Chapter 186

[English text for this chapter is available]

ṛṣaya ūcuḥ |
bhūya eva mahābhāga vada māhātmyamuttamam |
atitheḥ kṛtyamasmākaṃ vistareṇa ca sūtaja || 1 ||
[Analyze grammar]

sūta uvāca |
śṛṇvantu munayaḥ sarve māhātmyamidamuttamam |
yena saṃśrutamātreṇa naśyetpāpaṃ dinodbhavam || 2 ||
[Analyze grammar]

yanmayā ca śrutaṃ pūrvaṃ sakāśātsvapituḥ śubham || 3 ||
[Analyze grammar]

gṛhasthānāṃ paro dharmo nānyo'styatithipūjanāt |
atitherna ca doṣosti tasyātikramaṇena ca || 4 ||
[Analyze grammar]

atithiryasya bhagnāśo gṛhātpratinivartate |
sa dattvā duṣkṛtaṃ tasmai puṇyamādāya gacchati || 5 ||
[Analyze grammar]

satyaṃ śaucaṃ tapo'dhītaṃ dattamiṣṭaṃ śataṃ samāḥ |
tasya sarvamidaṃ naṣṭamatithiṃ yo na pūjayet || 6 ||
[Analyze grammar]

dūrādatithayo yasya gṛhamāyāṃti nirvṛtāḥ |
sa gṛhastha iti proktaḥ śeṣāśca gṛharakṣiṇaḥ || 7 ||
[Analyze grammar]

na purākṛtapuṇyānāṃ narāṇāmiha bhūtale |
trīnetānpratihanyaṃte śrāddhaṃ dānaṃ śubhā giraḥ || 8 ||
[Analyze grammar]

tuṣṭe'tithau gṛhasthasya tuṣṭāḥ syuḥ sarvadevatāḥ |
vimukhe vimukhāḥ sarvā bhavaṃti ca na saṃśayaḥ || 9 ||
[Analyze grammar]

tasmāttoṣayitavyaśca gṛhasthena sadā'tithiḥ |
apyātmanaḥ pradānena yadīcchetpuṇyamātmanaḥ || 10 ||
[Analyze grammar]

trividhastvatithiḥ prokto gṛhasthānāṃ dvijottamāḥ |
tasyāhaṃ vacmi vaḥ kālaṃ śṛṇudhvaṃ susamāhitāḥ || 11 ||
[Analyze grammar]

śrāddhīyo vaiśvadevīyaḥ sūryoḍhaśca tṛtīyakaḥ |
ye cānye bhojanārthīyāste sāmānyāḥ prakīrtitā || 12 ||
[Analyze grammar]

sāṃkalpe vihite śrāddhe pitṝṇāṃ bhojanodbhave |
samāgacchati yaḥ kāle tasmiñchrāddhīya eva saḥ || 13 ||
[Analyze grammar]

dūrādhvānaṃ pathi śrāṃtaṃ vaiśvadevāṃta āgatam |
atithiṃ taṃ vijānīyānnātithiḥ pūrvamāgataḥ || 14 ||
[Analyze grammar]

priyo vā yadi vā dveṣyo mūrkhaḥ paṃḍita eva vā |
vaiśvadeve tu saṃprāptaḥ so'tithiḥ svargasaṃkramaḥ || 15 ||
[Analyze grammar]

na pṛcchedgotracaraṇaṃ na sthānaṃ vedameva ca |
dṛṣṭvā yajñopavītaṃ ca bhojayettaṃ prabhaktitaḥ || 16 ||
[Analyze grammar]

śrāddhe vā vaiśvadeve vā yadyāgacchati nātithiḥ |
ghṛtāhutiṃ tato dadyāttannāmnā ca havirbhuji || 17 ||
[Analyze grammar]

aśaktyā bhojyadānasya deyaṃ bhaktyā tataḥ param |
tasyānnamapi tu stokaṃ yena tuṣṭiṃ pragacchati || 18 ||
[Analyze grammar]

tathānyaśca tṛtīyastu sūryoḍho'tithirucyate |
kṛte tu bhojane yastu rātrau vā cādhigacchati |
tasya śaktyā pradātavyaṃ sasyaṃ ca gṛhamedhinā || 19 ||
[Analyze grammar]

sūryoḍho yasya saṃprāpto gṛhātpūjāṃ vinā vrajet |
nirāśaḥ pātakaṃ tasya nijaṃ dattvā prayāti saḥ || 2 ||
[Analyze grammar]

tṛṇāni bhūmirudakaṃ vākcaturthī ca sūnṛtā |
etānyapi satāṃ gehe nocchidyaṃte kadācana || 21 ||
[Analyze grammar]

svāgatenāgnayastṛptiṃ gṛhasthasya prayāṃti ca |
āsanena vrajettuṣṭiṃ svayaṃbhūḥ prapitāmahaḥ || 22 ||
[Analyze grammar]

argheṇa śaṃbhuḥ pādyena sarve devāḥ savāsavāḥ |
bhojyadānena viṣṇuḥ syātsarvadevamayo'tithiḥ || 23 ||
[Analyze grammar]

tasmātpūjyaḥ sadā viprā bhojanīyo viśeṣataḥ |
nāmāpyuccārya bhojyo'nyo brāhmaṇo gṛhamedhinā || 24 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭa keśvarakṣetramāhātmye'tithimāhātmyavarṇanaṃnāma ṣaḍaśītyuttaraśatatamo'dhyāyaḥ || 186 ||
[Analyze grammar]