Chapter 35

[English text for this chapter is available]

| sūta uvāca |
evaṃ teṣu prabhagneṣu hateṣu ca surottamāḥ |
prahṛṣṭamanasaḥ sarve stutvā devaṃ maheśvaram || 1 ||
[Analyze grammar]

tenaiva cātha nirmuktāḥ praṇamya ca muhurmuhuḥ |
svaṃsvaṃ sthānamathājagmuḥ śakraviṣṇupuraḥsarāḥ || 2 ||
[Analyze grammar]

te'pi dānavaśārdūlā hatāśāśca surottamaiḥ |
maṃtraṃ pracakrire sarve nāśāya tridivaukasām || 3 ||
[Analyze grammar]

teṣāṃ maṃtrayatāmeṣa niścayaḥ samapadyata |
nānyatra dharmavidhvaṃsāddevānāṃ jāyate kṣayaḥ || 4 ||
[Analyze grammar]

tasmāttapasvino yai ca ye ca yajñaparāyaṇāḥ |
tathānye niratā dharme nihantavyā niśāgame || 5 ||
[Analyze grammar]

evaṃ te niścayaṃ kṛtvā niṣkramya varuṇālayāt |
rātrau sadaiva nighnaṃti janāndharmaparāyaṇān || 6 ||
[Analyze grammar]

yatra yatra bhavedyajñaḥ satraṃ 'pyutsavo'thavā |
tatra gatvā niśāyoge prakurvaṃti janakṣayam || 7 ||
[Analyze grammar]

taiḥ prasūtā makhā dhvastā dīkṣitā vinipātitāḥ |
ṛtvijaśca tathānye'pi sāmānyā dvijasattamāḥ || 8 ||
[Analyze grammar]

āśrame munimukhyasya śāṃḍilyasya mahātmanaḥ |
sahasraṃ brāhmaṇeṃdrāṇāṃ bhakṣitaṃ tairdurātmabhiḥ || 9 ||
[Analyze grammar]

śatāni ca sahasrāṇi nihatāni dvijanmanām |
viśvāmitrasya pañcaiva saptātreścaiva dhīmataḥ || 10 ||
[Analyze grammar]

etasminneva kāle tu samastaṃ dharaṇītalam |
naṣṭayajñotsavaṃ jātaṃ kāleyabhayapīḍitam || 11 ||
[Analyze grammar]

na kaścicchayanaṃ rātrau prakaroti mahī tale |
dhṛtāyudhā janāḥ sarve tiṣṭhaṃti saha tāpasaiḥ || 12 ||
[Analyze grammar]

rātrau svapaṃti ye kecidviśvastā dharmabhājanāḥ |
teṣāmasthīni dṛśyaṃte prātareva hi kevalam || 13 ||
[Analyze grammar]

atha devagaṇāḥ sarve yajñabhāgavinākṛtāḥ |
prajagmuḥ paramāmārti brahmaviṣṇupurassarāḥ || 14 ||
[Analyze grammar]

tato gatvā samudrāṃtaṃ vadhāya suravidviṣām |
na śekurviṣamasthāṃstānmanasāpi pradharṣitum || 15 ||
[Analyze grammar]

tataḥ samudranāśāya maṃtraṃ cakruḥ suduḥkhitāḥ |
tasminnaṣṭe bhavantyeva vadhyā dānavasattamāḥ || 16 ||
[Analyze grammar]

agastyena vinā naiṣa śoṣaṃ yāsyati sāgaraḥ |
tasmātsaṃprārthayāmotra kṛtye gatvā munīśvaram || 17 ||
[Analyze grammar]

camatkārapure kṣetre sa tiṣṭhati ca sanmuniḥ |
tasmāttatraiva gacchāmo yena gacchati satvaram || 18 ||
[Analyze grammar]

evaṃ niścitya te sarve tridaśāstasya cāśramam |
saṃprāptā munimukhyasya mitrāvaruṇa janmanaḥ || 19 ||
[Analyze grammar]

so'pi sarvānsamālokya saṃprāptānsurasattamān |
prahṛṣṭaḥ sammukhastūrṇaṃ jagāmātīva sanmuniḥ || 20 ||
[Analyze grammar]

provāca prāṃjalirvākyaṃ harṣa gadgadayā girā |
brahmādīṃstānsurāndṛṣṭvā vismayotphullalocanaḥ || 21 ||
[Analyze grammar]

camatkārapuraṃ kṣetrametanmedhyamapi sthitam |
bhūyo medhyataraṃ jātaṃ yuṣmākaṃ hi samāśrayāt || 22 ||
[Analyze grammar]

tasmādvadata yatkṛtyaṃ mayā saṃsiddhyate'dhunā |
tatsarvaṃ prakariṣyāmi yadyapi syātsuduṣkaram || 23 ||
[Analyze grammar]

devā ūcuḥ |
kāleyā iti daityā ye hataśeṣāḥ suraiḥ kṛtāḥ |
te samudraṃ samāśritya nighnaṃti śubhakāriṇaḥ || 24 ||
[Analyze grammar]

śubhe nāśamanuprāpte dhruvaṃ nāśo divaukasām |
tasmātteṣāṃ vadhārthāya tvaṃ śoṣaya mahārṇavam || 25 ||
[Analyze grammar]

yena te gocaraṃ prāptā dṛṣṭerdānavasattamāḥ |
badhyaṃte vibudhaiḥ sarve jāyaṃte ca makhā iha || 26 ||
[Analyze grammar]

agastya uvāca |
ahaṃ saṃvatsarasyāṃte śoṣayiṣyāmi sāgaram |
vidyābalaṃ samāśritya yoginīnāṃ surottamāḥ || 27 ||
[Analyze grammar]

tasmādvrajata harmyāṇi yūyaṃ yāti hi vatsaram |
yāvadbhūyo'pi varṣāṃte kāryamāgamanaṃ dhruvam || 28 ||
[Analyze grammar]

tato mayā samaṃ gatvā śoṣite varuṇālaye |
haṃtavyā dānavā duṣṭā hanta yaiḥ pīḍyate jagat || 29 ||
[Analyze grammar]

tato devagaṇāḥ sarve gatāḥ svesve niketane |
agastyo'pi samudyogaṃ cakre vidyāsamudbhavam || 30 ||
[Analyze grammar]

tataḥ sarvāṇi pīṭhāni yāni saṃti dharātale |
tāni tatrānayāmāsa maṃtraśaktyā mahāmuniḥ || 31 ||
[Analyze grammar]

aṣṭamyāṃ ca caturdaśyāṃ teṣu saṃpūjya bhaktitaḥ |
yoginīnāṃ ca vṛndāni kanyakānāṃ viśeṣataḥ || 32 ||
[Analyze grammar]

vidyāṃ viśoṣiṇīnāma samārādhayata dvijaḥ |
pūjayitvā diśāṃ pālānkṣetrapālānapi dvijaḥ |
ākāśacāriṇīṃ caiva devatāṃ śraddhayā dvijaḥ || 33 ||
[Analyze grammar]

tataḥ saṃvatsarasyāṃte prasannā tasya devatā |
provāca vada yatkṛtyaṃ siddhāhaṃ tava sanmune || 34 ||
[Analyze grammar]

agastya uvāca |
yadi devi prasannā me tadāsyaṃ viśa satvaram |
yena saṃśoṣayāmyāśu samudraṃ devi vāgyataḥ || 35 ||
[Analyze grammar]

sā tatheti pratijñāya praviṣṭā satvaraṃ mukhe |
saṃśoṣaṇī mahāvidyā tasyarṣerbhāvitātmanaḥ || 36 ||
[Analyze grammar]

etasminnaṃtare prāptāḥ sarve devāḥ savāsavāḥ |
dhṛtāyudhakarā hṛṣṭāḥ saṃnaddhā yuddhahetave || 37 ||
[Analyze grammar]

tataḥ saṃprasthito vipro devaiḥ sarvaiḥ samāhitaḥ |
vārirāśiṃ samuddiśya saṃśuṣkavadanastadā || 38 ||
[Analyze grammar]

atha gatvā samudrāṃtaṃ stūyamāno divālayaiḥ |
pipāsākulito'tīva sarvāndevānuvāca ha || 39 ||
[Analyze grammar]

eṣo'haṃ sāgaraṃ sadyaḥ śoṣayiṣyāmi sāṃpratam |
yūyaṃ bhavata sodyogā vadhāya suravidviṣām || 40 ||
[Analyze grammar]

sūta uvāca |
evamuktvā muniḥ so'tha matsyakacchapasaṃkulam |
helayā prapapau kṛtsnaṃ grāhaiḥ kīrṇaṃ mahārṇavam || 41 ||
[Analyze grammar]

tataḥ sthalopame jāte te daityāḥ surasattamaiḥ |
vadhyante niśitairbāṇaiḥ samantādvijigīṣubhiḥ || 42 ||
[Analyze grammar]

atha kṛtvā mahadyuddhaṃ yathā śaktyātidāruṇam |
hatabhūyiṣṭhaśeṣā ye bhittvā bhūmiṃ gatā adhaḥ || 43 ||
[Analyze grammar]

tataḥ procuḥ surāḥ sarve stutvā taṃ munisattamam |
parityaja jalaṃ bhūyaḥ pūraṇārthaṃ mahodadheḥ || 44 ||
[Analyze grammar]

naiṣā vasumatī vipra samudreṇa vinākṛtā |
rājate vastusaṃtyaktā yathā nārī vibhūṣitā || 45 ||
[Analyze grammar]

agastya uvāca || |
yā mayā'rādhitā vidyā varṣaṃyāvatpraśoṣaṇī |
tayā pītamidaṃ toyaṃ pariṇāmagataṃ tathā || 46 ||
[Analyze grammar]

eṣa yāsyati vai pūrtiṃ bhūyo'pi varuṇālayaḥ |
khātaścāgādhatāṃ prāpto gaṃgātoyaiḥ sunirmalaiḥ || 47 ||
[Analyze grammar]

sagaronāma bhūpālo bhaviṣyati mahītale |
tatputrāḥ ṣaṣṭisāhasrāḥ khaniṣyaṃti na saṃśayaḥ || 48 ||
[Analyze grammar]

tasyaivānvayavānrājā bhaviṣyati bhagīrathaḥ |
sa jñātikāraṇādgaṃgāṃ brahmāṃḍādānayiṣyati || 49 ||
[Analyze grammar]

pravāheṇa tatastasyāḥ samaṃtādaṃbhasāṃnidhiḥ |
bhaviṣyati susaṃpūrṇaḥ satyametanmayoditam || 50 ||
[Analyze grammar]

devā ūcuḥ |
devakṛtyaṃ muniśreṣṭha bhavatā hyupapāditam |
tasmātprārthaya cittasthaṃ varaṃ sarvaṃ munīśvara || 51 ||
[Analyze grammar]

agastya uvāca |
camatkārapure kṣetre mayā pīṭhānyaśeṣataḥ |
ānītāni prabhāvena maṃtrāṇāṃ surasattamāḥ || 52 ||
[Analyze grammar]

tasmātteṣāṃ sadā vāsastatraivāstu prabhāvataḥ |
sarvāsāṃ yoginīnāṃ ca mātṝṇāṃ ca viśeṣataḥ || 53 ||
[Analyze grammar]

aṣṭamyāṃ ca caturdaśyāṃ tāni yaḥ śraddhayā'nvitaḥ |
pūjayiṣyati tasya syātsamastaṃ manasepsitam || 54 ||
[Analyze grammar]

devā ūcuḥ |
yasmāccitrāṇi pīṭhāni tvayānītāni tatra hi |
tasmāccitreśvaraṃ nāma pīṭhamekaṃ bhaviṣyati || 55 ||
[Analyze grammar]

yo yaṃ kāmamabhidhyāya tatra pūjāṃ kariṣyati |
yoginīnāṃ ca vidyānāṃ mātṝṇāṃ ca viśeṣataḥ || 56 ||
[Analyze grammar]

taṃtaṃ kāmaṃ naraḥ śīghraṃ saṃprāpsyati mahāmune |
asmākaṃ varadānena yadyapi syātsupāpakṛt || 57 ||
[Analyze grammar]

evamuktvā surāḥ sarve tamāmantrya munīśvaram |
gatāstriviṣṭapaṃ hṛṣṭāḥ so'pyagastyaḥ svamāśramam || 58 ||
[Analyze grammar]

sūta uvāca |
etadvaḥ sarvamākhyātaṃ yathā sa payasāṃnidhiḥ |
agastyena purā pīto devakāryaprasiddhaye || 59 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye'gastyakṛtasamudra prāśanavṛttāṃte'gastyāhūtapīṭhasamūhasya devaiścitreśvarapīṭhanāmapūrvakavarapradānavarṇanaṃnāma pañcatriṃśattamo'dhyāyaḥ || 35 || || 9 ||
[Analyze grammar]