Chapter 185

[English text for this chapter is available]

| atithiruvāca |
etadvaḥ sarvamākhyātaṃ yathā me piṃgalā guruḥ |
saṃjātā kuraro jāto yathā tatpravadānyaham || 1 ||
[Analyze grammar]

mamāsīddraviṇaṃ bhūri pitṛpaitāmahaṃ mahat || 2 ||
[Analyze grammar]

ye'tha putrāśca dāyādā bāṃdhavā api |
te māṃ sarve prabādhante dravyasasyakṛte sadā || 3 ||
[Analyze grammar]

yasyāhaṃ na prayacchāmi sa māṃ caiva prabādhate |
sīdamānastu subhṛśaṃ darśayanprāṇasaṃkṣayam || 4 ||
[Analyze grammar]

eka sāmnā prayācaṃte vittaṃ bhedena cāpare |
bhayadānena cānye'pi keciddaṃḍena ca dvijāḥ || 5 ||
[Analyze grammar]

evaṃ nāhaṃ kvacitsaukhyaṃ teṣāṃ pārśvāllabhāmi bhoḥ |
cintayāno divānaktaṃ kleśasya pari saṃkṣayam |
upāyaṃ na ca paśyāmi yena śāṃtiḥ prajāyate || 6 ||
[Analyze grammar]

anyasmindivase dṛṣṭaḥ kṛtamāṃsaparigrahaḥ |
kuraraścaṃcunā vyomni gacchamānastvarānvitaḥ || 7 ||
[Analyze grammar]

hanyamānaḥ samaṃtācca māṃsārthe vividhaiḥ khagaiḥ |
atha tena parikṣiptaṃ tanmāṃsaṃ pakṣijādbhayāt || 8 ||
[Analyze grammar]

yāvattāvatsukhī jātaste'pisarve samujjhitāḥ |
mayāpi kliśyamānena tadvacca nijabāṃdhavaiḥ || 9 ||
[Analyze grammar]

sāmiṣaṃ kuraraṃ dṛṣṭvā vadhyamānaṃ nirāmiṣaiḥ |
āmiṣasya parityāgātkuraraḥ sukhamedhate || 10 ||
[Analyze grammar]

evaṃ niścitya manasā sarvānānīya bāṃdhavān |
putrānpautrāṃstataḥ sarvānpurasteṣāṃ niveditam || 11 ||
[Analyze grammar]

triḥsatyaṃ śapathaṃ kṛtvā nānyadastīti me gṛhe |
vibhajyārthaṃ yathānyāyaṃ yūyaṃ gṛhṇīta bāndhavāḥ || 12 ||
[Analyze grammar]

tataḥprabhṛti tairmuktaḥ sukhaṃ tiṣṭhāmyahaṃ dvijāḥ |
etasmātkāraṇājjāto mamāsau kuraro guruḥ || 13 ||
[Analyze grammar]

arthasaṃpadvimohāya vimoho narakāya ca |
tasmādarthamanarthaṃ taṃ mokṣārthī dūratastyajet || 14 ||
[Analyze grammar]

yathāmiṣaṃ jale matsyairbhakṣyate śvāpadairbhuvi |
ākāśe pakṣibhiścaiva tathā sarvatra vittavān || 15 ||
[Analyze grammar]

doṣahīno'pi dhanavānbhūpādyaiḥ paritāpyate |
daridraḥ kṛtadoṣo'pi sarvatra nirupadravaḥ || 16 ||
[Analyze grammar]

