Chapter 36

[English text for this chapter is available]

ṛṣaya ūcuḥ |
citreśvaramidaṃ pīṭhamagastyamuninirmitam |
yatpramāṇaṃ yatprabhāvaṃ tadasmākaṃ prakīrtaya || 1 ||
[Analyze grammar]

sūta uvāca |
tasya pīṭhasya māhātmyaṃ vaktuṃ no śakyate dvijāḥ |
sahasreṇāpi varṣāṇāṃ mukhānāmayutairapi || 2 ||
[Analyze grammar]

tatra siddhimanuprāptāḥ śataśo'tha sahasraśaḥ |
anudhyānasamāyuktā yoginaḥ śaṃsitavratāḥ || 3 ||
[Analyze grammar]

anyapīṭheṣu yā siddhirvarṣānuṣṭhānato bhavet |
dinenaikena tāṃ siddhiṃ labhaṃte yogino dhruvam || 4 ||
[Analyze grammar]

yastatrātha rvaṇānmaṃtrāñjapecchraddhāsamanvitaḥ |
teṣāmarthodbhavaṃ kṛtsnaṃ phalaṃ prāpnoti sa dhruvam || 5 ||
[Analyze grammar]

putrakāmo narastatra puṃliṃgānyo japennaraḥ |
sa labhetepsitānputrānyadyapi syājjarānvitaḥ || 6 ||
[Analyze grammar]

garbhopaniṣadaṃ tatra putrakāmo japennaraḥ |
api vandhyāprasaṃgena syātsa putrasamanvitaḥ || 7 ||
[Analyze grammar]

śatrulokavināśāya yo japecchatarudriyam |
tasminpīṭhe'rayastasya sadyo gacchaṃti saṃkṣayam 0 || 8 ||
[Analyze grammar]

bhūtapretapiśācādirakṣārthaṃ tatra mānavaḥ |
yo japedvāmadevyaṃ ca sa syāddhi nirupadravaḥ || 9 ||
[Analyze grammar]

ko'dāditi narastatra kanyārthaṃ yo japedṛcam |
yāṃ kanyāṃ dhyāyamānastu sa tāṃ prāpnotyasaṃśayam || 10 ||
[Analyze grammar]

yo bhūpālaprasādārthamimaṃ devā niśaṃ japet |
nirargalaḥ prasādaḥ syāttasya pārthivasaṃbhavaḥ || 11 ||
[Analyze grammar]

svastrīsnehakṛteyastu taṃ patnībhiriti dvijāḥ || |
japedbhāryā bhavetsādhvī tasya sā snehavatsalā || 12 ||
[Analyze grammar]

yo lokānugrahārthāya japedaditirityapi |
tasya lokānurāgaḥ syātsalābhaśca viśeṣataḥ || 13 ||
[Analyze grammar]

vittārthī yo japettatra śrīsūktaṃ manujo dvijāḥ |
sarvatastasya vittāni samāgacchaṃtyanekaśaḥ || 14 ||
[Analyze grammar]

bhūmīti yo japetsāma bhūmyarthaṃ tatra mānavaḥ |
sa bhavedbhūpatirnūnaṃ nīcajātirapi dhruvam || 5 ||
[Analyze grammar]

japedrathaṃtaraṃ sāma yānārthaṃ tatra yo naraḥ |
sa prāpnoti hi yānāni śīghragāni śubhāni ca || 16 ||
[Analyze grammar]

gajārthī yo japettatra gaṇānāṃ dvijasattamāḥ |
sa prāpnoti gajānmartyo madaplāvitabhūtalān || 17 ||
[Analyze grammar]

na tadrakṣeti yo mantraṃ japedra kṣākṛte naraḥ |
tasya syātsarvato rakṣā sameṣu viṣameṣu ca || 18 ||
[Analyze grammar]

saptarṣaya iti śreṣṭhāṃ yo japettu samāhitaḥ |
ṛcaṃ rogavināśāya sa rogaiḥ pari mucyate || 19 ||
[Analyze grammar]

yadubhī yo japettatra grahapīḍārdito janaḥ |
sānukūlā grahāstasya prabhavaṃti na saṃśayaḥ || 20 ||
[Analyze grammar]

bhūtapīḍārdito yaśca bṛhatsāma japennaraḥ |
pitṛvajjāyate tasya sa bhūto'pyaṃtako'pi cet || 21 ||
[Analyze grammar]

yātrāsiddhikṛte yaśca japetsūktaṃ ca śākunam |
tasya saṃsidhyate yātrā yadyapi syādakiṃcanaḥ || 22 ||
[Analyze grammar]

sarpanāśāya yastatra sārpasūktaṃ japennaraḥ |
na tasya maṃdire sarpāḥ praviśaṃti kathaṃcana || 23 ||
[Analyze grammar]

viṣanāśāya yastatra japecchra ddhāsamanvitaḥ |
uttiṣṭheti viṣaṃ sadyastasya nāśaṃ prayāsyati || 24 ||
[Analyze grammar]

sthāvarajagamaṃ vāpi kṛtrimaṃ yadi vā viṣam |
tasya nāmnā viniryāti tamaḥ sūryodaye yathā || 25 ||
[Analyze grammar]

vyāghrasāma japedyastu tatra śraddhāsamanvitaḥ |
tasya vyāghrādayo vyālā jāyaṃte saumyacetasaḥ || 26 ||
[Analyze grammar]

kṛṣikarmaprasi ddhyarthaṃ yo japellāṃgalāni ca |
vṛṣṭihīne'pi loke'sminkṛṣistasya prasidhyati || 27 ||
[Analyze grammar]

ītināśāya tatraiva japeddevavrataṃ naraḥ |
tataḥ saṃkīrttanā deva ītayo yāṃti saṃkṣayam || 28 ||
[Analyze grammar]

anāvṛṣṭihate loke paṃceṃdraṃ tatra yo japet |
tasya hastakṛte home tanmaṃtraiḥ syājjalāgamaḥ || 29 ||
[Analyze grammar]

daṃṣṭrābhyā miti yastatra naraścaurārditaḥ paṭhet |
nopadravo bhavettasya kadāciccaurasaṃbhavaḥ || 30 ||
[Analyze grammar]

vivādārthaṃ japedyastu saṃsṛṣṭamiti tatra ca |
vivāde vijaya stasya pāpasyāpi prajāyate || 31 ||
[Analyze grammar]

yo ripūccāṭanārthāya naro rudraśiro japet |
tasya te ripavo yāṃti deśaṃ tyaktvā kubuddhitaḥ || 32 ||
[Analyze grammar]

mohanāya ripūṇāṃ ca yo japedviṣṇusaṃhitām |
tasya mohābhibhūtāste jāyaṃte ripavo dhruvam || 33 ||
[Analyze grammar]

vaśīkaraṇahetoryaḥ kūṣmāṃḍīḥ prajapennaraḥ |
śatravo'pi vaśe tasya kiṃ punaḥ pramadādayaḥ || 34 ||
[Analyze grammar]

yaḥ staṃbhāya ripūṇāṃ vai prājāpatyaṃ ca vāruṇam |
maṃtraṃ japeddvijaśreṣṭhāḥ samyakchraddhāparāyaṇaḥ |
maṃtrasaṃstaṃbhitāstasya jāyaṃte sarvaśatravaḥ || 35 ||
[Analyze grammar]

japetkālī karālīti yaḥ śoṣāya naro dvijāḥ |
sa śoṣayati tatkṛtsnaṃ yaccitte dhārayennaraḥ || 36 ||
[Analyze grammar]

eṣa maṃtrastadā japto hyagastyena mahātmanā |
yatprabhāvānnadīnāthastena saṃśoṣito dhruvam || 37 ||
[Analyze grammar]

etatprabhāvaṃ yatpīṭhaṃ maṃtrāṇāṃ siddhikārakam |
aihikānāṃ phalānāṃ ca tanmayā vaḥ prakīrtitam || 38 ||
[Analyze grammar]

yo vāṃchati punaḥ svargaṃ sa tatra dvijasattamāḥ |
snānaṃ karotu dānaṃ ca śrāddhaṃ cāpi viśeṣataḥ || 39 ||
[Analyze grammar]

atha vāṃchati yo mokṣaṃ virakto bhavasāgarāt |
niṣkāmastatra saṃtuṣṭastapastapyetsubuddhimān || 40 ||
[Analyze grammar]

