Chapter 111

[English text for this chapter is available]

ṛṣaya ūcuḥ |
śivakṣetrāṇi yairvipraiḥ samānītāni tatra ca |
teṣāṃ sarvāṇi gotrāṇi vada sūtaja vistarāt || 1 ||
[Analyze grammar]

kasya gotrodbhavairvipraiḥ kiṃ kṣetraṃ samupārjitam |
śaṃkarasya prasādena tasminkāla upasthite || 2 ||
[Analyze grammar]

kiyatyapi ca gotrāṇi camatkārapurottame |
sthāpitāni subhaktena tenānartena sūtaja || 3 ||
[Analyze grammar]

tvayā proktaṃ purā dattaṃ puraṃ kṛtvā dvijanmanām |
na ca teṣāṃ kṛtā saṃkhyā tasmāttāṃ parikīrtaya || 4 ||
[Analyze grammar]

sūta uvāca |
upadeśaḥ purā datto dvisaptatimunīśvaraiḥ |
ānartādhipatiḥ pūrvaṃ kuṣṭharoga prapīḍitaḥ |
śaṃkhatīrthaṃ samāgatya snānaṃ cakre tvarānvitaḥ || 5 ||
[Analyze grammar]

tena nāśaṃ gataḥ kuṣṭho bhūpatestasya tatkṣaṇāt |
tasya tīrthasya māhātmyānnirvi ṇṇasya tanuṃ prati || 6 ||
[Analyze grammar]

tataḥ sa nīrujo bhūtvā toṣeṇa mahatānvitaḥ |
tānuvāca muniśreṣṭhān praṇipatya muhurmuhuḥ || 7 ||
[Analyze grammar]

suvarṇaṃ vā gajāśvaṃ vā rājyaṃ sakalameva vā |
bhavadbhyaḥ saṃpradāsyāmi tasmādabrūta dvijottamāḥ || 8 ||
[Analyze grammar]

yadyasya rocate yāvanmātramanyadapi dvijāḥ |
prasādaḥ kriyatāṃ mahyaṃ dīnasya praṇatasya ca || 9 ||
[Analyze grammar]

brāhmaṇā ūcuḥ |
niṣparigrahadharmāṇo vānaprasthā vayaṃ dvijāḥ |
sadyaḥprakṣālakāḥ kiṃ no rājyena vibhavena ca || 10 ||
[Analyze grammar]

rājovāca ||
upakāraṃ samāsādya yaḥ karoti na pāpakṛt |
upakāraṃ punastasya sa kṛtaghna udāhṛtaḥ || 11 ||
[Analyze grammar]

brahmaghnaṃ ca surāpe ca caure bhagnava te śaṭhe |
niṣkṛtirvihitā sadbhiḥ kṛtaghne nāsti niṣkṛtiḥ || 12 ||
[Analyze grammar]

tasmātkṛtvā prasādaṃ me kiṃcidbrūt dvijottamāḥ |
yenānṛṇyaṃ pragacchāmi yadyapi syātsujīvitam || 3 ||
[Analyze grammar]

munaya ūcuḥ |
satyametanmahābhāga kṛtaghne nāsti niṣkṛtiḥ |
paraṃ tatra bhaveddoṣo yatra dātā tu saspṛhaḥ || 4 ||
[Analyze grammar]

niḥspṛho yatra rājendra hyupakāraparo bhavet |
na tatra jāyate doṣaḥ svalpo'pi ca kathaṃcana || 5 ||
[Analyze grammar]

tasmāttvaṃ gaccha rājyaṃ svaṃ svadharmeṇa prapālaya |
iha loke pare caiva yena saukhyaṃ prajāyate || 16 ||
[Analyze grammar]

evaṃ sa bhūmipo viprairniṣiddhaḥ sa sahasradhā |
kṛcchreṇa tānpraṇamyoccairjagāma svagṛhaṃ tataḥ || 7 ||
[Analyze grammar]

tatra gatvā prahṛṣṭā tmākṛtvā ramyaṃ maheśvaram |
gītanṛtyasavādyaiśca rātrijāgaraṇādibhiḥ |
cakāra pūrvavadrājyaṃ samaṃtāddhatakaṃṭakam || 18 ||
[Analyze grammar]

