Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

| sūta uvāca |
tasminkṣetre tathādityaḥ sthāpito dvijasattamāḥ |
bhīṣmeṇa brāhmaṇeṃdrāṇāṃ saṃmatena tathātmanā || 1 ||
[Analyze grammar]

śaṃtanordayitaḥ putro gāṃgeya iti viśrutaḥ |
āsītpurā varo nṛṇāmūrdhvaretāḥ suviśrutaḥ || 2 ||
[Analyze grammar]

tasyāsīttumulaṃ yuddhaṃ bhārgaveṇa samaṃ mahat |
trayoviṃśaddinānyeva devāsuraraṇopamam |
aṃbākṛte śitaiḥ śastrairastraiśca tadanaṃtaram || 3 ||
[Analyze grammar]

tato brahmādayo devāḥ svayameva vyavasthitāḥ |
tābhyāṃ nivāraṇārthāya śāṃtyarthaṃ sarvadehinān |
gatāśca te samutthāpya punareva triviṣṭapam || 4 ||
[Analyze grammar]

aṃbāpi prāpya paramaṃ gāṃgeyotthaṃ parābhavam |
praviṣṭā koparaktākṣī susamiddhe hutāśane || 5 ||
[Analyze grammar]

bhartsayitvā nadīputraṃ bāṣpavyākulalocanā |
tataḥprovāca madhyasthā vahneḥ kurupitāmaham || 6 ||
[Analyze grammar]

yasmādbhīṣma tvayā tyaktā kāmārtāhaṃ sudurmate |
tasmāttava vadhāyāśu bhaviṣyāmi punaḥ kṣitau || 7 ||
[Analyze grammar]

strīhatyayā samāyuktastvaṃ ca nūnaṃ bhaviṣyasi |
pramāṇaṃ yadi dharmo'tra smṛtiśāstrasamudbhavaḥ || 8 ||
[Analyze grammar]

tataḥ sa ghṛṇayā'viṣṭo bhīṣmaḥ kurupitāmahaḥ |
mārkaṃḍeyaṃ muniśreṣṭhaṃ papraccha vinayānvitaḥ || 9 ||
[Analyze grammar]

bhagavankāśirājasya sutayā me prajalpitam |
mama mṛtyukaraṃ pāpaṃ sakalaṃ te bhaviṣyati || 10 ||
[Analyze grammar]

tatkiṃ syādvākyamātreṇa no vā brāhmaṇasattama |
atra me saṃśayastattvaṃ yathāvadvaktumarhasi || 11 ||
[Analyze grammar]

śrīmārkaṃḍeya uvāca |
ākṣiptastāḍito vāpi yamuddiśya tyajedasūn |
strījano vā dvijo vāpi tasya pāpaṃ tu tadbhavet || 12 ||
[Analyze grammar]

striyaṃ vā brāhmaṇaṃ vāpi tasmānnaiva prakopayet |
nighnaṃtaṃ vā śapaṃtaṃ vā yadīcchecchubhamātmanaḥ || 13 ||
[Analyze grammar]

tvayā punarvarākī sā kāmārtā samupekṣitā |
jitvā svayaṃvare pūrvaṃ tatkathaṃ syānna pāpabhāk || 4 ||
[Analyze grammar]

bhīṣma uvāca |
tadarthaṃ vada me brahmanprāyaścittaṃ viśuddhaye |
tapo vā yadi vā dānaṃ vrataṃ niyamameva vā || 15 ||
[Analyze grammar]

mārkaṃḍeya uvāca |
daśānāṃ brāhmaṇeṃdrāṇāṃ yadvadhe pātakaṃ smṛtam |
tatpāpaṃ strīvadhe kṛtsnaṃ jāyate bharatarṣabha || 16 ||
[Analyze grammar]

tadatra viṣaye dānaṃ na tapo na vratādikam |
tīrthasevāṃ parityajya tasmāttvaṃ tāṃ samācara || 17 ||
[Analyze grammar]

sūta uvāca |
sa tasya vacanaṃ śrutvā bhīṣmaḥ kurupitāmahaḥ |
tīrthayātrāparo bhūtvā babhrāma kṣitimaṃḍale || 8 ||
[Analyze grammar]

tataḥ kramātsamāyāto bhramamāṇo mahītale |
camatkārapure kṣetre nānātīrthasamākule || 19 ||
[Analyze grammar]

athāpaśyanmahātmā sa supuṇyaṃ tadgayāśiraḥ |
snātvā śrāddhaṃ ca vidhivadyāvacchraddhāsama nvitaḥ || 20 ||
[Analyze grammar]

cakre tāvannabhovāṇī vākyametaduvāca ha |
bhīṣmabhīṣma mahābāho nārhastvaṃ śrāddhajaṃ vidhim || 21 ||
[Analyze grammar]

kartuṃ strīhatyayāyuktastasmācchṛṇu vaco mama |
śarmiṣṭhātīrthamityeva khyātaṃ pātakanāśanam || 22 ||
[Analyze grammar]

asmātsthānātsamīpasthaṃ vāruṇyāṃ diśi puṇyakṛt |
kṛṣṇāṃgārakaṣaṣṭhyāṃ yo naraḥ snānaṃ samācaret || 23 ||
[Analyze grammar]

