Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 91

< Previous

Next >

[English text for this chapter is available]

sūta uvāca |
evamuktvā sa bhagavānvirarāma pitāmahaḥ |
saṃtoṣya pāvakaṃ kruddhaṃ svayameva dvijottamāḥ || 1 ||
[Analyze grammar]

tataḥ sarvaiḥ suraiḥ sārdhaṃ śakraviṣṇuśivādibhiḥ |
jagāma brahmalokaṃ ca devāste ca nijaṃ padam || 2 ||
[Analyze grammar]

pāvako'pi dvijeṃdrāṇāmagnihotreṣu saṃsthitaḥ |
havirjagrāha vidhivadvasorddhārodbhavaṃ tathā || 3 ||
[Analyze grammar]

evaṃ tatra samudbhūtamagnitīrthamanuttamam |
yatra snāto naraḥ prātarmucyate dinajādaghāt || 4 ||
[Analyze grammar]

atha saṃprasthitāndṛṣṭvā tāndevānsvāśramaṃ prati |
gajeṃdraśukamaṇḍūkāste procurduḥkhasaṃyutāḥ || 5 ||
[Analyze grammar]

yuṣmatkṛte vayaṃ śaptāḥ pāvakena sureśvarāḥ |
tasmājjihvākṛte'smākamupāyaściṃtyatāmapi || 6 ||
[Analyze grammar]

devā ūcuḥ |
viparītāpi te jihvā yathānyeṣāṃ gajottama |
kāryakṣamā na saṃdeho bhaviṣyati viśeṣataḥ || 7 ||
[Analyze grammar]

tathā yūyaṃ narendrāṇāṃ maṃdireṣu vyavasthitāḥ |
bahu mānasamāyuktā mṛṣṭānnaṃ bhakṣayiṣyatha || 8 ||
[Analyze grammar]

yathā ca śuka te jihvā kṛtā maṃdā havirbhujā |
tathāpi bhūmipālānāṃ śaṃsanīyā bhaviṣyati || 9 ||
[Analyze grammar]

śrīmatāṃ ca tathānyeṣāmasmadīyaprasādataḥ |
tvaṃ ca maṃḍūka yattena vijihvo vahninā kṛtaḥ |
tadbhaviṣyati te śabdo vijihvasyāpi dīrghagaḥ || 10 ||
[Analyze grammar]

evamuktvā'tha te devāḥ svasthānaṃ prasthitāstataḥ |
teṣāmanugrahaṃ kṛtvā kṛpayā parayā yutā || 11 ||
[Analyze grammar]