Chapter 145

[English text for this chapter is available]

ṛṣaya ūcuḥ |
yattvayā kathitaṃ sūta na mṛtā sā kumārikā |
hatā raudraprahāraiśca kautukaṃ tanmahattaram || 1 ||
[Analyze grammar]

yato bhūyaḥ prasaṃjātā yoginī haratuṣṭidā |
yattvārthaṃ sarvamācakṣva kāraṇaṃ ca tadadbhutam || 2 ||
[Analyze grammar]

sūta uvāca |
sā praviṣṭā samaṃ tena supuṇyamamareśvaram |
māghakṛṣṇacaturdaśyāṃ na mṛtyuryatra vidyate || 3 || || |
api caivāyuṣaḥ śeṣe kimutākālato dvijāḥ |
tena no nidhanaṃ prāptā hatāpi sudṛḍhaṃ tadā || 4 ||
[Analyze grammar]

ṛṣaya ūcuḥ |
amareśvara ityukto yo devo hyamaratvadaḥ |
kena saṃsthāpito hyatra kiṃprabhāvaśca kīrtaya || 5 ||
[Analyze grammar]

sūta uvāca |
aditiśca ditiścaiva prajāpatisute śubhe |
kṛte purātirūpāḍhye kaśyapena mahātmanā || 6 ||
[Analyze grammar]

adityāṃ vibudhā jātā diteścaiva tu daityapāḥ || |
teṣāṃ sāpatnyabhāvena mahadvairamupasthitam |
atha daityaiḥ surā dhvastāḥ kṛtāścānye parāṅmukhāḥ |
anye tu bhayasaṃtrastā diśo jagmuḥ kṣatāṃgakāḥ || 8 ||
[Analyze grammar]

tato duḥkhasamāyuktā devamātātra saṃsthitā |
tapaścakre divānaktaṃ śivadhyānaparāyaṇā || 9 ||
[Analyze grammar]

evaṃ tasyāstapaḥsthāyā gate yugacatuṣṭaye |
nirbhidya dharaṇīpṛṣṭhaṃ śivaliṃgaṃ samutthitam || 10 ||
[Analyze grammar]

tatastasmai kṛtānandā stutvā stotraiḥ pṛthagvidhaiḥ |
aṣṭāṃgapraṇipātena namaścakre samāhitā || 11 ||
[Analyze grammar]

etasminnaṃtare vāṇī saṃjātā gaganāṃgaṇe |
śarīrarahitā divyā meghagambhīraniḥsvanā || 12 ||
[Analyze grammar]

varaṃ prārthaya kalyāṇi yaste hṛdi vyavasthitaḥ |
prasanno'haṃ pradāsyāmi tavādya śaśiśekharaḥ || 13 ||
[Analyze grammar]

aditiruvāca |
mama putrāḥ suraśreṣṭha hanyante yudhi dānavaiḥ |
tatkuruṣva gatāyāsānavadhyānraṇamūrdhani || 14 ||
[Analyze grammar]

śrībhagavānuvāca |
etalliṃgaṃ madīyaṃ ye spṛṣṭvā yāsyaṃti saṃyuge |
avadhyāste bhaviṣyanti yāvatsaṃvatsaraṃ śubhe || 15 ||
[Analyze grammar]

anyo'pi mānavo yo'tra caturdaśyāṃ samāhitaḥ |
māghamāsasya kṛṣṇāyāṃ prakariṣyati jāgaram || 16 ||
[Analyze grammar]

so'pi saṃvatsaraṃ yāvadbhaviṣyati nirāmayaḥ |
api mṛtyudine prāpte yo'sminnāyatane śubhe || 17 ||
[Analyze grammar]

āgamiṣyati taṃ mṛtyurdūrātparihariṣyati |
evamuktvātha sā vāṇī virarāma tataḥ param || 18 ||
[Analyze grammar]

aditiścāpi santuṣṭā hataśeṣānsutāṃstataḥ |
samānīyātha talliṃgaṃ teṣāmeva nyadarśayat |
kathayāmāsa tatsarvaṃ māhātmyaṃ yadvaroditam || 19 ||
[Analyze grammar]

tataste vibudhāḥ sarve talliṃgaṃ praṇipatya ca |
pratijagmustuṣṭiyuktāḥ śastrāṇyādāya tānprati || 20 ||
[Analyze grammar]

yatra te dānavā hṛṣṭāḥ sthitāḥ śakrapade śubhe |
svargabhogasamāyuktā nandanāṃtarvyavasthitāḥ || 21 ||
[Analyze grammar]

atha te dānavā dṛṣṭvā saṃprāptāṃstridivaukasaḥ |
sahasā saṃgarārthāya nānāśastradharānbahūn || 22 ||
[Analyze grammar]

rathavaryānsamāruhya dhṛtaśastrāstravarmaṇaḥ |
yuddhārthaṃ sammukhā jagmurgarjamānā ghanā iva || 23 ||
[Analyze grammar]

tataḥ samabhavadyuddhaṃ devānāṃ dānavaiḥ saha |
roṣapreritacittānāṃ mṛtyuṃ kṛtvā nivartanam || 24 ||
[Analyze grammar]

tataste vibudhāḥ sarve haralabdhavarāstadā |
jaghnurdaityānasaṃkhyātācchitaiḥ śastrairanekadhā || 25 ||
[Analyze grammar]

hataśeṣāśca ye teṣāṃ te tyaktvā tridaśālayam |
palāyanakṛtotsāhāḥ praviṣṭā makarālayam || 26 ||
[Analyze grammar]

tataḥ śakraḥ samāpede svarājyaṃ dānavairhṛtam |
yadāsītpūrvakāle tatsamagraṃ hatakaṇṭakam || 27 ||
[Analyze grammar]

tataste dānavāḥ śeṣā jñātvā talliṃgasaṃbhavam |
māhātmyaṃ vṛṣanāthasya kṣetrasyāsyodbhavasya ca || 28 ||
[Analyze grammar]

śukreṇa kathitaṃ sarvaṃ māghakṛṣṇe niśāgame |
caturdaśyāṃ śucirbhūtvā yastalliṃgaṃ prapūjayet |
kālāghrāto'pi na prāṇaiḥ sa pumāṃstyajyate kvacit || 29 ||
[Analyze grammar]

tasmādyūyaṃ samāsādya talliṃgaṃ taddine niśi |
pūjayadhvaṃ mahābhāgā yena syurmṛtyuvarjitāḥ || 30 ||
[Analyze grammar]

yāvatsaṃvatsarasyātaṃ satyametanmayoditam |
yathā te devasaṃghāśca tatprabhāvādasaṃśayam || 31 ||
[Analyze grammar]

atha taṃ dānavendrāṇāṃ maṃtraṃ jñātvā sureśvaraḥ |
nāradādbrāhmaṇaḥ putrādbhayatrastamanāstataḥ || 32 ||
[Analyze grammar]

maṃtraṃ cakre samaṃ devaistatra devasya rakṣaṇe |
yathā syādudyamaḥ samyaktasminnahani sarvadā || 33 ||
[Analyze grammar]

koṭayastu trayastriṃśaddevānāṃ sāyudhāstataḥ |
rakṣārthaṃ tasya liṃgasya tasminkṣetre vyavasthitāḥ |
māghakṛṣṇacaturdaśyāṃ susaṃnaddhāḥ prahāriṇaḥ || 34 ||
[Analyze grammar]

atha te dānavā dṛṣṭvā tāndevāṃstatra saṃsthitān |
bhayasaṃtrastamanaso dudruvuḥ sarvato diśam || 35 ||
[Analyze grammar]

atha prabhāte vimale prodgate ravimaṇḍale |
bhūya eva surāḥ sarve maṃtraṃ cakruḥ parasparam || 36 ||
[Analyze grammar]

yadyetatkṣetramutsṛjya gamiṣyāmaḥ surālayam |
liṃgametatsamabhyetya pūjayiṣyaṃti dānavāḥ || 37 ||
[Analyze grammar]

tato'vadhyā bhaviṣyaṃti te'pi sarve yathā vayam |
tasmādatraiva tiṣṭhāmastrayastriṃśatpranāyakāḥ || 38 ||
[Analyze grammar]

koṭīnāmeva sarveṣāṃ śeṣā gacchantu tatra ca |
sahasrākṣeṇa saṃyuktāḥ svarge svapararakṣakāḥ || 39 ||
[Analyze grammar]

tato'ṣṭau vasavastatra dvādaśārkāstathaiva ca |
ekādaśāpare rudrā nāsatyau dvau ca sundarau || 4 ||
[Analyze grammar]

ete talliṃgarakṣārthaṃ tasminkṣetre vyavasthitāḥ |
śeṣāḥ śakrasamāyuktāḥ prajagmustridaśālayam || 41 ||
[Analyze grammar]

sūta uvāca |
evaṃ prabhāvaṃ liṃgaṃ tu devadevasya śūlinaḥ |
bhavadbhiḥ paripṛṣṭaṃ yadadityā sthāpitaṃ purā || 42 ||
[Analyze grammar]

yasmānna vidyate mṛtyustena dṛṣṭena dehinām |
amarākhyaṃ tato liṃgaṃ vikhyātaṃ bhuvanatraye || 43 ||
[Analyze grammar]

yasmindeśe'pi sā kanyā hatā tena dvijanmanā |
jābālinā sukruddhena tasya devasya maṃdire || 44 ||
[Analyze grammar]

āsīttatra dine kṛṣṇā māghamāsa caturdaśī |
tena no nidhanaṃ prāptā suhatā'pi tapasvinī || 45 ||
[Analyze grammar]

etadvaḥ sarvamākhyātaṃ tasya liṃgasya sambhavam |
māhātmyaṃ brāhmaṇaśreṣṭhāḥ sarvapātakanāśanam || 46 ||
[Analyze grammar]

yaścaitatpaṭhate bhaktyā tasya liṃgasya saṃnidhau |
apamṛtyubhayaṃ tasya kathaṃcinnaiva jāyate || 47 ||
[Analyze grammar]

tasyāgre'sti śubhaṃ kuṇḍaṃ pūritaṃ svacchavāriṇā |
adityā nirmitaṃ devyā snānārthaṃ cātmanaḥ kṛte || 48 ||
[Analyze grammar]

snānaṃ kṛtvā narastasminyastalliṃgaṃ prapaśyati |
karoti jāgaraṃ rātrau tasminneva dinedine |
so'dyāpi vatsaraṃ yāvannāpamṛtyumavāpnuyāt || 49 ||
[Analyze grammar]