ālaṃbitāḥ parairyāṃti praskhalaṃti padepade |
gadgadāni ca jalpaṃte dhanino madyapā iva || 17 ||
[Analyze grammar]

bhakte dveṣo bahiḥ prītī rucitaṃ gurulaghvapi |
mukhe ca kaṭutā nityaṃ dhanināṃ jvariṇāmiva || 18 ||
[Analyze grammar]

arthānāmarjane duḥkhamarjitānāṃ ca rakṣaṇe |
nāśe duḥkhaṃ vyaye duḥkhaṃ dhigartho duḥkhabhājanam || 19 ||
[Analyze grammar]

arthārthī jīva loko'yaṃ smaśānamapi sevate |
janitāramapi tyaktvā niḥsvaṃ yāṃti sutā api || 20 ||
[Analyze grammar]

sutasya vallabhastāvatpitā putro'pi vai pituḥ |
yāvannārthasya saṃbandhastābhyāṃ bhāvī parasparam |
saṃbandhe vittaje jāte vairaṃ saṃjāyate mithaḥ || 21 ||
[Analyze grammar]

etasmātkāraṇādvittaṃ mayā tyaktaṃ tapodhanāḥ |
tena saukhyena tiṣṭhāmi kurarasyopadeśataḥ || 22 ||
[Analyze grammar]

śṛṇudhvaṃ ca mahābhāgā yathā me'hirguruḥ sthitaḥ || 23 ||
[Analyze grammar]

yathā mayā gṛhaṃ tyaktaṃ dṛṣṭvā sarpaviceṣṭitam |
gṛhāraṃbhaḥ suduḥkhāya sukhāya na kadācana || 24 ||
[Analyze grammar]

sarpaḥ parakṛtaṃ veśma praviśya sukhamedhate |
uṣitvā tatra saukhyena bhūyo'nyattādṛśaṃ vrajet || 25 ||
[Analyze grammar]

mama tvaṃ kurute naiva mamedaṃ gṛhamityasau |
na gṛhaṃ jāyate tasya na svayaṃ hi kṛtaṃ yataḥ || 26 ||
[Analyze grammar]

yaḥ punaḥ kurute harmyaṃ svayaṃ kleśaiḥ pṛthagvidhaiḥ |
na tasya yāti tatpaścānmṛtyukāle'pi saṃsthite || 27 ||
[Analyze grammar]

gṛhātsaṃjāyate bhāryā tataḥ putraśca kanyakā |
teṣāmarthe karoti sma kṛtyākṛtyaṃ tataḥ param || 28 ||
[Analyze grammar]

kośakāramivātmānaṃ veṣṭayannāvabudhyate || 129 ||
[Analyze grammar]

putradāragṛhakṣetrasaktāḥ sīdaṃti jaṃtavaḥ |
lobhapaṃkārṇave magnā jīrṇā vanagajā iva || 30 ||
[Analyze grammar]

ekaḥ pāpāni kurute phalaṃ bhuṃkte mahājanaḥ |
bhoktāro vipramucyaṃte kartā doṣeṇa lipyate || 31 ||
[Analyze grammar]

etasmātkāraṇāddharmyaṃ mayā tyaktaṃ dvijottamāḥ |
mokṣamārgārgalā bhūtaṃ dṛṣṭvā sarpaviceṣṭitam || 32 ||
[Analyze grammar]

ekarātraṃ vasedgrāme trirātraṃ pattane vaset |
yo yāti sa yatiḥ prokto yo'nyo yogaviḍaṃbakaḥ || 33 ||
[Analyze grammar]

vidhūme ca praśāṃtāgnau yastu mādhukarīṃ caret |
gṛhe ca vipramukhyānāṃ yatiḥ sa netaraḥ smṛtaḥ || 34 ||
[Analyze grammar]

daṇḍī bhikṣāṃ ca vā kuryāttadeva vyasanaṃ vinā |
yastiṣṭhati na vairāgyaṃ yāti naiva yatirhi saḥ || 35 ||
[Analyze grammar]

divā svapnaṃ vṛthānnaṃ ca strīkathā'lokyameva ca |
śvetavastraṃ hiraṇyaṃ ca yatīnāṃ patanāni ṣaṭ || 36 ||
[Analyze grammar]

samaḥ śatrau ca mitre ca samaloṣṭāśmakāṃcanaḥ |
suhṛtputra udāsīnaḥ sa yatirnetaraḥ smṛtaḥ || 37 ||
[Analyze grammar]

