Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

| ṛṣaya ūcuḥ |
caturyugasvarūpaṃ tu māhātmyaṃ caiva sūtaja |
pramāṇaṃ vada kārtsnyena paraṃ kautūhalaṃ hi naḥ || 1 ||
[Analyze grammar]

sūta uvāca |
imamarthaṃ purā pṛṣṭo vāsavena bṛhaspatiḥ |
yathā provāca vipreṃdrāstadvo vakṣyāmi sāṃpratam || 2 ||
[Analyze grammar]

purā śakraṃ samāsīnaṃ sabhāyāṃ tridaśaiḥ saha |
saha śacyā mahātmānamupāsāṃcakrire surāḥ || 3 ||
[Analyze grammar]

gandharvāpsarasaścaiva siddhavidyādharāśca ye |
guhyakāḥ kiṃnarā daityā rākṣasā uragāstathā || 4 ||
[Analyze grammar]

kalāḥ kāṣṭhānimeṣāśca nakṣatrāṇi grahāstathā |
sāṃgā vedāstathā mūrtāstīrthānyāyatanāni ca || 5 ||
[Analyze grammar]

tathā cakruḥ kathāścitrā devadānavarakṣasām |
rājarṣīṇāṃ purāṇānāṃ brahmarṣīṇāṃ viśeṣataḥ || 6 ||
[Analyze grammar]

kasmiṃścidatha saṃprāpte prastāve tridaśeśvaraḥ |
papraccha vinayopeto vipraśreṣṭhaṃ bṛhaspatim || 7 ||
[Analyze grammar]

bhagavañchrotumicchāmi pramāṇaṃ yugasaṃbhavam |
māhātmyaṃ ca svarūpaṃ ca yathāvadvaktumarhasi || 8 ||
[Analyze grammar]

bṛhaspati ruvāca |
ahaṃ te kīrtayiṣyāmi māhātmyaṃ yugasaṃbhavam |
yatpramāṇaṃ svarūpaṃ ca śṛṇuṣvāvahitaḥ sthitaḥ || 9 ||
[Analyze grammar]

aṣṭāviṃśatisahasrāṇi lakṣāḥ saptadaśaiva tu |
pramāṇena kṛtaṃ proktaṃ yatra śuklo janārdanaḥ || 10 ||
[Analyze grammar]

catuṣpādastathā dharmaḥ susaṃpūrṇā vasundharā |
kāmakrodhavinirmuktā bhayadveṣavivarjitāḥ || |
janāścirāyuṣastatra śāntātmāno jitendriyāḥ |
pañcatālapramāṇāśca dīptimanto bahuśrutāḥ || 12 ||
[Analyze grammar]

tatra ṣoḍaśasāhasraṃ bālatvaṃ jāyate nṛṇām |
tataśca yauvanaṃ proktaṃ dvātriṃśadyāvadeva hi || 13 ||
[Analyze grammar]

tataḥ paraṃ ca vārddhakyaṃ śanaiḥ saṃjāyate nṛṇām |
lakṣāṃte paramaṃ yāvadanyeṣāmadhikaṃ kvacit || 14 ||
[Analyze grammar]

tatra sattvāśca ye kecitpaśavaḥ pakṣiṇo mṛgāḥ |
daivīṃ vācaṃ prajalpaṃti na virodhaṃ vrajaṃti ca |ा || 15 ||
[Analyze grammar]

krīḍaṃti nakulaiḥ sarpā biḍālā mūṣakaiḥ samam |
pañcānanairmṛgā nityamulūkāścāpi vāyasaiḥ || 6 ||
[Analyze grammar]

akṛṣṭā ca mahī sasyaṃ janayatyati bhūriśaḥ |
vrīhimudgayavaprāyaṃ susvādu balavṛddhidam || 7 ||
[Analyze grammar]

sarvartuphalino vṛkṣāḥ sapuṣpaphaladhāriṇaḥ |
supatrāḥ kaṃṭakairhīnāḥ kalpapādapasaṃnibhāḥ || 8 ||
[Analyze grammar]

dhenavaśca prayacchaṃti vāṃchitaṃ svādu satpayaḥ |
sarveṣvapi hi kāleṣu bhūri sarppiḥpradaṃ nṛṇām || 19 ||
[Analyze grammar]

na tatra vidhavā nārī jāyate na ca durbhagā |
kākavaṃdhyā sutairhīnā na ca śīlavivarjitā || 20 ||
[Analyze grammar]

yathājanma tathā mṛtyuḥ kramātsaṃjāyate nṛṇām |
na vīkṣate pitā putraṃ mṛtaṃ kvāpi kadācana || 21 ||
[Analyze grammar]

na pretatvaṃ ca lokānāṃ mṛtānāṃ tatra jāyate |
na cāpi narake vāso na ca rogavyathā kvacit || 22 ||
[Analyze grammar]

vedāṃtagā dvijāḥ sarve nityaṃ svādhyāyaśīlinaḥ |
vedavyākhyānasaṃhṛṣṭā brahmajñānavicakṣaṇāḥ || 23 ||
[Analyze grammar]

kṣatriyāścāpi bhūpālamekaṃ kṛtvā subhaktitaḥ |
tadādeśātprabhuṃjaṃti mahīṃ dharmeṇa nityaśaḥ || 24 ||
[Analyze grammar]

vaiśyā vaiśyajanārhāṇi cakruḥ karmāṇi bhūriśaḥ |
paśupālanapūrvāṇi krayavikrayajāni ca || 25 ||
[Analyze grammar]

muktvaikāṃ dvijaśuśrūṣā na śūdrāstatra cakrire |
kiṃcitkarma suraśreṣṭha śraddhayā parayā yutāḥ || 26 ||
[Analyze grammar]

na tatra cāṃtyajo jajñe na ca saṃkarasaṃbhavaḥ |
nāpavitro na varṇānāṃ pañcamo dṛśyate bhuvi || 27 ||
[Analyze grammar]

yajanaṃ yājanaṃ dānaṃ vrataṃ niyama eva ca |
tīrthayātrāṃ narāstatra niṣkāmā eva kurvate || 28 ||
[Analyze grammar]

evaṃvidhaṃ sahasrākṣa mayā te parikīrtitam |
ādyaṃ kṛtayugaṃ puṇyaṃ sarvalokasukhāvaham || 29 ||
[Analyze grammar]

tatastretāyugaṃ nāma dvitīyaṃ saṃpravartate |
varṣāṇāṃ ṣaṇṇavatyāḍhyā lakṣā dvādaśa saṃkhyayā || 30 ||
[Analyze grammar]

so'pi sākṣājagannāthaḥ śvetadvīpāśrayāśritaḥ |
tatra raktatvamāyāti bhaga vāngaruḍadhvajaḥ || 31 ||
[Analyze grammar]

tripādastatra dharmaḥ syātpādenaikena pātakam |
tenāpi jāyate sparddhā varṇānāmitaretaram || 32 ||
[Analyze grammar]

tataḥ phalāni vāṃchaṃti tīrthayātrodbhavāni te |
vratānāṃ niyamānāṃ ca svargavāsādihetavaḥ || 33 ||
[Analyze grammar]

tataḥ kāmavaśānmohaṃ sarve gacchaṃti mānavāḥ |
mohāddrohaṃ tato gatvā pāpaṃ kurvaṃtyanukramāt || 34 ||
[Analyze grammar]

tatastu rauravādīni narakāṇi yamaḥ svayam |
sajjīkaroti devendra hyekaviṃśatisaṃkhyayā || 35 ||
[Analyze grammar]

karmānusāratastāni sevayaṃti narādhamāḥ |
kecidanye mahendrādilokānmokṣaṃ tathā pare || 36 ||
[Analyze grammar]

trividhāḥ puruṣāstatra śreṣṭhāścādhamamadhyamāḥ |
trividhāni ca karmāṇi prakurvaṃti sureśvara || 37 ||
[Analyze grammar]

unnatāstālamātreṇa tejovīryasamanvitāḥ |
cakruśca kṛṣikarmāṇi vaiśyāścaivānnalipsayā || 38 ||
[Analyze grammar]

uptakṣetraṃ sakṛccāpi saptavāraṃ lunaṃti te |
yathartu phalino vṛkṣā yathartu kusumānvitāḥ || 39 ||
[Analyze grammar]

yathartu patrasaṃyuktāstatra syuḥ sumanoharāḥ |
agniṣṭomādikā yajñāḥ pravartaṃte sahasraśaḥ || 40 ||
[Analyze grammar]

itaretarasaṃspardhaiḥ kriyamāṇā nṛpottamaiḥ |
brāhmaṇaiśca suraśreṣṭha svargalokamabhīpsubhiḥ || 41 ||
[Analyze grammar]

