Chapter 79

[English text for this chapter is available]

| sūta uvāca |
tasyaiva dakṣiṇe bhāge vālakhilyaiḥ pratiṣṭhitam |
liṃgamasti suvikhyātaṃ sarvapātakanāśanam || 1 ||
[Analyze grammar]

yamārādhya ca taiḥ pūrvaṃ śakrāmarṣasamanvitaiḥ |
garuḍo janitaḥ pakṣī khyāto viṣṇuratho'tra yaḥ || 2 ||
[Analyze grammar]

ṛṣaya ūcuḥ |
kathaṃ teṣāṃ samutpannaḥ śakrasyopari sūtaja |
prakopo vālakhilyānāṃ saṃjajñe garuḍaḥ katham || 3 ||
[Analyze grammar]

sūta uvāca |
purā prajāpatirdakṣastasminkṣetre suśobhane |
cakāra vidhivadyajñaṃ saṃpūrṇavaradakṣiṇam || 4 ||
[Analyze grammar]

tataḥ śakrādayo devāḥ sahāyārthaṃ nimaṃtritāḥ |
dakṣeṇa munayaścaiva tathā rājarṣayo'malāḥ || 5 ||
[Analyze grammar]

tathā vedavido viprā yajñakarmavicakṣaṇāḥ |
gṛhasthāśramiṇo ye ca ye cāraṇyanivāsinaḥ || 6 ||
[Analyze grammar]

atha te vālakhilyākhyā munayaḥ saṃśitavratāḥ |
ekāṃ samidhamādāya sāhāyyārthaṃ prajāpateḥ |
prasthitā yajñavāṭaṃ taṃ bhārārtāḥ kleśasaṃyutāḥ || 7 ||
[Analyze grammar]

atha teṣāṃ samastānāṃ mārge goṣpadamāgatam |
jalapūrṇaṃ samāyātamakālajaladāgame || 8 ||
[Analyze grammar]

tatastarītu kāmāste kliśyamānā itastataḥ |
samidbhāraśramopetā devarājena vīkṣitāḥ || 9 ||
[Analyze grammar]

gacchatā tena mārgeṇa makhe dakṣaprajāpateḥ |
tataściraṃ samālokya smitaṃ kṛtvā sa kautukāt |
jagāmātha samullaṃghya aiśvaryamadagarvitaḥ || 10 ||
[Analyze grammar]

tataste kopasaṃyuktāḥ śakrāddṛṣṭvā parābhavam |
nivṛtya svāśramaṃ gatvā cakrurmaṃtraṃ saniścayam || 11 ||
[Analyze grammar]

śākraṃ padaṃ samāsādya yasmādetena pāpmanā |
atikrāṃtā vayaṃ sarve tasmātpātyaḥ sa satpadāt || 12 ||
[Analyze grammar]

anyaḥ śakraḥ prakartavyo maṃtravīryasamudbhavaḥ |
ātharvaṇairmahāsūktairābhicārikasaṃbhavaiḥ || 13 ||
[Analyze grammar]

yena vyāpādyate tena śakro'yaṃ madagarvitaḥ |
makhamāhātmyasaṃpannaḥ svalpabuddhiparā kramaḥ || 14 ||
[Analyze grammar]

tataste śucayo bhūtvā skaṃdasūktena pāvakam |
juhuvuśca divārātrau kṣurikoktena sodyamāḥ || 158 ||
[Analyze grammar]

garbhopaniṣadenaiva nīlarudrairdvijottamāḥ |
rudraśīrṣeṇa kāmyena viṣṇusūktayutena caṃ || 16 ||
[Analyze grammar]

nidhāya kalaśaṃ madhye maṃḍalasyodakāvṛtam |
homāṃte tatra saṃsparśaṃ cakrustasya jalaiḥ śubhaiḥ || 17 ||
[Analyze grammar]

etasminnaṃtare śakraḥ prapaśyati sudāruṇān |
utpātānātmanāśāya jāyamānānsamaṃtataḥ || 18 ||
[Analyze grammar]

vāmo bāhuśca netraṃ ca muhuḥ sphurati cāsya vai |
na ca paśyati nāsāgraṃ jihvāgraṃ ca tathā hanum || 19 ||
[Analyze grammar]

śirohīnāṃ tathā chāyāṃ gagane bhāskaradvayam |
aruṃdhatīṃ dhruvaṃ caiva na ca viṣṇupadāni saḥ || 20 ||
[Analyze grammar]

na ca maṃdaṃ na cākāśe saṃsthitāṃ svardhunīṃ hariḥ |
svapanpaśyati kṛṣṇāṃgīṃ nityaṃ nārīṃ dhṛtāyudhām || 21 ||
[Analyze grammar]

muktakeśīṃ vivastrāṃ ca kṛṣṇadaṃtāṃ bhayānakām |
tāndṛṣṭvā sa mahotpātāndevarājo bṛhaspatim || 22 ||
[Analyze grammar]

papraccha bhayasaṃtrastaḥ kimetaditi me guro |
jāyaṃte sumahotpātā durnimittāni vai pṛthak || 23 ||
[Analyze grammar]

kiṃ me bhaviṣyati prājña vināśaḥ sāṃprataṃ vada |
kiṃ vā trailokya rājyasya kiṃ vā vittādikasya ca || 24 ||
[Analyze grammar]

bṛhaspatiruvāca |
ye tvayā madamattena vālakhilyā maharṣayaḥ |
ullaṃghitāḥ sthitā mārge goṣpadaṃ tarttumicchavaḥ || 25 ||
[Analyze grammar]

tairevātharvaṇairmaṃtraistvakṛte'sti śacīpate |
kṛto homaḥ susaṃpūrṇaḥ kalaśaścābhimaṃtritaḥ || 26 ||
[Analyze grammar]

yuṣmākaṃ suvināśāya sarvadevādhināyakaḥ |
bhaviṣyati na saṃdeho maṃtrairātharvaṇairhariḥ || 27 ||
[Analyze grammar]

tasya tadvacanaṃ śrutvā sahasrākṣo bhayānvitaḥ |
dakṣaṃ gatvā ca dīnāsyaḥ provāca tadanaṃtaram || 28 ||
[Analyze grammar]

asmannāśāya munibhirvālakhilyaiḥ prajāpate |
prodyamo vihitaḥ samyakchakrasyānyasya vai kṛte || 29 ||
[Analyze grammar]

tānvāraya svayaṃ gatvā yāvanno jāyate paraḥ |
śakro'smaddhvaṃsanārthāya nāsti teṣāmasādhyatā || 30 ||
[Analyze grammar]

atha dakṣo drutaṃ gatvā śakrādyairamarairvṛtaḥ |
prahasaṃstānuvācedaṃ vinayena samanvitaḥ || 31 ||
[Analyze grammar]

kimetatkriyate viprāḥ karma raudratamaṃ mahat |
trailokyaṃ vyākulaṃ yena sarvametadvyavasthitam || 32 ||
[Analyze grammar]

atha te dakṣamālokya samāyātaṃ svamāśrayam |
saṃmukhāścābhyayustūrṇaṃ pragṛhītārghyapāṇayaḥ || 33 ||
[Analyze grammar]

arghyaṃ dattvā yathānyāyaṃ pūjāṃ kṛtvātha bhaktitaḥ |
procuśca praṇatā bhūtvā svāgataṃ te prajāpate || 34 ||
[Analyze grammar]

ādeśo dīyatāṃ śīghraṃ yadarthamiha cāgataḥ |
api prāṇapradānena kariṣyāmaḥ priyaṃ tava || 35 ||
[Analyze grammar]

dakṣa uvāca |
etadraudratamaṃ karma sarvadevabhayāvaham |
tyājyaṃ yuṣmābhiravyagrairetadarthamihāgataḥ || 36 ||
[Analyze grammar]

munaya ūcuḥ |
vayaṃ śakreṇa te yajñe samāyātāḥ subhaktitaḥ |
ullaṃghitā madodrekātkṛtvā hāsyaṃ muhurmuhuḥ || 37 ||
[Analyze grammar]

śakrocchedāya cāsmābhiḥ śako'nyo vīryamaṃtrataḥ |
prārabdhaḥ kartumatyugrairhomāṃtaśca vyavasthitaḥ || 38 ||
[Analyze grammar]

tatkathaṃ maṃtravīryaṃ tatkriyate moghamityaho |
vedoktaṃ ca viśeṣeṇa tasmādatra vada prabho || 39 ||
[Analyze grammar]

tvameva yadi śaktaḥ syādanyathā kartumeva hi |
kuruṣva vā svayaṃ nātha nāsmākaṃ śaktirīdṛśī || 40 ||
[Analyze grammar]

dakṣa uvāca |
satyametanmahābhāgā yadyuṣmābhiḥ prakīrtitam |
nānyathā śakyate kartuṃ vedamantrodbhavaṃ balam || 41 ||
[Analyze grammar]

tadya eṣa kṛto homo yuṣmābhirvedamaṃtrataḥ |
devarājārthamavyagraiḥ kalaśaścābhimaṃtritaḥ || 42 ||
[Analyze grammar]

so'yaṃ madvacanādrājā bhaviṣyati patatriṇām |
tejovīryasamopetaḥ śakrādapi suvīryavān || 43 ||
[Analyze grammar]

etasya devarājasya kṣaṃtavyaṃ mama vākyataḥ |
tatkṛtaṃ mūḍhabhāvena yadanena viceṣṭitam || 44 ||
[Analyze grammar]

evamuktvātha teṣāṃ taṃ sahasrākṣaṃ bhayāturam |
darśayāmāsa dakṣastu vinayāvanataṃ sthitam || 45 ||
[Analyze grammar]

te'pi dṛṣṭvā sahasrākṣaṃ vepamānaṃ kṛtāṃjalim |
procurmā'tikramaṃ śakra brāhmaṇānāṃ kariṣyasi || 46 ||
[Analyze grammar]

bhūyo yadi diveśānāmādhipatyaṃ pravāṃchasi |
api mando'pi mūrkho'pi kriyāhīno'pi vā dvijaḥ |
nāvajñeyo budhaiḥ kvāpi lokadvaya mabhīpsubhiḥ || 47 ||
[Analyze grammar]

indra uvāca |
ajñānādyadi vā jñānādyanmayā kukṛtaṃ kṛtam |
tatkṣaṃtavyaṃ dvijaiḥ sarvairviśeṣāddakṣa vākyataḥ || 48 ||
[Analyze grammar]

pragṛhyatāṃ varo'smākaṃ yaḥ sadā vartate hṛdi |
pradāsyāmi na saṃdeho nādeyaṃ vidyate mama || 49 ||
[Analyze grammar]

munaya ūcuḥ |
asminkuṇḍe naro homaṃ yaḥ kuryācchraddhayā'nvitaḥ |
etalliṃgaṃ samabhyarcya tasyā'stu hṛdi vāṃchitam || 50 ||
[Analyze grammar]

indra uvāca |
etalliṃgaṃ samabhyarcya yo'tra homaṃ kariṣyati |
kuṃḍe'tra vāṃchitaṃ sadyaḥ saphalaṃ sa hi lapsyate || 51 ||
[Analyze grammar]

niṣkāmo vā'tha saṃpūjya liṃgametacchubhāvaham |
prayāsyati parāṃ siddhiṃ tridaśairapi durlabhām || 52 ||
[Analyze grammar]

sūta uvāca |
evamuktvā sahasrākṣo vālakhilyānmunīśvarān |
airāvataṃ samāruhya dakṣayajñe tato gataḥ || 53 ||
[Analyze grammar]

dakṣo'pi vidhivadyajñaṃ cakāra dvijasattamāḥ |
saṃhṛṣṭairvālakhilyaistairupaviṣṭaiḥ samīpataḥ || 54 ||
[Analyze grammar]