiṇaḥ |
prāyaścittairvirahito yathā nānyasya kasyacit || 26 ||
[Analyze grammar]

ataḥ paraṃ karmaśeṣaṃ kiṃcidasti pitāmaha |
vāruṇeṣṭirjapaścaiva tatkariṣyāmi sāṃpratam || 27 ||
[Analyze grammar]

tathā cā'vabhṛthasnānaṃ prakartavyaṃ tvayā saha |
tasmāduttiṣṭha gacchāmo yatra toyavyavasthitam || 28 ||
[Analyze grammar]

yeneṣṭivāruṇīṃ tatra kurmo viprairyathocitaiḥ |
caturbhirbrahmapūrvaiśca mayā cāgnīdhrahotṛbhiḥ || 29 ||
[Analyze grammar]

yathāvahnau tathā toye mantravattadbhavaṃśubham |
hūyate saṃvidhānenayajñapātraiḥ sama nvitam || 30 ||
[Analyze grammar]

varuṇasya pratuṣṭyarthaṃ snānaṃ kāryaṃ tvayaiva ca |
ṛtvigbhiḥ sahitenaiva sarvāriṣṭapraśāṃtaye || 31 ||
[Analyze grammar]

yastatra samaye snānaṃ kariṣyati tvayā saha |
anyo'pi mānavaḥ kaścidvipāpmā sa bhaviṣyati || 32 ||
[Analyze grammar]

yānīha saṃti tīrthāni trailokye sacarācare |
vāruṇīmiṣṭimāsādya tāni yāṃti ca saṃnidhau || 33 ||
[Analyze grammar]

tasmātsarvaprayatnena dīkṣitena samanvitam |
tatra snānaṃ prakartavyaṃ jalamadhye tu sārthibhiḥ |
brāhmaṇaiḥ kṣatriyairvaiśyaiḥ sarvairava bhṛthotsave || 34 ||
[Analyze grammar]

tasmādvisarjayādyaitānbrāhmaṇāṃstāvadeva ca |
ete'pi ca kariṣyaṃti snānaṃ tatra tvayā saha || 35 ||
[Analyze grammar]

sūta uvāca |
tacchrutvā prasthito brahmā jyeṣṭhakuṇḍataṭaṃ śubham |
gāyatryā sahito hṛṣṭaḥ kṛtakṛtyatvamāgataḥ || 36 ||
[Analyze grammar]

atha tadvacanaṃ śrutvā surāḥ sarve tathā dvijāḥ |
pulastyaśca śubhārthāya snānārthaṃ prasthitāstadā |
brahmaṇā sahitā hṛṣṭāḥ putradārasamanvitāḥ || 37 ||
[Analyze grammar]

atha saṃkīrṇatā jātā samaṃtājjyeṣṭhapuṣkare |
snānārthamāgatairlokairūrdhvabāhubhireva ca || 38 ||
[Analyze grammar]

na tatra lakṣyate brahmā na tatkarma ca vāruṇam |
kriyamāṇairdvijaistatra vyāpte bhūmi tale'khile || 39 ||
[Analyze grammar]

athāṃte karmaṇastasya brahmā prāha śatakratum |
hitārthaṃ sarvalokasya vinayāvanataṃ sthitam || 40 ||
[Analyze grammar]

na māṃ jñāsyati dūrasthā janāḥ snānārthamāgatāḥ |
majjamānaṃ jale puṇye sammarde'smiñjalodbhave || 41 ||
[Analyze grammar]

tasmānnāgaṃ samāruhya nijaṃ vṛtraniṣūdana |
eṇasya kṛṣṇasārasya vaṃśāṃte carma nyasya ca || 42 ||
[Analyze grammar]

tatastatsnānavelāyāṃ kṣeptavyaṃ salile tvayā |
yena lokaḥ samasto'yaṃ vetti kālaṃ tu snānajam || 43 ||
[Analyze grammar]

snānaṃ ca kurute śreyaḥ saṃprāpnoti yathoditam |
dūrastho'pi suvṛddho'pi bālo'pi ca samāgataḥ |
snānajaṃ labhate śreyaḥ saṃdṛṣṭe'pi yathoditam || 44 ||
[Analyze grammar]

