Chapter 19

[English text for this chapter is available]

| sūta uvāca |
etasminnaṃtare prāptāstasya bhūpasya sevakāḥ |
kecicca daivayo gena śvāpadairardhabhakṣitāḥ || 1 ||
[Analyze grammar]

kṣutpipāsāturā dīnā duḥkhena mahatā'nvitāḥ |
padapaddhatimārgeṇa yena yātaḥ sa bhūpatiḥ || 2 ||
[Analyze grammar]

te dṛṣṭvā pārthivaṃ tatra diṣṭyādiṣṭyeti sādaram |
bruvaṃtaḥ pādayostasya patitā harṣasaṃyutāḥ || 3 ||
[Analyze grammar]

tatastasya narendrasya vyasanaṃ sainyasaṃbhavam |
procuścaiva yathādṛṣṭama nubhūtaṃ yathāśrutam || 4 ||
[Analyze grammar]

atha te tāpasāḥ sarve sa ca rājā sasevakaḥ |
prasuptāḥ pādapasyādhaḥ parṇānyāstīryabhūtale || 5 ||
[Analyze grammar]

tatasteṣāṃ prasuptānāṃ sarveṣāṃ tatra kānane |
atikrāṃtā sukhenaiva rajanī sā mahātmanām || 6 ||
[Analyze grammar]

tataḥ sa prātarutthāya kṛtapūrvāhṇikakriyaḥ |
taṃ muniṃ praṇipatyoccairanujñāpya muhu rmuhuḥ || 7 ||
[Analyze grammar]

nijaistaiḥ sevakaiḥ sārdhaṃ prasthitaḥ svapurīṃ prati |
māhiṣmatīṃ samuddiśya dṛṣṭvā mārge śanaiḥśanaiḥ || 8 ||
[Analyze grammar]

tato nijagṛhaṃ prāpya kañci tkālaṃ mahīpatiḥ |
viśramya prayayau paścāttūrṇaṃ puṇyaṃ gayāśiraḥ || 9 ||
[Analyze grammar]

tacca kālena saṃprāpya snātvā dhautāṃbaraḥ śuciḥ |
māṃsādāya dadau śrāddhaṃ śraddhāpūtena cetasā || 10 ||
[Analyze grammar]

athā'sau pṛthivīpālaḥ svapnāṃte ca dadarśa tam |
divyamālyāṃbaradharaṃ divyagaṃdhānulepanam |
vimānavaramārūḍhaṃ stūyamānaṃ ca kiṃnaraiḥ || 11 ||
[Analyze grammar]

māṃsāda uvāca |
prasādāttava bhūpāla mukto'haṃ pretayonitaḥ |
svasti te'stu gamiṣyāmi sāṃprataṃ tridivā layam || 12 ||
[Analyze grammar]

tataḥ sa prātarutthāya harṣāviṣṭo mahīpatiḥ |
vidaivataṃ samuddiśya cakre śrāddhaṃ yathocitam || 13 ||
[Analyze grammar]

so'pi tenaiva rūpeṇa tasya saṃdarśanaṃ gataḥ |
svapnāṃ'te bhūmipālasya tadvaccoktvā divaṃ gataḥ || 14 ||
[Analyze grammar]

tataḥ prātastṛtīye'hni kṛtaghnasya mahīpatiḥ |
cakre śrāddhaṃ yathāpūrvaṃ śraddhāpūtena cetasā || 15 ||
[Analyze grammar]

tataḥ so'pi samāyātastasya svapne mahīpateḥ |
tenaiva pretarūpeṇa duḥkhena mahatā vṛtaḥ || 16 ||
[Analyze grammar]

kṛtaghna uvāca |
na me gatirmahārāja saṃjātā pāpakarmiṇaḥ |
taḍāgavittacaurasya kṛtaghnasya tathaiva ca || 17 ||
[Analyze grammar]

tasmātsaṃjāyate muktiryathā me pārthivottama |
tathaiva tvaṃ kuruṣyā'dya satyavākyaparo bhava || 18 ||
[Analyze grammar]

satyameva paraṃ brahma satyameva paraṃ tapaḥ |
satyameva paraṃ jñānaṃ satyameva paraṃ śrutam || 19 ||
[Analyze grammar]

satyena vāyu rvahati satyena tapate raviḥ |
sāgaraḥ satyavākyena maryādāṃ na vilaṃghayet || 20 ||
[Analyze grammar]

tīrthasevā tapo dānaṃ svādhyāyo gurusevanam |
sarvaṃ satyavihīnasya vyarthaṃ saṃjāyate yataḥ || 21 ||
[Analyze grammar]

sarve dharmā dhṛtāḥ pūrvamekatrā'nyatra cāpyṛtam |
tulāyāṃ kautukāddevairjātaṃ tatra ṛtaṃ guru || 22 ||
[Analyze grammar]

tasmātsatyaṃ puraskṛtya māṃ tāraya mahāmate |
etatte paramaṃ śreyastapaso'pi bhaviṣyati || 23 ||
[Analyze grammar]

vidūratha uvāca |
kathaṃ te jāyate muktirvada me preta satvaram |
karomi yena tatkarma yadyapi syātsuduṣkaram ḥ || 24 ||
[Analyze grammar]

preta uvāca |
camatkārapure bhūpa śrīkṣetre hāṭakeśvare |
āste pāṃsubhirācchannaṃ kalerbhītaṃ gayāśiraḥ || 25 ||
[Analyze grammar]

adhastātplakṣavṛkṣasya darbhasthānaiḥ samaṃtataḥ |
kālaśākaistathānekaistilaiścāraṇyasaṃbhavaiḥ || 26 ||
[Analyze grammar]

tatra gatvā tilaistaistvaṃ taiḥ śākaistaiḥ kuśaistathā |
śrāddhaṃ dehi drutaṃ yena muktiḥ saṃjāyate mama || 27 ||
[Analyze grammar]

tasya tadvacanaṃ śrutvā sa dīnasya dayānvitaḥ |
jagāma tatra yatrā'ste sa vṛkṣaḥ plakṣasaṃjñakaḥ || 28 ||
[Analyze grammar]

dṛṣṭvā śākāṃstilāṃstāṃstu darbhāṃstena yathoditān |
akhanattatra deśe ca jalārthe laghu kūpikām || 29 ||
[Analyze grammar]

tataḥ kṛtaghnamuddiśya śrāddhaṃ cakre yathoditam |
ānīya brāhmaṇāñchreṣṭhānvedavedāṃgapāragān || 3 ||
[Analyze grammar]

kṛtamātre tataḥ śrāddhe divya rūpadharaḥ pumān |
vimānavaramārūḍho vidūrathamathā'bravīt || 31 ||
[Analyze grammar]

mukto'haṃ tvatprasādācca pretatvāddāruṇādvibho |
svasti te'stu gamiṣyāmi sāṃprataṃ tridaśālayam || 32 ||
[Analyze grammar]

sūta uvāca |
tataḥ prabhṛti sā tatra kūpikā khyātimāgatā |
pitṝṇāṃ puṣṭidā nityaṃ gayāśīrṣasamudbhavā || 33 ||
[Analyze grammar]

pretapakṣasya darśāyāṃ yastasyāṃ śrāddhamācaret |
kālaśākena vipreṃdrāstathāraṇyodbhavaistilaiḥ || 34 ||
[Analyze grammar]

kṛṃtitaiśca tathā darbhaiḥ samyakchraddhāsamanvitaḥ |
sa prāpnoti phalaṃ kṛtsnaṃ kṛtaghnapretatīrthataḥ || 35 ||
[Analyze grammar]

agniṣvāttāḥ pitṛgaṇāstathā barhiṣadaśca ye |
tatra saṃnihitā nityamājyapāḥ somapāstathā || 36 ||
[Analyze grammar]

tasmātsarvaprayatnena śrāddhaṃ tatra samācaret |
kāle vā |
yadi vā'kāle pitṝṇāṃ tuṣṭaye sadā || 37 ||
[Analyze grammar]