Chapter 14

[English text for this chapter is available]

| sūta uvāca |
yadanyattatra sañjātamāścaryaṃ dvijasattamāḥ |
tadahaṃ kīrtayiṣyāmi rahasyaṃ hṛdi saṃsthitam || 1 ||
[Analyze grammar]

camatkārapure kaścidvaiśyajātisamudbhavaḥ |
babhūva puruṣo mūko daridreṇa samanvitaḥ || 2 ||
[Analyze grammar]

yo dauḥsthyātsarvalokānāṃ karoti paśurakṣaṇam |
kuṭumbabharaṇārthāya saṃtuṣṭo yenakenacit || 3 ||
[Analyze grammar]

kadācidrakṣatastasya paśūṃstānvanabhūmiṣu |
paśureko viniṣkrāṃtaḥ svayūthāttṛṇalobhataḥ || 4 ||
[Analyze grammar]

kṛṣṇa pakṣe caturdaśyāṃ caitramāse dvijottamāḥ |
na tadā lakṣitastena gacchamāno yadṛcchayā || 5 ||
[Analyze grammar]

atha yāvadgṛhaṃ prāptaḥ sa mūkaḥ paśupālakaḥ |
tāvattasya ca goḥ svāmī bhartsayansamupāgataḥ || 6 ||
[Analyze grammar]

kiṃ pāpa na samāyātaḥ paśureko'dya no yathā |
nūnaṃ tvayā hataḥ so'pi vikrīto'pihito'thavā |
tasmā dānaya me kṣipraṃ nirāhāro'pi gāṃ tvarāt || 7 ||
[Analyze grammar]

tacchrutvā bhayasaṃtrastaḥ sa mūkaḥ paśupālakaḥ |
niṣkrāṃto yaṣṭimādāya nirāhāro'pi mandirāt || 8 ||
[Analyze grammar]

tato'raṇyaṃ samāsādya vīkṣāṃcakre samaṃtataḥ |
sūkṣmadṛṣṭyā sa durgāṇi gahanāni vanāni ca || 9 ||
[Analyze grammar]

atha tena kvaciddṛṣṭaṃ padaṃ tasya paśoḥ sphuṭam |
aṭavyāṃ bhramamāṇena parijñātaṃ ca kṛtsnaśaḥ || 10 ||
[Analyze grammar]

tataśca tatpadānveṣī sa jagāma vanādvanam |
camatkārapurasyāsya samaṃtāddvijasatta māḥ || 11 ||
[Analyze grammar]

evaṃ pradakṣiṇā tasya jātā paśudidṛkṣayā |
sthānasya caiva nirveśe paśoścāpidvijottamāḥ || 12 ||
[Analyze grammar]

pradakṣiṇāvasāne ca paśurlabdho hi tena saḥ |
niśāṃte'tha gṛhaṃ nītvā svāmine viniveditaḥ || 13 ||
[Analyze grammar]

caitre puṇyatame māsi kṛṣṇapakṣe caturdaśīm |
kṣetre puṇyatame devāstīrthānyā yāṃti sarvaśaḥ || 14 ||
[Analyze grammar]

evamajñānabhāvena kṛtā tābhyāṃ pradakṣiṇā |
paśupālapaśubhyāṃ vai supuṇye tatra vāsare || 15 ||
[Analyze grammar]

nirāhārasya mūkasya sāhārasya paśostathā || 16 ||
[Analyze grammar]

vinā snānena bhakṣācca daivāddvijavarottamāḥ |
tataḥ kāle vyatikrāṃte kiyanmātre svakarmataḥ |
ubhau paṃcatvamāpannau pṛthaktvenāyuṣaḥ kṣaye || 17 ||
[Analyze grammar]

tataśca paśupālastu daśārṇādhipateḥ sutaḥ |
saṃjātastatprabhāvena pūrvajātimanusmaran || 18 ||
[Analyze grammar]

so'pi jajñe paśustasya sacivo dvijasattamāḥ |
jātismaro yathā rājā sarvadā nṛpasaṃmataḥ || 9 ||
[Analyze grammar]

athāgatya sa rājeṃdrastenaiva saha maṃtriṇā |
kṛṣṇapakṣe caturdaśyāṃ purastasyāḥ pradakṣiṇām || 20 ||
[Analyze grammar]

cakre saṃvatsarasyāṃte śraddhayā parayā yutaḥ |
nirāhāraśca maunena padātirdvijasattamāḥ || 21 ||
[Analyze grammar]

ekadā tatra cā'yātā munayaḥ śaṃsitavratāḥ |
tīrthe pāpahare puṇye viśvāmitrasamudbhave || 22 ||
[Analyze grammar]