sūta uvāca |
bāḍhamityeva saṃprocya satvaraṃ prayayau hariḥ || 45 ||
[Analyze grammar]

tato nāgaṃ samāruhya dhṛtvā vaṃśaṃ kare nije |
mṛgacarmāgrasaṃyuktaṃ toyamadhye vyavasthitaḥ || 46 ||
[Analyze grammar]

etatkarmāvasāne sa snātukāme pitāmahe |
taccarma prākṣipattoye svayameva śatakratuḥ || 47 ||
[Analyze grammar]

etasminnantare devāḥ sarve gandharvaguhyakāḥ |
mānuṣāśca viśeṣeṇa snātāstatra samāhitāḥ || 48 ||
[Analyze grammar]

etasminnantare brahmā śakraṃ provāca sādaram |
kṛtasnānaṃ suraiḥ sārdhaṃ vinayāvanataṃ sthitam || 49 ||
[Analyze grammar]

sahasrākṣaṃ tvayā kaṣṭaṃ manmakhe vipulaṃ kṛtam |
ānītā ca tathā patnī gāyatrī ca sumadhyamā || 50 ||
[Analyze grammar]

tasmādvaraya bhadraṃ te yaṃ varaṃ manasi sthitam |
sarvaṃ te'haṃ pradāsyāmi yadyapi syātsudurlabham || 51 ||
[Analyze grammar]

indra uvāca |
yadi tuṣṭo'si me deva yadi deyo varo mama |
yadi tvāṃ prārthayāmyadya bhūyāttu tādṛśaṃ vibho || 52 ||
[Analyze grammar]

varṣevarṣe tu yaḥ kuryātsaṃprāpte'smindine śubhe |
mṛgacarma samādāya vaṃśāgre yo mahīpatiḥ || 53 ||
[Analyze grammar]

nāgapravaramāruhya svayameva pitāmaha |
yathā'haṃ prakṣipettoye sa syātpāpavivarjitaḥ || 54 ||
[Analyze grammar]

ajeyaḥ sarvaśatrūṇāṃ sarvavyasanavarjitaḥ |
ye kariṣyaṃti ca snānamanena mṛgacarmaṇā || 55 ||
[Analyze grammar]

sārdhamanye'pi ye lokā api pāpasamanvitāḥ |
teṣāṃ varṣakṛtaṃ pāpaṃ tvatprasādātpraṇaśyatu || 56 ||
[Analyze grammar]

brahmovāca |
etatsarvaṃ sahasrākṣa tava vākyamasaṃśayam |
bhaviṣyati na saṃdehaḥ sarvametanmayoditam || 57 ||
[Analyze grammar]

yo rājā śraddhayā yukto deśasyāsya samudbhavaḥ |
ānartasya gajārūḍho mṛgacarma kṣipiṣyati || 58 ||
[Analyze grammar]

atra kuṇḍe madīye tu māṃ saṃpūjya taṭasthitam || |
sarvalokahitārthāya saṃprāpte pratipaddine || 59 ||
[Analyze grammar]

samāpte kutape kāle vijayī sa bhaviṣyati |
kārtikyāṃ ca vyatītāyāṃ dvitīye'hni vyavasthite || 60 ||
[Analyze grammar]

tathā tatkālamāsādya ye kariṣyaṃti mānavāḥ |
snānaṃ tacca dine'traiva varṣapāpavivarjitāḥ |
ādhivyādhivimuktāśca te bhaviṣyaṃtyasaṃśayam || 61 ||
[Analyze grammar]

sūta uvāca |
etasminnaṃtare prāpto yakṣmākhyo dāruṇo gadaḥ |
acikitsyo'pi devānāṃ tathā dhanvaṃtarerapi || 62 ||
[Analyze grammar]

nīlāṃbaradharaḥ kṣāmo dīno daṇḍasamāśritaḥ |
kṣutkurvañchleṣmaṇā tāvatkṛcchrātsaṃdhārayanpadam || 63 ||
[Analyze grammar]

tataśca praṇato bhūtvā vākyametaduvāca saḥ || 64 ||
[Analyze grammar]

