Chapter 164

[English text for this chapter is available]

sūta uvāca |
etasminnaṃtare puṣpaḥ prahṛṣṭenāntarātmanā |
caṃḍaśarmagṛhaṃ gatvā diṣṭyādiṣṭyeti cābravīt || 1 ||
[Analyze grammar]

vivarṇavadanaṃ dṛṣṭvā vāṣpapūrṇekṣaṇaṃ tadā |
bāndhavaiḥ sahitaṃ sarvairdārairbhṛtyaistathā sutaiḥ || 2 ||
[Analyze grammar]

puṣpa uvāca |
tavārthe ca mayā sūryaḥ kāyatyāgena toṣitaḥ |
patitattvaṃ na te kāye tatprasādādbhaviṣyati || 3 ||
[Analyze grammar]

tava putrāśca pautrāśca ye bhaviṣyaṃti vaṃśajāḥ |
nāgarāṇāṃ ca te sarve bhaviṣyaṃti guṇādhikāḥ || 4 ||
[Analyze grammar]

tasmāduttiṣṭha gacchāmo nadīṃ puṇyāṃ sarasvatīm |
tasyāstaṭe nivāsāya kṛtvā caivāśramaṃ dvija || 5 ||
[Analyze grammar]

tvayā saha vasiṣyāmi ahameva na saṃśayaḥ |
asti me vipulaṃ vittaṃ ye cānye te'nuyāyinaḥ || 6 ||
[Analyze grammar]

tānsarvānpoṣayiṣyāmi tyajyatāṃ mānaso jvaraḥ |
tacchrutvā caṇḍaśarmā tu putrairbaṃdhubhiranvitaḥ || 7 ||
[Analyze grammar]

sarasvatīṃ samuddiśya niṣkrāṃto nagarāttataḥ |
sthānaṃ pradakṣiṇīkṛtya namaskṛtya suduḥkhitaḥ || 8 ||
[Analyze grammar]

bāṣpapūrṇekṣaṇo dīna uttarābhimukho yayau |
puṣpeṇa sahitaścaiva muhurmuhuḥ prabodhitaḥ || 9 ||
[Analyze grammar]

tataḥ sarasvatīṃ prāpya puṇyāṃ śītajalāṃ nadīm |
sevitāṃ munisaṃghaistāṃ lolakallolamālinīm || 10 ||
[Analyze grammar]

tasyā dakṣiṇakūle sa nivāsamakarottadā |
puṣpasya matimāsthāya bandhubhiḥ sakalairvṛtaḥ || 11 ||
[Analyze grammar]

tasyāsīnnagarasthasya pratijñā caṇḍaśarmaṇaḥ |
saptaviṃśati bhirliṃgairdṛṣṭaibhokṣyāmyahaṃ sadā || 12 ||
[Analyze grammar]

tāṃ ca saṃsmaratastasya pratijñāṃ pūrvasaṃcitām |
hṛdayaṃ dahyate tasya divānaktaṃ dvijottamāḥ || 13 ||
[Analyze grammar]

sa ca snātvā sarasvatyāṃ śucirbhūtvā samāhitaḥ |
ṣaḍakṣarasya mantrasya japaṃ cakre pṛthakpṛthak || 14 ||
[Analyze grammar]

nāma coccārya liṃgasya namaskārāntamādadhe |
kardamena dvijaśreṣṭhāḥ paṃcāṃgulaśatena ca || 15 ||
[Analyze grammar]

saṃsthāpya pūjayedbhaktyā puṣpadhūpānulepanaiḥ |
prāṇarudrāñjapanpaścācchraddhayā parayā yutaḥ || 16 ||
[Analyze grammar]

duḥsthitaṃ susthitaṃ vāpi śivaliṃgaṃ na cālayet |
iti matvā dvijendro'sau naiva tāni visarjayet || 17 ||
[Analyze grammar]

uparyupari teṣāṃ ca kardamena dvijottamāḥ |
cakre liṃgāni nityaṃ sa saptaviṃśatisaṃkhyayā || 19 ||
[Analyze grammar]

tataḥ kālena mahatā jātaḥ kardamaparvataḥ || 19 ||
[Analyze grammar]

atha tuṣṭo mahādevastasya bhaktyatirekataḥ |
nirbhidya dharaṇīpṛṣṭhaṃ tasya liṃgamadarśayat || 20 ||
[Analyze grammar]

abravītsādaraṃ taṃ ca meghagambhīrayā girā |
caṇḍaśarmanpratuṣṭosmi tava bhaktyā'nayā dvija || 21 ||
[Analyze grammar]

tasmālliṃgamidaṃ nityaṃ pūjayasva prabhaktitaḥ |
saptaviṃśatiliṃgānāṃ yataḥ phalamavāpsyasi || 22 ||
[Analyze grammar]

anyopi ca naro bhaktyā yaścainaṃ pūjayiṣyati |
saptaviṃśatiliṃgānāṃ so'pi śreyo'bhilapsyati || 23 ||
[Analyze grammar]

evamuktvā sa bhagavāṃstataścādarśanaṃ gataḥ |
caṃḍaśarmāpi taṃ hṛṣṭaḥ pūjayāmāsa tattvataḥ || 24 ||
[Analyze grammar]

prāsādaṃ kārayāmāsa tasya liṃgasya śobhanam |
nāma cakre tatastasya vicārya ca muhurmuhuḥ || 25 ||
[Analyze grammar]

nagarasthita liṃgānāṃ yasmātsaṃsmaraṇātsthitaḥ |
nāgareśvarasaṃjñastu tasmādeṣa bhaviṣyati || 26 ||
[Analyze grammar]

sūta uvāca |
evaṃ saṃsthāpya talliṃgaṃ caṃḍaśarmā dvijottamāḥ |
ārādhayāmāsa tadā puṣpadhūpānulepanaiḥ || 27 ||
[Analyze grammar]

saptaviṃśatiliṃgānāṃ prāpnoti ca tathā phalam |
pūjitānāṃ dvijaśreṣṭhā nagare yāni tāni ca || 28 ||
[Analyze grammar]

tataḥ kālena mahatā nāgareśvaratuṣṭitaḥ |
śivalokaṃ gataḥ sākṣādyānamadhye niveśitaḥ || 29 ||
[Analyze grammar]

puṣpopi sthāpayāmāsa puṣpādityamathāparam |
puṇye sarasvatītīre tataḥ pūjāparo'bhavat || 30 ||
[Analyze grammar]

tasyāpi darśanaṃ gatvā prītyā vacanamabravīt |
puṣpa tuṣṭosmi bhadraṃ te varaṃ prārthaya suvrata || 31 ||
[Analyze grammar]

adeyamapi dāsyāmi tasmātprārthaya mā ciram || 32 ||
[Analyze grammar]

puṣpa uvāca |
yadi tuṣṭo'si me deva yadi deyo varo mama |
taddehi yācamānasya mama yaddhṛdi saṃsthitam || 33 ||
[Analyze grammar]

camatkārapure deva tava yā mūrtayaḥ sthitāḥ |
dvādaśaiva pramāṇena pūjyāḥ sarvadivaukasām || 34 ||
[Analyze grammar]

tāsāṃ pūjāphalaṃ kṛtsnaṃ saṃprāpnotu naro bhuvi |
yaḥ pūjayati mūrtiṃ te yaiṣā saṃsthāpitā mayā || 35 ||
[Analyze grammar]

nāgarāditya ityeṣā khyātā bhavatu bhūtale |
yeyaṃ sarasvatītīre prāsāde sthāpitā mayā || 36 ||
[Analyze grammar]

sūta uvāca |
sa tatheti pratijñāya gataścādarśanaṃ raviḥ |
dīpavadbrāhmaṇaśreṣṭhāstadadbhutamivā bhavat || 37 ||
[Analyze grammar]

tataḥ kālena mahatā puṣpopi dvijasattamāḥ |
sūryalokamanuprāpto vimānena suvarcasā || 38 ||
[Analyze grammar]

śākambharīti vikhyātā bhāryā'sīccaṃḍaśarmaṇaḥ |
tayā saṃsthāpitā durgā sarasvatyāḥ śubhe taṭe || 39 ||
[Analyze grammar]

ārādhitā'tha sadbhaktyā divānaktaṃ dvijottamāḥ |
tatastuṣṭā varaṃ tasyāḥ sā dadau dvijasattamāḥ || 4 ||
[Analyze grammar]

putri tuṣṭāsmi bhadraṃ te śākaṃbhari pragṛhyatām |
varaṃ yatte sadābhīṣṭaṃ matprasādādasaṃśayam || 41 ||
[Analyze grammar]

śākambharyuvāca |
catuḥṣaṣṭigaṇā devi mātṛṇāṃ ye vyavasthitāḥ |
camatkārapure khyātā hāsyāttuṣṭiṃ vrajaṃti yāḥ || 42 ||
[Analyze grammar]

yā rātrau balidānena jāte vṛddhau tataḥ param |
tatsarvaṃ jāyatāṃ puṇyaṃ yaste mūrtiṃ prapūjayet || 43 ||
[Analyze grammar]

atrāgatya nadītīre yaiṣā saṃsthāpitā mayā || 44 ||
[Analyze grammar]

śrīdevyuvāca |
āśvinasya site pakṣe mahānavamisaṃjñite |
yo mamāgre samāgatya pūjayiṣyati bhaktitaḥ || 45 ||
[Analyze grammar]

tasya kṛtsnaṃ phalaṃ sadyo bhaviṣyati na saṃśayaḥ |
nāgarasya viśeṣeṇa satyametanmayoditam || 46 ||
[Analyze grammar]

evamuktvā tu sā devī tataścādarśanaṃ gatā |
tasyā nāmnā ca sā devī proktā śākambharī bhuvi || 47 ||
[Analyze grammar]

vṛddheranaṃtaraṃ tasyā yaḥ pūjāṃ kurute naraḥ |
tasya vṛddherna vighnaḥ syātkadāciddvijasattamāḥ || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye nāgareśvaranāgarādityaśākambharyutpattivarṇanaṃnāma catuḥṣaṣṭyuttaraśatatamo'dhyāyaḥ || 164 ||
[Analyze grammar]