Chapter 65

[English text for this chapter is available]

| sūta uvāca |
tathānyadapi tatrāsti taḍāgaṃ devanirmitam |
yatrānarto nṛpaḥ siddhaḥ suhayo nāma nāmataḥ || 1 ||
[Analyze grammar]

tenaiva bhūbhujā tatra liṃgaṃ saṃsthāpitaṃ śubham |
ānarteśvarasaṃjñaṃ ca sarva siddhipradaṃ nṛṇām || 2 ||
[Analyze grammar]

tatrāṃgārakaṣaṣṭhyāṃ yastaḍāge snānamācaret |
sa prāpnoti naraḥ siddhiṃ yathā'nartādhipena ca || 3 ||
[Analyze grammar]

ṛṣaya ūcuḥ |
kathaṃ siddhistu saṃprāptā ānartena mahātmanā |
sarvaṃ kathaya tatsūta sarvaṃ vetsi na saṃśayaḥ || 4 ||
[Analyze grammar]

sūta uvāca |
ānartaḥ suhayo nāma purāsītpṛthivīpatiḥ |
sarvāribhirhato yuddhe palāyanaparāyaṇaḥ |
ucchiṣṭo mlecchasaṃspṛṣṭa ekākī bahubhirvṛtaḥ || 5 ||
[Analyze grammar]

atha tasya kapālaṃ ca kāpālika vratānvitaḥ |
jagṛhe nijakarmārthaṃ jñātvā taṃ vīrasaṃbhavam || 6 ||
[Analyze grammar]

ānarteśvarasāṃnidhye vasamāno vane sthitaḥ |
sa rātrau tena toyena sarvadevamayena ca || 7 ||
[Analyze grammar]

taḍāgotthena saṃpūrṇaṃ rātrau kṛtvā pramuṃcati |
āsītpūrvaṃ vaṇiṅnāmnā siddhasena iti smṛtaḥ |
dhanī bhṛtyasamopetaḥ sadā puṇyaparāyaṇaḥ || 8 ||
[Analyze grammar]

kasyacittvatha kālasya paṇyabuddhyā dvijottamāḥ |
prasthitaścottarāṃ kāṣṭhāṃ sa sārthena samanvitaḥ || 9 ||
[Analyze grammar]

atha prāptaḥ kramātsarvaiḥ sa gacchanmarumaṃḍala m |
vṛkṣodakaparityaktaṃ sarvasattvavivarjitam || 10 ||
[Analyze grammar]

tatra rātriṃ samāsādya śrāṃtāḥ pāṃthāḥ samantataḥ |
suptāḥ sthānāni saṃsṛtya gatā nidrāvaśaṃ tathā || 11 ||
[Analyze grammar]

tataḥ pratyūṣamāsādya samutthāya ca satvaram |
prasthitā uttarāṃ kāṣṭhāṃ muktvaikaṃ śūdrasevakam || 12 ||
[Analyze grammar]

sa vai mārgapariśrāṃto gatvā nidrāvaśaṃ bhṛśam |
na jajāgāra jāte'pi prayāṇe bahuśabdite || 13 ||
[Analyze grammar]

na ca taiḥ sa smṛtaḥ sārthairyaiḥ samaṃ prasthito gṛhāt |
na ca kenāpi saṃdṛṣṭaḥ sa tu rodhasi saṃsthitaḥ || 14 ||
[Analyze grammar]

evaṃ gate tataḥ sārthe prodgate sūryamaṃḍale |
tīvratāpaparispṛṣṭo jajāgāra tataḥ param || 15 ||
[Analyze grammar]

yāvatpaśyati no kiñcittasminsthāne sa sārthakam |
na ca teṣāṃ marau tasmiṃllakṣyate padapaddhatiḥ || 6 ||
[Analyze grammar]

tato duḥkhaparītātmā dhāvamāna itastataḥ |
patito medinīpṛṣṭhe madhyāhne kṣuttṛṣārditaḥ || 7 ||
[Analyze grammar]

evaṃ tasya tṛṣārtasya patitasya dharātale |
dhṛtaprāṇasya kṛcchreṇa saṃyāto'stācalaṃ raviḥ || 18 ||
[Analyze grammar]

tataḥ kiṃcitsasaṃjño'bhūnmaṃdībhūte divākare |
cintayāmāsa cittena kvāhaṃ gacchāmi sāṃpratam || 19 ||
[Analyze grammar]

na lakṣyate kvacinmārgo dṛśyate na ca mānuṣam |
nātra toyaṃ na ca cchāyā nūnaṃ me mṛtyu rāgataḥ || 20 ||
[Analyze grammar]

evaṃ cintāprapannasya tasya śūdrasya nirjane |
marau tasminsamāyātā śarvarī tadanantaram || 21 ||
[Analyze grammar]

atha kṣaṇena śuśrāva sa gītaṃ madhuradhvani |
paṭhatāṃ nandivṛddhānāṃ tathā śabdaṃ manoharam || 22 ||
[Analyze grammar]

