Chapter 70

[English text for this chapter is available]

| sūta uvāca |
tathānyāpi ca tatrāsti śaktiḥ pāpapraṇāśinī |
kārtikeyena nirmuktā hatvā vai tārakaṃ raṇe || 1 ||
[Analyze grammar]

tathāsti sumahatkuṇḍaṃ svacchodakasamāvṛtam |
tenaiva nirmitaṃ tatra yaḥ snātvā tāṃ prapūjayet |
sa pāpānmucyate sadya ājanmamaraṇāṃti kāt || 2 ||
[Analyze grammar]

ṛṣaya ūcuḥ |
kasminkāle vinirmuktā sā śaktistena no vada |
kimarthaṃ svāminā tatra kiṃprabhāvā vada svayam || 3 ||
[Analyze grammar]

sūta uvāca |
purāsīttārakonāma dānavo'tibalānvitaḥ |
hiraṇyākṣasya dāyādastrailokyasya bhayāvahaḥ || 4 ||
[Analyze grammar]

sa jñātvā janakaṃ dhvastaṃ viṣṇunā prabhaviṣṇunā |
tapastepe tatastīvraṃ gokarṇaṃ prāpya parvatam || 5 ||
[Analyze grammar]

yāvadvarṣasahasrāṃtaṃ śīrṇaparṇā śanaḥ sthitaḥ |
dhyāyamāno mahādevaṃ kāyena manasā girā || 6 ||
[Analyze grammar]

varupūjopahāraiśca naivedyairvividhaistataḥ |
tato varṣasahasrāṃte sa daityo duḥkhasaṃyutaḥ || 7 ||
[Analyze grammar]

jñātvā rudramasaṃtuṣṭaṃ tato raudraṃ tapo'karot |
viniṣkṛttyātmamāṃsāni juhotisma hutāśane || 8 ||
[Analyze grammar]

tatastuṣṭo mahādevo vṛṣārūḍha umāpatiḥ |
sarvaireva gaṇaiḥ sārdhaṃ tasya saṃdarśanaṃ yayau || 9 ||
[Analyze grammar]

tatra provāca saṃhṛṣṭastāranādena nādayan |
diśaḥ sarvā mahādevo harṣa gadgadayā girā || 10 ||
[Analyze grammar]

bhobhostāraka tuṣṭo'smi sāhasaṃ medṛśaṃ kuru |
prārthayasva mano'bhīṣṭaṃ yena te pradadāmyaham || 11 ||
[Analyze grammar]

tāraka uvāca |
ajeyaḥ sarvadevānāṃ tvatprasādādahaṃ vibho |
yathā bhavāmi saṃgrāme tvāṃ vihāya tathā kuru || 12 ||
[Analyze grammar]

bhagavānuvāca |
matprasādādasaṃdigdhaṃ sarvametadbhaviṣyati |
tvayā yatprārthitaṃ daitya tvameko balavāniha || 13 ||
[Analyze grammar]

evamuktvā mahādevaḥ svameva bhavanaṃ gataḥ |
tārakaścāpi saṃhṛṣṭastathaivanija mandiram || 14 ||
[Analyze grammar]

tato dānavasainyena mahatā parivāritaḥ |
gataḥ śakrapurīṃ yoddhuṃ vikhyātāmamarāvatīm || 15 ||
[Analyze grammar]

athābhavanmahāyuddhaṃ devānāṃ dānavaiḥ saha |
yāvadvarṣasahasrāṃte mṛtyuṃ kṛtvā nivartanam || 16 ||
[Analyze grammar]

tatrābhavatkṣayo nityaṃ devānāṃ raṇamūrdhani |
vijayo dānavānāṃ ca prasādācchūlapā ṇinaḥ || 17 ||
[Analyze grammar]

tataścakrurupāyāṃste vijayāya divaukasaḥ |
varmāṇi suvicitrāṇi yantrāṇi parikhāstathā || 18 ||
[Analyze grammar]

anyānyapi śarīrasya rakṣaṇārthaṃ prayatnataḥ |
tathaiva yodhamukhyānāṃ viśeṣāddvijasattamāḥ || 19 ||
[Analyze grammar]

sasṛjuste surādhīśā dānavebhyo divāniśam || 20 ||
[Analyze grammar]

mudgarā bhiṃḍipālāśca śataghnyo'tha vareṣavaḥ |
prāsāḥ kuntāśca bhallāśca tasminkāle vinirmitāḥ |
viśeṣāhavasaṃbandhavyūhānāṃ prakriyāśca yāḥ || 21 ||
[Analyze grammar]

tathānyāni vicitrāṇi kūṭayuddhānyanekaśaḥ |
bhīṣikāḥ kuhakāścaiva śakrajālāni kṛtsnaśaḥ || 22 ||
[Analyze grammar]

