Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

ṛṣaya ūcuḥ |
agnitīrthaṃ tvayā proktaṃ brahmatīrthaṃ ca yatpurā |
na tayoḥ kathitotpattirmāhātmyaṃ ca mahāmate || 1 ||
[Analyze grammar]

tasmādvistarato brūhi ekaikasya pṛthakpṛthak |
na vayaṃ tṛptimāpannāḥ śṛṇvataste vaco'mṛtam || 2 ||
[Analyze grammar]

sūta uvāca |
atra vaḥ kīrtayiṣyāmi kathāṃ pātakanāśinīm |
agnitīrthasamudbhūtāṃ sarvasaukhyāvahāṃ śubhām || 3 ||
[Analyze grammar]

somavaṃśasamudbhūtaḥ pratīpo nāma bhūpatiḥ |
purāsīcchauryasaṃpanno brahmajñānavicakṣaṇaḥ || 4 ||
[Analyze grammar]

tasya putradvayaṃ jajñe sarvalakṣaṇalakṣitam |
devāpiḥ prathamastatra dvitīyaḥ śaṃtanurdvijāḥ || 5 ||
[Analyze grammar]

atho śivapadaṃ prāpte pratīpe nṛpasattame |
tapo'rthaṃ rājyamutsṛjya devāpirniyaryau vanam || 6 ||
[Analyze grammar]

tataśca maṃtribhiḥ sarvaiḥ śaṃtanustasya cānujaḥ |
pitṛpaitāmahe rājye satvaraṃ sanniyojitaḥ || 7 ||
[Analyze grammar]

etasminnaṃtare śakro na vavarṣa kruddhā'nvitaḥ |
yāvaddvādaśavarṣāṇi tasmi nrājyaṃ praśāsati || 8 ||
[Analyze grammar]

ataḥ kṛcchraṃ gataḥ sarvo lokaḥ kṣutparipīḍitaḥ |
cāmuṃḍāsadṛśo jāto yo na mṛtyuvaśaṃgataḥ || 9 ||
[Analyze grammar]

saṃtyaktāḥ patibhirnāryaḥ putrāśca pitṛbhirnijaiḥ |
mātaraśca tathā putrairlokeṣvanyeṣu kā kathā || 10 ||
[Analyze grammar]

daivayogātkvacitkiṃcitkasyacidyadi dṛśyate |
sasyaṃ siddhamasiddhaṃ vā hriyate vīryataḥ paraiḥ || 11 ||
[Analyze grammar]

śuṣkā mahīruhāḥ sarve tathā ye ca jalāśayāḥ |
nadyaśca svalpatoyāśca gaṃgādyā api saṃsthitāḥ || 12 ||
[Analyze grammar]

evaṃ vṛṣṭeḥ kṣaye jāte naṣṭe dharmapathe tathā |
loke'sminnasthisaṃghātaiḥ pūrite bhasmanā vṛte || 13 ||
[Analyze grammar]

na kaścidyajanaṃ cakre na svādhyāyaṃ na ca vratam |
evamālokyate vyoma vṛṣṭyarthaṃ kṣutsamākulaiḥ || 14 ||
[Analyze grammar]

etasminneva kāle tu viśvāmitro mahāmuniḥ |
carmāsthiśeṣasarvāṃgo bubhukṣārta itastataḥ || 15 ||
[Analyze grammar]

paribhramaṃstataḥ prāpya kaṃcidgrāmaṃ nirudvasam |
mṛtamartyodbhavaivyāptamasthisaṃghaiḥ samaṃtataḥ || 16 ||
[Analyze grammar]

atha tatra bhramanprāptaścaṃḍālasya niveśanam |
śūnye go'sthisamākīrṇe durgaṃdhena samāvṛte || 17 ||
[Analyze grammar]

athāpaśyanmṛtaṃ tatra sārameyaṃ ciroṣitam |
saṃśuṣkaṃ gandhanirmuktaṃ gṛhaprāṃte vyavasthitam || 19 ||
[Analyze grammar]

samādāya tatastaṃ ca āpaddharmaparāyaṇaḥ |
prakṣālya salile paścātpracakarta tadā muniḥ || 19 ||
[Analyze grammar]

tataśca śrapayāmāsa susamiddhe hutāśane |
kṣutkṣāmo bhojanārthāya tataḥ pākāgrameva ca || 20 ||
[Analyze grammar]

samādāya pitṝṃstarpya yāvadagnau juhoti saḥ |
tāvadvahniḥ parityajya samastamapi bhūtalam || 21 ||
[Analyze grammar]

gataścādarśanaṃ sadyaḥ sarveṣāṃ kṣitivāsinām |
citte kopaṃ samādhāya śakrasyopari bhūriśaḥ || 22 ||
[Analyze grammar]

etasminnaṃtare vahnau martyalokādvinirgate |
viśeṣātpīḍitā lokā ye'vaśiṣṭā dharātale || 23 ||
[Analyze grammar]

etasminnaṃtare devā brahmaviṣṇupuraḥ sarāḥ |
vahneranveṣaṇārthāya vabhramurdharaṇītale || 24 ||
[Analyze grammar]

atha tairbhramamāṇaiśca pradṛṣṭo'bhūdgajo mahān |
niśvasanpatito bhūmau vahnitāpaprapīḍitaḥ || 25 ||
[Analyze grammar]

atha devā gajaṃ dṛṣṭvā papracchustvarayā'nvitāḥ |
kaccittvayā sa dṛṣṭo'tra kānane pāvako gaja || 26 ||
[Analyze grammar]

gaja uvāca |
vaṃśastaṃbe'tra saṃkīrṇe saṃpraviṣṭo hutāśanaḥ |
sāṃprataṃ tena nirdagdhaḥ kṛcchrādatrāhamāgataḥ || 27 ||
[Analyze grammar]

atha tairveṣṭitastasminvaṃśastaṃbe hutāśanaḥ |
devairdattvā gajeṃdrasya śāpaṃ paścādvinirgataḥ || 28 ||
[Analyze grammar]

yasmāttvayāhamādiṣṭo devānāṃ vāraṇādhama |
tasmāttava mukhe jihvā viparītā bhaviṣyati || 29 ||
[Analyze grammar]

evaṃ śaptvā gajaṃ śīghraṃ naṣṭo vaiśvānaraḥ punaḥ |
devāścāpi tathā pṛṣṭhe saṃlagnāstaddidṛkṣayā || 30 ||
[Analyze grammar]

atha dṛṣṭaḥ śukastaiśca bhramamāṇairmahāvane |
bhobhoḥ śuka tvayā vahniryadi dṛṣṭo nivedyatām || 31 ||
[Analyze grammar]

śuka uvāca |
yo'yaṃ saṃdṛśyate dūrācchamīgarbhe ca pippalaḥ |
etasmiṃstiṣṭhate vahniraśvatthe surasattamāḥ || 32 ||
[Analyze grammar]

atrastho yaḥ kulāyo ma āsīcchiśusamanvitaḥ |
saṃdagdhastatpratāpena ahaṃkṛcchrādvinirgataḥ || 33 ||
[Analyze grammar]

tacchrutvā taiḥ suraiḥ sarvaiḥ śamīgarbhaḥ sa tatkṣaṇāt |
veṣṭitaḥ pāvako'pyāśu śukaṃ śaptvā vinirgataḥ || 34 ||
[Analyze grammar]

ahaṃ yasmāttvayā pāpa devānāṃ saṃniveditaḥ |
tasmācchuka na te vāṇī vispaṣṭā saṃbhaviṣyati || 35 ||
[Analyze grammar]

evamuktvā jātavedā devādarśanavāṃchayā |
hāṭakeśvaraje kṣetre devasya parameṣṭhinaḥ || 36 ||
[Analyze grammar]

jalāśayaṃ sugambhīraṃ pūrvottaradiksaṃsthitam |
dṛṣṭvā tatra praviṣṭastu nibhṛtaṃ ca samāśritaḥ || 37 ||
[Analyze grammar]

etasminnaṃtare tatra matsyakacchapadardurāḥ |
vahnipratāpanirdagdhā dṛśyaṃte śataśo mṛtāḥ || 38 ||
[Analyze grammar]

atha caiko'rdhanirdagdha āyuḥśeṣeṇa darduraḥ |
tasmājjalādviniṣkrāṃto dṛṣṭo devaiśca dūrataḥ || 39 ||
[Analyze grammar]

pṛṣṭaśca brūhi cedbheka tvayā dṛṣṭo hutāśanaḥ |
tadarthamiha saṃprāptāḥ sarve devāḥ savāsavāḥ || 40 ||
[Analyze grammar]

bheka uvāca |
asmiñjalāśaye vahniḥ sāṃprataṃ paryavasthitaḥ |
tasyaite jalamadhyasthā mṛtā bhūrijalodbhavāḥ || 41 ||
[Analyze grammar]

asmākaṃ nidhanaṃ prāptaṃ kuṭumbaṃ surasattamāḥ |
ahaṃ kṛcchreṇa niṣkrāṃta etasmājjalasaṃśrayāt || 42 ||
[Analyze grammar]

tacchrutvā te surāḥ sarve sarvatastaṃ jalāśayam |
veṣṭayitvā sthitāstatra vahnirbhekaṃ śaśāpa ha || 43 ||
[Analyze grammar]

yasmādbheka tvayā mūḍha devebhyo'haṃ niveditaḥ |
tasmāttvaṃ bhavitā nūnaṃ vijihvo'tra dharātale || 44 ||
[Analyze grammar]

evamuktvā tataḥ sthānāttato vahnirvinirgataḥ |
tāvatsa brahmaṇā proktaḥ svayameva mahātmanā || 45 ||
[Analyze grammar]

bhobho vahne kimarthaṃ tvaṃ devāndṛṣṭvā pragacchasi |
tvamādyaścaiva sarveṣāmeteṣāṃ saṃsthito mukham || 46 ||
[Analyze grammar]

tvayyāhutirhutā samyagādityamupatiṣṭhate |
ādityājjāyate vṛṣṭirvṛṣṭerannaṃ tataḥ prajāḥ || 47 ||
[Analyze grammar]

tasmāddhātā vidhātā ca tvameva jagataḥ sthitaḥ |
saṃtuṣṭe dhāryate viśvaṃ tvayi ruṣṭe vinaṃkṣyati || 48 ||
[Analyze grammar]

agniṣṭomādikā yajñāstvayi sarve pratiṣṭhitāḥ |
atha sarvāṇi bhūtāni jīvaṃti tava saṃśrayāt || 49 ||
[Analyze grammar]

tvamagne sarvabhūtānāmantaścarasi sarvadā |
tenaivānnaṃ ca pānaṃ ca jaṭharasthaṃ pacatyalama || 50 ||
[Analyze grammar]

tasmātkuru prasādaṃ tvaṃ sarveṣāṃ ca divaukasām |
kopasya kāraṇaṃ brūhi yatastyaktvā pragacchasi || 51 ||
[Analyze grammar]

sūta uvāca |
tasya tadvacanaṃ śrutvā devasya parameṣṭhinaḥ |
provāca praṇayātkopaṃ kṛtvā natvā ca padmajam || 52 ||
[Analyze grammar]

agniruvāca |
ahaṃ kopaṃ samādhāya śakrasyopari padmaja |
praṇaṣṭo jagadutsṛjya yasmāttatkāraṇaṃ śṛṇu || 53 ||
[Analyze grammar]

anāvṛṣṭyā mahendrasya saṃjātaścauṣadhīkṣayaḥ |
tato'smyahaṃ śvamāṃsena viśvāmitreṇa yojitaḥ || 54 ||
[Analyze grammar]

etasmātkāraṇānnaṣṭo na kāmānna ca saṃbhramāt |
abhakṣyabhakṣaṇādbhītaḥ satyametanmayoditam || 55 ||
[Analyze grammar]

tacchrutvā sa caturvaktraḥ śakramāha tataḥ param |
yuktameva śikhī prāha kimarthaṃ na ca varṣasi || 56 ||
[Analyze grammar]

śakra uvāca |
jyeṣṭhaṃ bhrātaramullaṃghya śaṃtanuḥ pṛthivīpatiḥ |
pitṛpaitāmahe rājye sa niviṣṭaḥ pitāmaha || 57 ||
[Analyze grammar]

etasmātkāraṇādvṛṣṭiḥ saṃniruddhā mayā prabho |
tadbrūhi kiṃ karomyadya tvaṃ pramāṇaṃ pitāmaha || 58 ||
[Analyze grammar]

pitāmaha uvāca |
tasyākramasya saṃprāptaṃ pāpaṃ tena mahībhujā |
upabhuktamavṛṣṭyādya tasmādvṛṣṭiṃ kuru drutam || 59 ||
[Analyze grammar]

madvākyādyāti no nāśaṃ yāvadetajjagattrayam |
akālenāpi devendra sasyābhāvādbubhukṣayā || 60 ||
[Analyze grammar]

etasminnaṃtare śakra ādideśa tvarānvitaḥ |
puṣkarāvartakānmeghānvṛṣṭyarthaṃ dharaṇītale || 61 ||
[Analyze grammar]

te'pi śakrasamādeśātsamastadharaṇītalam |
tatkṣaṇātpūrayāmāsurgarjanto vidyudanvitāḥ || 62 ||
[Analyze grammar]

athābravītpunarbrahmā devaiḥ sārdhaṃ hutāśanam |
agnihotreṣu viprāṇāṃ pratyakṣo bhava pāvaka |
sāṃprataṃ tvaṃ varaṃ mattaḥ prārthayasvābhivāṃchitam || 63 ||
[Analyze grammar]

agniruvāca |
ayaṃ jalāśayaḥ puṇyo mannāmnā pṛthivītale |
khyātiṃ yātu caturvaktra vahnitīrthamiti smṛtam || 64 ||
[Analyze grammar]

atra yaḥ prātarutthāya snātvā śraddhā samanvitaḥ |
agnisūktaṃ japitvā ca tvāṃ prapaśyati sādaram |
tasya tuṣṭistvayā kāryā drutaṃ madvākyataḥ prabho || 65 ||
[Analyze grammar]

śrībrahmovāca |
atra yaḥ prātarutthāya snātvā vai vedaviddvijaḥ |
agnisūktaṃ japitvā ca vīkṣayiṣyati māṃ tataḥ || 66 ||
[Analyze grammar]

agniṣṭomasya yajñasya sakalaṃ lapsyate phalam |
anekajanmajaṃ pāpaṃ nāśameṣyati pāvaka || 67 ||
[Analyze grammar]

sūta uvāca |
evamuktvā sa bhagavānvirarāma pitāmahaḥ |
pāvako'pi ca viprāṇāmagnihotreṣu saṃsthitaḥ || 68 ||
[Analyze grammar]

evaṃ tatra samudbhūtaṃ vahnitīrthaṃ mahādbhutam |
tatra snāto naraḥ prātaḥ sarvapāpaiḥ pramucyate || 69 ||
[Analyze grammar]

agniruvāca || mamātṛptasya lokeśa tāvaddvādaśavatsarān |
kṣutpīḍāsaṃvṛte martye na prāptaṃ kutraciddhaviḥ || 70 ||
[Analyze grammar]

bhaviṣyaṃti tathā yajñā kālena mahatā vibho |
saṃjātaiḥ paśubhirbhūyaḥ sasyādairaparairbhuvi || 71 ||
[Analyze grammar]

śrībrahmovāca |
atra ye brāhmaṇāḥ kecinnivasaṃti hutāśana |
vasorddhārāpradānena te tvāṃ naktaṃdinaṃ sadā || 72 ||
[Analyze grammar]

tarpayiṣyaṃti sadbhaktyā tataḥ puṣṭimavāpsyasi |
te'pi kāmyairmano'bhīṣṭairbhaviṣyaṃti samanvitāḥ || 73 ||
[Analyze grammar]

saṃkrāṃti samaye yeṣāṃ vasordhārāpradāyinām |
bhaviṣyati kṣutaṃ vahne hūyamāne tavānala || 74 ||
[Analyze grammar]

teṣāṃ pāpaṃ ca yatkiṃcijjñānato'jñānataḥ kṛtam |
tadyāsyati kṣayaṃ sarvamājanmamaraṇāṃtikam || 75 ||
[Analyze grammar]

tvayi tuṣṭiṃ gate paścādbhaviṣyati mahīpatiḥ |
śibirnāma suvikhyāta uśīnarasamudravaḥ || 76 ||
[Analyze grammar]

sa kṛtvā śraddhayā yuktaḥ satraṃ dvādaśavārṣikam |
vasorddhārāpradānena varṣaṃ tvāṃ tarpayiṣyati |
kalaśasya ca vaktreṇāvicchinnena divāniśam || 77 ||
[Analyze grammar]

tatastuṣṭiṃ parāṃ prāpya parāṃ puṣṭimavāpsyasi |
pūjyamāno dharāpṛṣṭhe sarvairvedavidāṃ varaiḥ || 78 ||
[Analyze grammar]

adyaprabhṛti yatkiṃcitkarma cātra bhaviṣyati |
śāṃtikaṃ pauṣṭikaṃ vāpi vasorddhārāsamanvitam |
saṃbhaviṣyati tatsarvaṃ tava tṛptikaraṃ param || 79 ||
[Analyze grammar]

api yadvaiśvadevīyaṃ karma kiṃciddvijanmanām |
vasorddhārāvihīnaṃ ca niṣphalaṃ saṃbhaviṣyati || 80 ||
[Analyze grammar]

yasmādbhavati saṃpūrṇaṃ karma yajñādikaṃ hi tat |
śāṃtikaṃ vaiśvadevaṃ ca pūrṇāhutirihocyate || 81 ||
[Analyze grammar]

yaḥ samyakchraddhayā yukto vasorddhārāṃ pradāsyati |
sa kāmaṃ manasā dhyātaṃ samavāpsyati kṛtsnaśaḥ || 82 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 90

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: