Chapter 9

[English text for this chapter is available]

| sūta uvāca |
atha śakraḥ samāhūya proce saṃvartakānilam |
hāṭakeśvarajekṣetre mahānnāgabilo'sti vai || 1 ||
[Analyze grammar]

taṃ pūraya mamādeśāddrutaṃ gatvā'bhipāṃsubhiḥ |
yena na syādgatistatra kasyacinmṛtyudharmiṇaḥ || 2 ||
[Analyze grammar]

vāyuruvāca |
tavādeśānmayā pūrvaṃ pūrito vivaro yadā || |
liṃgodbhavastadā śāpaḥ pradatto me purāriṇā || 3 ||
[Analyze grammar]

yasmālliṃgaṃ mamaitadvai tvayā pāṃsubhirāvṛtam |
tasmātsamānadharmā tvaṃ gandhavāho bhaviṣyasi || 4 ||
[Analyze grammar]

yadvatkarpūrajaṃ gandhaṃ samagraṃ tvaṃ hi vakṣyasi |
amedhyasaṃbhavaṃ tadvanmama vākyādasaṃśayam || 5 ||
[Analyze grammar]

tasmātkuru prasādaṃ me viditvaitatsureśvara |
kṛtye'sminsma ryatāmanyastripurārerbibhemyaham || 6 ||
[Analyze grammar]

tataḥ saṃciṃtayāmāsa pūraṇaṃ tridaśādhipaḥ |
tasya nāgabilasyaiva naiva kiṃcidavaikṣata || 7 ||
[Analyze grammar]

tatastaṃ prāha devejyaḥsvaya meva śatakratum |
kasmāttvaṃ vyākulībhūtaḥ kṛtye'smiṃstridaśādhipa || 8 ||
[Analyze grammar]

asti parvatamukhyo'tra nāmnā khyāto himālayaḥ |
tasya putratrayaṃ jātaṃ tacca śakra śṛṇuṣva me || 9 ||
[Analyze grammar]

mainākaḥ prathamaḥ prokto dvitīyo naṃdivardhanaḥ |
raktaśṛṃgastṛtīyastu parvataḥ parikīrtitaḥ || 10 ||
[Analyze grammar]

sa mainākaḥ samudrāṃtaḥ praviṣṭaḥ śakra te bhayāt |
pakṣābhyāṃ sahito'dyāpi sa tatraiva vyavasthitaḥ || 11 ||
[Analyze grammar]

naṃdivardhana ityeṣa dvitīyaḥ parikīrtitaḥ |
vasiṣṭhāśramajo randhraste na kṛtsnaḥ prapūritaḥ || 12 ||
[Analyze grammar]

himācalasamādeśādvasiṣṭhasya ca sanmuneḥ |
devabhūmiṃ parityajya sa gatastatra satvaram || 13 ||
[Analyze grammar]

tṛtīyastiṣṭhate'dyāpi raktaśṛṃgaḥ smṛto'tra yaḥ |
tamānaya sahasrākṣa bilaṃ sārpaṃ prapūraya || 14 ||
[Analyze grammar]

nānyathā pūrituṃ śakyo bilo'yaṃ tridaśādhipa |
taṃ muktvā parvata śreṣṭhaṃ satyametanmayoditam || 15 ||
[Analyze grammar]

sūta uvāca |
tacchrutvā devapūjyasya vacanaṃ tridaśādhipaḥ |
jagāma satvaraṃ tatra sa yatrāste himālayaḥ || 16 ||
[Analyze grammar]

tataḥ provāca taṃ gatvā sāmapūrvamidaṃ vacaḥ |
himācalaṃ giriśreṣṭhaṃ siddhacāraṇasevitam || 17 ||
[Analyze grammar]

indra uvāca |
hāṭakeśvaraje kṣetre mahānnāgabilaḥ sthitaḥ |
tena gatvā narā devaṃ pātāle hāṭakeśvaram || 18 ||
[Analyze grammar]

pūjayiṣyaṃti ye kecidapi pāpaparāyaṇāḥ |
mayā sārdhaṃ kariṣyaṃti tataḥ sparddhāṃ nagottama || 19 ||
[Analyze grammar]

tasmātputramimaṃ tatra raktaśṛṃgaṃ himālaya |
preṣayasva bilo yena pūryate so'hisaṃbhavaḥ || 20 ||
[Analyze grammar]

kuruṣva tvaṃ mamātithyaṃ gṛhaprāptasya parvata |
ātmaputrapradānena kīrtiṃ prāpsyasyalaukikīm || 21 ||
[Analyze grammar]

bāḍhamityeva so'pyuktvā pūjayitvā ca devapam |
tataḥ provāca taṃ putraṃ raktaśṛṃgaṃ himālayaḥ || 22 ||
[Analyze grammar]

tavārthāya sahasrākṣaḥ putra prāpto mamāṃtikam |
tasmādgaccha drutaṃ tatra yatra nāgabilaḥ sthitaḥ || 23 ||
[Analyze grammar]

pūrayitvā mamādeśāttaṃ tvaṃ śakrasya kṛtsnaśaḥ |
sukhī bhava sahānena tathānyaiḥ surasattamaiḥ || 24 ||
[Analyze grammar]