athāpaśyatkṣaṇenaiva pretasaṃghaiḥ sabhāvṛtam |
pretamekaṃ ca sarveṣāmādhipatye vyava sthitam || 23 ||
[Analyze grammar]

tataste pārśvagāḥ pretā eke nṛtyaṃ pracakrire |
tatpuro gītamanye tu stutiṃ caiva tathā pare || 24 ||
[Analyze grammar]

athāsau prāha taṃ śūdramatithe kuru bhojanam |
svecchayā piba toyaṃ ca śreyo yena bhavenmama || 25 ||
[Analyze grammar]

tataḥ sa bhojanaṃ cakre kṣudhārtaśca papau jalam |
bhayaṃ tyaktvā suviśrabdhaḥ pretarājasya śāsanāt || 26 ||
[Analyze grammar]

tataḥ pretāśca te sarve pretatvena samanvitāḥ |
yathājyeṣṭhaṃ yathānyāyaṃ pracakrurbhojanakriyām || 27 ||
[Analyze grammar]

evaṃ teṣāṃ samastānāṃ vilāsaiḥ pārthivocitaiḥ |
atikrāntā niśā sarvā krīḍatāṃ dvijasattamāḥ || 28 ||
[Analyze grammar]

tataḥ prabhāte vimale prodgate ravimaṃḍale |
yāvatpaśyati śūdraḥ sa tāvattatra na kiñcana || 29 ||
[Analyze grammar]

tataśca cintayāmāsa kimetatsvapnadarśanam |
cittabhramo'thavā'smākamindrajālamathāpi vā || 30 ||
[Analyze grammar]

athavā satyametaddhi yato me tṛptiruttamā |
saṃjāteyaṃ kṣudhārttasya pipāsākulitasya ca || 3 ||
[Analyze grammar]

evaṃ cintayamānasya bhāskaro gaganāṃgaṇam |
samāruroha tāpena tāpayandharaṇītalam || 32 ||
[Analyze grammar]

tataḥ kaṃcitsamāśritya svalpacchāyaṃ mahīruham |
prāptavāndivasasyāṃtaṃ kṣutpipāsāprapīḍitaḥ || 33 ||
[Analyze grammar]

tato niśāmukhe prāpte bhūyo'pi pretarājakam |
pretaistaiścasamopetaṃ tathārūpaṃ vyalokayat || 34 ||
[Analyze grammar]

tathaiva bhojanaṃ cakre tasyātithyasamudbhavam |
bhayena rahitaḥ śūdro harṣeṇa mahatānvitaḥ || 35 ||
[Analyze grammar]

evaṃ tasya niśāvaktre nityameva sa bhūpatiḥ |
ātithyaṃ prakarotyeva samāgatya tathaiva ca || 36 ||
[Analyze grammar]

tato'nyadivase prāpte tena śūdreṇa bhūpatiḥ |
pṛṣṭaḥ kimetadāścaryaṃ dṛśyate rajanīmukhe || 37 ||
[Analyze grammar]

vibhavaste mahābhāga praṇaśyati niśākṣaye |
etatkīrtaya me guhyaṃ na cetpretapa saṃsthitam |
atra kautūhalaṃ jātaṃ dṛṣṭvedaṃ suviceṣṭitam || 38 ||
[Analyze grammar]

preta uvāca |
asti puṇyaṃ mahākṣetraṃ hāṭakeśvarasaṃjñitam |
gaṃgā ca yamunā caiva sthite tatra ca saṃgame || 39 ||
[Analyze grammar]

tābhyāmatisamīpasthaṃ śivasyāyatanaṃ śubham |
mahāvratadharastatra tapasyati sunaiṣṭhikaḥ || 40 ||
[Analyze grammar]

sa sadā rātriśaucārthaṃ kapālaṃ jalapūritam |
madīyaṃ śayane cakre tatra kṛtvā nijāṃ kriyām || 41 ||
[Analyze grammar]

tatprabhāvānmameyaṃ hi vibhūtirjāyate niśi |
divā rikte kṛte yāti bhūya eva mahāmate || 42 ||
[Analyze grammar]

tasmātkuru prasādaṃ me tatra gatvā kapālakam |
cūrṇaṃ kṛtvā madīyaṃ tattasmiṃstoye vinikṣipa || 43 ||
[Analyze grammar]

yena me jāyate mokṣaḥ pretabhāvātsudāruṇāt || 44 ||
[Analyze grammar]

tathā tatrāsti pūrvasyāṃ diśi tattīrthamuttamam |
gayāśira iti khyātaṃ pretatvānmuktidā yakam || 45 ||
[Analyze grammar]

tatra gatvā kuru śrāddhaṃ sarveṣāṃ tvaṃ mahāmate |
dṛśyate tava pārśvasthā bhadra saṃpuṭikā śubhām || 46 ||
[Analyze grammar]

