Chapter 230

[English text for this chapter is available]

sūta uvāca |
ityuktvopararāmatha pāṇḍoḥ putrāya vai muniḥ |
mṛkaṇḍatanayo dhīmānsaptakalpasmaraḥ puraḥ || 1 ||
[Analyze grammar]

mārkaṇḍamuninā proktaṃ yathā pārthāya sattamāḥ |
tathā vaḥ kathitaṃ sarvaṃ revāmāhātmyamuttamam || 2 ||
[Analyze grammar]

iyaṃ puṇyā saricchreṣṭhā revā viśvaikapāvanī |
rudradehasamudbhūtā sarvabhūtābhayapradā || 3 ||
[Analyze grammar]

oṅkārajaladhiṃ yāvaduvāca bhṛgunandanaḥ |
tīrthasaṅgamabhedānvai dharmaputrāya pṛcchate || 4 ||
[Analyze grammar]

samāsenaiva munayastathāhaṃ kathayāmi vaḥ |
saptaṣaṣṭisahasrāṇi ṣaṣṭikoṭyastathaiva ca || 5 ||
[Analyze grammar]

kathaṃ kenātra śakyante vaktuṃ varṣaśatairapi |
tathāpyatra muniśreṣṭhāḥ proktaṃ pārthāya vai yathā || 6 ||
[Analyze grammar]

tīrthamoṃkāramārabhya vakṣye tīrthāvaliṃ śubhām |
procyamānāṃ samāsena tāṃ śṛṇudhvaṃ maharṣayaḥ || 7 ||
[Analyze grammar]

natvā somaṃ maheśānaṃ natvā brahmācyutāvubhau |
sarasvatīṃ gaṇeśānaṃ devyāsāṅghripañkajam || 8 ||
[Analyze grammar]

pūrvācāryāṃstathā sarvāndṛṣṭvādṛṣṭārthavedinaḥ |
praṇamya narmadāṃ devīṃ vakṣye tīrthāvaliṃ tvimām || 9 ||
[Analyze grammar]

oṃ namo viśvarūpāya oṅkārāyākhilātmane |
yamārabhye pravakṣyāmi revātīrthāvaliṃ dvijāḥ || 10 ||
[Analyze grammar]

asminmārkaṇḍagadite revātīrthakrame śubhe |
purāṇasaṃhitādhyāyā mārkaṇḍāśramavarṇanam || 11 ||
[Analyze grammar]

tataḥ praśnādhikāraśca praśaṃsā narmadodbhavā |
tathā pañcadaśānāṃ ca pravāhānāṃ prakīrtanam || 12 ||
[Analyze grammar]

nāmanirvacanaṃ tadvattathā kalpasamudbhavāḥ |
ekaviṃśatikalpānāṃ tadvannāmānukīrtanam || 13 ||
[Analyze grammar]

mārkaṇḍeyānubhūtānāṃ saptānāṃ lakṣaṇāni ca |
māhātmyaṃ caiva revāyāḥ śivaviṣṇvostathaiva ca || 14 ||
[Analyze grammar]

saṃhāralakṣaṇaṃ tadvadoṅkārasya ca sambhavaḥ |
tathaivauṃkāramāhātmyamamarakaṇṭakīrtanam || 15 ||
[Analyze grammar]

amareśvaratīrthaṃ ca tathā dāruvanaṃ mahat |
dārukeśvaratīrthaṃ ca tīrthaṃ vai carukeśvaram || 16 ||
[Analyze grammar]

carukāsaṅgamastadvyadvatīpāteśvaraṃ tathā |
pātāleśvaratīrthaṃ ca koṭiyajñāhvayaṃ tathā || 17 ||
[Analyze grammar]

varuṇeśvaratīrthaṃ ca liṅgānyaṣṭottaraṃ śatam |
siddheśvaraṃ yameśaṃ ca brahmeśvaramataḥ param || 18 ||
[Analyze grammar]

sārasvataṃ cāṣṭarudraṃ sāvitraṃ somasaṃjñitam |
śivakhātaṃ mahātīrthaṃ rudrāvartaṃ dvijottamāḥ || 19 ||
[Analyze grammar]