samau mānāpamānau ca svadeśe parikepi vā |
yo na hṛṣyati na dveṣṭi sa yatirnetaraḥ smṛtaḥ || 38 ||
[Analyze grammar]

yasmingṛhe viśeṣeṇa labhedbhikṣā ca vāśanam |
tatra no yāti yo bhūyaḥ sa yatirnetaraḥ smṛtaḥ || 39 ||
[Analyze grammar]

evaṃ jñātvā mayā vipra dṛṣṭvā sarpaviceṣṭitam |
sarvasaṃgaparityāgo mokṣārthaṃ parikalpitaḥ || 40 ||
[Analyze grammar]

evaṃ mamāhiḥ saṃjāto gururbrāhmaṇasattamāḥ |
tatprabhāvānmahattejaḥ saṃjātaṃ vigrahe mama || 41 ||
[Analyze grammar]

yathā me bhramaro jāto gurustadvadvadāmi ca |
kasminvṛkṣe mayā dṛṣṭo bhramaraḥ ko'pi saṃgataḥ || 42 ||
[Analyze grammar]

śākhāya tu samāśritya kṛtapūrvanibaṃdhanam |
vasaṃtasamaye prāpte puṣpavaṃtaśca ye drumāḥ || 43 ||
[Analyze grammar]

sugandhaphalapuṣpāśca sugandhadalasaṃyutāḥ |
teṣāmaṇuṃ samādāya śreṣṭhaśreṣṭhatamaṃ rasam || 44 ||
[Analyze grammar]

niyojayati śākhāgre tarorasya sadaiva hi |
anirviṇṇatayā hṛṣṭastadā samyaṅnirīkṣitaḥ || 45 ||
[Analyze grammar]

madhujālaṃ tato jātaṃ kālena mahatā mahat |
yenānye madhunā tṛptiṃ prāptāḥ śatasahasraśaḥ || 46 ||
[Analyze grammar]

tacceṣṭitaṃ mayā vīkṣya śāstrāṇyanyāni bhūriśaḥ |
tatasteṣāṃ samādāya sārabhūtaṃ pṛthakpṛthak |
kṛtāni bhūriśāstrāṇi vedāṃtāni ca kṛtsnaśaḥ || 47 ||
[Analyze grammar]

upajīvaṃti yānyanye yathā bhṛṅgāstathā dvijāḥ || 48 ||
[Analyze grammar]

evaṃ me madhupo jāto gurutve ca dvijottamāḥ |
tenāhaṃ tejasā yukto nānyadastīha kāraṇam || 49 ||
[Analyze grammar]

vedāṃtavādino ye'tra prabhavaṃti vratānvitāḥ |
nirlobhā gatatṛṣṇāśca te bhavaṃti sutejasaḥ || 50 ||
[Analyze grammar]

ekenāpi vihīnā ye prabhavaṃti kubuddhayaḥ |
lobhamohānvitāḥ pāpā jāyaṃte te vicetasaḥ || 51 ||
[Analyze grammar]

vedāṃtāni subhūrīṇi mayā dṛṣṭvā vicārya ca |
samarūpāḥ kṛtā granthā martyalokahitārthinā || 52 ||
[Analyze grammar]

evaṃ me gurutāṃ prāpto madhupo dvijasattamāḥ |
iṣukāro yathā jātastathā caiva bravīmi vaḥ || 53 ||
[Analyze grammar]

ātmāvalokanārthāya mayā dṛṣṭāḥ sahasraśaḥ |
yogino jñānasaṃpannāstaiḥ proktaṃ ca svaśaktitaḥ || 54 ||
[Analyze grammar]

ātmāvalokanaṃ bhāvi suśiṣyāya yathā tathā |
sa samādhijadvāreṇa caturāśītikena ca || 55 ||
[Analyze grammar]

