Chapter 152

[English text for this chapter is available]

ṛṣaya ūcuḥ |
asaṃkhyātāni tīrthāni tvayoktā nyatra sūtaja |
devamānuṣajātāni devatāyatanāni ca |
tathā vānarajātāni rākṣasasthāpitāni ca || 1 ||
[Analyze grammar]

sūtaputra vadāsmākaṃ yairdṛṣṭaiḥ sparśitairapi |
sarveṣāṃ labhyate pūrṇaṃ phalaṃ cepsitamatra ca || 2 ||
[Analyze grammar]

sūta uvāca |
satyametanmahābhāgāstatra saṃkhyā na vidyate |
tīrthānāṃ caiva liṃgānāmāśra māṇāṃ tathaiva ca || 3 ||
[Analyze grammar]

tatra yaḥ kurute snānaṃ śaṃkhatīrthe samāhitaḥ |
ekādaśyāṃ viśeṣeṇa sarveṣāṃ labhate phalam || 4 ||
[Analyze grammar]

yaḥ paśyati naro bhaktyā tatraikādaśarudrakam |
siddheśvarasamaṃ tena dṛṣṭāḥ sarve maheśvarāḥ || 5 ||
[Analyze grammar]

yaḥ paśyati vaṭādityaṃ ṣaṣṭhyāṃ caitre viśeṣataḥ |
bhāskarākṛtsnaśo dṛṣṭāstena tatrahi saṃsthitāḥ || 6 ||
[Analyze grammar]

māhitthāṃ paśyati tathā ye devīṃ śraddhayāvitāḥ |
tena durgāḥ samastāstā vīkṣitā nātra saṃśayaḥ || 7 ||
[Analyze grammar]

yaḥ paśyati gaṇeśaṃ ca svargadvārapradaṃ nṛṇām |
sarve vināyakāstena dṛṣṭāḥ syurnātra saṃśayaḥ || 8 ||
[Analyze grammar]

śarmiṣṭhāsthāpitāṃ gaurīṃ yo jyeṣṭhāṃ tatra paśyati |
tena gauryaḥ samastāstā vīkṣitā dvijasattamāḥ || 9 ||
[Analyze grammar]

cakrapāṇiṃ ca yaḥ paśyetprātarutthāya mānavaḥ |
vāsudevā samastāśca tena tatra nirīkṣitāḥ || 10 ||
[Analyze grammar]

ṛṣaya ūcuḥ |
tvayāsūta tathā'smākaṃ cakrapāṇiśca yaḥ sthitaḥ |
nākhyātaḥ sa kathaṃ tatra vismṛtaḥ kiṃ vadasva naḥ |
kasminkāle viśeṣeṇa sa draṣṭavyo manīṣibhiḥ || 11 ||
[Analyze grammar]

sūta uvāca |
arjunenaiṣa viprendrāḥ kṣetre'traiva pratiṣṭhitaḥ |
śayane bodhane caiva prātarutthāya mānavaḥ || 12 ||
[Analyze grammar]

snānaṃ kṛtvā subhaktyā ca yaḥ paśyeccakrapāṇinam |
brahmahatyādipāpāni tasya naśyaṃti tatkṣaṇāt || 13 ||
[Analyze grammar]

bhūbhārottāraṇārthāya dharmasaṃsthāpanāya ca |
brahmaṇāvatāritau viprā naranārāyaṇāvubhau || 14 ||
[Analyze grammar]

kṛṣṇārjunau tadā martye dvāparāṃte dvijottamāḥ |
avatīrṇo dharāpṛṣṭhe mithaḥ snehānugau tadā |
naranārāyaṇāvetau svayameva vyavasthitau || 15 ||
[Analyze grammar]

yathā rakṣovināśāya rāmo daśarathātmajaḥ |
avatīrṇo dharāpṛṣṭhe tadvatkṛṣṇo'pi cāparaḥ || 16 ||
[Analyze grammar]

yadā pārthaḥ samāyātastīrthayātrāṃ prati dvijāḥ |
yudhiṣṭhirasamādeśācchakraprasthātpurottamāt || 17 ||
[Analyze grammar]

draupadyā sahitaṃ dṛṣṭvā rahasi bhrātaraṃ dvijam |
provāca praṇato bhūtvā vinayāvanato'rjunaḥ || 19 ||
[Analyze grammar]

arjuna uvāca |
āyudhārthamahaṃ prāptaḥ sāṃprataṃ pārthivottama |
dvijadhenuvimokṣāya mamājñāṃ dehi pārthiva || 19 ||
[Analyze grammar]

yudhiṣṭhira uvāca |
gacchārjuna drutaṃ tatra nīyante yatra taskaraiḥ |
dhenavo dvijavaryasya tā mokṣaya dhanaṃjaya || 20 ||
[Analyze grammar]

tīrthayātrāṃ tato gaccha yāvaddvādaśavatsarān |
tataḥ pāpavinirmuktaḥ sameṣyasi mamāṃtikam || 21 ||
[Analyze grammar]

yaḥ sadāraṃ naraṃ paśyedekāṃtasthaṃ tu buddhimān |
api cātyaṃtapāpaḥ syātkiṃ punarnijabāṃdhavam || 22 ||
[Analyze grammar]

tasmānna vīkṣayetkañcidekāṃtasthaṃ sabhāryakam |
bāṃdhavaṃ ca viśeṣeṇa ya icchecchubhamātmanaḥ || 23 ||
[Analyze grammar]

sa tatheti pratijñāya rathamāruhya satvaram |
dhanurādāya bāṇāṃśca jagāma tadanantaram || 24 ||
[Analyze grammar]

yena mārgeṇa tā gāvo nīyante taskarairbalāt |
tiraskṛtya dvijānsarvāñchitaśastradharairdvijāḥ || 25 ||
[Analyze grammar]

atha hatvā kṣaṇāccaurāngāḥ sarvāḥ svayamāhṛtāḥ |
svāḥ svā nivedayāmāsa brāhmaṇānāṃ mahātmanām || 26 ||
[Analyze grammar]

tatastīrthānyanekāni sa dṛṣṭvāyatanāni ca |
kṣetre'traiva samāyātaḥ snānārthaṃ pāṃḍunandanaḥ || 27 ||
[Analyze grammar]

tena pūrvamapi prāyastatkṣetramavalokitam |
duryodhanasamāyukto yadā tatra samāgataḥ || 28 ||
[Analyze grammar]

atha saṃpūjayāmāsa yalliṃgaṃ sthāpitaṃ purā |
arjuneśvara saṃjñaṃ tu puṣpadhūpānulepanaiḥ || 29 ||
[Analyze grammar]

anyeṣāṃ kauravendrāṇāṃ pāṃḍavānāṃ viśeṣataḥ || 30 ||
[Analyze grammar]

atha saṃciṃtayāmāsa manasā pāṃḍunaṃdanaḥ |
ahaṃ naraḥ svayaṃ sākṣātkṛṣṇo nārāyaṇaḥ svayam || 31 ||
[Analyze grammar]

tasmādatra kariṣyāmi cakrapāṇiṃ sureśvaram |
prāsādo mānavaścaiva yādṛṅnāsti dharātale || 32 ||
[Analyze grammar]

kalpāṃte'pi na nāśaḥ syādasya kṣetrasya karhicit |
prāsādo'pi tathāpyevamatra kṣetre bhaviṣyati || 33 ||
[Analyze grammar]

evaṃ sa niścayaṃ kṛtvā svacitte pāṃḍavānujaḥ |
prāsādaṃ nirmame paścādvaiṣṇavaṃ dvijasattamāḥ || 34 ||
[Analyze grammar]

tato viprānsamāhūya camatkārapurodbhavān |
pratiṣṭhāṃ kārayāmāsa mataṃ teṣāṃ samāśritaḥ || 35 ||
[Analyze grammar]

dattvā dānānyanekāni śāsanāni bahūni ca |
anyacca pradadau paścātsa teṣāṃ tuṣṭidāyakam || 36 ||
[Analyze grammar]

tataḥ provāca tānsarvānkṛtāṃjalipuṭaḥ sthitaḥ |
naro'haṃ brāhmaṇājjātaḥ pāṇḍorbhūmiṃ prapedivān || 37 ||
[Analyze grammar]

mānuṣeṇaiva rūpeṇa tyaktvā tāṃ badarīṃ śubhām |
prasiddhyarthaṃ mayā cātra prāsādo'yaṃ vini rmitaḥ |
mannāmnā narasaṃjñaśca śraddhāpūtena cetasā || 38 ||
[Analyze grammar]

tasmādeṣa bhavadbhiśca cakrapāṇiriti dvijāḥ |
kīrtanīyaḥ sadā yena mama nāma prakāśya tām || 39 ||
[Analyze grammar]

viṣṇuloke dhvaniryāti yāvaccaṃdradivākarau || 40 ||
[Analyze grammar]

tathā mahotsavaḥ kāryaḥ śayane bodhane hareḥ |
caitramāse viśeṣeṇa saṃprāpte viṣṇuvāsare || 41 ||
[Analyze grammar]

eteṣu triṣu lokeṣu tyaktvemāṃ badarīmaham |
pūjāmasya kariṣyāmi svayaṃ viṣṇordvijottamāḥ || 42 ||
[Analyze grammar]

yastatra divase martyaḥ pūjāmasya vidhā syati |
sarvapāpavinirmukto viṣṇulokaṃ sa yāsyati || 43 ||
[Analyze grammar]

tathā ye vāsudevasya kṣetre kecidvyavasthitāḥ |
teṣāṃ pradarśanaṃ śreyo nityaṃ dṛṣṭvā ca lapsyate || 44 ||
[Analyze grammar]

sūta uvāca |
bāḍhamityeva tairukto dāśārhaḥ pāṃḍunaṃdanaḥ |
teṣāṃ tadbhāramāveśya praśāṃtenāṃtarātmanā |
yayau tīrthāni cānyāni kṛtakṛtyastataḥ param || 45 ||
[Analyze grammar]

evaṃ tatra sthito devaścakrapāṇivapurddharaḥ |
svayameva hṛṣīkeśo jaṃtūnāṃ pāpanāśanaḥ || 46 ||
[Analyze grammar]

adyā'pi ca kalā viṣṇoḥ prāpte caikādaśītraye |
pūrvoktena vidhānena tasmācchraddhāsamanvitaiḥ |
sadaiva pūjanīyaśca vandanīyo viśeṣataḥ || 47 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye cakrapāṇimāhātmyavarṇanaṃnāma dvipañcāśaduttaraśatatamo'dhyāyaḥ || 152 ||
[Analyze grammar]