brahmāvartaṃ paraṃ tīrthaṃ sūryāvartamataḥ param |
pippalāvartatīrthaṃ ca pippalyāścaiva saṅgamaḥ || 20 ||
[Analyze grammar]

amarakaṇṭamāhātmyaṃ kapilāsaṅgamastathā |
viśalyāsambhavaścāpi bhṛgutuṅgādrikīrtanam || 21 ||
[Analyze grammar]

viśalyāsaṅgamaḥ puṇyaḥ karamardāsamāgamaḥ |
karamardeśvaraṃ tīrthaṃ cakratīrthamanuttamam || 22 ||
[Analyze grammar]

saṅgamo nīlagaṅgāyāḥ vidhvaṃsastripurasya ca |
kīrtanaṃ tīrthadānānāṃ madhukatṛtīyāvratam || 23 ||
[Analyze grammar]

apsareśvaratīrthaṃ ca dehakṣepe vidhistataḥ |
tīrthaṃ jvāleśvaraṃ nāma jvālāyāḥ saṅgamastathā || 24 ||
[Analyze grammar]

śakratīrthaṃ kuśāvartaṃ haṃsatīrthaṃ tathaiva ca |
ambarīṣasya tīrthaṃ ca mahākāleśvaraṃ tathā || 25 ||
[Analyze grammar]

mātṛkeśvaratīrthaṃ ca bhṛgutuṅgānuvarṇanam |
tatra bhairavamāhātmyaṃ capaleśvarakīrtanam || 26 ||
[Analyze grammar]

caṇḍapāṇeśca māhātmyaṃ kāverīsaṅgamastathā |
kubereśvaratīrthaṃ ca vārāhīsaṅgamastathā || 27 ||
[Analyze grammar]

saṅgamaścaṇḍavegāyāstīrthaṃ caṇḍeśvaraṃ tathā |
eraṇḍīsaṅgamaḥ puṇya eraṇḍeśvaramuttamam || 28 ||
[Analyze grammar]

pitṛtīrthaṃ ca tatraiva oṅkārasya ca sambhavam |
māhātmyaṃ pañcaliṅgānāmoṅkārasya munīśvarāḥ || 29 ||
[Analyze grammar]

koṭitīrthasya māhātmyaṃ tīrthaṃ kākahradaṃ tathā |
jambukeśvaratīrthaṃ ca sārasvatamataḥ param || 30 ||
[Analyze grammar]

kapilāsaṅgamastadvattīrthaṃ ca kapileśvaram |
daityasūdanatīrthaṃ ca cakratīrthaṃ ca vāmanam || 31 ||
[Analyze grammar]

tīrthalakṣaṃ viduḥ pūrve kapilāyāstu saṅgame |
svargasya narakasyāpi lakṣaṇaṃ munibhāṣitam || 32 ||
[Analyze grammar]

vyavasthānaṃ śarīrasya gopradānānuvarṇanam |
aśokavanikātīrthaṃ mataṅgāśramavarṇanam || 33 ||
[Analyze grammar]

aśokeśvaratīrthaṃ ca mataṅgeśvaramuttamam |
tathā mṛgavanaṃ puṇyaṃ tatra tīrthaṃ manoratham || 34 ||
[Analyze grammar]

saṅgamo'ṅgāragartāyā aṅgāreśvaramuttamam |
tathā meghavanaṃ tīrthaṃ devyā nāmānukīrtanam || 35 ||
[Analyze grammar]

saṅgamaścāpi kubjāyāstīrthaṃ kubjeśvaraṃ tathā |
bilvāmrakaṃ tathā tīrthaṃ pūrṇadvīpamataḥ param || 36 ||
[Analyze grammar]

tathā hiraṇyagarbhāyāḥ saṅgamaḥ puṇyakīrtanaḥ |
dvīpeśvaraṃ nāma tīrthaṃ puṇyaṃ yajñeśvaraṃ tathā || 37 ||
[Analyze grammar]

māṇḍavyāśramatīrthaṃ ca viśokāsaṅgamastathā |
vāgīśvaraṃ nāma tīrthaṃ puṇyo vai vāgusaṅgamaḥ || 38 ||
[Analyze grammar]

sahasrāvartakaṃ tatra tīrthaṃ saugandhikaṃ tathā |
saṅgamaśca sarasvatyā īśānaṃ tīrthamuttamam || 39 ||
[Analyze grammar]

devatātrayatīrthaṃ ca śūlakhātaṃ tataḥ param |
brahmodaṃ śāṅkaraṃ saumyaṃ sārasvatamataḥ param || 40 ||
[Analyze grammar]

sahasrayajñatīrthaṃ ca kapālamocanaṃ tathā |
āgneyamaditīśaṃ ca vārāhaṃ tīrthamuttamam || 41 ||
[Analyze grammar]

tathā devapathaṃ tīrthaṃ tīrthaṃ yajñasahasrakam |
śuklatīrthaṃ dīptikeśaṃ viṣṇutīrthaṃ ca yodhanam || 42 ||
[Analyze grammar]

narmadeśvaratīrthaṃ ca varuṇeśaṃ ca mārutam |
yogeśaṃ rohiṇītīrthaṃ dārutīrthaṃ ca sattamāḥ || 43 ||
[Analyze grammar]

brahmāvartaṃ ca pattreśaṃ vāhnaṃ sauraṃ ca kīrtyate |
meghanādaṃ dārutīrthaṃ devatīrthaṃ guhāśrayam || 44 ||
[Analyze grammar]

narmadeśvarasaṃjñaṃ tatkapilātīrthamuttamam |
karañjeśaṃ kuṇḍaleśaṃ pippalādamataḥ param || 45 ||
[Analyze grammar]

vimaleśvaratīrthaṃ ca puṣkariṇyāśca saṅgamaḥ |
praśaṃsā śūlabhedasya tatraivāndhakavikramaḥ || 46 ||
[Analyze grammar]

devāśvāsanadānaṃ ca tathaivāndhakanigrahaḥ |
śūlabhedasya cotpattistathā pātraparīkṣaṇam || 47 ||
[Analyze grammar]

praśaṃsā dānadharmasya ṛṣiśṛṅgānubhāvanam |
svargatiṃ dīrghatapaso bhānumatyāstatheṅgitam || 48 ||
[Analyze grammar]

śabarasvargagamanaṃ māhātmyaṃ śūlabhedajam |
kapileśvaratīrthaṃ ca mokṣatīrthamataḥ param || 49 ||
[Analyze grammar]

saṅgamo mokṣanadyāśca tīrthaṃ ca vimaleśvaram |
tathaivolūkatīrthaṃ ca puṣkariṇyāśca saṅgamaḥ || 50 ||
[Analyze grammar]

ādityeśvaratīrthaṃ ca tīrthaṃ vai saṅgameśvaram |
saṅgamo bhīmakulyāyāstīrthaṃ bhīmeśvaraṃ śubham || 51 ||
[Analyze grammar]

mārkaṇḍeśvaratīrthaṃ ca tathā vai pippaleśvaram |
karoṭīśvaratīrthaṃ ca tīrthamindreśvaraṃ śubham || 52 ||
[Analyze grammar]

agastyeśaṃ kumāreśaṃ vyāseśvaramanuttamam |
vaidyanāthaṃ ca kedāramānandeśvarasaṃjñitam || 53 ||
[Analyze grammar]

mātṛtīrthaṃ ca muṇḍeśaṃ cauraṃ kāmeśvaraṃ tathā |
saṅgamaścānuduhyā vai tīrthe bhīmārjunāhvaye |
tīrthaṃ dharmeśvaraṃ nāma luṅkeśvaramataḥ param || 54 ||
[Analyze grammar]

tato dhanadatīrthaṃ ca jaṭeśaṃ maṅgaleśvaram |
kapileśvaratīrthaṃ ca gopāreśvaramuttamam || 55 ||
[Analyze grammar]

maṇināgeśvaraṃ nāma maṇinadyāśca saṅgamaḥ |
tilakeśvaratīrthaṃ ca gautameśamataḥ param || 56 ||
[Analyze grammar]

tatraiva mātṛtīrthaṃ ca muninoktaṃ munīśvarāḥ |
śaṅkhacūḍaṃ ca kedāraṃ pārāśaramataḥ param || 57 ||
[Analyze grammar]

bhīmeśvaraṃ ca candreśamaśvavatyāśca saṅgamaḥ |
bahvīśvaraṃ nāradeśaṃ vaidyanāthaṃ kapīśvaram || 58 ||
[Analyze grammar]

kumbheśvaraṃ ca mārkaṇḍaṃ rāmeśaṃ lakṣmaṇeśvaram |
megheśvaraṃ matsyakeśamapsarāhradasaṃjñakam || 59 ||
[Analyze grammar]

dadhiskandaṃ madhuskandaṃ nandikeśaṃ ca vāruṇam |
pāvakeśvaratīrthaṃ ca tathaiva kapileśvaram || 60 ||
[Analyze grammar]

nārāyaṇāhvayaṃ tīrthaṃ cakratīrthamanuttamam |
caṇḍādityaṃ paraṃ tīrthaṃ caṇḍikātīrthamuttamam || 61 ||
[Analyze grammar]

yamahāsāhvayaṃ tīrthaṃ tathā gaṅgeśvaraṃ śubham |
nandikeśvarasaṃjñaṃ ca naranārāyaṇāhvayam || 62 ||
[Analyze grammar]

naleśvaraṃ ca mārkaṇḍaṃ śuklatīrthamataḥ param |
vyāseśvaraṃ paraṃ tīrthaṃ tatra siddheśvaraṃ tathā || 63 ||
[Analyze grammar]

koṭitīrthaṃ prabhātīrthaṃ vāsukīśvaramuttamam |
saṅgamaśca karañjāyā mārkaṇḍeśvaramuttamam || 64 ||
[Analyze grammar]

tīrthaṃ koṭīśvaraṃ nāma tathā saṃkarṣaṇāhvayam |
kanakeśaṃ manmatheśaṃ tīrthaṃ caivānasūyakam || 65 ||
[Analyze grammar]

eraṇḍīsaṅgamaḥ puṇyo mātṛtīrthaṃ ca śobhanam |
tīrthaṃ svarṇaśalākākhyaṃ tathā caivāmbikeśvaram || 66 ||
[Analyze grammar]

karañjeśaṃ bhārateśaṃ nāgeśaṃ mukuṭeśvaram |
saubhāgyasundarī tīrthaṃ dhanadeśvaramuttamam || 67 ||
[Analyze grammar]

rohiṇyaṃ cakratīrthaṃ ca uttareśvarasaṃjñitam |
bhogeśvaraṃ ca kedāraṃ niṣkalaṅkamataḥ param || 68 ||
[Analyze grammar]

mārkaṇḍaṃ dhautapāpaṃ ca tīrthamāṅgiraseśvaram |
koṭavīsaṅgamaḥ puṇyaṃ koṭitīrthaṃ ca tatra vai || 69 ||
[Analyze grammar]

ayonijaṃ paraṃ tīrthamaṅgāreśvaramuttamam |
skāndaṃ ca nārmadaṃ brāhmaṃ vālmīkeśvarasaṃjñitam || 70 ||
[Analyze grammar]

koṭitīrthaṃ kapāleśaṃ pāṇḍutīrthaṃ trilocanam |
kapileśaṃ kambukeśaṃ prabhāsaṃ kohaneśvaram || 71 ||
[Analyze grammar]

indreśaṃ vālukeśaṃ ca deveśaṃ śakrameva ca |
nāgeśvaraṃ gautameśamahalyātīrthamuttamam || 72 ||
[Analyze grammar]

rāmeśvaraṃ mokṣatīrthaṃ tathā kuśalaveśvarau |
narmadeśaṃ kapardīśaṃ sāgareśamataḥ param || 73 ||
[Analyze grammar]

dhaurādityaṃ paraṃ tīrthaṃ tīrthaṃ cāparayonijam |
piṅgaleśvaratīrtha ca bhṛgvīśvaramanuttamam || 74 ||
[Analyze grammar]

daśāśvamedhikaṃ tīrthaṃ koṭitīrthaṃ ca sattamāḥ |
mārkaṇḍaṃ brahmatīrthaṃ ca ādivārāhamuttamam || 75 ||
[Analyze grammar]

āśāpūrābhidhaṃ tīrthaṃ kauberaṃ mārutaṃ tathā |
varuṇeśaṃ yameśaṃ ca rāmeśaṃ karkaṭeśvaram || 76 ||
[Analyze grammar]

śakreśaṃ somatīrthaṃ ca nandāhradamanuttamam |
vaiṣṇavaṃ cakratīrthaṃ ca rāmakeśavasaṃjñitam || 77 ||
[Analyze grammar]

tathaiva rukmiṇītīrthaṃ śivatīrthamanuttamam |
jayavārāhartīrthaṃ ca tīrthamasmāhakāhvayam || 78 ||
[Analyze grammar]

aṅgāreśaṃ ca siddheśaṃ tapeśvaramataḥ param |
punaḥ siddheśvaraṃ nāmatīrthaṃ ca varuṇeśvaram || 79 ||
[Analyze grammar]

parāśareśvaraṃ puṇyaṃ kusumeśamanuttamam |
kuṇḍaleśvaratīrthaṃ ca tathā kalakaleśvaram || 80 ||
[Analyze grammar]

nyaṅkuvārāhasaṃjñaṃ ca aṅkolaṃ tīrthamuttamam |
śvetavārāhatīrthaṃ ca bhārgalaṃ sauramuttamam || 81 ||
[Analyze grammar]

huṅkārasvāmitīrthaṃ ca śuklatīrthaṃ ca śobhanam |
saṅgamo madhumatyāśca tīrthaṃ vai saṅgameśvaram || 82 ||
[Analyze grammar]

narmadeśvarasaṃjñaṃ ca nadītritayasaṅgamaḥ |
anekeśvaratīrthaṃ ca śarbheśaṃ mokṣasaṃjñitam || 83 ||
[Analyze grammar]

kāverīsaṅgamaḥ puṇyastīrthaṃ gopeśvarāhvayam |
mārkaṇḍeśaṃ ca nāgeśamudambaryāśca saṅgamaḥ || 84 ||
[Analyze grammar]

sāmbādityāhvayaṃ tīrthamudambaryāśca saṅgamaḥ |
siddheśvaraṃ ca mārkaṇḍaṃ tathā siddheśvarīkṛtam || 85 ||
[Analyze grammar]

gopeśaṃ kapileśaṃ ca vaidyanāthamanuttamam |
piṅgaleśvaratīrthaṃ ca saindhavāyatanaṃ mahat || 86 ||
[Analyze grammar]

bhūtīśvarāhvayaṃ tīrthaṃ gaṅgāvāhamataḥ param |
gautameśvaratīrthaṃ ca daśāśvamedhikaṃ tathā || 87 ||
[Analyze grammar]

bhṛgutīrthaṃ tathā puṇyaṃ khyātā saubhāgyasundarī |
vṛṣakhātaṃ ca tatraiva kedāraṃ dhūtapātakam || 88 ||
[Analyze grammar]

tīrthaṃ dhūteśvarīsaṅgameraṇḍīsaṃjñakaṃ tathā |
tīrthaṃ ca kanakeśvaryā jvāleśvaraṃ tataḥ param || 89 ||
[Analyze grammar]

śālagrāmāhvayaṃ tīrthaṃ somanāthamanuttamam |
tathaivodīrṇavārāhaṃ tīrthaṃ candraprabhāsakam || 90 ||
[Analyze grammar]

dvādaśādityatīrthaṃ ca tathā siddheśvarābhidham |
kapileśvaratīrthaṃ ca tathā traivikramaṃ śubham || 91 ||
[Analyze grammar]

viśvarūpāhvayaṃ tīrthaṃ nārāyaṇakṛtaṃ tathā |
mūlaśrīpatitīrthaṃ ca caulaśrīpatisaṃjñakam || 92 ||
[Analyze grammar]

devatīrthaṃ haṃsatīrtha prabhāsaṃ tīrthamuttamam |
mūlasthānaṃ ca kaṇṭheśamaṭṭahāsamataḥ param || 93 ||
[Analyze grammar]

bhūrbhuveśvaratīrthaṃ ca khyātā śūleśvarī tathā |
sārasvataṃ dārukeśamaśvinostīrthamuttamam || 94 ||
[Analyze grammar]