tīrthayātrāṃ vrataṃ dānaṃ niyamaṃ saṃyamaṃ tathā |
paralokamabhīpsaṃtastatra kurvaṃti mānavāḥ || 42 ||
[Analyze grammar]

sahasreṇa tu varṣāṇāṃ tatra syādyauvanaṃ nṛṇām |
sahasrapañcakaṃ yāvadūrdhvaṃ vārddhaka mucyate || 43 ||
[Analyze grammar]

rajakaścarmakāraśca naṭo buruḍa eva ca |
kaivarttamedabhillāśca caṃḍālāḥ śūdramānavāḥ || 44 ||
[Analyze grammar]

saṃbhavaṃti yuge tasminyo nisaṃsargato vibho |
tathānye saṃkhyayā hīnā etebhyo niṃditā narāḥ || 458 ||
[Analyze grammar]

indra uvāca |
utpattiḥ kathameteṣāmaṃtyajānāṃ dvijo ttama |
yathāvadvada kārtsnyena atra kautūhalaṃ mahat || 46 ||
[Analyze grammar]

bṛhaspatiruvāca |
eteṣāmaṣṭadhā sṛṣṭirjāyateṃ'tyajasaṃbhavā |
yoni doṣātsuraśreṣṭha jātervakṣyāmyahaṃ sphuṭam || 47 ||
[Analyze grammar]

brāhmaṇyāṃ kṣatriyājjātaḥ sūta ityabhidhīyate |
sūtena rajakaścaiva rajakena ca carmakṛt || 48 ||
[Analyze grammar]

carmakāreṇa saṃjajñe naṭaścāṃtyajasaṃjñakaḥ |
catvāraḥ kṣetrasaṃbhūtā ete kṣetre dvijanmanām || 49 ||
[Analyze grammar]

tathā ca māgadho jajñe vaiśyena dvijasaṃbhave |
kṣetre māgadhavīryeṇa buruḍo maruduttama || 50 ||
[Analyze grammar]

buruḍena ca kaivartaḥ kaivartena ca medakaḥ |
catvāro vaiśyasaṃbhūtā ete kṣetre dvijanmanām |
prajāyante suraśreṣṭha savakarmasu garhitāḥ || 51 ||
[Analyze grammar]

tathā śūdreṇa saṃjajñe brāhmaṇyāṃ surasattama |
bhillākhyaścāpi bhillena caṃḍālaśca prajāyate || 52 ||
[Analyze grammar]

etau dvāvapi śūdreṇa bhavato dvijasaṃbhave |
kṣetre sarvasurādhīśa satyametanmayoditam || 53 ||
[Analyze grammar]

etattretāyuge proktaṃ mayā te surasattama |
ākarṇaya prayatnena dvāparasyādhunā sthitim || 54 ||
[Analyze grammar]

lakṣāṣṭakapramāṇena tadyugaṃ parikīrtitam |
catuḥṣaṣṭisahasrāṇi varṣāṇāṃ parisaṃ khyayā |
kapiśo jāyate tatra bhagavāngaruḍadhvajaḥ || 55 ||
[Analyze grammar]

dvau pādau caiva dharmasya dvau pāpasya vyavasthitau |
tatra syādyauvanaṃ nṛṇāṃ gate varṣaśate' khile || 56 ||
[Analyze grammar]

tato'nyaiḥ samatikrāṃtairvārdhakyaṃ pañcabhiḥ śataiḥ |
tatra satyānṛtā lokā devā bhūpāstathā pare || 57 ||
[Analyze grammar]

nāryaścāpi suraśreṣṭha tatsva rūpāḥ prakīrtitāḥ |
paṃcahastapramāṇena caturhastāstathā paraṃ || 58 ||
[Analyze grammar]

nātirūpeṇa saṃyuktā na ca rūpavivarjitāḥ |
avyaktajalpakāścāpi paśavaḥ pakṣiṇo mṛgāḥ || 59 ||
[Analyze grammar]

nātipuṣpaphalairyuktā vṛkṣāścāpisureśvara |
sasyāni tāni jāyante tatra coptānikarṣukaiḥ || 60 ||
[Analyze grammar]

varṣaṃti jaladāḥ kāmaṃ bhavantyoṣadhayo'khilāḥ |
yatkiṃcidbhūtale jñānaṃ śāstraṃ vā surasattama |
tattatra samabhāvena na satyaṃ naiva cānṛtam || 61 ||
[Analyze grammar]

tīrthānāṃ ca makhānāṃ ca dvāpare surasattama |
phalaṃ bhāvānurūpeṇa dānānāṃ ca prajāyate || 62 ||
[Analyze grammar]

etattava samākhyātaṃ yugaṃ dvāparasaṃjñakam |
mayā sarvaṃ surādhīśa yathādṛṣṭaṃ yathā śrutam || 63 ||
[Analyze grammar]

