Chapter 72

[English text for this chapter is available]

| sūta uvāca |
tatraiva sthāpitaṃ liṃgaṃ dhṛtarāṣṭreṇa bhūbhujā |
duryodhanena cālokya sarvapāpaiḥ pramucyate || 1 ||
[Analyze grammar]

ṛṣaya ūcuḥ |
kasminkāle narendreṇa dhṛtarāṣṭreṇa bhūbhujā |
tatra saṃsthāpitaṃ ligaṃ vada tvaṃ raumaharṣaṇe || 2 ||
[Analyze grammar]

sūta uvāca |
āsīdbhānumatīnāma balabhadrasutā purā |
sarvalakṣaṇasaṃpannā rūpau dāryaguṇānvitā || 3 ||
[Analyze grammar]

tāṃ dadāvatha patnyarthe dhārtarāṣṭrāya dhīmate |
duryodhanāya saṃmantrya viṣṇunā saha yādavaḥ || 4 ||
[Analyze grammar]

atha nāgapurātsarve bhīṣma droṇādayaśca ye |
kauravāḥ prasthitāstūrṇaṃ purīṃ dvāravatīṃ prati || 5 ||
[Analyze grammar]

tathā pāṃḍusutāḥ paṃca parivārasamanvitāḥ |
saubhrātraṃ manyamānāste duryodhanasamanvi tāḥ |
jagmurdvāravatīṃ hṛṣṭāḥ sainyena mahatānvitāḥ || 6 ||
[Analyze grammar]

atha krameṇa gacchaṃtaste sarve kurupāṇḍavāḥ |
ānartaviṣayaṃ prāptā dhanadhānyasamākulam || 7 ||
[Analyze grammar]

sarvapāpaharaṃ puṇyaṃ yatra tatkṣetramuttamam |
hāṭakeśvaradevasya vikhyātaṃ bhuvanatraye || 8 ||
[Analyze grammar]

atha prāha viśuddhātmā vṛddhaḥ kurupitāmahaḥ |
dhṛtarāṣṭraṃ mahīpālaṃ saputraṃ prahasanniva || 9 ||
[Analyze grammar]

bhīṣma uvāca |
etadvatsa purā dṛṣṭaṃ mayā kṣetramanuttamam |
hāṭakeśvaradevasya sarvapātakanāśanam || 10 ||
[Analyze grammar]

atrāhaṃ caiva ni rmuktaḥ strīhatyodbhavapātakāt |
tasmādatraiva rājeṃdra tiṣṭhāmaḥ paṃcavāsarān || 11 ||
[Analyze grammar]

yena sarvāṇi paśyāmastīrthānyāyatanāni ca |
yānyatra saṃti puṇyāni munīnāṃ bhāvitātmanām || 12 ||
[Analyze grammar]

atha tadvacanādrājā dhṛtarāṣṭroṃ'bikāsutaḥ |
śatasaṃkhyaiḥ sutaiḥ sārdhaṃ kautūhalasamanvitaḥ || 13 ||
[Analyze grammar]

jagāma satvaraṃ tatra yatra tatkṣetramuttamam |
tapasvigaṇasaṃkīrṇaṃ yuktaṃ caivāśramaiḥ śubhaiḥ || 14 ||
[Analyze grammar]

brahmaghoṣeṇa mahatā nāditaṃ sarvatodiśam |
vahnipūjotthadhūmreṇa kaluṣīkṛtapāda pam |
krīḍāmṛgaiśca saṃkīrṇaṃ dhāvadbhirbahubhistathā || 15 ||
[Analyze grammar]

tato nivārya sainyaṃ svamupadravabhayānnṛpaḥ |
pañcabhiḥ pāṃḍavaiḥ sārdhaṃ śatasaṃkhyaistathā sutaiḥ || 16 ||
[Analyze grammar]

bhīṣmeṇa somadattena bāhlīkena samanvitaḥ |
droṇācāryeṇa vīreṇa tatputreṇa kṛpeṇa ca || 17 ||
[Analyze grammar]

saubalena ca karṇena tathānyairapi pārthivaiḥ |
parivāraparityaktaistasminkṣetre cacāra saḥ || 18 ||
[Analyze grammar]

te'pi sarve mahātmānaḥ kṣatriyāstatra saṃsthitāḥ |
cakrurdharmakriyāḥ sarvāḥ śraddhāpūtena cetasā || 19 ||
[Analyze grammar]

snānaṃ cakrurvidhānena tīrtheṣu dvijasattamāḥ |
bhrāṃtvābhrāṃtvā supuṇyeṣu śrutvāśrutvā dvijanmanām || 20 ||
[Analyze grammar]

dānāni ca viśiṣṭāni daduriṣṭāni cāpare |
dīnebhyaḥ kṛpaṇebhyaśca tapasvibhyo viśeṣataḥ || 21 ||
[Analyze grammar]

cakruḥ śrāddhakriyāścānye pitṝnuddiśya bhaktitaḥ |
pitṝṇāṃ tarpaṇaṃ cānye tilamiśra jalena ca || 22 ||
[Analyze grammar]

anye homakriyā bhūpā japamanye nirargalam |
svādhyāyamapare śāntāḥ samyakchraddhāsamanvitāḥ || 23 ||
[Analyze grammar]

devatāyatanānyanye māhātmyasahitāni ca |
śrutvā pūrvanṛpāṇāṃ ca pūjayaṃti viśeṣataḥ || 24 ||
[Analyze grammar]

balidānaiḥ suvastraiśca gandhapuṣpopalepanaiḥ |
mārjanaidhvajadānaiśca tathā prekṣaṇakaiḥ śubhaiḥ || 25 ||
[Analyze grammar]

maṃḍanaiḥ puṣpamālābhiḥ samaṃtāddvijasattamāḥ |
hastyaśvarathadānaiśca gorbhirvastraiśca kāṃcanaiḥ |
kṛtārthā brāhmaṇāḥ sarve kṛtāstai statra bhaktitaḥ || 26 ||
[Analyze grammar]

evaṃ snātvā tathā'bhyarcya devānviprānnṛpottamāḥ |
dhṛtarāṣṭrasamāyuktā jagmuḥ svaśibiraṃ tataḥ || 27 ||
[Analyze grammar]

śaṃsanto vismayā viṣṭāstīrthānyāyatanāni ca |
tasminkṣetre dvijāṃścaiva tāpasānsaṃśitavratān || 28 ||
[Analyze grammar]