sāvitrītīrthamatulaṃ vālakhilyeśvaraṃ tathā |
narmadeśaṃ mātṛtīrthaṃ devatīrthamanuttamam || 95 ||
[Analyze grammar]

macchakeśvaratīrthaṃ ca śikhitīrthaṃ ca śobhanam |
koṭitīrthaṃ muniśreṣṭhāstatra koṭīśvarī mṛḍā || 96 ||
[Analyze grammar]

tīrthaṃ paitāmahaṃ nāma māṇḍavye śvarasaṃjñitam |
tatra nārāyaṇeśaṃ ca akrūreśamataḥ param || 97 ||
[Analyze grammar]

devakhātaṃ siddharudraṃ vaidyanāthamanuttamam |
tathaiva mātṛtīrthaṃ ca uttareśamataḥ param || 98 ||
[Analyze grammar]

tathaiva narmadeśāṃ ca mātṛtīrthaṃ tathā punaḥ |
tathā ca kurarītīrthaṃ ḍhauṇḍheśaṃ daśakanyakam || 99 ||
[Analyze grammar]

suvarṇabindutīrthaṃ ca ṛṇapāpapramocanam |
bhārabhūteśvaraṃ tīrthaṃ tathā muṇḍīśvaraṃ viduḥ || 100 ||
[Analyze grammar]

ekaśālaṃ ḍiṇḍipāṇiṃ tīrthaṃ cāpsarasaṃ param |
munyālayaṃ ca mārkaṇḍaṃ gaṇitādevatāhvayam || 101 ||
[Analyze grammar]

āmaleśvaratīrthaṃ ca tīrthaṃ kantheśvaraṃ tathā |
āṣāḍhītīrthamityāhuḥ śṛṅgītīrthaṃ tathaiva ca || 102 ||
[Analyze grammar]

bakeśvaratīrthaṃ ca kapāleśaṃ tathaiva ca |
mārkaṇḍaṃ kapileśaṃ ca eraṇḍīsaṅgamastathā || 103 ||
[Analyze grammar]

eraṇḍīdevatātīrthaṃ rāmatīrthamataḥparam |
jamadagneḥ paraṃ tīrthaṃ revāsāgarasaṅgamaḥ || 104 ||
[Analyze grammar]

loṭaneśvaratīrtha talluṅkeśanāmakaṃ tathā |
vṛṣarakhātaṃ tatra kuṇḍaṃ tathaiva ṛṣisattamāḥ || 105 ||
[Analyze grammar]

tathā haṃseśvaraṃnāma tilādaṃ vāsaveśvaram |
tathā koṭīśvaraṃ tīrthamalikātīrthamuttamam |
vimaleśvaratīrthaṃ ca revāsāgarasaṅgame || 106 ||
[Analyze grammar]

evaṃ tīrthāvaliḥ puṇyā mayā proktā maharṣayaḥ |
tīrthasuktāvaliḥ puṇyā grathitā taṭarajjunā || 107 ||
[Analyze grammar]

narmadānīranirṇiktā mārkaṇḍeyavinirmitā |
maṇḍanāyeha sādhūnāṃ sarvalokahitāya ca || 108 ||
[Analyze grammar]

daritadhvāntaśamanīdhāryā dharmārthibhiḥ sadā |
ahorātrakṛtaṃ pāpaṃ sakṛjjaptvāśu nāśayet || 109 ||
[Analyze grammar]

trikālaṃ japtvā māsotthaṃ śivāgre ca trimāsikam |
māsaṃ japtvātha varṣotthaṃ varṣaṃ japtvā śatābdikam || 110 ||
[Analyze grammar]

śrāddhakāle ca viprāṇāṃ bhuñjatāṃ purataḥ sthitaḥ |
paṭhaṃstīrthāvaliṃ puṇyāṃ gayāśrāddhaprado bhavet || 111 ||
[Analyze grammar]

pūjākāle ca devānāṃ śraddhayā purataḥ paṭhan |
prīṇayetsarvadevāṃśca punāti sakalaṃ kulam || 112 ||
[Analyze grammar]

evaṃ tīrthāvaliḥ puṇyā revātīradvayāśritā |
mayā proktā muniśreṣṭhāstathaivaśṛṇutānaghāḥ || 113 ||
[Analyze grammar]