Chapter 117

[English text for this chapter is available]

ṛṣaya ūcuḥ |
bhaṭṭikākhyā purā proktā yā tvayā sūtanandana |
kasmāttasyāḥ śarīrāntāddaṃṣṭrā nāgasamudbhavāḥ || 1 ||
[Analyze grammar]

viśīrṇāḥ kiṃ prabhāvaśca tapasaḥ sūtanandana |
kiṃ vā maṃtraprabhāvaśca etannaḥ kautukaṃ param || 2 ||
[Analyze grammar]

yanmānuṣaśarīre'pi viśīrṇāstā viṣolbaṇāḥ |
nāgānāṃ tu viśeṣeṇa tasmātsarvaṃ prakīrtaya || 3 ||
[Analyze grammar]

|sūta uvāca |
sā purā brāhmaṇī bālye vartamānā piturgṛhe |
vaidhavyena samāyuktā jātā karmavipākataḥ || 4 ||
[Analyze grammar]

tato bālye'pi śuśrāva śāstrāṇi vividhāni ca |
devayātrāṃ pracakre'tha tīrthe snāti samāhitā || 5 ||
[Analyze grammar]

tatra kedāradevaṃ ca gatvā nityaṃ samāhitā |
prātarutthāya gītaṃ ca bhaktyā cakre tadagrataḥ || 6 ||
[Analyze grammar]

tatastadgītalaulyena pātālātsamupetya ca |
takṣako vāsukiścaiva dvija rūpadharāvubhau || 7 ||
[Analyze grammar]

sā'pi tatra mahadgītaṃ tānaiḥ sarvairalaṃkṛtam |
mūrcchanābhiḥ samopetaṃ saptasvaravirājitam || 8 ||
[Analyze grammar]

yatibhiśca tathā grāmairvarṇagrāmaiḥ pṛtha gvidhaiḥ |
tataṃ ca vitataṃ caiva ghanaṃ suṣirameva ca || 9 ||
[Analyze grammar]

tālakālakriyāmānavardhamānādikaṃ ca yat |
avidagdhāpi sā teṣāṃ gītāṃgānāṃ dvijāṃganā |
kevalaṃ kaṃṭhasaṃśuddhyā tābhyāṃ toṣaṃ samādadhe || 10 ||
[Analyze grammar]

tatastadgītalobhena sarve tatpuravāsinaḥ |
prātarutthāya kedāraṃ samāgacchaṃti kautukāt || |
kasya cittvatha kālasya nāgau tau svapuraṃ prati |
ninyurbalātsamudyamya sarvalokasya paśyataḥ || 12 ||
[Analyze grammar]

nāgarūpaṃ samādhāya raudraṃ janavibhīṣaṇam |
bhogāgryeṇa ca saṃveṣṭya pātālatalamabhyayuḥ || 13 ||
[Analyze grammar]

atha tāṃ svagṛhaṃ nītvā procatuḥ kāmapīḍitau |
bhavāvābhyāṃ viśālākṣi bhāryā dharmaparāyaṇā |
etadarthaṃ samānītā tvaṃ pātāle mahītalāt || 14 ||
[Analyze grammar]

bhaṭṭikovāca |
yattvaṃ takṣaka māṃ śāṃtāmanapekṣāṃ ratotsave |
ānaiṣīrapahṛtyāśu brāhmaṇānvaya saṃbhavām || 15 ||
[Analyze grammar]

mānuṣaṃ rūpamāsthāya purā māṃ tvaṃ samāśritaḥ |
kāmopahṛtacittātmā tasmānmartyo bhaviṣyasi || 16 ||
[Analyze grammar]

yadi māṃ tvaṃ durācāra dharṣayiṣyasi vīryataḥ |
śatadhā tava mūrdhā'yaṃ sadya eva bhaviṣyati || 17 ||
[Analyze grammar]

taṃ śrutvā sumahāśāpaṃ tasyāḥ sa bhayavihvalaḥ |
tataḥ prasādayāmāsa kṛtāṃjalipuṭaḥ sthitaḥ || 18 ||
[Analyze grammar]

mayā tvaṃ kāmasaktena samānītā sumohataḥ |
tasmātkuru prasādaṃ me śāpasyāṃto yathā bhavet || 19 ||
[Analyze grammar]

sūta uvāca |
evaṃ prasāditā tena takṣakeṇa dvijātmajā |
tataḥ provāca taṃ nāgaṃ bāṣpavyākulalocanā || 20 ||
[Analyze grammar]

