Chapter 42

[English text for this chapter is available]

| sūta uvāca |
viśvāmitrasamudbhūtaṃ kuṇḍaṃ tatrāparaṃ śubham |
saṃtiṣṭhate dvijaśreṣṭhāḥ sarvakāmapradāyakam || 1 ||
[Analyze grammar]

tatra caitratṛtīyāyāṃ kṛte snāne bhavennaraḥ |
divyarūpadharaḥ sākṣātkāmo'nyo dvijasattamāḥ || 2 ||
[Analyze grammar]

nārī vā śraddhayopetā tatra snātvā prajāvatī |
bhavetsaubhāgyasaṃyuktā spṛhaṇīyatamā kṣitau || 3 ||
[Analyze grammar]

ṛṣaya ūcuḥ |
tīrthaṃ tasya munestatra kasminkāle vyavasthitam |
nirmalaṃ kena niḥśeṣaṃ vada tvaṃ sūtanaṃdana || 4 ||
[Analyze grammar]

sūta uvāca |
tatrāsti nirjharaḥ pūrvaṃ sāmānyo dvijasattamāḥ |
avadhūto dharāpṛṣṭhe māhātmyena vyavasthitaḥ || 5 ||
[Analyze grammar]

yatra devanadī gaṃgā svayameva vyavasthitā |
yasyāṃ snātaḥ pumānsadyaḥ sarvapāpaiḥ pramucyate || 6 ||
[Analyze grammar]

yastatra kurute śrāddhaṃ pitṝnuddiśya bhāvitaḥ |
tadakṣayaṃ bhavecchrāddhaṃ pitṝṇāṃ tṛptikārakam || 7 ||
[Analyze grammar]

yatkiṃciddīyata dānaṃ tasmiṃstīrthavare dvijāḥ |
hutajapyādikaṃ caiva tadanaṃtaphalaṃ bhavet || 8 ||
[Analyze grammar]

kasyacittvatha kālasya mṛgī vyādhaśarāhatā |
praviṣṭā salile tasmiṃstatra pañcatvamāgatā || 9 ||
[Analyze grammar]

caitraśuklatṛtīyāyāṃ madhyāhne dvijasattamāḥ |
nakṣatre yamadaivatye mārtaṃḍasya ca vāsare || 10 ||
[Analyze grammar]

atha tattoyamāhātmyānmenakānāma sā'bhavat |
apsarāstridaśeṃdrasya samaṃtāccāruhāsinī || 11 ||
[Analyze grammar]

smaramāṇā'tha sā tasya prabhāvaṃ varavarṇinī |
tīrthamāgatya sadbhaktyā snānaṃ tatra samācarat |
caitraśuklatṛtīyāyāṃ yāmarkṣe sūryavāsare || 12 ||
[Analyze grammar]

ekadā divase tasminbhramamāṇo munīśvaraḥ |
viśvāmitra iti khyātastatrāyātastapo'nvitaḥ || 13 ||
[Analyze grammar]

sā'pi svargātsamāyātā devatādarśanārthataḥ |
pūjayitvātha taṃ devaṃ prasthitā tridivaṃ prati || 14 ||
[Analyze grammar]

sā dṛṣṭvā taṃ muniṃ tatra bhramamāṇamitastataḥ |
yauvanasthaṃ surūpāḍhyaṃ paṃcabāṇamivāparam || 15 ||
[Analyze grammar]

vrataprabhāvajairvyāptaṃ tejobhirbhāskaraṃ yathā |
bālyātprabhṛti cīrṇena tapasā dagdhakilbiṣam || 16 ||
[Analyze grammar]

sā tasya darśanādeva kāmabāṇaprapīḍitā |
sānaṃdāḥ suratārthāya samīpaṃ samupādravat || 17 ||
[Analyze grammar]

sa dṛṣṭvā'dṛṣṭapūrvāṃ tāṃ mārgapṛcchākṛte tataḥ |
sammukhaḥ prayayau tūrṇaṃ prahṛṣṭenāṃtarātmanā || 18 ||
[Analyze grammar]

uvāca deśaṃ tāṃ pṛcchanstrīdharmāṃśca viśeṣataḥ |
śubhalābho'stu te bhadre manasā karmaṇā girā || 19 ||
[Analyze grammar]

sadaiva vāsudevasya bhaktiścāvyabhicāriṇī |
kaccittvaṃ vartase putri patipādaparāyaṇā |
cāritravinayopetā sarvadā priyavādinī || 20 ||
[Analyze grammar]

