Chapter 38

[English text for this chapter is available]

| sūta uvāca |
tatraiva sthāpitaṃ liṃgaṃ dhundhumāreṇa bhūbhujā |
sarvaratnamayaṃ kṛtvā prāsādaṃ sumanoharam || 1 ||
[Analyze grammar]

tatra kṛtvā'śramaṃ śreṣṭhaṃ tapastepe sudāruṇam |
yatprabhāvādayaṃ devastasmiṃlliṅge vyavasthitaḥ || 2 ||
[Analyze grammar]

tasya saṃnihitā vāpī kṛtā tena mahātmanā |
sunirmalajalāpūrṇā sarvatīrthopamā śubhā || 3 ||
[Analyze grammar]

dhundhumāreśvaraṃ paśyettatra snātvā narottamaḥ |
na sa paśyati durgāṇi narakāṇi yamālaye || 4 ||
[Analyze grammar]

ṛṣaya ūcuḥ |
dhuṃdhumāro mahīpālaḥ kasminvaṃśe babhūva saḥ |
kasminkāle tapastaptaṃ tenātra sumahātmanā || 5 ||
[Analyze grammar]

sūta uvāca |
sūryavaṃśasamudbhūto bṛhadaśvasuto balī |
khyātaḥ kuvalayāśveti dhaṃdhumārastathaiva saḥ || 6 ||
[Analyze grammar]

tena dhundhurmahādaityo nihato marujāṃgale |
dhundhumāraḥ smṛtastena vikhyāto bhuvanatraye || 7 ||
[Analyze grammar]

camatkārapuraṃ kṣetraṃ sa gatvā pāvanaṃ mahat |
tapastepe vayoṃ'te ca dhyāyamāno maheśvaram || 8 ||
[Analyze grammar]

saṃsthāpya sumahalliṃgaṃ prāsāde ratnamaṃḍite |
balipūjopahārādyaiḥ puṣpadhūpānulepanaiḥ || 9 ||
[Analyze grammar]

tatastasya mahādevaḥ svayameva maheśvaraḥ |
pratyakṣo'bhūdvṛṣārūḍho gauryā saha tathā gaṇaiḥ || 10 ||
[Analyze grammar]

uvāca varado'smīti prārthayasva yathepsitam |
sarvaṃ te'haṃ pradāsyāmi yadyapi syātsudurlabham || 11 ||
[Analyze grammar]

dhundhumāra uvāca |
yadi deyo varo'smākaṃ tvayā sarvasureśvara |
saṃnidhānaṃ prakartavyaṃ liṃge'sminvṛṣabhadhvaja || 12 ||
[Analyze grammar]

śrībhagavānuvāca |
caitre śuklacaturdaśyāṃ sāṃnidhyaṃ nṛpasattama |
ahaṃ sadā kariṣyāmi gauryā sārdhaṃ na saṃśayaḥ || 13 ||
[Analyze grammar]

tatra vāpyāṃ naraḥ snātvā yo māṃ saṃpūjayiṣyati |
liṃge'sminsaṃsthitaṃ bhūpa mama lokaṃ sa yāsyati || 14 ||
[Analyze grammar]

sūta uvāca |
evamuktvā sa bhagavāṃstataścādarśanaṃ gataḥ |
so'pi rājā prahṛṣṭā tmā sthitastatraiva muktibhāk || 15 ||
[Analyze grammar]