yakṣmovāca |
tava yajñamahaṃ śrutvā dūrādeva pitāmaha |
kṣutkṣāmakaṃṭhaścāyātaḥ samāptāvadya kṛcchrataḥ || 65 ||
[Analyze grammar]

dakṣeṇāhaṃ purā sṛṣṭaścaṃdrārthaṃ kupitena ca |
rohiṇīṃ sevamānasya saṃtyaktānyāsutasya ca || 66 ||
[Analyze grammar]

tato māheśvarādeśāttena tuṣṭena tasya ca |
pakṣamekaṃ kṛtaṃ mahyaṃ tasyāsvādanakarmaṇi || 67 ||
[Analyze grammar]

anyapakṣe na kiṃcicca yena tṛptiḥ prajāyate |
yajñasyaiva tu sarvasya tarpayitvā dvijottamam || 68 ||
[Analyze grammar]

tatastadvacanaṃ grāhyaṃ tarpito'hamasaṃśayam |
paurṇamāsyāṃ tato deva yasya yajñasya kṛtsnaśaḥ || 69 ||
[Analyze grammar]

yasya no brāhmaṇo brūte yajñasyāṃte pratarpitaḥ |
tarpito'smīti tattasya vṛthā syādyajñajaṃ phalam |
yadi koṭiguṇaṃ dattamapi śraddhāsamanvitam || 70 ||
[Analyze grammar]

etacchrutvā tvayā deva paṭhyamānaṃ śrutāviha |
tasmātsamyaksthite yajñe brāhmaṇaṃ tarpayeta vai || 71 ||
[Analyze grammar]

pratyakṣaṃ me yathā tṛptirannenaiva prajāyate |
tvatprasādātsuraśreṣṭha tathā nītirvidhīyatām || 72 ||
[Analyze grammar]

sūta uvāca |
tacchrutvā padmajastasya pathyaṃpathyaṃ vaco'khilam |
śrutiṃ pramāṇatāṃ nītvā tato vacanamabravīt || 73 ||
[Analyze grammar]

adyaprabhṛti vai viprāḥ sāgnayaḥ syurdharātale |
taiḥ sarvairvaiśvadevāṃte balirdeyastathākhilaḥ || 74 ||
[Analyze grammar]

dattvā'nyebhyotha devebhyastava tṛptirbhaviṣyati |
tava pakṣe dvitīye tu satyametanmayoditam || 75 ||
[Analyze grammar]

ye viprāstu baliṃ dadyurvaiśvadevāṃta āgate |
na teṣāmanvaye cāpi tvayā sevyo'tra kaścana || 76 ||
[Analyze grammar]

yakṣmovāca |
tīrthe'smiṃstāvake deva sadāhaṃ tapasi sthitaḥ |
tiṣṭhāmi yadi vādeśastāvako jāyate mama || 77 ||
[Analyze grammar]

brahmovāca |
yadyevaṃ kuru cānyatra tvamāśramapadaṃ nijam |
saṃprāpya bhūmideśe ca kañcidyadabhirocate |
arthayitvā dvijānetānyathā yajñakṛte mayā || 78 ||
[Analyze grammar]

sūta uvāca |
tacchrutvā prārthayāmāsa camatkārapurodbhavān |
tebhyaḥ prāpya tato bhūmiṃ cakārāthāśramaṃ nijam || 79 ||
[Analyze grammar]

tatra yaḥ kurute snānaṃ pratipaddivase sthite |
sūryavāreṇa mucyeta yakṣmaṇā sevito'pi vā || 80 ||
[Analyze grammar]

adyāpi dṛśyate cātra pratyayastasya saṃbhave |
sarveṣāmāhitāgnīnāṃ nāgarāṇāṃ viśeṣataḥ |
kali kāle'pi saṃprāpte na yakṣmā saṃprajāyate || 81 ||
[Analyze grammar]

tathā catuṣpadānāṃ ca teṣāṃ gṛhanivāsinām |
na tasya bheṣajāni syurna maṃtrā na cikitsakāḥ || 82 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye brahmayajñāvabhṛthayakṣma tīrthotpattimāhātmyavarṇanaṃnāma navatyuttaraśatatamo'dhyāyaḥ || 190 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 190

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: