Chapter 73

[English text for this chapter is available]

| sūta uvāca |
evaṃ te kauravāḥ sarve pāṃḍoḥ putrāśca śālinaḥ |
tasmātsthānāttato jagmuryatra dvāravatī purī || 1 ||
[Analyze grammar]

tatra gatvā vivāhaṃ tu cakruḥ saṃhṛṣṭamānasāḥ |
duryodhanasya bhūpasya bhānumatyā samaṃ tadā || 2 ||
[Analyze grammar]

nānāvāditraghoṣeṇa vedadhvaniyutena ca |
gītairmanoharaiḥ pāṭhairbandināṃ ca sahasraśaḥ || 3 ||
[Analyze grammar]

evaṃ mahotsavo jajñe tatra yāvaddināṣṭakam |
yādavānāṃ kurūṇāṃ ca militānāṃ parasparam || 4 ||
[Analyze grammar]

kṛtārthāstatra saṃjātāḥ sūtamāgadha bandinaḥ |
cāraṇā brāhmaṇeṃdrāśca tathānye'pi ca tārkikāḥ || 5 ||
[Analyze grammar]

tatastu navame prāpte divase kurupāṃḍavāḥ |
bhīṣmādyāḥ puṃḍarīkākṣamidamūcuḥ sasauhṛ dam || 6 ||
[Analyze grammar]

na vayaṃ puṃḍarīkākṣa tava rāmasya cāśrayam |
kathaṃcittyaktumicchāmaḥ snehapāśaniyaṃtritāḥ || 7 ||
[Analyze grammar]

tathāpi ca pragantavyaṃ svapuraṃ prati mādha va |
balabhadrasamāyuktastasmānnaḥ kuru mokṣaṇam || 8 ||
[Analyze grammar]

viṣṇuruvāca |
na tāvadvatsaro jāto na māsaḥ pakṣa eva ca |
sthitānāmatra yuṣmākaṃ tatkimautsukyamāgatam || 9 ||
[Analyze grammar]

tasmādatraiva tiṣṭhāmaḥ sahitāḥ kurupāṃḍavāḥ |
yūyaṃ vayaṃ vinodena mṛgayākṣodbhavena ca || 10 ||
[Analyze grammar]

śastraśikṣākriyābhiśca damanena ca dantinām |
tathābhivāṃchitairanyaiḥ sneho'sti yadi vo mayi || 11 ||
[Analyze grammar]

bhīṣma uvāca |
upapannamidaṃ viṣṇo yattvayā vyāhṛtaṃ vacaḥ |
paraṃ śṛṇuṣva me vākyaṃ yadarthaṃ hyutsukā vayam || 12 ||
[Analyze grammar]

ānartaviṣaye'smābhirāgacchadbhistavāṃtikam |
dṛṣṭamatyadbhutaṃ kṣetraṃ hāṭakeśvarajaṃ mahat |
tatra liṃgāni dṛṣṭāni bhūpatīnāṃ mahātmanām || 13 ||
[Analyze grammar]

sūryacandrānvayotthānāmanyeṣāṃ ca mahātmanām || 14 ||
[Analyze grammar]

devānāṃ dānavānāṃ ca munīnāṃ ca viśeṣataḥ |
sākārāṇi sutejāṃsi nānāprāsādabhoji ca || 15 ||
[Analyze grammar]

tataśca kurumukhyānāṃ pāṃḍavānāṃ ca mādhava |
liṃgasaṃsthāpanārthāya tatra jātā matirdṛḍhā || 16 ||
[Analyze grammar]

te vayaṃ tatra gatvāśu yathāśaktyā yathecchayā |
liṃgāni sthāpayiṣyāmaḥ svānisvāni pṛthakpṛthak || 17 ||
[Analyze grammar]

etasmātkāraṇāttūrṇaṃ calitā vayamacyuta |
na vayaṃ tava saṃgasya tṛpyāmo'bdaśatairapi || 18 ||
[Analyze grammar]

tasmādājñāpayasvādya kṛtvā cittaṃ dṛḍhaṃ vibho |
bhūyo'pyatrāgamiṣyāmastava darśanalālasāḥ || 19 ||
[Analyze grammar]

śrībhagavānuvāca |
ahaṃ jānāmi tatkṣetraṃ supuṇyaṃ pāpanāśanam |
tāpasaiḥ kīrtitaṃ nityaṃ mamānyaistīrthayātrikaiḥ || 20 ||
[Analyze grammar]

tasmāttatra sameṣyāmo yuṣmābhiḥ sahitā vayam |
liṃga saṃsthāpanārthāya kṣetradarśanavāṃchayā || 21 ||
[Analyze grammar]

sūta uvāca |
tacchutvā kauravāḥ sarve paraṃ harṣamupāgatāḥ |
tathā pāṃḍusutāścaiva ye cānye tatra pārthivāḥ || 22 ||
[Analyze grammar]

te tu saṃprasthitāḥ sarve militāḥ kurupāṃḍavāḥ |
gajavājivimardena kampayanto vasundharām || 23 ||
[Analyze grammar]

atha tatkṣetramāsādya dūre kṛtvā niveśanam |
kauravā yādavā mukhyāścamatkārapuraṃ gatāḥ || 24 ||
[Analyze grammar]

