Chapter 118

[English text for this chapter is available]

ṛṣaya ūcuḥ |
yattvayā sūtaja proktaṃ takṣakaḥ saṃbhaviṣyati |
saurāṣṭraviṣaye rājā raivatākhyo mahābalaḥ || 1 ||
[Analyze grammar]

tathā tasya priyā bhāryo nāmnā kṣemaṃkarīti yā |
ānartādhipaterharmye saṃbhaviṣyati bhāminī || 2 ||
[Analyze grammar]

tābhyāṃ sarvaṃ samācakṣva vṛttāṃtaṃ sūtanaṃdana |
atra naḥ kautukaṃ jātaṃ vicitraṃ jalpatastava || 3 ||
[Analyze grammar]

kedāraśca śruto'smābhiḥ sūtaputra himācale |
sa kathaṃ tatra saṃjātaḥ sarvaṃ vistarato vada || 4 ||
[Analyze grammar]

sūta uvāca |
atra vaḥ kīrtayiṣyāmi sarvaṃ brāhmaṇasattamāḥ |
yathā mayā śrutaṃ pūrvaṃ nijatātamukhāddvijāḥ || 6 ||
[Analyze grammar]

pūrvaṃ tacchāpadoṣeṇa takṣako dharaṇītale |
saurāṣṭrādhipaterharmye raivatākhyo babhūva ha || 6 ||
[Analyze grammar]

ānarttādhipateścāpi saṃjātā tanayā gṛhe |
tasyāścāpi suvikhyātaṃ nāma jātaṃ dharātale || 7 ||
[Analyze grammar]

kṣemaṃkarīti viprendrāḥ karmaṇā prakaṭīkṛtam |
ānartādhipatiḥ pūrvamāsīdrājā prabhaṃjanaḥ || 8 ||
[Analyze grammar]

tasya vairaṃ samutpannaṃ bahubhiḥ saha bhūmipaiḥ |
tato nirvāsyate deśo nīyate paśavo balāt |
śatrubhirjāyate yuddhaṃ divā naktaṃ dvijottamāḥ || 9 ||
[Analyze grammar]

tataḥ katipayāhasya tasya bhāryā priyaṃvadā |
ṛtusnātā dadhārātha garbhaṃ puṇyaṃ nijodare || 10 ||
[Analyze grammar]

yataḥ prabhṛti tasyāḥ sa garbho'bhūdudarāśrayaḥ |
tataḥ prabhṛti rāṣṭrasya kṣemaṃ jātaṃ tathā pure || |
eke saṃkhye jitā stena śatravo'pi sudurjayāḥ |
nihatāśca tathaivānye mitrabhāvaṃ samāśritāḥ || 12 ||
[Analyze grammar]

tato jajñe śubhā kanyā tasyāḥ padmāyatekṣaṇā |
aṃdhakāre'pi yadrātryāṃ dyotitaṃ sūtikāgṛham || 3 ||
[Analyze grammar]

athā'sau pārthivaścakre sutavatsumahotsavam |
tasyāstoṣasamāyukto gītavādyādinisvanaiḥ || 4 ||
[Analyze grammar]

dine trayodaśe prāpte nāma tasyā yathocitam |
vihitaṃ bhūbhujā tena viprāṇāṃ purato dvijāḥ || 5 ||
[Analyze grammar]

yasmātkṣemaṃ samutpannaṃ garbhavāse'pi saṃsthayā |
anayā kṣemaṃkarīnāma tasmādeṣābhave ddvijāḥ || 6 ||
[Analyze grammar]

evaṃ suvihitā khyātā vṛddhiṃ yāti dinedine |
śuklapakṣe kalā cendoryathaiva gaganāṃgaṇe || 7 ||
[Analyze grammar]

tatastāṃ yauvanopetāṃ raivatāya mahīpatiḥ |
dadau saurāṣṭranāthāya kāle vaivāhike śubhe || 18 ||
[Analyze grammar]

atha tābhyāṃ sutā jātā revatīnāma viśrutā |
bhaṭṭikāśāpadoṣeṇa śeṣapatnī yaśasvinī || 9 ||
[Analyze grammar]

yā tūḍhā rāmarūpeṇa nāgarājena dhīmatā |
putrapautravatī jātā saubhāgyamadagarvitā || 20 ||
[Analyze grammar]

na ca tābhyāṃ suto jātaḥ kathaṃcidapi vaṃśajaḥ |
vayasoṃ'te'pi vipreṃdrāstato duḥkhaṃ vyajāyata || 21 ||
[Analyze grammar]

atha tau maṃtrivargasya rājyaṃ sarvamaśeṣataḥ |
arpayitvā tu putrārthaṃ tapo'rthamiha cāgatau || 22 ||
[Analyze grammar]

tataḥ svamāśramaṃ gatvā sthitau tatra samāhitau |
devīṃ kātyāyanīṃ sthāpya tadārādhanatatparau || 23 ||
[Analyze grammar]

yayā vinihato raudro mahiṣākhyo mahāsuraḥ |
kaumāravratadhāriṇyā tasminvindhye mahācale || 24 ||
[Analyze grammar]

tatastābhyāṃ dadau tuṣṭā sā putraṃ vaṃśavardhanam |
nāmnā kṣemajitaṃ khyātaṃ parapakṣakṣayā vaham || 25 ||
[Analyze grammar]

tataḥ svaṃ rājyamāsādya bhūyo'pi sa mahīpatiḥ |
svaputraṃ vardhayāmāsa harṣeṇa mahatānvitaḥ || 26 ||
[Analyze grammar]

yadā sa yauvanopetaḥ sañjātaḥ kṣemajitsutaḥ |
taṃ ca rājye niyojyā'tha svasthānaṃ sa punaryayau || 27 ||
[Analyze grammar]

hāṭakeśvarajaṃ kṣetraṃ tadetaddvijasattamāḥ |
bhāryayā sahitastyaktvā śeṣamanyaṃ paricchadam || 28 ||
[Analyze grammar]

tatra saṃsthāpayāmāsa liṃgaṃ devasya śūlinaḥ |
prāsādaṃ ca manohāri tataścakre samāhitaḥ || 29 ||
[Analyze grammar]

raivateśvaramityuktaṃ sarvapātaka nāśanam |
darśanādeva sarveṣāṃ dehināṃ dvijasattamāḥ || 30 ||
[Analyze grammar]

yā pūrvaṃ sthāpitā durgā tasminkṣetre mahībhujā |
tasyāḥ kṣemaṃkarī cakre prāsādaṃ śraddha yānvitā || 31 ||
[Analyze grammar]

sāpi kṣemaṃkarīnāma tataḥ prabhṛti kīrtyate |
kātyāyanyapi yā proktā mahiṣāsuramardinī || 32 ||
[Analyze grammar]

yastāṃ caitrasite pakṣe saṃpa śyedaṣṭamīdine |
tasyābhīṣṭā bhavetsiddhiḥ sarvadaiva dvijottamāḥ || 33 ||
[Analyze grammar]

etadvaḥ sarvamākhyātaṃ raivateśvaravarṇanam |
kṣemaṃkaryāḥ prabhāvaṃ ca sarvapātakanāśanam || 34 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyā ṣaṣṭhe nāgarakhaṇḍe hāṭakeśvarakṣetramāhātmye kṣemaṃkarīraivateśvarotpattitīrtha māhātmyavarṇananāmāṣṭādaśottaraśatatamo'dhyāyaḥ || 118 ||
[Analyze grammar]