Chapter 71

[English text for this chapter is available]

| sūta uvāca |
tāstatheti pratijñāya cakrustacchakraśāsanam |
sūtikāgṛhadharme yattaccakrustasya sarvaśaḥ || 1 ||
[Analyze grammar]

athānyadivase bālo dvādaśārkasamadyutiḥ |
saṃjajñe tena vīryeṇa dvibhujaika mukhaḥ śubhaḥ || 2 ||
[Analyze grammar]

yathāsau jātamātrastu praruroda suduḥkhitaḥ |
tacchrutvā ruditaṃ sarvāḥ kṛttikāstamupāgatāḥ || 3 ||
[Analyze grammar]

mahāseno'pi saṃvīkṣya mātṝstāḥ samupāgatāḥ |
sotkaṇṭhaḥ ṣaṇmukho jāto dvādaśākṣabhujastathā || 4 ||
[Analyze grammar]

ekaikasyāḥ pṛthaktena prapapau prayataḥ stanam |
dvābhyāmāliṃgayāmāsa bhujābhyāṃ snehapūrvakam || 5 ||
[Analyze grammar]

etasminnaṃtare prāptā brahmaviṣṇuśivādayaḥ |
sarve devāḥ sahendreṇa gandharvāpsarasastathā || 6 ||
[Analyze grammar]

mahotsavo'tha saṃjajñe tasminsthāne nirargalaḥ |
gītavādyapraṇādena yenaviśvaṃ prapūritam || 7 ||
[Analyze grammar]

raṃbhādyā nanṛtustasya vilāsinyo divaukasām |
jaguśca mukhyagandharvā ścitrāṃgadamukhāśca ye || 8 ||
[Analyze grammar]

tatastu devatāḥ sarvāstasya nāma pracakrire |
skandanādretaso bhūmau skanda ityeva sādaram || 9 ||
[Analyze grammar]

atha tasya kumā rasya tadā tatrābhiṣecanam |
senāpatyaṃ kṛtaṃ sākṣāddevānāṃ śaṃbhunā svayam || 10 ||
[Analyze grammar]

tasya śaktiḥ svayaṃ dattā vidhinā'dbhutadarśanā |
amoghā vijayārthāya daityapakṣakṣayāya ca || 11 ||
[Analyze grammar]

mayūro vāhanārthāya tryaṃbakeṇa suśīghrataḥ |
divyāstrāṇi mahendreṇa viṣṇunātha mahātmanā || 12 ||
[Analyze grammar]

tato'bhīṣṭāni śastrāṇi devaiḥ sarvaiḥ pṛthakpṛthak |
tasya dattāni saṃtuṣṭaistathā mātṛgaṇairapi || 13 ||
[Analyze grammar]

tatastamagrataḥ kṛtvā senānāthaṃ sureśvarāḥ |
jagmuḥ sasainikāstatra tārako yatra saṃsthitaḥ || 14 ||
[Analyze grammar]

tārako'pi samālokya devānsvayamupāgatān |
yuddhārthaṃ harṣasaṃyuktaḥ sammukhaḥ satvaraṃ yayau || 15 ||
[Analyze grammar]

tato'bhūtsumahadyuddhaṃ devānāṃ dānavaiḥ saha |
kopasaṃraktanetrāṇāṃ mṛtyuṃ kṛtvā nivartanam || 16 ||
[Analyze grammar]

atha skandena saṃvīkṣya dūrasthaṃ tārakaṃ raṇe |
samāhūya tato muktā sā śaktistasya mṛtyave || 17 ||
[Analyze grammar]

athāsau hṛdayaṃ bhittvā tasya daityasya dāruṇā |
camatkārapuropāṃte patitā rudhirokṣitā || 18 ||
[Analyze grammar]

tārakastu gato nāśaṃ muktaḥ prāṇaiśca tatkṣaṇāt |
tato devagaṇāḥ sarve saṃhṛṣṭāstaṃ mahābalam || 19 ||
[Analyze grammar]

stotrairbahuvidhaiḥ stutvā procustasminhate sati |
gatāśca tridivaṃ tūrṇaṃ saha śakreṇa nirbhayāḥ || 20 ||
[Analyze grammar]

skando'pi tāṃ samādāya śaktiṃ tatra purottame |
sthāpayāmāsa yenaiva raktaśṛṃgo'bhavaddṛḍhaḥ || 21 ||
[Analyze grammar]

ṛṣaya ūcuḥ |
raktaśṛṃgaḥ kathaṃ tena niścalo'pi dṛḍhīkṛtaḥ |
kasya vākyena no brūhi vistareṇa mahāmate || 22 ||
[Analyze grammar]

sūta uvāca |
yadā vai bhūmikampastu saṃprajātaḥ sudāruṇaḥ |
raktaśṛṅgaḥ pracalitaḥ svasthānādativegataḥ || 23 ||
[Analyze grammar]

tasya daityasya pātena yathānye parva tottamāḥ |
atha harmyāṇi sarvāṇi camatkārapure tadā || 24 ||
[Analyze grammar]

śīrṇāni calite tasminparvate vyathitā dvijāḥ |
prāyaśo nidhanaṃ prāptāstathā'nye mūrchayārditāḥ || 25 ||
[Analyze grammar]

hataśeṣāstato viprā gatvā skandaṃ krudhānvitāḥ |
procuśca kimidaṃ pāpa tvayā kṛtamabuddhinā || 26 ||
[Analyze grammar]

nāśaṃ nītā vayaṃ sarve saputrapaśubādhavāḥ |
tasmācchāpaṃ pradāsyāmo vayaṃ duḥkhena duḥkhitāḥ || 27 ||
[Analyze grammar]

skanda uvāca |
hitāya sarvalokānāṃ mayaitatsamanuṣṭhitam |
yaddhato dānavo raudro nānyathā dvijasattamāḥ || 28 ||
[Analyze grammar]

prasādaḥ kriyatāṃ tasmānmānyā me brāhmaṇāḥ sadā |
mṛtānapi dvijānsarvānahaṃ tānamṛtāśrayāt || 29 ||
[Analyze grammar]

punarjīvitasaṃyuktānkariṣyāmi na saṃśayaḥ |
tathā suniścalaṃ śailaṃ kariṣyāmi svaśaktitaḥ || 30 ||
[Analyze grammar]

evamuktvā samādāya tāṃ śaktiṃ rudhirokṣitām |
cakre sthāpanamasyāstu raktaśṛṅgasya mūrdhani || 31 ||
[Analyze grammar]

tataḥ provāca saṃhṛṣṭo devatānāṃ catuṣṭayam |
āṃbavṛddhāṃ tathaivāmrāṃ māhitthāṃ ca camatkarīm || 32 ||
[Analyze grammar]

yuṣmābhirniścalaḥ kāryo bhūyo'yaṃ nagasattamaḥ |
pralaye'pi yathā sthānādraktaśṛṅgaścalennahi || 33 ||
[Analyze grammar]

sadaiva khyātimāyātu mannāmnā puramuttamam || 32 ||
[Analyze grammar]

yuṣmākaṃ brāhmaṇāḥ sarve pūjāṃ dāsyaṃti sarvadā || 34 ||
[Analyze grammar]

bāḍhamityeva tāḥ procya caturdikṣu tataśca tam |
śūlāgraiḥ sudṛḍhaṃ cakruḥ skandavākyena harṣitāḥ |
tataścāmṛtamādāya mṛtānapi dvijottamān |
skando jīvāpayāmāsa dvijabhaktiparāyaṇaḥ || 36 ||
[Analyze grammar]

tataste brāhmaṇāstatra saṃhṛṣṭā varamuttamam |
dadustasya sa ca prāha mannāmaitatpurottamam |
sadaiva khyātimāyātu etanme hṛdi vāṃchitam || 37 ||
[Analyze grammar]

ṛṣaya ūcuḥ |
etatskandapuraṃnāma tava nāmnā bhaviṣyati |
camatkārapuraṃ tadvatsāṃprataṃ surasattama || 38 ||
[Analyze grammar]

pūjāṃ tava kariṣyāmaḥ kṛtvā prāsādamutta mam |
tathaiva devatāḥ sarvāścatasro'pi tvayā dhṛtāḥ || 39 ||
[Analyze grammar]

sarvāḥ saṃpūjayiṣyāmaḥ sarvakṛtyeṣu sādaram |
etāṃ caṃ tāvakīṃ śaktiṃ sadā suravarottama |
viśeṣātpūjayiṣyāmaḥ ṣaṣṭhyāṃ śraddhāsamanvitāḥ || 40 ||
[Analyze grammar]

sūta uvāca |
evaṃ sa brāhmaṇaiḥ prokto mahāseno mahābalaḥ |
sthitastatraiva tadvā kyājjñātvā tatkṣetramuttamam || 41 ||
[Analyze grammar]

yastaṃ pūjayate bhaktyā caitraṣaṣṭhyāṃ subhāvataḥ |
śuklāyāṃ tasya saṃtuṣṭiṃ kurute barhivāhanaḥ || 42 ||
[Analyze grammar]

tasyāṃ śaktau naro yaśca kuryātpṛṣṭhinigharṣaṇam |
pūjayitvā tu puṣpādyaiḥ samyakchraddhāsamanvitaḥ |
sa na syādrogasaṃyukto yāvatsaṃvatsaraṃ dvijāḥ || 43 ||
[Analyze grammar]

evaṃ tatra dhṛtā śaktistena skandena dhīmatā |
raktaśṛṃgasya rakṣārthaṃ tatpurasya viśeṣataḥ || 44 ||
[Analyze grammar]