tatra sarvānsamāhūya brāhmaṇānvinayānvitāḥ |
procurdattvā vicitrāṇi bhūṣaṇācchādanāni ca || 25 ||
[Analyze grammar]

vayaṃ sarve'tra vāṃchāmo ligasaṃsthāpanakriyām |
kartuṃ prāsādamukhyānāṃ pṛthaktvena svaśaktitaḥ || 26 ||
[Analyze grammar]

tasmātkṛtvā prasādaṃ no dayāṃ ca dvijasattamāḥ |
ājñāpayata śīghraṃ hi yena karma pravartate || 27 ||
[Analyze grammar]

bhaviṣyatha tathā yūyaṃ hotāraḥ sarvakarmasu |
na cānyo brāhmaṇo bāhyo yadyapi syādbṛhaspatiḥ || 28 ||
[Analyze grammar]

yato'smābhiḥ śrutā vārtā kīrtyamānā purātanī |
viṣṇunā tasya rājarṣeḥ pretaśrāddhasamudbhavā || 29 ||
[Analyze grammar]

yathā tena kṛtaṃ śrāddhaṃ pituḥ pretasya yatnataḥ |
brāhmaṇānāṃ puro'nyeṣāṃ yathoktānāmapi dvijāḥ || 30 ||
[Analyze grammar]

yathoktavidhinā tīrthe nāgānāṃ paṃcamīdine || |
śrāvaṇe māsi no muktaḥ pitā tasya tathāpi saḥ || 31 ||
[Analyze grammar]

pretatvātsarpadoṣeṇa saṃjātā dvijasattamāḥ |
devaśarmapuro yāvattatkṛtaṃ śrāddhamādarāt |
tāvatpitā vinirmuktaḥ pretatvāddāruṇāddvijāḥ || 32 ||
[Analyze grammar]

yadatra kriyate kiṃcitkarma dharmyaṃ dvijottamāḥ |
tadbāhyaṃ ca bhavedvyarthametadvidmaḥ sphuṭaṃ vayam || 33 ||
[Analyze grammar]

prārthayāmo viśeṣeṇa tena dainyaṃ samāgatāḥ |
prasādaḥ kriyatāṃ tasmādājñāṃ yacchata mā ciram || 34 ||
[Analyze grammar]

sūta uvāca |
teṣāṃ tadvacanaṃ śrutvā brāhmaṇāste parasparam |
mantraṃ cakrustadarthaṃ hi kiṃ kṛtaṃ sukṛtaṃ bhavet || 35 ||
[Analyze grammar]

eke procurna dāsyāmaḥ prāsādārthaṃ vasundharām |
eteṣāmapi caikasya tasmādgacchaṃtu satvaram || 36 ||
[Analyze grammar]

paṃcakrośapramāṇena kṣetrametadvyavasthitam |
pūrveṣāmapi devānāṃ prāsādaistatsamāvṛtam || 37 ||
[Analyze grammar]

anye procurdhanomattā yūyaṃ ca sukhamāśritāḥ |
dāridyārtiṃ na jānītha brūtha tena bhṛśaṃ vacaḥ || 38 ||
[Analyze grammar]

tasmādvayaṃ pradāsyāma eteṣāṃ hi vasu ndharām |
arthasiddhirbhavedyena bhūṣā sthānasya jāyate || 39 ||
[Analyze grammar]

tathānye madhyamāḥ procuryatra sākṣājjanārdanaḥ |
svayaṃ prārthayate bhūmiṃ tatkasmānna pradīyate || 40 ||
[Analyze grammar]

tasmādyatra samāyātāḥ kurupāṃḍavayādavāḥ |
prādhānyena prakurvaṃtu prāsādāṃstena cāpare || 41 ||
[Analyze grammar]

yācate yatra gāṃgeyaḥ svayameva tathā paraḥ |
dhṛtarāṣṭraḥ saputraśca pāṃḍavāśca mahābalāḥ |
liṃgasaṃsthāpanārthāya niṣedhastatra nārhati || 42 ||
[Analyze grammar]

teṣāṃ tadvacanaṃ śrutvā pratipannaṃ dvijottamaiḥ |
nirdhanaiḥ sadhanaiścāpi saspṛhairniḥspṛhairapi || 43 ||
[Analyze grammar]

tataḥ sametya te sarve brāhmaṇāḥ kurusattamān |
yādavānpāṃḍavānprocuḥ kṛtvā vai mantraniścayam || 44 ||
[Analyze grammar]

brāhmaṇā ūcuḥ |
etatsvalpataraṃ kṣetraṃ sarveṣāmapi bhūbhujām |
prāsādaiḥ sarvato vyāptaṃ tatkiṃ brūmo'dhunā vayam || 45 ||
[Analyze grammar]

tadbhavaṃtaḥ prakurvaṃtu prādhānyena yadṛcchayā |
kṣetre'traivābhimukhyena prāsādānsumanoharān |
yathājyeṣṭhaṃ yathāśreṣṭhaṃ pṛthaktvena vyavasthitāḥ || 46 ||
[Analyze grammar]

atha harṣasamāyuktā dhṛtarāṣṭramukhāḥ kramāt |
prādhānyena yathāśreṣṭhaṃ cakruḥ prāsādapaddhatim || 47 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye dhṛtarāṣṭrādikṛtaprāsādasthāpanodyamavarṇanaṃnāma trisaptatitamo'dhyāyaḥ || 73 ||
[Analyze grammar]