sa strīhatyākṛtātpāpānmucyate nātra saṃśayaḥ |
tasmādadya dine putra bhaumavārasamanvitā || 24 ||
[Analyze grammar]

saiva ṣaṣṭhī tithiḥ puṇyā tasmāttatra drutaṃ vraja |
ahaṃ tava pitā putra śaṃtanuḥ pṛthivīpatiḥ || 25 ||
[Analyze grammar]

strīhatyayānvitaṃ jñātvā tatastūrṇamihāgataḥ |
tato bhīṣmo drutaṃ gatvā tatra sthāne samāhitaḥ || 26 ||
[Analyze grammar]

snānaṃ kṛtvā tataḥ śrāddhaṃ cakre śraddhāsamanvitaḥ |
tato bhūyaḥ samāgatya sa taṃ provāca śatanuḥ || 27 ||
[Analyze grammar]

vipāpmā tvaṃ kuruśreṣṭha saṃjāto'si na saṃśayaḥ |
tasmānnijaṃ gṛhaṃ gaccha rājyaciṃtāṃ samācara || 28 ||
[Analyze grammar]

tataḥ sa vismayāviṣṭo jñātvā tīrthamanuttamam |
vāsudevātmikāmarcāṃ tathānyāṃ kurusattamaḥ || 29 ||
[Analyze grammar]

pārijātamayīṃ mūrtiṃ raverlakṣaṇalakṣitām |
supramāṇāṃ surūpāṃ ca śraddhāpūtena cetasā || 30 ||
[Analyze grammar]

tathānyatsthāpayāmāsa liṃgaṃ devasya śūlinaḥ |
durgāṃ ca bhaktisaṃyukto vidhidṛṣṭena karmaṇā || 31 ||
[Analyze grammar]

tataḥ sarvānsamāhūya sa viprānpurasaṃbhavān |
provāca kauravo bhīṣmo vinayāvanataḥ sthitaḥ || 32 ||
[Analyze grammar]

mayā vinirmitaṃ viprā devāgāracatuṣṭayam |
etatkṣetre ca yuṣmākaṃ dayāṃ kṛtvā mamopari || 33 ||
[Analyze grammar]

pālayadhvaṃ prayāsyāmi svagṛhaṃ prati satvaram |
preritaḥ pitṛbhirdivyaiḥ svargamārgasamāśritaiḥ || 34 ||
[Analyze grammar]

brāhmaṇā ūcuḥ |
gacchagaccha kuruśreṣṭha suviśrabdhaḥ svamāyayā |
vayaṃ sarve kariṣyāmo yuṣmacchreyo'bhivardhanam || 35 ||
[Analyze grammar]

devaśreṇiriyaṃ rājanyā tvayātra vinirmitā |
asyāḥ pūjādikaṃ sarvaṃ kariṣyāmaḥ sadā vayam || 36 ||
[Analyze grammar]

tavāpi vinayaṃ dṛṣṭvā parituṣṭā vayaṃ nṛpa |
sarvānprārthaya tasmāttvaṃ varaṃ svaṃ manasi sthitam || 37 ||
[Analyze grammar]

bhīṣma uvāca |
eṣa eva varo'smākaṃ yatsaṃtuṣṭā dvijottamāḥ |
tathāpyāśu vacaḥ kāryaṃ yuṣmadīyaṃ mayādhunā || 38 || || 1 ||
[Analyze grammar]

etāni devasadmāni madīyāni naro bhuvi |
yo yaṃ kāmamabhidhyāya pūjayecchraddhayā'nvitaḥ |
prasādādeva yuṣmākaṃ tasya tatsyādasaṃśayam || 39 ||
[Analyze grammar]

brāhmaṇā ūcuḥ |
ādityasya kariṣyāmo yātrāṃ bhādrapade vayam |
saptamyāṃ sūryavāreṇa sarvadaiva samāhitāḥ || 40 ||
[Analyze grammar]

tathā śivasya cāṣṭamyāṃ caitraśukle viśeṣataḥ |
caturdaśyāṃ mahābhāga tava snehānna saṃśayaḥ || 41 ||
[Analyze grammar]

śayane bodhane viṣṇoḥ saṃprāpte dvādaśīdine |
viṣṇorapi ca durgāyāḥ saṃprāpte navamīdine || 42 ||
[Analyze grammar]

āśvine śuklapakṣe ca gītavāditranisvanaiḥ |
mahotsavaṃ tathā citrairhāsyalāsyaiḥ pṛthagvidhaiḥ || 43 ||
[Analyze grammar]

yastatra mānavo nityaṃ śraddhayā parayā yutaḥ |
kariṣyati ca gītādi sa yāsyati parāṃ gatim || 44 ||
[Analyze grammar]

vayaṃ tasya bhaviṣyāmaḥ sadaiva prītamānasāḥ |
pradāsyāmastathā kāmānmanasā vāṃchitānnṛpa || 45 ||
[Analyze grammar]

evamuktvātha te viprāḥ svāni sthānāni bhejire |
bhīṣmo'pi harṣasaṃyuktaḥ svagṛhaṃ prasthitastataḥ || 46 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 57

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: