Chapter 80

[English text for this chapter is available]

| atha suparṇākhyamāhātmyaṃ bhaviṣyaṃti |
ṛṣaya ūcuḥ |
yadetadbhavatā proktaṃ tejovīryasamanvitaḥ |
garuḍastena saṃjajñe munīnāṃ homakarmaṇā || 1 ||
[Analyze grammar]

sa kathaṃ tatra saṃbhūta etanno vistarādvada |
vinatāyāḥ samudbhūta ityeṣā śrūyate śrutiḥ || 2 ||
[Analyze grammar]

sūta uvāca |
yo'sāvātharvaṇairmaṃtraiḥ kalaśaścābhimantritaḥ |
tairmaṃtrairvālakhilyaiśca mahā'marṣasamanvitaiḥ || 3 ||
[Analyze grammar]

nivāritaiśca dakṣeṇa sūcite vihagādhipe |
kaśyapastaṃ samādāya kalaśaṃ prayayau gṛham || 4 ||
[Analyze grammar]

tataḥ provāca saṃhṛṣṭo vinatāṃ dayitāṃ nijām |
etatpiba jalaṃ bhadre mantrapūtaṃ mahattaram || 5 ||
[Analyze grammar]

yena te jāyate putraḥ sahasrākṣādhiko balī |
tejasvī ca yaśasvī ca ajeyaḥ sarva dānavaiḥ || 6 ||
[Analyze grammar]

tasya tadvacanaṃ śrutvā tatkṣaṇādeva saṃpapau |
tattoyaṃ sā varārohā sadyo garbhaṃ tato dadhe || 7 ||
[Analyze grammar]

evaṃ tajjalapānena tejovīryasama nvitaḥ |
kaśyapādgaruḍo jajñe sarvasarpabhayāvahaḥ || 8 ||
[Analyze grammar]

yenāmṛtaṃ hṛtaṃ vīryātparibhūya puraṃdaram |
mātṛbhaktiparītena sarpāṇāṃ saṃniveditam || 9 ||
[Analyze grammar]

yo jajñe dayito viṣṇorvāhanatvamupāgataḥ |
dhvajāgre tu rathasyāpi yaḥ sadaiva vyavasthitaḥ || 10 ||
[Analyze grammar]

yena pūrvaṃ tapastaptvā kṣetre'traiva mahātmanā |
trinetrastuṣṭimānīto gatapakṣeṇa dhīmatā || 11 ||
[Analyze grammar]

pakṣāptiryena saṃjātā yasya bhūyo'pi tādṛśī |
devadevaprasādena viśiṣṭā cā'tha nirmitā || 12 ||
[Analyze grammar]

munaya ūcuḥ |
kathaṃ tasya gatau pakṣau garuḍasya mahātmanaḥ |
punarlabdhau kathaṃ tena kathaṃ tuṣṭo maheśvaraḥ |
etanno vistarādbrūhi sūtaputra yathātatham || 13 ||
[Analyze grammar]

sūta uvāca |
purāsīdbrāhmaṇo mitraṃ bhṛguvaṃśakulodvahaḥ |
garuḍasya dvijaśreṣṭhā bālabhāvādapi prabho || 14 ||
[Analyze grammar]

tasya kanyā purā jātā mādhavī nāma saṃmatā |
rūpaudāryasamopetā sarvalakṣaṇalakṣitā || 15 ||
[Analyze grammar]

na devī na ca gandharvī nāsurī na ca pannagī |
tādṛgrūpā mahābhāgā yādṛśī sā sumadhyamā || 16 ||
[Analyze grammar]

atha tasyā varārthāya garuḍaṃ vihagādhipam |
sa provāca paraṃ mitraṃ vinayāvanataḥ sthitaḥ || 17 ||
[Analyze grammar]

etasyā mama kanyāyā varaṃ tvaṃ vihagādhipa |
sadṛśaṃ vīkṣayasvādya yena tasmai dadāmyaham || 18 ||
[Analyze grammar]

garuḍa uvāca |
mama pṛṣṭhaṃ samāruhya samastaṃ kṣitimaṃḍalam |
tvaṃ bhramasva dvijaśreṣṭha gṛhītvemāṃ ca kanyakām || 19 ||
[Analyze grammar]

tatastasyāḥ kumāryā vai anurūpaṃ guṇānvitam |
svayaṃ cāhara bhartārameṣā maitrī mamodbhavā || 20 ||
[Analyze grammar]

sūta uvāca |
evamukto'tha vipraḥ sa tatkṣaṇātkanyayā saha |
ārūḍho gāruḍaṃ pṛṣṭhaṃ varārthāya dvijottamāḥ || 21 ||
[Analyze grammar]

yaṃyaṃ paśyati vipraḥ sa kumāraṃ taruṇākṛtim |
sa sa no tasya cittāṃte vartatesma kathaṃcana || 22 ||
[Analyze grammar]

kasyacidrūpamatyugraṃ na kulaṃ ca sunirmalam |
kulaṃ rūpaṃ ca yasya syāttasya no guṇasaṃcayaḥ || 23 ||
[Analyze grammar]

yasya vā guṇasandohastasya no rūpamuttamam |
pakṣapātaṃ ca vittaṃ ca tathānyadvaralakṣaṇam || 24 ||
[Analyze grammar]

evaṃ varṣasahasrāṃte bhramatastasyabhūtalam |
viprasya pakṣināthasya varārthāya drijottamāḥ || 25 ||
[Analyze grammar]

kadācidatha tau śrāntau bhramamāṇāvitastataḥ |
kṣetre'traiva samāyātau vāsudevadidṛkṣayā || 26 ||
[Analyze grammar]

śvetadvīpaṃ samālokya tathānyāṃ badarīṃ śubhām |
kṣīrodaṃ ca savaikuṇṭhaṃ tathānyaṃ tasya saṃśrayam || 27 ||
[Analyze grammar]

atha tābhyāṃ munirdṛṣṭo nārado brahmasaṃbhavaḥ |
sāṃtvapūrvaṃ tadā pṛṣṭo viṣṇuṃ brahma sanātanam || 28 ||
[Analyze grammar]

kva devaḥ puṃḍarīkākṣaḥ sāṃprataṃ vartate mune |
viṣṇusthānāni sarvāṇi vīkṣitāni samaṃtataḥ |
āvābhyāṃ saṃprahṛṣṭābhyāṃ na saṃdṛṣṭaḥ sa keśavaḥ || 29 ||
[Analyze grammar]

nārada uvāca |
jalaśāyisvarūpeṇa yāvanmāsacatuṣṭayam |
hāṭakeśvaraje kṣetre sa saṃtiṣṭhati sarvadā || 30 ||
[Analyze grammar]

tasmāttaddarśanārthāya gamyatāṃ tatra mā ciram |
yena sandarśanaṃ yāti dvābhyāmapi sa cakradhṛk || 31 ||
[Analyze grammar]

ahamapyeva tatraiva prasthitastasya darśanāt |
prasthitaśca tvayā yuko devakāryeṇa kenacit || 32 ||
[Analyze grammar]

atha tau pakṣiviprendrau sa ca brahmasuto muniḥ |
prāptāḥ sarve sthito yatra jalaśāyī janārdanaḥ || 33 ||
[Analyze grammar]

atha dṛṣṭvā mahattejo vaiṣṇavaṃ dūrato'pi tam |
brāhmaṇaṃ garuḍaḥ prāha nāradaśca munīśvaraḥ || 34 ||
[Analyze grammar]

atraiva tvaṃ dvijaśreṣṭha tiṣṭha dūre'pi tejasaḥ |
vaiṣṇavasya sutāyuktaḥ kalpāṃtāgnisamam va || 35 ||
[Analyze grammar]

no cetsaṃpatsyase bhasma pataṃga iva pāvakam |
samāsādya niśāyoge mūḍhaṃ bhāvaṃ samāśritaḥ || 36 ||
[Analyze grammar]