śṛṇuṣvāvahito bhūtvā vadato mama sāṃpratam |
raudraṃ kaliyugaṃnāma yatra kṛṣṇo janārdanaḥ || 64 ||
[Analyze grammar]

dvātriṃśacca sahasrāṇi varṣāṇāṃ kathitaṃ vibho |
tathā lakṣacatuṣkeṇa sādhulokavivarjitam || 65 ||
[Analyze grammar]

tatraikapādayuktaśca dharmaḥ pāpaṃ tribhiḥ smṛtam |
pūrvārdhebhyaḥ paraṃ sarvaṃ saṃbhaviṣyati pāta kam || 66 ||
[Analyze grammar]

na śṛṇvaṃti pituḥ putrā na snuṣā bhrātaro na ca |
na bhṛtyā na kalatrāṇi yatra dveṣaḥ parasparam || 67 ||
[Analyze grammar]

yatra ṣoḍaśame varṣe narāḥ palita yauvanāḥ |
tatra dvādaśame varṣe garbhaṃ dhāsyati cāṃganā || 68 ||
[Analyze grammar]

āyuḥ paraṃ manuṣyāṇāṃ śatasaṃkhyaṃ sureśvara |
nāgānāṃ ca tarūṇāṃ ca varṣāṇāṃ yatra nādhikam || 69 ||
[Analyze grammar]

dvātriṃśaddhayamukhyānāṃ caturviṃśatiḥ kharoṣṭrayoḥ |
ajānāṃ ṣoḍaśa proktaṃ śunāṃ dvādaśasaṃkhyayā || 70 ||
[Analyze grammar]

catuṣpadānāmanyeṣāṃ viṃśatiḥ paṃcabhiryutā |
yatra kākāśca gṛdhrāśca kauśikāścirajīvinaḥ || 71 ||
[Analyze grammar]

tathā pāpaparā lokā duḥsthitāśca viśeṣataḥ |
tathā kaṇṭakino vṛkṣā rūkṣāḥ puṣpaphalacyutāḥ |
sevitāste'pi gṛdhrādyairyatra cchāyāvivarjitāḥ || 72 ||
[Analyze grammar]

yatra dharmo hyadharmeṇa pīḍyate surasattama |
asatyena tathā satyaṃ bhūpāścauraiḥ sadaiva tu || 73 ||
[Analyze grammar]

guravaśca tathā śiṣyaiḥ strībhiśca puruṣādhamāḥ |
svāmino bhṛtyavargaiśca mūrkhaiścāpi bahuśrutāḥ || 74 ||
[Analyze grammar]

yatra sīdaṃti dharmiṣṭhā narāḥ satyaparāyaṇāḥ |
dāntā vivekinaḥ śāntāstathā parahite ratāḥ || 75 ||
[Analyze grammar]

ādhayo vyādhayaścaiva tathā pīḍā mahādbhutā |
sadaiva saṃsthitā yatra sādhupīḍanavāṃchayā || 76 ||
[Analyze grammar]

alpāyuṣastathā martyā jāyaṃte varṇasaṃkarāt |
ye kecana prajīvaṃti duḥkhena te samanvitāḥ || 77 ||
[Analyze grammar]

na varṣati ghanaḥ kāle saṃprāpte'pi yathocite |
na sasyaṃ syātsuvṛṣṭepi karṣukasyāpi vāṃchitam || 78 ||
[Analyze grammar]

na ca kṣīrapradā gāvo yadyapi syuḥ supoṣitāḥ |
na bhavaṃti prabhū tāśca yatnenāpi surakṣitāḥ || 79 ||
[Analyze grammar]

āvikānāṃ tathoṣṭrīṇāṃ yatra kṣīrapraśaṃsakāḥ |
lokā bhavaṃti niḥśrīkāstathā ye ca malimlucāḥ || 80 ||
[Analyze grammar]

tathā tapasvinaḥ śūdrāḥ śūdrā dharmaparāyaṇāḥ |
śūdrā vedavicārajñā yajñakarmaṇi codyatāḥ || 81 ||
[Analyze grammar]