āsanaistatpramāṇaiśca padmāsanaprapūrvakaiḥ |
asaṃkhyaiḥ kāraṇaiścaiva hyadhyātmapaṭhanaistathā |
tatopi lakṣito naiva mayā'tmā ca kathaṃcana || 56 ||
[Analyze grammar]

tato vairāgyamāpannaḥ prabhramāmi dharātale |
gurvarthe na ca lebhe'haṃ gurumātmāvalokane || 57 ||
[Analyze grammar]

anyasminnahani prāpte rājamārgeṇa gacchatā |
mayā dṛṣṭo mahīpālaḥ sainyena mahatā vṛtaḥ || 58 ||
[Analyze grammar]

tato'haṃ mārgamutsṛjya saṃmukhasya mahīpateḥ |
uṭajadvāramāśritya kiṃcidūrdhvopi saṃsthitaḥ || 59 ||
[Analyze grammar]

tatrāpi ca sthitaḥ kaścitpuruṣaḥ kāṃḍakārakaḥ |
ṛjukarmaṇi saṃyuktaḥ śarāṇāṃ nataparvaṇām || 60 ||
[Analyze grammar]

tasmindūragate bhūpe tathānyaḥ sevako'bhyagāt || 61 ||
[Analyze grammar]

taṃ papraccha tvarāyuktaḥ śṛṇvato'pi mama dvijāḥ |
kāṃḍakarmaṇi saṃsaktamṛjutvena sthitaṃ tadā || 62 ||
[Analyze grammar]

kiyatī vartate velā gatasya pṛthivīpateḥ |
mārgeṇānena me brūhi yena gacchāmi pṛṣṭhataḥ || 63 ||
[Analyze grammar]

so'bravīttaṃ tadā viprā adhovaktraḥ sthito naraḥ |
anena rājamārgeṇa gacchamāno mahīpatiḥ || 64 ||
[Analyze grammar]

na mayā vīkṣitaḥ kaścididānīṃ rājasevaka |
tadanyaṃ pṛccha cetkāryaṃ tavānena bravītu saḥ || 65 ||
[Analyze grammar]

śarakarmaṇi saṃsaktastvahamatra vyavasthitaḥ |
tacchrutvā vacanaṃ tasya svacitte cintitaṃ mayā || 66 ||
[Analyze grammar]

ekacittatayā yogo brahmajñānasamudbhavaḥ |
nānyathā bhavitā me sa tataścittanirodhanam |
karomi brahmasaṃsiddhyai tato me'sau bhaviṣyati || 67 ||
[Analyze grammar]

tataḥprabhṛti citte sve dhārayāmi sadaiva tu |
viśvarūpaṃ tathā sūryaṃ hṛtpaṃkajanivāsinam || 68 ||
[Analyze grammar]

tato dikṣu diganteṣu gagane dharaṇītale |
tamekaṃ caiva paśyāmi nānyatkiṃciddvijottamāḥ || 69 ||
[Analyze grammar]

ahaṃ ca tejasā yuktastatprabhāveṇa saṃsthitaḥ || 70 ||
[Analyze grammar]

evaṃ me sa gururjātaḥ śarakāro dvijottamāḥ |
śṛṇudhvaṃ kanyakā jātā gurutve me yathā purā || 71 ||
[Analyze grammar]

sarvasaṃgaparityāgī yadāhaṃ nirgato gṛhāt |
mamānupṛṣṭhataścaiva tato bhāryā vinirgatā || 72 ||
[Analyze grammar]