raktaśṛṃga uvāca |
nāhaṃ tatra gamiṣyāmi martya bhūmau kathaṃcana |
yatra kaṇṭakino vṛkṣā rūkṣāḥ phalavivarjitāḥ || 25 ||
[Analyze grammar]

na siddhā na ca gaṃdharvā na devā na ca kiṃnarāḥ |
na ca tīrthāni ramyāṇi na nadyo vimalodakāḥ || 26 ||
[Analyze grammar]

tathā pāpasamācārā manuṣyāḥ śīlavarjitāḥ |
duṣṭacittāḥ sadā sarve tiryagyonigatā api || 27 ||
[Analyze grammar]

tathā mama nagaśreṣṭha pakṣau dvāvapi kartitau |
śakreṇa tena no śaktirgaṃtumasti kathaṃcana || 28 ||
[Analyze grammar]

tasmātkaṃcitsahasrākṣa upāyaṃ tatkṛte param |
ciṃtayatveva māṃ muktvā satyametanmayoditam || 29 ||
[Analyze grammar]

śakra uvāca |
aha tvāṃ tatra neṣyāmi svahastena vidāritam |
tatrāpi suśubhā vṛkṣā bhaviṣyaṃti tavāśrayāḥ || 30 ||
[Analyze grammar]

tathā puṇyāni tīrthāni devatāyatanāni ca |
samaṃtātte bhaviṣyaṃti munīnāmāśramāstathā || 31 ||
[Analyze grammar]

atrasthasya prabhāvo yastava parvata naṃdana |
madvākyāttatra saṃsthasya koṭisaṃkhyo bhaviṣyati || 32 ||
[Analyze grammar]

tathā ye mānavāstatra pāpātmāno'pi bhūtale |
vipāpmāno bhaviṣyaṃti sahasā tava darśanāt || 33 ||
[Analyze grammar]

tasmādgaccha drutaṃ tatra mayā sārdhaṃ nagātmaja |
na cedvajraprahāreṇa kariṣyāmi sahasradhā || 34 ||
[Analyze grammar]

sūta uvāca |
tasya tadvacanaṃ śrutvā raktaśṛṃgo bhayānvitaḥ |
praviṣṭaḥ sahasāgatya tasminnāgabile gataḥ || 35 ||
[Analyze grammar]

nimagno brāhmaṇaśreṣṭhā nāsāgraṃ yāvadeva hi |
śṛṃgairmanoramaistuṃ gaiḥ samagraiḥ sahitastadā |
vṛkṣagulmalatākīrṇai ramyapakṣiniṣevitaiḥ || 36 ||
[Analyze grammar]

evaṃ saṃsthāpya taṃ śakro himācalasutaṃ nagam |
tataḥ provāca sahṛṣṭo varo mattaḥ pragṛhyatām || 37 ||
[Analyze grammar]

raktaśṛṃga uvāca |
eṣa eva varo'smākaṃ yattvaṃ tuṣṭaḥ sureśvara |
kiṃ vareṇa kariṣyāmi tvatprasādādahaṃ sukhī || 38 ||
[Analyze grammar]

indra uvāca |
na vṛthā darśanaṃ me syādapi svapne nagātmaja |
kiṃ punardarśane jāte kṛte kṛtye viśeṣataḥ || 39 ||
[Analyze grammar]

raktaśṛṃga uvāca |
avaśyaṃ yadi deyo me varaḥ sarvasurādhipa |
vibhavo me dvijārthāya sarvaḥ syātsarvadā vibho || 4 ||
[Analyze grammar]

indra uvāca |
bhaviṣyati mahīpālaścamatkāra iti smṛtaḥ |
tava mūrdhani viprārthaṃ sa puraṃ sthāpayiṣyati || 41 ||
[Analyze grammar]

tatra brāhmaṇaśārdūlā vedavedāṃgapāragāḥ |
vibhavaṃ tava niḥśeṣaṃ bhajiṣyaṃti praharṣitāḥ || 42 ||
[Analyze grammar]

tathāhaṃ caitramāsasya caturdaśyāṃ nagātmaja |
kṛṣṇāyāṃ svayamāgatya śṛṃge mukhyatame tava || 43 ||
[Analyze grammar]

pūjayiṣyāmi deveśaṃ hāṭakeśvarasaṃjñitam |
sarvairdevagaṇaiḥ sārdhaṃ tathā kiṃnaraguhyakaiḥ || 44 ||
[Analyze grammar]

tamekaṃ divasaṃ cātra śṛṃge tava haraḥ svayam |
asmābhiḥ sahitastuṣṭo nivāsaṃ prakariṣyati || 45 ||
[Analyze grammar]

prabhāvastena te mukhya strailokye'pi bhaviṣyati |
svasti te'stu gamiṣyāmi sāṃprataṃ tridivālayam || 46 ||
[Analyze grammar]

sūta uvāca |
evamuktvā sahasrākṣastataḥ prāptastriviṣṭapam |
raktaśṛṃgo'pi tasthau ca vyāpya nāgabilaṃ tadā || 47 ||
[Analyze grammar]

tasyopari sumukhyāni tīrthānyāyatanāni ca |
saṃjātāni munīnāṃ ca saṃjātāśca tathā'śramāḥ || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye nāgabilapūrtivarṇanaṃnāma navamo'dhyāyaḥ || 9 ||
[Analyze grammar]