yadi māṃ martyaloke tvaṃ bhūyo na yasi takṣaka |
tatra śāpasya paryaṃtaṃ kariṣyāmi na saṃśayaḥ || 21 ||
[Analyze grammar]

etasminnaṃtare jñātvā mānuṣīṃ svagṛhāgatām |
takṣakeṇa samānītāṃ kāmopahatace tasā || 22 ||
[Analyze grammar]

tatastasya kalatrāṇi maherṣyāsaṃśritāni ca |
tasyā nāśārthamājagmuḥ koparaktekṣaṇāni ca || 23 ||
[Analyze grammar]

atha tāsāṃ parijñāya takṣakaḥ sa viceṣṭitam |
vāñchañchāpasya paryaṃtaṃ tatpārśvādbhayasaṃyutaḥ || 24 ||
[Analyze grammar]

vajrāṃ nāmāsmaradvidyāṃ tasyā gātraṃ tatastayā |
yojayāmāsa rakṣārthaṃ prāptā cātha bhujaṃgamī || 25 ||
[Analyze grammar]

adaśattāṃ tataḥ kruddhā brāhmaṇasya sutāṃ satīm |
sapatnīṃ manyamānoccaiḥ śīrṇadaṃṣṭrā vyajāyata || 26 ||
[Analyze grammar]

atha tāmapi sā kruddhā śaśāpa dvijasaṃbhavā |
dṛṣṭvā sāpatnyajairbhāvairvartamānāṃ saherṣyayā || 27 ||
[Analyze grammar]

yasmāttvaṃ doṣahīnāṃ māṃ sadoṣāmiva manyase |
tasmādbhava drutaṃ pāpe mānuṣī duḥkhabhāginī || 28 ||
[Analyze grammar]

atha tāṃ saṃgṛhītvā sa takṣako nāgasattamaḥ |
kedārāyatane tasminnardharātre mumoca ha || 29 ||
[Analyze grammar]

tataḥ provāca tāṃ devīṃ kṛtāṃ jalipuṭaḥ sthitaḥ |
śāpāṃtaṃ kuru me sādhvi svagṛhaṃ yena yāmyaham || 30 ||
[Analyze grammar]

bhaṭṭikovāca |
saurāṣṭraviṣaye rājā tvaṃ bhaviṣyasi pannaga |
bhūmau raivatako nāma bhogānāṃ bhājanaṃ sadā || 31 ||
[Analyze grammar]

tataścaiva tanuṃ tyaktvā kṣetreṣvāśramamadhyataḥ |
saṃprāpsyasi nijaṃ sthānaṃ tatkṣetrasya prabhāvataḥ || 32 ||
[Analyze grammar]

takṣaka uvāca |
eṣā mama priyā kāṃtā tvayā śāpena yojitā |
yā sā bhavatu me bhāryā mānuṣatve'pi vartite || 33 ||
[Analyze grammar]

eta tkuru prasādaṃ me dīnasya pariyācataḥ |
mā'syā bhavatu cānyena puruṣeṇa samāgamaḥ || 34 ||
[Analyze grammar]

bhaṭṭikovāca |
ānartādhipatereṣā bhavitrī duhitā śubhā |
tataḥ pāṇigrahaṃ prāpya bhāryā tava bhaviṣyati || 35 ||
[Analyze grammar]

kṣemaṃkarīti vikhyātā rūpayauvanaśālinī |
tvayā sārdhaṃ bahūnbhogānbhuktvā'tha pṛthivītale |
paraloke punastvāṃ vai cānuyāsyati śobhanā || 36 ||
[Analyze grammar]

sūta uvāca |
evaṃ ca sa tayā proktaḥ kṣamyatāmiti sādaram |
praṇipatya jagāmā'tha nijaṃ sthānaṃ praharṣitaḥ || 37 ||
[Analyze grammar]

sā'pi prāpte niśāśeṣe kedārasya puraḥ sthitā |
punaścakre ca tadgītaṃ śrutisaukhyakaraṃ param || 38 ||
[Analyze grammar]

atha tasya samāyātāḥ kedārasya didṛkṣavaḥ |
punaḥ kedārabhaktyāḍhyā brāhmaṇāḥ śataśaḥ param || 39 ||
[Analyze grammar]

te tāṃ dṛṣṭvā samāyātāṃ bhaṭṭiṃkāṃ tāṃ dvijodbhavām |
vismayena samāyuktāḥ papracchustadanaṃta ram || 40 ||
[Analyze grammar]

ko'sau brāhmaṇarūpeṇa nāgaḥ prāptaḥ suśobhane |
tena tvaṃ kutra nītāsi kimarthaṃ ca vadasva naḥ || 4 ||
[Analyze grammar]

kasmātpunaḥ pramuktā'si sarvaṃ vada yathātatham |
atra naḥ kautukaṃ jātaṃ sumahattava kāraṇāt || 42 ||
[Analyze grammar]

sūta uvāca |
tataḥ sā kathayāmāsa sarvaṃ takṣakasaṃbhavam |
vṛttāṃtaṃ nāgasaṃbhūtaṃ śāpānugrahajaṃ tathā || 43 ||
[Analyze grammar]

etasminnaṃtare prāptaṃ sarvaṃ tasyāḥ kuṭumbakam |
rorūyamāṇaṃ duḥkhārtaṃ śrutvā tāṃ tatra cāgatām || 44 ||
[Analyze grammar]

atha sā jananī tasyā vāṣpa paryākulekṣaṇā |
sasvaje tāṃ tathā cānyāḥ sakhyaḥ snigdhena cetasā || 45 ||
[Analyze grammar]

tato ninyurgṛhaṃ svaṃ ca śṛṇvaṃtaśca muhurmuhuḥ |
nāgalokodbhavāṃ vārtāṃ visya yāviṣṭacetasaḥ || 46 ||
[Analyze grammar]

atha tatra pure paurāḥ sarve procuḥ parasparam |
ayuktaṃ kṛtametena brāhmaṇena durātmanā || 47 ||
[Analyze grammar]

yadānītā sutaruṇī paraharmyoṣitā tayā |
anyeṣāmapi viprāṇāṃ saṃti nāryo hyanekaśaḥ || 48 ||
[Analyze grammar]

taruṇyo rūpavatyaśca vaidhavyena samanvitāḥ |
tāsāmapi ca sarvāsāmeṣa nyāyo bhaviṣyati |
yonisaṃkarajo nūnaṃ tasmānnirvāsyatāmiti || 49 ||
[Analyze grammar]

ekībhūya tataḥ sarve brāhmaṇaṃ taṃ dvijottamāḥ |
sāmapūrvamidaṃ vākyaṃ procuḥ śāstra samudbhavam || 50 ||
[Analyze grammar]

eṣā tava sutā vipra taruṇī rūpasaṃyutā |
sānurāgeṇa nāgeṇa pātāle ca samāhṛtā || 51 ||
[Analyze grammar]

tadvakṣyati pramuktāhaṃ nirdoṣā tena rāgiṇā |
na śraddhāṃ yāti loko'yaṃ śuddhaiṣā samudāhṛtā || 52 ||
[Analyze grammar]

tasmācchuddhiṃ dvijedrāṇāṃ prayacchatu dvijottama |
yenānyeṣāmapi prājña vinaśyaṃti na yoṣitaḥ || 53 ||
[Analyze grammar]

bāḍhamityeva sa proktvā tatastāṃ vijane sutām |
papraccha yadi te doṣaḥ kaścidasti prakīrtaya || 54 ||
[Analyze grammar]

no cetprayaccha saṃśuddhiṃ brāhmaṇānāṃ pratuṣṭaye || 55 ||
[Analyze grammar]

bhaṭṭikovāca |
yuktamuktaṃ tvayā tāta tathānyairapi ca dvijaiḥ |
yuktā syādyoṣitaḥ śuddhirdvārātikramaṇādapi || 56 ||
[Analyze grammar]

kiṃ punaḥ paradeśaṃ ca gatāyā rāgiṇā saha |
tasmādahaṃ na saṃdehaḥ prātaḥ snātā hutāśanam || 57 ||
[Analyze grammar]

praviśya sarvaviprāṇāṃ śuddhiṃ dāsyāmya saṃśayam |
ahamatra ca pānaṃ ca yaccānyadapi kiṃcana |
prāśayiṣyāmi saṃprāpya śuddhiṃ caiva hutāśanāt || 58 ||
[Analyze grammar]

evamuktastayā so'tha harṣeṇa mahatānvitaḥ |
prātarutthāya dārūṇi purabāhye nyayojayat || 59 ||
[Analyze grammar]

bhaṭṭikā'pi tataḥ snātvā śuklāṃbaradharā śuciḥ |
sarvaiḥ parijanaiḥ sārdhaṃ tathā nija kuṭuṃbakaiḥ || 60 ||
[Analyze grammar]

prasannavadanā hṛṣṭā viṣṇudhyānaparāyaṇā |
jagāma tatra yatrāste sumahāndāruparvataḥ || 61 ||
[Analyze grammar]

tato vahniṃ samādhāya svayaṃ tatra dvijottamāḥ |
pradakṣiṇātrayaṃ kṛtvā prāha caiva kṛtāṃjaliḥ || 62 ||
[Analyze grammar]

yadi me'sti kvaciddoṣaḥ kāmajo'lpo'pi gātrake |
kṛto vā'pi balāttena takṣakeṇa durātmanā || 63 ||
[Analyze grammar]

anyenāpi ca kenāpi bhaviṣyatyathavā paraḥ |
tasmātpradahatu kṣipraṃ samiddho'yaṃ hutāśanaḥ || 64 ||
[Analyze grammar]

evamuktvā'tha sā sādhvī praviṣṭā nijaharmyavat |
susamiddho huto vahnirjāto jalamayaḥ kṣaṇāt || 65 ||
[Analyze grammar]

sā ca paśyati cātmānaṃ jalamadhyagatāṃ śubhā || 80 ||
[Analyze grammar]

papātā'tha mahāvṛṣṭiḥ kusumānāṃ nabhastalāt || 66 ||
[Analyze grammar]

devadūto vimānastha idaṃ vākyamuvāca ha |
śuddhāsi tvaṃ mahābhāge cāritrai rnijagātrajaiḥ || 67 ||
[Analyze grammar]

na tvayā sadṛśī cānyā kācinnārī bhaviṣyati |
tisraḥ koṭyordhakoṭī ca yāni lomāni mānuṣe |
prabhavaṃti mahābhāge sarvagātreṣu sarvadā || 68 ||
[Analyze grammar]

teṣāṃ madhye na te sādhvi pāpamekamapi kvacit |
tasmācchīghraṃ grahaṃ gaccha nijaṃ bāṃdhavasaṃyutā || 69 ||
[Analyze grammar]

kuru kṛtyāni puṇyāni samārādhaya keśavam |
etaccaiva citeḥ sthānaṃ tvadīyaṃ jalapūritam || 70 ||
[Analyze grammar]

tava nāmnā suvikhyātaṃ tīrthaṃ loke bhaviṣyati |
ye'tra snānaṃ kariṣyaṃti śayane bodhane hareḥ || 71 ||
[Analyze grammar]

te yāsyaṃti parāṃ siddhiṃ duṣprāpyā yā'marairapi |
uktvaivaṃ viratā vāṇī devadūtasamudbhavā || 72 ||
[Analyze grammar]

bhaṭṭikā tu tato hṛṣṭā praṇamya janakaṃ nijam |
nāhaṃ gṛhaṃ gamiṣyāmi kiṃ kariṣyāmyahaṃ gṛhe || 73 ||
[Analyze grammar]

atraivārādhayiṣyāmi nijatīrthe sadā'cyu tam |
tathā tapaḥ kariṣyāmi bhikṣānnakṛtabhojanā || 74 ||
[Analyze grammar]

tasmāttāta gṛhaṃ gaccha sthitā'haṃ cāgra saṃśraye || 75 ||
[Analyze grammar]

tataḥ sa janakastasyāste vā'pi puravāsinaḥ |
saṃprahṛṣṭā gṛhaṃ jagmuḥ śaṃsatastāṃ pṛthakpṛthak || 76 ||
[Analyze grammar]

tayā traivikramī tatra pratimā prāgvinirmitā |
paścānmāheśvaraṃ liṃgaṃ kṛtvā prāsādamuttamam || 77 ||
[Analyze grammar]

tataḥ paraṃ tapaścakre bhikṣānnakṛtabhojanā |
śasyamānā janaiḥ sarvaiścamatkārapurodbhavaiḥ || 78 ||
[Analyze grammar]

sūta uvāca |
etadvaḥ sarvamākhyātaṃ yatpṛṣṭo'smi dvijottamāḥ |
yathā tasyā dṛḍhaṃ kāyamabhedyaṃ saṃsthitaṃ sadā || 79 ||
[Analyze grammar]

sarpāṇāṃ ca tathā'nyeṣāṃ śastrādīnāmapi dvijāḥ |
yaścaitatpaṭhate nityaṃ bhaṭṭikākhyānamuttamam |
nāpavādo bhavettasya kukṛto dvijasattamāḥ || 80 ||
[Analyze grammar]