yājñavalkyo bharadvājaḥ śunaḥśepo'tha gālavaḥ |
devalo bhāgurirdhaumyaḥ kaśya paścyavano bhṛguḥ || 23 ||
[Analyze grammar]

tathānye śaṃsitā'tmāno brahmacaryaparāyaṇāḥ |
tīrthayātrāprasaṃgena tasminkṣetre samāgatāḥ || 24 ||
[Analyze grammar]

tāndṛṣṭvā sa mahīpālaḥ praṇipatya kṛtāṃjaliḥ |
yathājyeṣṭhaṃ yathāśreṣṭhaṃ pūjayāmāsa bhaktitaḥ || 25 ||
[Analyze grammar]

tatasteṣāṃ sa madhye ca saṃniviṣṭo mahīpatiḥ |
tathāgataḥ sa bhūpālaḥ sarvai staiścābhinaṃditaḥ || 26 ||
[Analyze grammar]

tataścakruḥ kathā divyā munayaste mahīpateḥ |
purato munimukhyānāṃ caritāni mahātmanām || 27 ||
[Analyze grammar]

rājarṣīṇāṃ purāṇānāṃ dharmaśāstrasamudbhavāḥ |
ānaṃdaṃ tasya rājarṣerjanayaṃto dvijottamāḥ || 28 ||
[Analyze grammar]

atha kvā'pi kathāṃte sa pārthivastairmaharṣibhiḥ |
pṛṣṭaḥ kautūhalāviṣṭairdattvā śrautīstadāśiṣaḥ || 29 ||
[Analyze grammar]

ṛṣaya ūcuḥ |
varṣevarṣe mahīpāla tvamatrā'gatya yatnataḥ |
karoṣi maṃtriṇā sārdhaṃ purasyā'sya pradakṣiṇām || 30 ||
[Analyze grammar]

asminkṣetre sutīrthāni saṃti pārthivasattama |
tathā'nyāni prasiddhāni devatāyatanāni ca || 31 ||
[Analyze grammar]

ādarasteṣu vai rājannāsti svalpo 'pi karhicit |
etannaḥ kautukaṃ jātaṃ na cedguhyaṃ prakīrtaya || 32 ||
[Analyze grammar]

sūta uvāca |
teṣāṃ tadvacanaṃ śrutvā vinayā'vanataḥ sthitaḥ |
sa provāca vaco bhūpaḥ kiṃcidvrīḍāsamanvitaḥ || 33 ||
[Analyze grammar]

yatpṛṣṭo'smi dvijaśreṣṭhā yuṣmābhiḥ sāṃprataṃ mama |
tadguhyaṃ na mayā'khyātaṃ kasyaciddharaṇītale || 34 ||
[Analyze grammar]

tathā'pi hi prakartavyaṃ yuṣmākaṃ satyameva hi |
api guhyatamaṃ cetsyācchṛṇvaṃtu munisattamāḥ || 35 ||
[Analyze grammar]

sūta uvāca |
tataḥ sa kathayāmāsa pūrvajātisamudbhavam |
vṛttāṃtaṃ tanmunīṃdrāṇāṃ teṣāṃ brāhmaṇasattamāḥ || 36 ||
[Analyze grammar]

yathā naṣṭaḥ paśustasya kṛtā yadvadavekṣaṇā |
yathā pradakṣiṇā jātā camatkārapurasya tu || 37 ||
[Analyze grammar]

jātismṛtiryathā jātā prāktanī tatprabhāvataḥ |
rājyaprāptirvibhūtiśca tatheṣṭāptiḥ padepade || 38 ||
[Analyze grammar]

tacchrutvā munayaḥ sarve prahṛṣṭāḥ pṛthivīpateḥ |
āśīrvādānbahūndattvā sādhusādhviti cā'bruvan || 39 ||
[Analyze grammar]

samutthāya tataścakruḥ purastasyāḥ pradakṣiṇām |
yathoktavidhinā sarve śraddhayā parayā yutāḥ || 40 ||
[Analyze grammar]

gatāśca paramāṃ siddhiṃ tatprabhāvātsudurlabhām |
japayajñapradānairyā tīrthasevādikairapi || 41 ||
[Analyze grammar]

so'pi rājā sa mantrī ca jātau vaimānikau surau |
adyā'pi tau hi dṛśyete tārārūpau nabhastale || 42 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye camatkārapurapradakṣiṇāmāhātmyavarṇanaṃnāma caturdaśo'dhyāyaḥ || 14 ||
[Analyze grammar]