asyāṃ nāmāni sarveṣāṃ yathājyeṣṭhaṃ samālikha |
tataḥ śrāddhaṃ kuruṣvāśu dayāṃ kṛtvā garīyasīm || 47 ||
[Analyze grammar]

vayaṃ tvāṃ tatra neṣyāmaḥ sukhopāyena bhadraka |
nidhiṃ ca darśayiṣyāmaḥ śrāddhārthaṃ sumahattaram || 48 ||
[Analyze grammar]

tatheti samanujñāte tena śūdreṇa satvaram |
ninyustaṃ skandhamāropya śūdraṃ kṣetre yathoditam || 49 ||
[Analyze grammar]

darśayāmāsurevāsya nidhānaṃ bhūrivittajam |
tadādāya gatastatra yatrāsau naiṣṭhikaḥ sthitaḥ || 50 ||
[Analyze grammar]

tataḥ praṇamya taṃ bhaktyā katha yāmāsa vistarāt |
tasya bhūtapateḥ sarvaṃ vṛttāṃtaṃ vinayānvitaḥ || 51 ||
[Analyze grammar]

tato labdhvā kapālaṃ taccūrṇayitvā samāhitaḥ |
gaṃgāyamunayormadhye pracikṣepa mudānvitaḥ || 52 ||
[Analyze grammar]

etasminnaṃtare preto divyarūpavapurdharaḥ |
vimānastho'bravīdvākyaṃ śūdraṃ taṃ harṣasaṃyutaḥ || 53 ||
[Analyze grammar]

prasādāttava mukto'haṃ pretatvāddāruṇāditaḥ |
svasti te'stu gamiṣyāmi sāṃprataṃ tridivālayam || 54 ||
[Analyze grammar]

eteṣāmeva sarveṣāmidānīṃ śrāddhamācara |
gatvā gayāśiraḥ puṇyaṃ yena muktiḥ prajāyate || 55 ||
[Analyze grammar]

tataḥ sa vismayāviṣṭasteṣāmeva pṛthakpṛthak |
śrāddhaṃ cakre ca bhūtānāṃ nityameva samāhitaḥ || 56 ||
[Analyze grammar]

te'pi sarve gatāḥ svargaṃ pretāstasya prabhāvataḥ |
daduśca darśanaṃ tasya svapre harṣasamanvitāḥ || 57 ||
[Analyze grammar]

tataḥ śūdraḥ sa vijñāya tatkṣetraṃ puṇyavardha nam |
na jagāma gṛhaṃ bhūyastatraiva tapasi sthitaḥ || 58 ||
[Analyze grammar]

gaṃgāyamunayoḥ pārśve śūdrakeśvarasaṃjñitam |
ligaṃ saṃsthāpitaṃ tena sarvapātakanāśanam || 59 ||
[Analyze grammar]

yastayorvidhivatsnānaṃ kṛtvā pūjayate naraḥ |
śūdrakeśvarasaṃjñaṃ ca liṃgaṃ śraddhāsamanvitaḥ || 60 ||
[Analyze grammar]

sa sarvaiḥ pātakairmuktaḥ prayāti śiva maṃdiram |
stūyamānaśca gaṃdharvairvimānavaramāśritaḥ || 61 ||
[Analyze grammar]

yastatra tyajati prāṇānkṛtvā prāyopaveśanam |
na ca bhūyo'tra saṃsāre sa janmāpnoti |mānavaḥ || 62 ||
[Analyze grammar]

gaṃḍūṣamapi toyasya yastasya nivasanpibet |
so'pi saṃmucyate pāpādājanmamaraṇāṃtikāt || 63 ||
[Analyze grammar]

yastatra brāhmaṇeṃdrāṇāṃ saṃprayacchati bhojanam |
pitarastasya tṛpyaṃti yāvatkalpaśatatrayam || 64 ||
[Analyze grammar]

truṭimātraṃ ca yo dadyāttatra svarṇaṃ samāhitaḥ |
sa prāpnoti phalaṃ kṛtsnaṃ rājasūyāśvamedhayoḥ || 65 ||
[Analyze grammar]

tasmātsarvaprayatnena tattīrthavaramāśrayet |
ya icchecchāśvataṃ svargaṃ sadaiva manujo dvijāḥ || 66 ||
[Analyze grammar]

atra gāthā purā gītā gautamena maharṣiṇā |
gaṃgāyamunayostaṃ ca prabhāvaṃ vīkṣya vismayāt || 67 ||
[Analyze grammar]

gaṃgāyamunayoḥ saṃge naraḥ snātvā samāhitaḥ |
śūdreśvaraṃ samālokya sadyaḥ svargamavāpnuyāt || 68 ||
[Analyze grammar]

etadvaḥ sarvamākhyātaṃ gaṃgāyamunayormayā |
māhātmyaṃ brāhmaṇaśreṣṭhāḥ sarvapātakanāśanam || 69 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmya ānartakeśvaraśūdrakeśvaramāhātmyavarṇanaṃnāma paṃcaṣaṣṭitamo'dhyāyaḥ || 65 ||
[Analyze grammar]