śiśuṃ putraṃ samādāya kanyāmekāṃ ca śobhanām |
tato'haṃ bhāryayā prokto vānaprasthāśrame sthitaḥ || 73 ||
[Analyze grammar]

kuru me vacanaṃ muktiratraiva hi bhaviṣyati |
brahmacārī gṛhastho vā vānaprastho'thavā yatiḥ |
yadi syātsaṃyatātmā sa nūnaṃ muktimavāpnuyāt || 74 ||
[Analyze grammar]

athavā māṃ parityajya yadi yāsyasi cānyataḥ |
tadahaṃ ca mariṣyāmi satyametadasaṃśayam || 75 ||
[Analyze grammar]

mṛtāyāṃ mayi te bālāvetāvanumariṣyataḥ |
kumārī ca kumāraśca tasmānnātha dayāṃ kuru || 76 ||
[Analyze grammar]

mā vrajasva paraṃ tīrthaṃ parijānannapi svayam |
hāṭakeśvarajaṃ kṣetrametatpuṇyataraṃ smṛtam || 77 ||
[Analyze grammar]

sarveṣāmeva tīrthānāṃ śrutametanmayā vibho |
vadatāṃ brāhmaṇendrāṇāṃ tathānyeṣāṃ tapasvinām || 78 ||
[Analyze grammar]

śloko'yaṃ bahudhā nātha kīrtyamāno mayā vibho |
viśvāmitrasya vaktreṇa sanmuneḥ satyavādinaḥ || 79 ||
[Analyze grammar]

punaṃti sarvatīrthāni snānadānādasaṃśayam |
hāṭakeśvarajaṃ kṣetraṃ smaraṇādapi pāvayet || 8 ||
[Analyze grammar]

tataḥ kṛcchrātpratijñātaṃ mayāśramaniṣevaṇam |
vānaprasthodbhavaṃ vā syāttato'haṃ tatra saṃsthitaḥ || 81 ||
[Analyze grammar]

tatrasthasya hi me kanyā krīḍate parataḥ sthitā |
valayāpūritābhyāṃ ca prakoṣṭhābhyāṃ tatastataḥ || 82 ||
[Analyze grammar]

yathāyathā sā kurute kandamūlaphalāśanam |
tanutvaṃ yāti kāyena tathā caiva dinedine || 83 ||
[Analyze grammar]

tato me jāyate duḥkhaṃ teṣāṃ patana saṃbhavam |
kasyacittvatha kālasya saṃjātaṃ valayatrayam |
tasyā haste tatastābhyāṃ śabdaḥ saṃjāyate mithaḥ || 84 ||
[Analyze grammar]

tataḥ kālena mahatā tābhyāmekaṃ vyavasthitam |
na saṃgharṣo na śabdaśca tatrasthasya ca jāyate || 85 ||
[Analyze grammar]

tadvicintya mayā so'pi hyāśramaḥ parivarjitaḥ |
cintitaṃ ca mayā citte kṛtvā caivaṃ suniścayam || 86 ||
[Analyze grammar]

bahubhiḥ kalaho nityaṃ dvābhyāṃ saṃgharṣaṇaṃ tathā |
ekākī vicariṣyāmi kumārīvalayaṃ yathā || 87 ||
[Analyze grammar]

tataḥ suptāṃ parityajya tāṃ bhāryāṃ śiśusaṃyutām |
gato'haṃ dūramadhvānaṃ yatra no vetti sā ca mām || 88 ||
[Analyze grammar]

yatrā'stamitaśāyī ca yalabdhakṛtabhojanaḥ |
bhramāmi medinīpṛṣṭhe tyaktvā saṃsārabandhanam || 89 ||
[Analyze grammar]

tato me jñānamāpannamevaṃ viprāḥ śanaiḥśanaiḥ |
atītānāgataṃ caiva vartamānaṃ viśeṣataḥ || 90 ||
[Analyze grammar]

evaṃ me kanyakā jātā gurutve dvijasattamāḥ || 91 ||
[Analyze grammar]

etadvaḥ sarvamākhyātaṃ yatpṛṣṭo'smi guroḥ kṛte |
na yuṣmākaṃ puro mithyā kīrtayāmi kathaṃcana || 92 ||
[Analyze grammar]

evaṃ me jñānamutpannaṃ prakāraiḥ ṣaḍbhireva ca |
ebhirlokottaraṃ jñānaṃ yuṣmatpratyayakārakam || 93 ||
[Analyze grammar]

sūta uvāca |
tataste brāhmaṇāḥ sarve papracchustaṃ dvijottamāḥ |
vānaprasthāśramaṃ tyaktvā bhāryāṃ śiśusamanvitām |
kva gatastvaṃ tadācakṣva kiyatkālaṃ ca saṃsthitaḥ || 94 ||
[Analyze grammar]

atithiruvāca |
ahaṃ bhītaḥ sahasrāṇi grāmāṇāṃ ca śatāni ca |
yatrāstamitaśāyī sannanekāni dvijottamāḥ |
saṃkhyayā rahitānyeva varṣāṇāṃ ca śatāni ca || 95 ||
[Analyze grammar]

dṛṣṭāni mukhyatīrthāni tathaivāyatanāni ca |
dṛṣṭāśca parvatāḥ śreṣṭhā nadyaśca vimalodakāḥ || 96 ||
[Analyze grammar]

svayameva mayā jñāto vārāṇasyāṃ sthitena ca |
yajñaḥ paitāmaho bhāvī sthāne'sminmāmake yataḥ || 97 ||
[Analyze grammar]

tato'haṃ satvaraṃ prāptaḥ kautukena dvijottamāḥ |
kīdṛśaḥ sa makho bhāvī yatra yajvā pitāmahaḥ || 98 ||
[Analyze grammar]

sūta uvāca |
etasminnaṃtare prāptāḥ sarve devāḥ savāsavāḥ |
vāsudevaṃ puraskṛtya tathā caiva maheśvaram || 99 ||
[Analyze grammar]

kamāntaraṃ samāsādya pulastyādyāstathartvijaḥ |
brahmāpi svayamāyāto mṛgacarmadharastathā || 100 ||
[Analyze grammar]

tataste tuṣṭimāpannāstasya jñānena tena ca |
procuśca varadāstubhyaṃ sarva eva divaukasaḥ || 101 ||
[Analyze grammar]

tasmādvaraya bhadraṃ te prārthayasva yathepsitam |
avaśyaṃ tava dāsyāmo yadyapi syātsudurlabham || 102 ||
[Analyze grammar]

atithiruvāca |
yadi tuṣṭāḥ surā mahyaṃ prayacchaṃti varaṃ mama |
anenaiva śarīreṇa devatvaṃ prārthayāmyaham || 103 ||
[Analyze grammar]

yajñabhāgasamopetaṃ tathānyeṣāṃ divaukasām |
viśeṣeṇa suraśreṣṭhāḥ sthānaṃ copari saṃsthitam || 109 ||
[Analyze grammar]

devā ūcuḥ |
nūnaṃ tvaṃ vibudho bhūtvā devaloke nivatsyasi |
aneneva śarīreṇa yajñabhāgavivarjitaḥ || 105 ||
[Analyze grammar]

yacchāmo yadi te vipra yajñāṃśaṃ mānuṣasya bhoḥ |
aprāmāṇyaṃ śruterbhāvi tava dattena tena ca || 106 ||
[Analyze grammar]

atithiruvāca |
devatvena na me kāryaṃ yajñāṃśarahitena ca |
tadahaṃ sādhayiṣyāmi yathā muktirbhaviṣyati || 107 ||
[Analyze grammar]

tacchrutvā padmajaḥ prāha sarvāndevānkṛtāṃjaliḥ |
śṛṇvaṃtu devatāḥ sarvā yadbravīmi hitaṃ vacaḥ || 109 ||
[Analyze grammar]

mamāyaṃ brāhmaṇo yajñe dūrādeva samāgataḥ |
nāgarastu viśeṣeṇa pātraṃ jñānasamudbhavam || 109 ||
[Analyze grammar]

pratijñātastathā sarvairvaro'sya vibudhairyataḥ |
tasmātpradīyatāmasmai yadabhīṣṭaṃ surottamāḥ || 110 ||
[Analyze grammar]