kaccittvaṃ sarvadābhīṣṭā patyurdānaistathārccanaiḥ |
baṃdhūnsvamitravargaṃ ca tatpuraḥ pṛṣṭhatopi vā || 21 ||
[Analyze grammar]

kaccidbhartari saṃsupte tvaṃ niśavaśameṣyasi |
utthānamaprabuddhe ca karoṣi varavarṇini || 22 ||
[Analyze grammar]

kaccitprātaḥ samutthāya karoṣi gṛhamārjanam |
svayameva varārohe maṇḍanaṃ copamaṇḍanam || 23 ||
[Analyze grammar]

kaccidevānnamaskṛtya guruṃ ca tadanaṃtaram |
karoṣi tvaṃ prāṇayātrāṃ dattvānnaṃ śaktito jalam || 24 ||
[Analyze grammar]

kaccidastaṃgate sūrye nānnamaśnāsi bhābhini |
adattvā vā svabhṛtyebhyaḥ sādhubhyaśca viśeṣataḥ || 25 ||
[Analyze grammar]

kaccitpibasi pānīyaṃ saptavāraviśodhitam |
nibiḍena svavastreṇa pālayaṃtī jalodbhavān || 26 ||
[Analyze grammar]

kacciddayāsamopetā gātrakleśakarānapi |
yūkāmatkuṇadaṃśādīnputravatparirakṣasi || 27 ||
[Analyze grammar]

kaccitsādhumukhānnityaṃ śivadharmaṃ subhaktitaḥ |
śṛṇoṣi bhaktito bhadre prakaroṣi ca sādaram || 28 ||
[Analyze grammar]

kvacicchrutvā'gamaṃ puṇyaṃ prakaroṣi ca pūjanam |
śāstrasya vācakasyāpi vyākhyātuśca viśeṣataḥ || 29 ||
[Analyze grammar]

kaccitpurāṇaśāstrāṇi praṇītāni janeśvaraiḥ |
saṃlekhyākṣararamyāṇi sādhubhyaḥ saṃprayacchasi || 30 ||
[Analyze grammar]

yaḥ śrutvā sarva śāstrāṇi niṣkrayaṃ na prayacchati |
śāstracauraḥ sa vijñeyo na caivāpnoti tatphalam || 31 ||
[Analyze grammar]

kaccicchivālaye nṛtyagītavādyādikāḥ kriyāḥ |
balipūjopahārāṃśca tvaṃ karoṣi ca śaktitaḥ || 32 ||
[Analyze grammar]

kaccitprāvaraṇaṃ vastraṃ subhage sarvameva ca |
saṃprayacchasi sādhubhyaḥ praṇipātapuraḥsaram || 33 ||
[Analyze grammar]

vṛthā paryaṭanaṃ nityaṃ kaccinna paramaṃdire |
tvaṃ karoṣi viśālākṣi viśeṣeṇa niśāgame || 34 ||
[Analyze grammar]

kaccinnāśnāsi bhadre tvaṃ svabhartari bubhukṣite |
ājñābhaṃgaṃ prayatnena kaccittatra prarakṣasi || 35 ||
[Analyze grammar]

kaccitprakupite kāṃte nottarāṇi prayacchasi |
tasyakopapraṇāśārṣaṃ priyaṃ kaccicca jalpasi || 36 ||
[Analyze grammar]

kaccittvaṃ proṣite kāṃte malināṃbaradhāriṇī |
jāyase ca tathā dīnā vivarṇavadanā kṛśā || 37 ||
[Analyze grammar]

kaccinmaṃdirapṛṣṭhe tvaṃ na dhatse bhinnabhājanam |
ucchiṣṭaṃ vā janaistyaktamapi kāryopakārakam || 39 ||
[Analyze grammar]

kaccidvrajasi no rātrau jāgareṣu kathāsu ca |
nirjhareṣu vivikteṣu pulineṣu vaneṣu ca || 39 ||
[Analyze grammar]

kaccinna kuruṣe maitrīṃ baṃdhakībhiḥ samaṃ śubhe |
dhātrībhirmālikastrībhī rajakībhiśca bhāmini || 40 ||
[Analyze grammar]

kañciddadhāsi nityaṃ tvaṃ mukhaṃ kuṃkumaraṃjitam |
śiraḥ puṣpasamākīrṇaṃ netre kajjalaraṃjite || 41 ||
[Analyze grammar]