ṛṣaya ūcuḥ |
maṃtrajāpyasya māhātmyaṃ yattvayā naḥ prakīrtitam |
tatkathaṃ siddhimāyāti maṃtrajāpyaṃ hi sūtaja || 41 ||
[Analyze grammar]

sūta uvāca |
atra tatkathayiṣyāmi yanmayā pitṛtaḥ śrutam |
vadato brāhmaṇeṃdrasya purā durvāsaso muneḥ || 42 ||
[Analyze grammar]

tena pūrvaṃ pitā'smākaṃ pṛṣṭo durvāsasā dvijāḥ |
maṃtravādakṛte yacca śṛṇudhvaṃ susamāhitāḥ || 43 ||
[Analyze grammar]

durvāsā uvāca |
sādhayiṣyāmyahaṃ mantramabhīṣṭaṃ kamapi vratī |
tasya siddhikṛte brūhi vidhānaṃ śāstrasaṃbhavam || 44 ||
[Analyze grammar]

lomaharṣaṇa uvāca |
maṃtrāṇāṃ sādhanaṃ kaṣṭaṃ sarveṣāmapi sanmune |
pratyavāyasamopetaṃ bahucchidrasamākulam || 45 ||
[Analyze grammar]

tasmānmaṃtrakṛte siddhiṃ yadi tvaṃ vāṃchasi dvija |
camatkārapure kṣetre tatra tvaṃ gaṃtumarhasi || 46 ||
[Analyze grammar]

tatra citreśvarīpīṭhamagastyena vinirmitam |
sadyaḥ siddhikaraṃ proktaṃ mantrāṇāṃ hṛdi vartinām || 47 ||
[Analyze grammar]

na tatra jāyate chidraṃ pratyavāyo na ca dvija |
nāsiddhirvaradānena sarveṣāṃ tridivaukasām || 48 ||
[Analyze grammar]

cāturyuṃgyaṃ hi tatpīṭhaṃ sthitānāṃ siddhimāha ret |
yugānurūpataḥ sadyastato vakṣyāmyahaṃ dvija || 49 ||
[Analyze grammar]

yo yaṃ sādhayituṃ mantramicchati dvijasattama |
sa tasya pūrvamevātha lakṣamekaṃ japennaraḥ || 50 ||
[Analyze grammar]

tato bhavati saṃsiddho maṃtrārhaḥ sa naraḥ śuciḥ |
japedbrāhmaṇaśārdūla tato lakṣacatuṣṭayam |
daśāṃśena tu homaḥ syātsusamiddhe hutāśane || 51 ||
[Analyze grammar]

tatastu jāyate siddhirnūnaṃ tanmaṃtrasaṃbhavā |
tatra saumyeṣu kṛtyeṣu homaḥ siddhārthakaiḥ sitaiḥ || 52 ||
[Analyze grammar]

jātīpuṣpaiśca viprendra smṛto brāhmaṇa bhojanaiḥ |
tathā raudreṣu kṛtyeṣu raktapuṣpaiḥ saguggulaiḥ || 0 ||
[Analyze grammar]

tarpaṇaiḥ kanyakānāṃ ca homaḥ syātsa phalapradaḥ || 53 ||
[Analyze grammar]

etatkṛtayuge proktaṃ maṃtrasādhanamutta mam |
sarveṣāṃ sādhakānāṃ ca mayā proktaṃ dvijottama || 54 ||
[Analyze grammar]

etattretāyuge proktaṃ pādonaṃ mantrasādhanam |
yugmārdhaṃ dvāpare kāryaṃ caturthāṃśaṃ kalau yuge || 55 ||
[Analyze grammar]

evaṃ tatra samāsādya siddhiṃ maṃtrasamudbhavām |
tatra pīṭhe tataḥ kṛtyaṃ sādhayetsvecchayā naraḥ || 56 ||
[Analyze grammar]

śāpānugrahasāmarthyasaṃyutasteja sā'nvitaḥ |
ajeyaḥ sarvabhūtānāṃ sādhūnāṃ saṃmatastathā || 57 ||
[Analyze grammar]

sūta uvāca |
tacchrutvā sa munistasya piturmama vaco'khilam |
tataścitreśvaraṃ pīṭhaṃ samāyāto'tha sanmuniḥ || 58 ||
[Analyze grammar]

tatra saṃsādhayāmāsa sarvānmaṃtrānyathākramam |
vidhinā śāstradṛṣṭena śraddhayā parayā yutaḥ || 59 ||
[Analyze grammar]

iti saṃsiddhamaṃtraḥ sa camatkārapuraṃ gataḥ |
viprāṇāṃ prārthanārthāya bhūmikhaṃḍakṛte dvijāḥ || 60 ||
[Analyze grammar]

iti śrīskāṃde mahapurāṇa ekāśītisāhasryāṃ saṃhitāyāṃ ṣaṣṭhe nāgarakhaṃḍe hāṭakeśvarakṣetramāhātmye citreśvarīpīṭhamāhātmyavarṇanaṃnāma ṣaṭtriṃśattamo'dhyāyaḥ || 36 ||
[Analyze grammar]