āvābhyāṃ tatprasādena soḍhametatsuduḥsaham |
na karoti śarīrārti tathānyadapi kutsitam || 37 ||
[Analyze grammar]

evaṃ taṃ brāhmaṇaṃ tatra muktvā dūre sutānvitam |
gatau tau tatra saṃsuptastoye yatra janārdanaḥ || 38 ||
[Analyze grammar]

divyastutiparau mūrdhni dhṛtahastāṃjalīpuṭau |
pulakāṃkitasarvāṃgāvānandāśruplutānanau || 39 ||
[Analyze grammar]

triḥparikamya taṃ devamaṣṭāṃgaṃ praṇatau harim |
dṛṣṭavantau ca pādāṃte saṃniviṣṭāṃ samudrajām || 40 ||
[Analyze grammar]

pādasaṃvāhanāsaktāṃ viṣṇu vaktrāhitekṣaṇām |
athāparāṃ vayovṛddhāṃ śvetavastrāvaguṃṭhitām || 41 ||
[Analyze grammar]

sanniviṣṭāṃ tadabhyāśe samyagdhyānaparāyaṇām |
dvādaśārkaprabhāyuktāṃ kṛśāṃgīṃ pulakānvitām || 42 ||
[Analyze grammar]

atha tau viṣṇunā harṣādubhāvapi praharṣitau |
saṃbhāṣitau ca saṃpṛṣṭau yadarthaṃ ca samāgatau || 43 ||
[Analyze grammar]

śrīnārada uvāca |
ahaṃ hi surakāryeṇa saṃprāpyo'tra tavāṃtikam |
garuḍo vai brāhmaṇāya yanmāṃ pṛcchasi keśava || 44 ||
[Analyze grammar]

śrībhagavānuvāca |
kaccitkṣemaṃ muniśreṣṭha sarveṣāṃ tridivaukasām |
kaccinneṃdrasya saṃjātaṃ bhayaṃ dānavasaṃbhavam || 45 ||
[Analyze grammar]

yajñabhāgaṃ labhaṃte sma kacciddevāḥ savāsavāḥ |
kaccinna dānavaḥ kaścidutkaṭo'bhūddharātale || 46 ||
[Analyze grammar]

śrīnārada uvāca |
sāṃprataṃ dharaṇī prāptā caturvaktrasya saṃnidhau |
rorūyamāṇā bhārārtā dānavaiḥ pīḍitā bhṛśam |
provāca padmajaṃ tatra duḥkhena mahatā'nvitā || 47 ||
[Analyze grammar]

dharaṇyuvāca |
kālanemirhato yo'sau viṣṇunāprabhaviṣṇunā |
ugrasenasutaḥ kaṃsaḥ saṃbhūtaḥ sa mahāsuraḥ || 48 ||
[Analyze grammar]

ariṣṭo dhenukaḥ keśī pralambonāma cāparaḥ |
tathānyā tu mahāraudrā pūtanā nāma rākṣasī || 49 ||
[Analyze grammar]

itaścetaśca dhāvadbhirdānavairebhireva ca |
vṛthā me jāyate pīḍā tathānyairapi dāruṇaiḥ || 50 ||
[Analyze grammar]

ūrdhvabāhustathā jāto martyaloke jano'dhunā |
bahutvānna pramāti sma kathaṃciddhi mamopari || 51 ||
[Analyze grammar]

bhārāvataraṇaṃ deva na kariṣyasi cāśu cet |
rasātalaṃ prayāsyāmi tadā'haṃ nātra saṃśayaḥ || 52 ||
[Analyze grammar]

tasyāstadvacanaṃ śrutvā brahmaṇā lokakartṛṇā |
saṃmaṃtrya vibudhaiḥ sārdhaṃ preṣito'haṃ tavāṃtikam || 53 ||
[Analyze grammar]

proktavyo bhagavānvākyaṃ tvayā devo janārdanaḥ |
yathā'vatīrya bhūpṛṣṭhe bhāramasyāḥ praṇāśayet || 54 ||
[Analyze grammar]

tasmādbhūbhitale deva kṛtvā janma svayaṃ vibho |
bhāraṃ nāśaya medinyā etadartha mihāgataḥ || 55 ||
[Analyze grammar]

śrībhagavānuvāca |
evaṃ mune kariṣyāmi saṃmaṃtrya brahmaṇā saha |
bhārāvataraṇaṃ bhūmeḥ sākaṃ devaiḥ savāsavaiḥ || 56 ||
[Analyze grammar]

evamuktvā'tha taṃ viṣṇurnāradaṃ munipuṃgavam |
tataśca garuḍaṃ prāha tvaṃ kimarthamihāgataḥ || 57 ||
[Analyze grammar]