ciṃtayāno divānaktaṃ brāhmaṇānprati tatsadā |
kathaṃ teṣāṃ dvijeṃdrāṇāmupakāro bhaviṣyati |
madīyo mama yairdattaṃ gātrametatpunarnavam || 19 ||
[Analyze grammar]

te'pi sarve muniśreṣṭhāḥ khecaratva samanvitāḥ |
tapaḥśaktyā yāṃti nānātīrtheṣu bhaktitaḥ || 20 ||
[Analyze grammar]

teṣu snānaṃ japaṃ kṛtvā tathaiva pitṛtarpaṇam |
prāṇayātrāṃ punaścakrustatrāgatya sva āśrame || 21 ||
[Analyze grammar]

anye tatraiva kurvaṃti nityakṛtyāni ye dvijāḥ |
tathānye dūramāsādya tīrthaṃ dṛṣṭvā manoharam || 22 ||
[Analyze grammar]

uṣitvā rajanīṃ tatra dvirātraṃ vā punargṛham |
samāgacchaṃti cānye tu trirātreṇa samāyayuḥ || 23 ||
[Analyze grammar]

vārāṇasyāṃ prayāge vā puṣkare vātha naimiṣe |
prabhāse vā'tha kedāre hyanyasminnahi vāṃchyate || 24 ||
[Analyze grammar]

kadācidatha te sarve kārtikyāṃ puṣkaratraye |
gatā viniścayaṃ kṛtvā snānārthaṃ dvijasattamāḥ || 25 ||
[Analyze grammar]

paṃcarātraṃ vasiṣyāmo vayaṃ tatra samāhitāḥ |
tasmādvahniṣu dāreṣu rakṣā kāryā svaśaktitaḥ || 26 ||
[Analyze grammar]

evaṃ te samayaṃ kṛtvā gatā yāvaddvijottamāḥ |
tāvaddha patinā jñātā na kaścittatra tiṣṭhati || 27 ||
[Analyze grammar]

teṣāṃ madhye munīṃdrāṇāṃ sutīrthāśramavāsinām |
damayaṃtīti vikhyātā caṃdrabiṃbasamānanā || 28 ||
[Analyze grammar]

tāmuvāca rahasyevaṃ vraja tvaṃ cāruhāsini |
hāṭakeśvaraje kṣetre mamādeśo'dhunā dhruvam || 29 ||
[Analyze grammar]

tatra tiṣṭhaṃti yāḥ patnyo munīnāṃ bhāvitātmanām || |
bhūṣaṇāni vicitrāṇi tāsāṃ yaccha yathecchayā || 30 ||
[Analyze grammar]

na tāsāṃ patayo'smākaṃ prakurvaṃti pratigraham |
kathaṃcidapi suśroṇi lobhyamānāpi bhūriśaḥ || 31 ||
[Analyze grammar]

strīṇāṃ bhūṣaṇajā cintā sadā caivādhikā bhavet |
laulyaṃ ca kautukaṃ caiva sadā bhūṣaṇajaṃ bhavet || 32 ||
[Analyze grammar]

api mṛnmayakaṃ kiṃcitkāṣṭhasūtramayaṃ ca vā |
jatukācamayaṃ vāpi nārī dhatte vibhūṣaṇam || 33 ||
[Analyze grammar]

eṣa eva bhavetteṣāmupakārasyasaṃbhavaḥ |
upāyaḥ padmapatrākṣi na cānyo'sti kathaṃcana || 34 ||
[Analyze grammar]

sā tatheti pratijñāya vicitrābharaṇāni ca |
gṛhītvā harṣasaṃyukā tatastatkṣetramāyayau || 35 ||
[Analyze grammar]

maṇimuktāmayānyeva kuṇḍalāni śubhāni ca |
tathā candrojjvalāhārānnūpurāṇi bṛhaṃti ca || 36 ||
[Analyze grammar]

indranīlamahānīlavaiḍūryakhacitāni ca |
padmarāgaistathā vajrairmāṇikyaiśca manoramaiḥ || 37 ||
[Analyze grammar]

keśaiḥ kaṃkaṇairdivyaiḥ śakracāpanibhaiḥ śubhaiḥ |
hemasūtraiśca jātyaiśca mekhalābhistathaiva ca || 38 ||
[Analyze grammar]

atha sā bodhane viṣṇoḥ saṃprāpte divase śubhe |
upavāsaparā snātā ekasminsalilāśaye || 39 ||
[Analyze grammar]

tīradeśe niveśyaiva mahābhūṣaṇaparvatam |
yasya prabhābhirugrābhirvyāptaṃ gaganamaṃḍalam || 40 ||
[Analyze grammar]

etasminnaṃtare prāptāstāpasyaḥ kautukānvitāḥ |
kīdṛśā rājapatnī sā kiṃrūpā kiṃvibhūṣaṇā || 41 ||
[Analyze grammar]

atha tāstāṃ samālokya divyabhūṣaṇabhūṣitām |
surūpāṃgīṃ samādhisthāṃ citte cintāṃ pracakrire || 42 ||
[Analyze grammar]

dhanyeyaṃ bhūpaterbhāryā yaivaṃ bhūṣaṇabhūṣitā |
damayaṃtī surūpāḍhyā sarvalakṣaṇalakṣitā || 43 ||
[Analyze grammar]

samādhyaṃtaṃ samāsādya tāpasīrvīkṣya sā'pi ca |
damayaṃtī namaścakre tāḥ sarvā vidhipūrvakam || 44 ||
[Analyze grammar]

tāḥ kṛtāṃjalinā prāha valguvākyaṃ manoharam |
mayāyaṃ bhūṣaṇastoma uddiśya garuḍadhvajam |
kalpito'dya dine snātvā samupoṣya dine hareḥ || 45 ||
[Analyze grammar]

tasmādgṛhṇaṃtu tāpasyo mayā dattāni vāṃchayā || |
bhūṣaṇāni vicitrāṇi prasādaḥ kriyatāṃ mama || 46 ||
[Analyze grammar]

tataścaikā'bravīttāsāmeṣā muktāvalī mama |
imāṃ dehi na me vāṃchā vidyate'nyā nṛpapriye || 47 ||
[Analyze grammar]

tatastayā vihasyoccaiḥ prakṣālya caraṇau svayam |
dattā muktāvalī tasyā vastrairdivyaiḥ samanvitā |
yasyāḥ ṣaṇmāṣatulyāni mauktikānyamalāni ca || 48 ||
[Analyze grammar]

śaratkāle yathā vyomni nakṣatrāṇi dvijottamāḥ |
tathānyā sparddhayā yuktā yayāce'malavarcasam |
hāraṃ nirmūlyatāyuktaṃ cittāhlādakaraṃ param || 49 ||
[Analyze grammar]

atha sā taṃ kare kṛtvā tasyā hāraṃ prayacchati |
tāvadanyā prajagrāha hāraṃ śṛṃgāralālasā || 50 ||
[Analyze grammar]

tataḥ śeṣāśca tāpasyo bhūṣaṇārthaṃ samutsukāḥ |
sasparddhā jagṛhustāni bhūṣaṇāni svayaṃ dvijāḥ || 51 ||
[Analyze grammar]

anyāścānyākare kṛtvā bhūṣaṇaṃ sumanoharam |
balādākṛṣya jagrāha dharṣayitvā tataḥ param || 52 ||
[Analyze grammar]

yathāyathā pragṛhṇaṃti tāpasyo bhūṣaṇārcitāḥ |
tathātathāsyāḥ saṃjajñe damayaṃtyā mudā hṛdi || 53 ||
[Analyze grammar]

anyāni ca pracikṣepa śataśo'tha sahasraśaḥ |
na tṛptirjāyate tāsāṃ tathāpi dvijasattamāḥ || 54 ||
[Analyze grammar]

bhūṣaṇābhāvamāsādya tataḥ sā pārthivapriyā |
hṛṣṭā provāca tāḥ sarvāḥ saṃtoṣaḥ kriyatāmiti || 55 ||
[Analyze grammar]

punaścaivānayiṣyāmi prabhāte nātra saṃśayaḥ |
anyāni ca vicitrāṇi yasyā rocaṃti yāni ca || 56 ||
[Analyze grammar]

tatastāḥ sakalāḥ procurgaccha tvaṃ pārthivapriye |
āgaṃtavyaṃ ca bhūyo'pi pragṛhyābharaṇāni ca || 57 ||
[Analyze grammar]

evamuktā tatastābhiḥ praṇipatya nṛpapriyā |
prahṛṣṭā prayayau tūrṇaṃ svapuraṃ prati saddvijāḥ || 58 ||
[Analyze grammar]

tāpasyopi gṛhaṃ gatvā vastrāṇi vividhāni ca |
bhūṣaṇāni ca gātreṣu sasparddhā nidadhustadā || 59 ||
[Analyze grammar]

tāpasīnāṃ catuṣkaṃ ca parityajya yatavratam |
śeṣābhiḥ pragṛhītāni maṇḍanāni yathecchayā || 60 ||
[Analyze grammar]

tataḥ prabhāte vimale prodgate ravimaṇḍale |
bhūyopi rājapatnī sā bhūṣaṇānyaṃbarāṇi ca || 61 ||
[Analyze grammar]

tathaiva pradadau tāsāṃ jagṛhuśca tathaiva tāḥ |
evaṃ tasyāḥ prayacchaṃtyā ahanyahani bhaktitaḥ || 62 ||
[Analyze grammar]

paṃcarātramatikrāṃtaṃ tṛptāstāstāpasapriyāḥ |
na rājñī tṛptimāyāti prayacchaṃtī prabhaktitaḥ || 63 ||
[Analyze grammar]

tataḥ śuśrāva tāpasyaścatasro'tra suniḥspṛhāḥ |
valkalājinadhāriṇyo na tasyāḥ pārśvamāgatāḥ |
na cānyā bhūṣitā dṛṣṭvā cakrurīrṣyāṃ kathaṃcana || 64 ||
[Analyze grammar]

atha sā tvaritaṃ gatvā tāsāṃ pārśvamaniṃditā |
bhūṣaṇāni mahārhāṇi gṛhītvā paṃcamīdine || 65 ||
[Analyze grammar]

tataḥ provāca tāḥ sarvāḥ prasādaḥ kriyatāmiti |
imāni bhūṣaṇārthāya bhūṣaṇāni pragṛhyatām || 66 ||
[Analyze grammar]

tāpasya ūcuḥ |
nāsmākaṃ bhūṣaṇaiḥ kāryaṃ bhūṣitā valkalairvayam |
tasmādgaccha nijaṃ harmyamarthibhyaḥ saṃpradīyatām || 67 ||
[Analyze grammar]

vadantīnāṃ tayā sārdhamevaṃ tāsāṃ dvijottamāḥ |
catvāraḥ patayaḥ prāptā ekaikasyāḥ pṛthakpṛthak || 68 ||
[Analyze grammar]

śunaḥśepo'tha śākreyo bauddho dāntaścaturthakaḥ |
viyanmārgaṃ hi catvāraḥ svāśramamāyayuḥ || 69 ||
[Analyze grammar]

śeṣāḥ sarve gatibhraṃśaṃ prāpya bhūmārgamāśritāḥ |
atha te svāśramaṃ dṛṣṭvā vikṛtākārabhūṣaṇam |
kimidaṃkimidaṃ procuryattāpasyo viḍaṃbitāḥ || 70 ||
[Analyze grammar]

kenaivaṃ pāpmanā'smākamāśramo'yaṃ viḍaṃbitaḥ |
pradattvā tāpasīnāṃ ca bhūṣaṇānyaṃbarāṇi ca || 71 ||
[Analyze grammar]

tatpatnya ūcuḥ |
camatkārasya bhūpasya yaiṣā bhāryā vyavasthitā || 09 ||
[Analyze grammar]

anayā saṃpradattāni sarvāsāṃ bhūṣaṇāni vai || 72 ||
[Analyze grammar]

asmākamapi saṃprāptā gṛhe vai nṛpavallabhā |
dātuṃ vibhūṣaṇānyeva niṣiddhā'smābhiradya sā || 73 ||
[Analyze grammar]

sūta uvāca |
tāsāṃ tadvacanaṃ śrutvā tataste kopa mūrcchitāḥ |
ūcustāṃ nṛpaterbhāryāṃ śāpaṃ dātuṃ muhurmuhuḥ || 74 ||
[Analyze grammar]

dvisaptatirvayaṃ pāpe snānārthaṃ puṣkare gatāḥ |
kārtikyāṃ vyomamārgeṇa manomārutaraṃhasā || 75 ||
[Analyze grammar]

catvārasta ime prāptā yeṣāṃ dāraiḥ pratigrahaḥ |
na kṛtastasya bhūpasya kubhāryāyāḥ kathaṃcana || 76 ||
[Analyze grammar]