śūdrāḥ pratigrahītāraḥ śūdrā dānapradāstathā |
śūdrāścāpi tathā vandyāḥ śadrāstīrtheṣu saṃsthitāḥ || 82 ||
[Analyze grammar]

paṃcagartānkhanaṃtyeva mṛtyukāle narādhamāḥ |
śirasā hastapādābhyāṃ mohātsaṃnaṣṭacetanāḥ || 83 ||
[Analyze grammar]

vedavikrayakartāro brāhmaṇāḥ śaucavarjitāḥ || 84 ||
[Analyze grammar]

svādhyāyarahitāścaiva śūdrānnaniratāḥ sadā |
asatpratigrahāḥ prāyo jihvālaulyasamutsukāḥ || 85 ||
[Analyze grammar]

pākhaṃḍino vikarmasthāḥ paradāropajīvinaḥ |
kāryakāraṇamāśritya yatra snehaḥ prajāyate || 86 ||
[Analyze grammar]

na svabhāvātsahasrākṣa kathaṃcidapi dehinām |
yāsyaṃti mlecchabhāvaṃ ca sarve varṇā dvijātayaḥ || 87 ||
[Analyze grammar]

naṣṭotsavāvidharmāṇo nityaṃ saṃkarakārakāḥ |
sārdhahastatrayāḥ pūrvaṃ bhaviṣyaṃti yugāditaḥ || 88 ||
[Analyze grammar]

tato hrāsaṃ prayāsyaṃti vṛddhiṃ yāti kalau yuge |
bhaviṣyanti tataścāṃte manuṣyā bilaśāyinaḥ || 89 ||
[Analyze grammar]

alpatvāddurlabhatvācca aśaktā gṛhakarmaṇi |
bhaviṣyaṃtyaphalā yajñāstathā vedavratāni ca || 90 ||
[Analyze grammar]

niyamāḥ saṃyamāḥ sarve maṃtravādāstathaiva ca |
tīrthāni mlecchasaṃsparśāddūṣitāni śatakrato || 91 ||
[Analyze grammar]

svasvabhāvavihīnāni hīnāni ca tathā jalaiḥ |
kutsitā maṃtravādā ye kutsitāśca tapasvinaḥ || 92 ||
[Analyze grammar]

tatra te saṃbhaviṣyaṃti kutsitā ye ca mānavāḥ |
kulīnamapi saṃtyajya varaṃ rūpavayonvitam || 93 ||
[Analyze grammar]

vittalobhātpradāsyaṃti kutsitāya narāḥ sutām |
kanyakāḥ prasaviṣyaṃti kanyakāḥ suratotsukāḥ || 94 ||
[Analyze grammar]

kanyakāḥ prakariṣyaṃti puruṣaiḥ saha saṃgatim |
bhartāraṃ vaṃcayiṣyaṃti kulīnā api yoṣitaḥ || 95 ||
[Analyze grammar]

sarvakṛtyeṣu duḥśīlāḥ |suyatnenāpi rakṣitāḥ |
nirdayāścāpi bhūpālāḥ pīḍayiṣyaṃti karṣukān || 96 ||
[Analyze grammar]

pīḍayiṣyaṃti nirdoṣānvittalobhādasaṃśayam |
vadhārhamapi saṃprāpya vittalobhānmalimlucam || 97 ||
[Analyze grammar]

saṃtyakṣyaṃti yuge tasminprāṇidrohe'pi vartinam |
kṣātradharmaṃ parityajya kariṣyaṃti tathā raṇam || 98 ||
[Analyze grammar]

bṛhaspatiruvāca |
etadvaḥ sarvamākhyātaṃ yugānāṃ lakṣaṇaṃ mayā |
pramāṇaṃ ca suraśreṣṭha caturṇāmapyasaṃśayam || 99 ||
[Analyze grammar]

yaścaitatkīrtayenmartyaḥ sadaiva susā māhitaḥ |
sa nūnaṃ mucyate pāpādājanmamaraṇāṃtikāt || 100 ||
[Analyze grammar]

śṛṇuyādvā naro yaśca śraddhāpūtena cetasā |
so'pi mucyenna sandehaḥ pāpācca divasodbhavāt || 101 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 27

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: