Chapter 31

[English text for this chapter is available]

| sūta uvāca |
tathānyadapi tatrāsti nāgatīrthamanuttamam |
yatra snātasya sarpāṇāṃ na bhayaṃ jāyate kvacit || 1 ||
[Analyze grammar]

tatra śrāvaṇapañcamyāṃ yo naraḥ snānamācaret |
kṛṣṇāyāṃ na bhayaṃ tasya kule'pi syādaheḥ kvacit || 2 ||
[Analyze grammar]

tatra pūrvaṃ tapastaptaṃ mātuḥ śāpaprapīḍitaiḥ |
śeṣa prabhṛtināgaistu muktihetorhutāśanāt || 3 ||
[Analyze grammar]

kambalāśvatarau nāgau tathā khyātau dharātale |
tatra taptvā tapastīvraṃ saṃsiddhiṃ paramāṃ gatau || 4 ||
[Analyze grammar]

anaṃto vāsukiścaiva takṣakaśca mahāvalaḥ |
karkoṭaścaiva nāgendro maṇikaṇṭhastathāparaḥ || 5 ||
[Analyze grammar]

airāvatastathā śaṃkhaḥ puṇḍarīko mahāviṣaḥ |
śeṣapūrvāḥ smṛtā nāgā ete'tra nava nāyakāḥ || 6 ||
[Analyze grammar]

eteṣāṃ putrapautrāśca teṣāmapi vibhūtibhiḥ |
asaṃkhyābhiridaṃ vyāptaṃ samastaṃ dharaṇītalam || 7 ||
[Analyze grammar]

atha te kuṭilā duṣṭā bhakṣayaṃti sadā janān |
bahutvādapi saṃsparśādaparādhaṃ vināpi ca || 8 ||
[Analyze grammar]

tataḥ prajā imāḥ sarvā brahmāṇaṃ śaraṇaṃ gatāḥ |
pīḍitāḥ sma suraśreṣṭha sarpebhyo rakṣa satvaram || 9 ||
[Analyze grammar]

yāvanna śūnyatāṃ yāti sakalaṃ vasudhātalam |
vyāptaṃ sarvaistataḥ sarpairviṣāḍhyairatibhīṣaṇaiḥ || 10 ||
[Analyze grammar]

atha tānabravīdbrahmā śeṣādyānnavanāyakān |
svasaṃtateḥ prarakṣadhvaṃ bhakṣyamāṇā imāḥ prajāḥ || 11 ||
[Analyze grammar]

te tatheti pratijñāya jagmuḥ sarve bhujaṃgamāḥ || 2 ||
[Analyze grammar]

atha teṣāṃ bahutvācca naiva rakṣā prajāyate |
vāritā api te yasmātprakurvaṃti prajākṣayam || 13 ||
[Analyze grammar]

tataḥ kopaparītātmā tānāhūya kulādhipān |
tānuvāca svayaṃ brahmā sarvadevasamāgame || 14 ||
[Analyze grammar]

bhakṣayaṃti yataḥ sarpā aparādhaṃ vinā prajāḥ |
vāritā api te tasmāttānnigṛhṇāmi sāṃpratam || 15 ||
[Analyze grammar]

bhaviṣyati mahīpālo bhūtale janamejayaḥ |
citrabhānurmakhe tasya sarpānsaṃbhakṣayiṣyati || 6 ||
[Analyze grammar]

mātuḥ śāpādviśeṣeṇa maṃtrākṛṣṭā dvijottamaiḥ |
svayameva patiṣyaṃti susamiddhe hutāśane || 7 ||
[Analyze grammar]

tacchrutvā vepamānāste sarpāṇāṃ navanāyakāḥ |
procuḥ prāṃjalayaḥ sadyaḥ praṇipatya pitāmaham || 18 ||
[Analyze grammar]

bhagavankuṭilā jñātirasmākaṃ bhavatā kṛtā |
tatkasmātkuruṣe kopaṃ jātidharmānuvartinām || 19 ||
[Analyze grammar]

brahmovāca |
yadi nāma mayā sṛṣṭā yūyaṃ diṣṭyā viṣolbaṇāḥ |
aparādhaṃ vinā kasmādbhakṣayadhva imāḥ prajāḥ || 20 ||
[Analyze grammar]

nāgā ūcuḥ |
maryādāṃ kuru deveśa asmākaṃ mānavaiḥ saha |
athavā saṃprayacchasva sthānaṃ mānuṣavarjitam || 21 ||
[Analyze grammar]

pārikṣitamakhe tasminsarpāṇāṃ citrabhānunā |
samaṃtāddahyamānānāṃ rakṣopāyaṃ praciṃtaya || 22 ||
[Analyze grammar]

yathā na saṃtaticchedo jāyate prapitāmaha |
asmākaṃ sarvalokeṣu tathā tvaṃ kartumarhasi || 23 ||
[Analyze grammar]

brahmovāca |
jaratkāruriti khyāto bhaviṣyati kvaciddvijaḥ |
sa saṃtānakṛte bhāryāṃ bhūmāvanveṣayiṣyati || 24 ||
[Analyze grammar]

bhāvinī ca bhavadvaṃśe jaratkanyā suśobhanā |
sā deyā cādarāttasmai putrārthaṃ varavarṇinī || 25 ||
[Analyze grammar]

tābhyāṃ yo bhavitā putraḥ sa śeṣānrakṣayiṣyati |
sarpāñchuddhasamācārānmaryādāsu vyavasthitān || 26 ||
[Analyze grammar]

sutalaṃ nitalaṃ caiva tathaiva vitalaṃ ca yat |
tasyādhastāccaturthe ca vasatirvo dharātale || 27 ||
[Analyze grammar]

mayā datte'tiramye ca sarvabhogasamanvite |
tasmādvrajata tatraiva parityajya mahītalam || 28 ||
[Analyze grammar]

tatra bhuṃjatha sadbhogā ngatvā'śu mama śāsanāt |
putrapautrasamopetāṃstridaśairapi durlabhān || 29 ||
[Analyze grammar]

nāgā ūcuḥ |
bhogānapi prabhuṃjānā na vayaṃ tatra padmaja |
śaknumo vastumurvyāṃ nastasmātsthānaṃ pradarśaya |
maryādayā vartayāmo yatrasthā mānavaiḥ samam || 30 ||
[Analyze grammar]

brahmovāca |
eṣā tithirmayā dattā yuṣmākaṃ dharaṇītale |
paṃcamī śeṣakālastu neyastatraṃ rasātale || 31 ||
[Analyze grammar]

tatrāgatairna haṃtavyā mānavā doṣavarjitāḥ |
maṃtrasaṃrakṣitāṃgāśca tathauṣadhikṛtādarāḥ || 32 ||
[Analyze grammar]

camatkārapure kṣetre mayā dattā sthitiḥ sadā |
pṛthivyāṃ kulamukhyānāṃ nāgānāṃ nāgasattamāḥ || 33 ||
[Analyze grammar]

sūta uvāca |
evamuktāśca te nāgā brahmaṇā satvaraṃ yayuḥ |
pātālaṃ kulamukhyāśca tasminkṣetre vyavasthitāḥ || 34 ||
[Analyze grammar]

tatra śrāvaṇapaṃcamyāṃ yastānpūjayate naraḥ |
sa prāpnoti naro'bhīṣṭaṃ teṣāmeva prasādataḥ || 35 ||
[Analyze grammar]

tasya vaṃśe'pi sarpāṇāṃ na bhayaṃ syānna kilbiṣam |
na rogo nopasargaśca na ca bhūtabhayaṃ kvacit || 36 ||
[Analyze grammar]

aputrastatra yaḥ śrāddhaṃ karoti sutavāṃchayā |
putraṃ viśiṣṭamāsādya pitṝṇāmanṛṇo hi saḥ || 37 ||
[Analyze grammar]

tathā vaṃdhyā ca yā nārī paṃcamyāṃ bhāskarodaye |
śrāvaṇe kurute snānaṃ kṛṣṇapakṣe viśeṣataḥ |
sā sadyo labhate putraṃ svavaṃśoddharaṇakṣamam || 38 ||
[Analyze grammar]

sarvarogavinirmuktaṃ surūpaṃ vinayānvitam |
bhraṣṭarājyo naro yo vā tatra snānaṃ samācaret || 39 ||
[Analyze grammar]

tataḥ pūjayate nāgāñchrāvaṇe paṃcamīdine |
sa hatvā'rigaṇā nsarvānbhūyorājyamavāpnuyāt || 40 ||
[Analyze grammar]

yeṣāṃ mṛtyurmanuṣyāṇāṃ jāyate sarpabhakṣaṇāt |
na teṣāṃ jāyate muktiḥ pretabhāvātkathaṃcana || 41 ||
[Analyze grammar]

yāvanna kriyate śrāddhaṃ tasmiṃstīrthe dvijottamāḥ |
tasmātsarvaprayatnena mṛtasyāhipradaṃkṣaṇāt |
śrāddhaṃ kāryaṃ prayatnena tasmiṃstīrthe'hisaṃbhave || 42 ||
[Analyze grammar]

atra vaḥ kīrtayiṣyāmi purāvṛttāṃ kathāṃ śubhām |
indrasenasya rājarṣeḥ sarvapātakanāśinīm || 43 ||
[Analyze grammar]

indraseno mahīpālaḥ purāsīdripudarpahā |
aśvamedhasahasreṇa iṣṭaṃ tena mahātmanā || 44 ||
[Analyze grammar]

tataḥ sa daivayogena prasuptaḥ śayane śubhe |
daṣṭaḥ sarpeṇa muktaśca indraseno mahīpatiḥ |
viyuktaścaiva sahasā jīvitavyena tatkṣaṇāt || 45 ||
[Analyze grammar]

tatastasya suto'bhīṣṭastasyoddeśena kṛtsnaśaḥ |
cakāra pretakāryāṇi smṛtyuktāni ca bhaktitaḥ || 46 ||
[Analyze grammar]

gaṃgāyāmasthipātaṃ ca kṛtvā śrāddhāni ṣoḍaśa |
gayāṃ gatvā tataścakre śrāddhaṃ śraddhāsamanvitaḥ || 47 ||
[Analyze grammar]

atha svapnāṃtare prāptaḥ pitā tasya sa bhūpatiḥ |
provāca duḥkhitaḥ putraṃ bāṣpavyākulalocanam || 48 ||
[Analyze grammar]

sarpamṛtyoḥ sakāśānme pretatvaṃ putra saṃsthitam |
tena me bhavatā dattaṃ na kiñcidupatiṣṭhate || 49 ||
[Analyze grammar]

camatkārapuraṃ kṣetraṃ tasmāttvaṃ gaccha satvaram |
tatra tīrthe kuru śrāddhaṃ sarpāṇāṃ matkṛte suta || 50 ||
[Analyze grammar]

yena saṃjāyate mokṣaḥ pretatvā ddāruṇānmama |
sa tataḥ prātarutthāya tatsmṛtvā nṛpatervacaḥ || 51 ||
[Analyze grammar]

pretarūpasya duḥkhārtastattīrthaṃ satvaraṃ gataḥ |
cakāra ca tataḥ śrāddhaṃ śrāvaṇe paṃca mīdine || 52 ||
[Analyze grammar]

snātvā śraddhāsamopetaḥ saṃniveśya purodhasam |
tataḥ sa darśanaṃ prāpto bhūyo'pi ca yathā purā || 53 || || pre |
tarūpeṇa duḥkhārto vākyametaduvāca ha |
na mayā'sāditaṃ kiñcidyattvayā matkṛte kṛtam || 54 ||
[Analyze grammar]

phalaṃ śrāddhasya cātra tvaṃ kāraṇaṃ śṛṇu putraka |
śrāddhārhā brāhmaṇāścātra camatkārapurodbhavāḥ || 55 ||
[Analyze grammar]

kṣetre'pi garhitāḥ śrāddhe ye'nyatra vyaṃgakādayaḥ |
atra yatkriyate kiñciddānaṃ vā vratameva ca || 56 ||
[Analyze grammar]

tathānyadapi viprārhaṃ karma yajñasamudbhavam |
tatteṣāṃ vacanātsarvaṃ pūrṇaṃ syādapi khaṃḍitam |
parokṣe vāpi saṃpūrṇaṃ vṛthā saṃjāyate sphuṭam || 57 ||
[Analyze grammar]

tasmādasmātpurādviprānsamānīya tataḥ param |
mama nāmnā kuru śrāddhaṃ yena muktiḥ prajāyate || 58 ||
[Analyze grammar]

athāsau prātarutthāya smaramāṇaḥ piturvacaḥ |
duḥkhena mahatāviṣṭaḥ praviveśa purottame || 59 ||
[Analyze grammar]

tataścānveṣayāmāsa śrāddhārhānbrāhmaṇānnṛpaḥ |
yatnato'pi na lebhe sa dhanāḍhyā brāhmaṇā yataḥ || 60 ||
[Analyze grammar]

na tatra duḥkhitaḥ kaściddaridro'pi na duḥkhitaḥ |
nākarmanirato vāpi pākhaṇḍanirato'thavā || 61 ||
[Analyze grammar]

sthānesthāne mahānādā utsavāśca gṛhegṛhe |
vedavidyāvinodāśca smṛti vādāstathaiva ca || 62 ||
[Analyze grammar]

śrūyaṃte yājñikānāṃ ca yajñakarmasamudbhavāḥ |
na durbhikṣaṃ na ca vyādhirnākālamaraṇaṃ nṛṇām |
na mṛtyuḥ kasyacittatra pure brāhmaṇa sevite || 63 ||
[Analyze grammar]

yathartuvarṣī parjanyaḥ sasyāni guṇavanti ca |
bhūrikṣīrasravā gāvaḥ kṣīrāṇyājāvikāni ca || 64 ||
[Analyze grammar]

yaṃyaṃ prārthayate vipraṃ sa śrāddhārthaṃ mahīpatiḥ |
sa sa taṃ bhartsayāmāsa duruktaiḥ kopasaṃyutaḥ || 65 ||
[Analyze grammar]

dhigdhikpāpasamācāra kṣatriyāpasadātmaka |
kiṃ kaścidbrāhmaṇo'śnāti pretaśrāddhe viśeṣataḥ || 66 ||
[Analyze grammar]

tasmādgaccha drutaṃ yāvanna kaścicchapate dvijaḥ |
nihanti vā prakopena svargamārganirodhakam || 67 ||
[Analyze grammar]

sūta uvāca |
tataḥ sa duḥkhito rājā niścakrāma bhayārditaḥ |
camatkārapurāttasmādvailakṣyaṃ paramaṃ gataḥ || 68 ||
[Analyze grammar]

cintayāmāsa rājeṃdra smṛtvāvasthāṃ pituśca tām |
kiṃ karomi kva gacchāmi kathaṃ me syātpiturgatiḥ || 69 ||
[Analyze grammar]

tataḥ sa sacivānsarvānpreṣayitvā gṛhaṃ prati |
ekākī bhikṣurūpeṇa sthitastatraiva satpure || 70 ||
[Analyze grammar]

sa jñātvā nagare tatra brāhmaṇaṃ śaṃsitavratam |
sarveṣāṃ brāhmaṇeṃdrāṇāṃ madhye dākṣiṇyabhājanam || 71 ||
[Analyze grammar]

devaśarmābhidhānaṃ tu śaraṇāgatavatsalam |
āhitāgniṃ caturvedaṃ smṛtimārgānuyāyinam || 72 ||
[Analyze grammar]

tatastu prātarutthāya kṛtvāṃtyajamayaṃ vapuḥ |
śodhayāmāsa kṛcchreṇa malotsarganiketanam || 73 ||
[Analyze grammar]

atha yaḥ kurute karma tatra viṣṭhāpraśodhanam |
so'bhyetya tamuvācedaṃ kopasaṃraktalocanaḥ || 74 ||
[Analyze grammar]

kutastvamiha saṃprāpto madvṛtterupaghātakṛt |
tasmādgaccha drutaṃ no cennayiṣye yamasādanam || 75 ||
[Analyze grammar]

tasyaivaṃ vadato'pyāśu balātsa pṛthivīpatiḥ |
śodhayāmāsa tatsthānaṃ devaśarmasamudbhavam || 76 ||
[Analyze grammar]

tataḥ saṃvatsarasyāṃte caṃḍālena dvijottamāḥ |
sa prokta ucite kāle praṇipatya ca dūrataḥ || 77 ||
[Analyze grammar]

svāmiṃstava kulepyevaṃ gūthāśodhanakarmakṛt |
tadasmākaṃ na cānyasya tatkimanyaḥ praveśitaḥ || 78 ||
[Analyze grammar]

atha śrutvā ca tadvākyaṃ sa prāha dvijasattamaḥ |
na mayā kaścidanyo'tra nirdiṣṭo gopyakarmaṇi |
adhikārastvayātmīyastathā kāryo yathā purā || 79 ||
[Analyze grammar]

tadānyadivase prāpte soṃ'tyajaḥ kopasaṃyutaḥ |
śastramādāya saṃprāpto vadhārthaṃ tasya bhūpateḥ || 80 ||
[Analyze grammar]

śastrodyatakaraṃ dṛṣṭvā prahārekṛtaniścayam |
tatastaṃ līlayā bhūyo muṣṭinā mūrdhnyatāḍayat || 81 ||
[Analyze grammar]

tatastasya viniṣkrāṃte locane tatkṣaṇāddvijāḥ |
susrāva rudhiraṃ paścātpapāta gatajīvitaḥ || 82 ||
[Analyze grammar]

taṃ śrutvā nihataṃ tena caṃḍālaṃ nijakiṃkaram |
devaśarmātikopena tadvadhārthamupāgataḥ || 83 ||
[Analyze grammar]

tataḥ putraiśca pautraiśca sahito'nyaiśca bandhubhiḥ |
loṣṭaistaṃ tāḍayāmāsa bhartsamāno muhurmuhuḥ || 84 ||
[Analyze grammar]

so'pi saṃtāḍyamānastu prahārairjarjarīkṛtaḥ |
vedoccāraṃ tataścakre darśayitvopavītakam || 85 ||
[Analyze grammar]

atha te vismitāḥ sarve devaśarmapuraḥsarāḥ |
brāhmaṇāstaṃ samudvīkṣya vedoccāraparāyaṇam || 86 ||
[Analyze grammar]

pṛṣṭaśca kimidaṃ karma tavāṃtyajajanocitam |
eṣā vedātmikā vāṇī spaṣṭākṣarakalasvanā |
tatkiṃ śāpaparibhraṣṭastvaṃ kaścidbrāhmaṇottamaḥ || 87 ||
[Analyze grammar]

yenaivaṃ kuruṣe karma garhitaṃ cāṃtyajairapi |
tataḥ sa prahasannāha kṣatriyo'haṃ mahīpatiḥ |
viṣṇusena iti khyāto haihayānvayasaṃbhavaḥ || 88 ||
[Analyze grammar]

sohamārādhanārthāya tvasminsthāna upāgataḥ |
adya saṃvatsaro jātaḥ karmaṇyasminratasya ca || 89 ||
[Analyze grammar]

sūta uvāca |
tasya tadvacanaṃ śrutvā sa vipraḥ kṛpayānvitaḥ |
kṛtāṃjalipuṭo bhūtvā tamuvāca mahīpatim || 90 ||
[Analyze grammar]

kiṃ tatkṛtyaṃ samuddiśya tvayaitatkarma garhitam |
kṛtaṃ kīrtaya yenāśu tavābhīṣṭaṃ karomyaham || 9 ||
[Analyze grammar]

nāsti me kiñcidaprāptaṃ tathā'sādhyaṃ mahīpate |
tasmāttava kariṣyāmi kṛtyaṃ yadyapi durlabham || 92 ||
[Analyze grammar]

rājovāca |
pitā mamāhinā daṣṭaḥ pretatvaṃ samupāgataḥ |
so'tra nāgahrade śrāddhe kṛte muktimavāpnuyāt || 93 ||
[Analyze grammar]

tasmāttattāraṇārthāya viprakṛtyaṃ samācara |
etadarthaṃ mayaitatte kṛtaṃ karma vigarhitam || 94 ||
[Analyze grammar]

devaśarmovāca |
evaṃ kuru nṛpaśreṣṭha śrāddhe'haṃ te pituḥ svayam |
brāhmaṇaḥ saṃbhaviṣyāmi tasmācchrāddhaṃ samācara || 95 ||
[Analyze grammar]

sūta uvāca |
atha te suhṛdastasya putrāḥ pautrāśca bāṃdhavāḥ |
procurnaitatprayuktaṃ te śrāddhaṃ bhoktuṃ vigarhitam || 96 ||
[Analyze grammar]

tasmādyadi bhavānasya śrāddhe bhoktā tataḥ svayam |
sarve bhavantaṃ tyakṣāmastathānye'pi dvijottamāḥ || 97 ||
[Analyze grammar]

devaśarmovāca |
kāmaṃ tyajata māṃ sarve yūyamanye'pi ye dvijāḥ |
mayaivāsya pratijñātaṃ bhoktuṃ śrāddhe mahīpateḥ || 98 ||
[Analyze grammar]

evamuktvā sa vipreṃdrastenaiva sahitastadā |
nāgahradaṃ samāsādya śrāddhe vai bhuktavānatha || 99 ||
[Analyze grammar]

bhuktamātre tatastasminvāguvācāśarīriṇī |
nādayaṃtī jagatsarvaṃ harṣayaṃtī mahīpatim || 100 ||
[Analyze grammar]

pretabhāvādvinirmuktaḥ putrāhaṃ tvatprabhāvataḥ |
svasti te'stu gamiṣyāmi sāṃprataṃ tridivālayam || 101 ||
[Analyze grammar]

tatkṛtvā nṛpatirhṛṣṭastaṃ praṇamya dvijottamam |
provāca kuru me vākyaṃ yadbravīmi dvijottama || 102 ||
[Analyze grammar]

asti māhiṣmatīnāma nagarī narmadātaṭe |
sā cāsmākaṃ rājadhānī pitṛparyāgatā vibho || 103 ||
[Analyze grammar]

ahaṃ yacchāmi te brahmansamastaviṣayānvitām |
mayā bhṛtyena tatrasthaḥ kuru rājyamakaṃṭakam || 104 ||
[Analyze grammar]

devaśarmovāca |
na caitadyujyate vaktuṃ na vipro rājyamarhati |
tasmādgaccha nijaṃ rājyaṃ paripālaya pārthiva || 5 ||
[Analyze grammar]

sūta uvāca |
evaṃ visarjitastena jagāma sa mahāpatiḥ |
svaṃ deśaṃ harṣasaṃyuktaḥ kṛtakṛtyo dvijottamāḥ || 106 ||
[Analyze grammar]

so'pi sarvaiḥ parityakto brāhmaṇaiḥ puravāsibhiḥ |
devaśarmā samuddiśya doṣaṃ śrāddhasamudbhavam || 107 ||
[Analyze grammar]

tato nāgahrade tasminsa kṛtvā nijamandiram |
nivāsamakarottatra svādhyāyanirataḥ śuciḥ || 108 ||
[Analyze grammar]

tatrasthasya nirastasya ye putrāḥ syurdvijottamāḥ |
teṣāṃ saṃtatayo 'dyāpi te proktā bāhyavāsinaḥ || 109 ||
[Analyze grammar]

etadvaḥ sarvamākhyātaṃ nāgatīrthasamudbhavam |
māhātmyaṃ brāhmaṇaśreṣṭhāḥ sarvapātakanāśanam || 110 ||
[Analyze grammar]

yaścaitatpaṭhate bhaktyā saṃprāpte paṃcamīdine |
śṛṇuyādvā na vaṃśe'pi tasya syātsārpajaṃ bhayam || 111 ||
[Analyze grammar]

tathā vimucyate pāpādbhakṣajātānna saṃśayaḥ |
kṛtādajñānato viprāḥ satyametanmayoditam || 112 ||
[Analyze grammar]

tasmātsarvaprayatnena nāgatīrthamanuttamam |
māhātmyaṃ paṭhanīyaṃ vā śrotavyaṃ vā samāhitaiḥ || 113 ||
[Analyze grammar]

śrāddhakāle tu saṃprāpte yaścaitatpaṭhate dvijaḥ |
sa prāpnoti phalaṃ kṛtsnaṃ gayāśrāddhasamudbhavam || 114 ||
[Analyze grammar]

tathā ye kīrtitā doṣāḥ śrāddhe dravyasamudbhavāḥ |
vratavaiklavyajāścāpi tathā brāhmaṇasaṃbhavāḥ || 115 ||
[Analyze grammar]

te sarve nāśamāyāṃti kīrtyamāne samāhitaiḥ |
nāgahradasya māhātmye śrāddhakāla upasthite || 116 ||
[Analyze grammar]

tathā vinihatā gobhirbrāhmaṇaiḥ śvāpadairapi |
etasminpaṭhite śrāddhe gacchaṃti paramāṃ gatim || 117 ||
[Analyze grammar]