tasmādviḍaṃbito yasmādāśramo'yaṃ tapasvinām |
śilārūpā ca bhavatī tasmādbhavatu kutsitā || 707 ||
[Analyze grammar]

atha sā tatkṣaṇādeva śilārūpā babhūva ha |
niśceṣṭā tatkṣaṇādeva munivākyādanaṃtaram || 78 ||
[Analyze grammar]

tataḥ sa parivāro'syāstadduḥkhena samākulaḥ |
vāṣpapūrṇekṣaṇo dīnaḥ prasthitaḥ svapuraṃ prati || 79 ||
[Analyze grammar]

kathayāmāsa tatsarvaṃ damayaṃtyāḥ samudbhavam |
vṛttāṃtaṃ brāhmaṇaśreṣṭhāstasyāḥ śāpasamudbhavam || 80 ||
[Analyze grammar]

śrutvā sa pārthivastūrṇaṃ vṛttāṃtaṃ śāpajaṃ tadā |
prasādanāya viprāṇāṃ duḥkhitaḥ sa vanaṃ yayau || 81 ||
[Analyze grammar]

tataste munayastūrṇaṃ catvāro'pi mahīpatim |
jñātvā prasādanārthāya bhāryārthaṃ samupasthitam || 82 ||
[Analyze grammar]

agrihotrāṇi dārāṃśca samādāya tataḥ param |
kurukṣetraṃ samājagmuḥ khamārgeṇa drutaṃ tadā || 83 ||
[Analyze grammar]

pārthivo'pi samanveṣya yatnāttānsarvato munīn |
nirviṇṇaḥ śramārtaśca bhāryāvyasanaduḥkhitaḥ || 94 ||
[Analyze grammar]

tato jagāma taṃ deśaṃ yatra bhāryā śilāmayī |
sā sthitā tāpasīvṛndaiḥ sarvato'pi samanvitā || 85 ||
[Analyze grammar]

atha tāṃ tādṛśīṃ dṛṣṭvā sevakaiḥ sakalairvṛtaḥ |
hāheti sa muhuḥ procya mūrcchitaḥ prāpatatkṣitau || 96 ||
[Analyze grammar]

tataḥ kṛcchrātsamāsādya saṃjñāṃ toyasamukṣitaḥ |
pralāpamakarotpaścātsmṛtvāsmṛtvā priyānguṇān || 87 ||
[Analyze grammar]

hā priye mṛgaśāvākṣi mama prāṇavināśini |
māṃ muktvā'dya priyaṃ kāṃtaṃ kva gatāsi śubhānane || 88 ||
[Analyze grammar]

nābhukte mayi bhuktāsi nidrāṃ nā'nidrite gatā |
na saubhāgyasya garveṇa mamājñā laṃghitā kvacit || 89 ||
[Analyze grammar]

na smarāmi tvayā proktaṃ kadācidvi kṛtaṃ vacaḥ |
rahasyapi viśālākṣi kimu bhojanasaṃsadi || 90 ||
[Analyze grammar]

sūta uvāca |
evaṃ pralapatastasya bhūpateḥ karuṇaṃ bahu |
āyātā maṃtriṇastasya śrutvā bhūpaṃ tathāvidham || 91 ||
[Analyze grammar]

tataḥ saṃbodhya taṃ kṛcchāddṛṣṭāntairvahuvistaraiḥ |
rājarṣīṇāṃ purāṇānāṃ mahadvyasanasaṃbhavaiḥ || 92 ||
[Analyze grammar]

ninyustaṃ bhūpatiṃ dīnaṃ vāṣpavyākulalocanam |
niśvasaṃtaṃ yathānāgaṃ tejasā parivarjitam || 93 ||
[Analyze grammar]

so'pi kṛtvā'layaṃ tasyāḥ samaṃtātsumanoharam |
karpūrāgarudhūpādyairvastrakuṃkumacandanaiḥ |
yojayāmāsa tāṃ bhāryāṃ śilārūpāmapi sthitām || 94 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye damayantyupākhyāne damayantyā vipraśāpena śilātvaprāptāvānartādhipatikṛtaśokakathanaṃnāmaikādaśottara śatatamo'dhyāyaḥ || 111 ||
[Analyze grammar]