na ca te vijayaṃ prāpustathāpi dvijasattamāḥ |
dānavebhyo mahāyuddhe prahārairjarjarīkṛtāḥ || 23 ||
[Analyze grammar]

atha prāha sahasrākṣo bhayatrasto bṛhaspatim |
dinedine vayaṃ daityairvijayāmo dvijottama || 24 ||
[Analyze grammar]

yathāyathā raṇārthāya sadupāyānkaromyaham |
tathātathā parābhūtirjāyate me mahāhave || 25 ||
[Analyze grammar]

tadupāyaṃ surācārya svabuddhyā tvaṃ pracintaya |
yena me syājjayo yuddhe tava kīrtiraninditā 0 || 26 ||
[Analyze grammar]

sūta uvāca |
tato bṛhaspatiḥ prāha ciraṃ dhyātvā śacīpatim |
prahṛṣṭavadano jñātvā jayopāyaṃ mahāhave || 27 ||
[Analyze grammar]

mayā śakra parijñātaḥ sa upāyo mahāhave |
jīyante śatravo yena līlayaivāpi bhūriśaḥ || 28 ||
[Analyze grammar]

yadābhīṣṭaṃ varaṃ tena prārthitastripurāṃtakaḥ |
tadaivaṃ vacanaṃ prāha praṇipatya muhurmuhuḥ || 29 ||
[Analyze grammar]

ajeyaḥ sarvadevānāṃ tvatprasādādahaṃ vibho |
yathā bhavāmi saṃgrāme tvāṃ vihāya tathā kuru || 30 ||
[Analyze grammar]

na taṃ svayaṃ mahādevaḥ svaśiṣyaṃ sūdayiṣyati |
viṣavṛkṣamapi sthāpya kaśchinatti punaḥ svayam || 31 ||
[Analyze grammar]

yo vai pitā sa putraḥ syācchrutivākyamidaṃ smṛtam |
tasmājjanayatu kṣipraṃ harastannāśakṛtsutam || 32 ||
[Analyze grammar]

yena senādhipatye taṃ viniyojya mahāhavam |
kurmo daityaiḥ samaṃ śastraiḥ prāpnuyāma tato jayam || 33 ||
[Analyze grammar]

eṣa eva upāyo'tra mayā te parikīrtitaḥ |
vijayāya sahasrākṣa nānyo'sti bhuvanatraye || 34 ||
[Analyze grammar]

tato devagaṇaiḥ sarvaiḥ sametaḥ pākaśāsanaḥ || |
tamarthaṃ proktavāñchaṃbhuṃ vinayāvanataḥ sthitaḥ || 35 ||
[Analyze grammar]

sutasya jananārthāya kuru yatnaṃ vṛṣadhvaja |
yena senādhipatye taṃ yojayāmi divaukasām || 36 ||
[Analyze grammar]

prāpnomyahaṃ ca saṃgrāme vijayaṃ tvatprasādataḥ |
nihatya dānavānsarvāṃstārakeṇa samanvitān || 37 ||
[Analyze grammar]

nānyathā vijayo me syātsaṃgrāme dānavaiḥ saha || |
iti māṃ prāha devejyo jñātvā samyaṅmahāmatiḥ || 38 ||
[Analyze grammar]

athovāca vihasyoccaiḥ śaṃkarastridaśeśvaram |
kariṣyāmi vacaḥ kṣipraṃ tava śakra na saṃśayaḥ || 39 ||
[Analyze grammar]

putramutpādayiṣyāmi sarvadaityavināśakam |
yaṃ tvaṃ senāpatiṃ kṛtvā jayaṃ prāpsyasi sarvadā || 40 ||
[Analyze grammar]

evamuktvā mahādevo gatvā kailāsa parvatam |
gauryā samaṃ tataścakre kāmadharmaṃ yathocitam || 41 ||
[Analyze grammar]

hāvairbhāvaiḥ samopetaṃ hāsyairanyaistadātmikaiḥ |
yāvadvarṣasahasrāṃtaṃ divyaṃ caiva nimeṣavat || 42 ||
[Analyze grammar]

atha devagaṇāḥ sarve bhayasaṃtrastamānasāḥ |
cakrurmaṃtraṃ tadarthaṃ hi tārakeṇa prapīḍitāḥ || 43 ||
[Analyze grammar]

sahasraṃ vatsarāṇāṃ tu ratāsaktasya śūlinaḥ |
atikrāṃtaṃ na devānāṃ tena kṛtyaṃ vinirmitam || 44 ||
[Analyze grammar]

tasmādgacchāmahe tatra yatra devo maheśvaraḥ |
saṃtiṣṭhate samaṃ gauryā kailāse vijane sthitaḥ || 45 ||
[Analyze grammar]

tatastatraiva saṃjagmuḥ sarve devāḥ savāsavāḥ |
udvahantaḥ parāmārtiṃ tārakārisamudbhavām || 46 ||
[Analyze grammar]

atha kailāsamāsādya yāvadyāṃti bhavāṃtikam |
niṣiddhā naṃdinā tāvanna gaṃtavyamataḥ param || 47 ||
[Analyze grammar]

rahasye bhagavānsārdhaṃ pārvatyā samavasthitaḥ |
asmākamapi no gamyaṃ tasmāttāvanna gamyatām || 48 ||
[Analyze grammar]

tatastairvibudhaiḥ sarvaiḥ preṣitastatra cānilaḥ |
kiṃ karoti mahādevaḥ śīghraṃ vijñāyatāmiti || 49 ||
[Analyze grammar]

atha vāyurgatastatra yatrāste bhagavāñchivaḥ |
gauryā saha ratāsakta ānandaṃ paramaṃ gataḥ || 50 ||
[Analyze grammar]

atha pracalite śukre sthānādaprāptayonike |
devena vīkṣito vāyurnātidūre vyavasthitaḥ || 51 ||
[Analyze grammar]

tato vrīḍā samopetastatkṣaṇādeva cotthitaḥ |
bhāvāsaktāṃ priyāṃ tyaktvā mā mottiṣṭhetivādinīm || 52 ||
[Analyze grammar]

abravīdatha taṃ vāyuṃ vinayāvanataṃ sthitam |
kimarthaṃ tvamihāyātaḥ kaccitkṣemaṃ divaukasām || 53 ||
[Analyze grammar]

vāyuruvāca |
ete śakrādayo devā naṃdinā vinivāritāḥ |
tārakeṇa hatotsāhāstiṣṭhaṃti girirodhasi || 54 ||
[Analyze grammar]

tasmādetānsamābhāṣya samāśvāsya ca sādaram |
preṣayasva drutaṃ tatra yatra te dānavāḥ sthitāḥ || 55 ||
[Analyze grammar]

atha tānāhvayāmāma tatkṣaṇāttripurāṃtakaḥ |
saṃprāha caviṣaṇṇāsyaḥ kṛtāṃjalipuṭānsthitān || 56 ||
[Analyze grammar]

śrībhagavānuvāca |
yuṣmatkṛte samāraṃbhaḥ putrārthaṃ yo mayā kṛtaḥ |
svasthānāccalite śukre kṛto moghodya vāyunā || 57 ||
[Analyze grammar]

etadvīryaṃ mayā dhairyātstaṃbhitaṃ liṃgamadhyagam |
amoghaṃ tiṣṭhate sarvaṃ kva dadhāmi nivedyatām || 58 ||
[Analyze grammar]

yena saṃjāyate putro dānavāṃtakaraḥ paraḥ |
senānāthaśca yuṣmākaṃ durddharaḥ samare paraiḥ || 59 ||
[Analyze grammar]

etatkalpāgnisaṃkāśaṃ dhartuṃ śaknoti nāparaḥ |
vinā vaiśvānaraṃ tasmāddadhātveṣa sanātanam || 60 ||
[Analyze grammar]

yena tatra pramuñcāmi sutāya vijayāya ca |
etadvīryaṃ mahātīvraṃ dvādaśārkasamaprabham || 61 ||
[Analyze grammar]

atha prāhuḥ surāḥ sarve vahniṃ saṃślāghya sādarāḥ |
tvaṃ dhārayāgne vaktrāṃte vīryametadbhavodbhavam || 62 ||
[Analyze grammar]

tataḥ prasārayāmāsa svavaktraṃ pāvako drutam |
kurvañchakrasamādeśamavikalpena cetasā || 63 ||
[Analyze grammar]

śaṃkaro'pyakṣipattatra kāmabāṇaprapīḍitaḥ |
gaurīṃ bhagavatīṃ dhyāyannānandaṃ paramaṃ gataḥ || 64 ||
[Analyze grammar]

pāvako'pi bhṛśaṃ tena kalpāgnisadṛśena ca |
dahyamāno'kṣipadbhūmau śarastaṃbe suvistare || 65 ||
[Analyze grammar]

etasminnaṃtare prāptā bhramamāṇā itastataḥ |
bhāryāstatra munīnāṃ tāḥ ṣaṇṇāṃ ṣaṭkṛttikāḥ śubhāḥ || 66 ||
[Analyze grammar]

tāsāṃ nideśayāmāsa svayameva śatakratuḥ |
etadbījaṃ trinetrasya paripālyaṃ prayatnataḥ || 67 ||
[Analyze grammar]

atra saṃpatsyate putro dvādaśārkasamaprabhaḥ |
bhavatīnāmapi prāyaḥ putratvaṃ saṃprayāsyati || 68 ||
[Analyze grammar]