maheśvara uvāca |
yathā'sya jāyate tṛptiryajñabhāgādhikā sadā |
tathāhaṃ kathayiṣyāmi śṛṇvaṃtu vibudhottamāḥ || 111 ||
[Analyze grammar]

ya eṣa kriyate yajñastasya nātho hariḥ smṛtaḥ |
etasmātkāraṇātproktaḥ sa devo yajñapūruṣaḥ || 112 ||
[Analyze grammar]

adyaprabhṛti yatkiṃcicchrāddhaṃ martye bhaviṣyati |
daivaṃ vā paitṛkaṃ vā'pi tasya cāṃte vyavasthitaḥ || 113 ||
[Analyze grammar]

etasya nāma saṃkīrtya paścācca yajñapūruṣam |
saṃkīrtya bhojanaṃ deyaṃ brāhmaṇasya dvijottamāḥ || 114 ||
[Analyze grammar]

tenāsya bhavitā tṛptiryajñāṃtā'bhyadhikā sadā |
adattvāsya kṛtaṃ śrāddhaṃ yatkiṃcitprabhaviṣyati || 115 ||
[Analyze grammar]

tadyāsyatyakhilaṃ vyarthaṃ tathā bhasmahutaṃ yathā |
vaiśvadevāṃtamāsādya yaścainaṃ pūjayiṣyati || 116 ||
[Analyze grammar]

viṣṇunāmasamopetaṃ bhaviṣyati tadakṣayam |
dattaṃ svalpamapi prāyaḥ śraddhāpūtena cetasā || 117 ||
[Analyze grammar]

śrāddhe vā vaiśvadeve vā yaścainaṃ nārcayiṣyati |
saṃprāptaṃ vyarthatāṃ tasya tacca sarvaṃ bhaviṣyati || 118 ||
[Analyze grammar]

asmiṃstuṣṭiṃ gate sarve surā yāsyaṃti saṃmudam |
pitaraśca tamāyāṃti vimukhe saṃmukhe tathā || 119 ||
[Analyze grammar]

tacchrutvā vibudhāḥ sarve maheśvaravacastadā |
tatheti muditāḥ procurbrahmaviṣṇupurassarāḥ || 120 ||
[Analyze grammar]

tataḥprabhṛti saṃjātā pūjā cātithisaṃbhavā |
tasmātsarvaprayatnena pūjā kāryā'titheḥ sadā |
yajñe pūruṣayajñasya na caikasya kathaṃcana || 121 ||
[Analyze grammar]

atithiruvāca |
atrāsti māmakaṃ tīrthaṃ mayā yatra tapaḥ kṛtam |
hāṭakeśvaraje kṣetre purukāle dvijottamāḥ || 122 ||
[Analyze grammar]

aṃgārakeṇa saṃyuktā caturthī syādyadā tithiḥ |
sāṃnidhyaṃ tatra kāryaṃ ca sarvairdevaiśca taddine || 123 ||
[Analyze grammar]

kuryāttatraiva yaḥ snānaṃ tasminnahani saṃsthite |
sarvatīrthaphalaṃ tasya jāyatāṃ vaḥ prasādataḥ || 124 ||
[Analyze grammar]

tathāstviti tataḥ sarve'tithiṃ procuḥ surottamāḥ |
etasminnaṃtare prāha pulastyarṣiḥ pitāmaham || 125 ||
[Analyze grammar]

pulastya uvāca |
ṛtvijaḥ sakalā devāḥ saṃsthitāḥ kautukānvitāḥ |
uttiṣṭhaṃtu ca te śīghraṃ yajñakarmaprasiddhaye || 126 ||
[Analyze grammar]

etasminnaṃtare sarve tasya vākyapraṇoditāḥ |
utthitā ṛtvijo ye ca svāni sthānāni bhejire |
tataḥ pravavṛte yajñaḥ sapunardvijasattamāḥ |
kurvatā yajñakarmāṇi homapūrvāṇi yāni ca || 127 ||
[Analyze grammar]