Chapter 225

[English text for this chapter is available]

śrīmārkaṇḍeya uvāca |
tataḥ krośāntare gacchedalikātīrthamuttamam |
alikā nāma gāndharvī kuśīlā kuṭilāśayā || 1 ||
[Analyze grammar]

citrasenasya dauhitrī vidyānandamṛṣiṃ gatā |
vavre te svīkṛtā tena daśavarṣāṇi taṃ śritā || 2 ||
[Analyze grammar]

patiṃ jaghāna taṃ suptaṃ kasmiṃścitkāraṇāntare |
gatvā nivedayāmāsa pitaraṃ ratnavallabham || 3 ||
[Analyze grammar]

pitrā mātrā ca saṃtyaktā bahubhirbhartsitā nṛpa |
garbhaghnī tvaṃ patighnī tvamiti darśaya mā mukham || 4 ||
[Analyze grammar]

brahmaghnī yāhi pāpiṣṭhe parityaktā gṛhādvraja || 5 ||
[Analyze grammar]

mārkaṇḍeya uvāca |
iti duḥkhānvitā mūḍhā tābhyāṃ nirbhartsitā satī |
tanuṃ tyaktuṃ manaścakre prāpya tīrthāntaraṃ kvacit || 6 ||
[Analyze grammar]

saṃpṛcchyamānā tīrthāni brāhmaṇebhyo yudhiṣṭhira |
śrutvā pāpaharaṃ tīrthaṃ revāsāgarasaṅgame || 7 ||
[Analyze grammar]

tatra pārtha tapaścakre nirāhārā jitavratā |
kṛcchrātikṛcchrapārākamahāsāṃtapanādibhiḥ || 8 ||
[Analyze grammar]

cāndrāyaṇairbrahmakūrcaiḥ karśayāmāsa vai tanum |
evaṃ varṣaśataṃ sārddhaṃ vyatītaṃ tapasā nṛpa || 9 ||
[Analyze grammar]

tasyā viśuddhimicchantyāḥ śivadhyānārcanādibhiḥ |
tataḥ katipayāhobhistasyā jñātvā haṭhaṃ param |
parituṣṭaḥ śivaḥ prāha pārvatyā paricoditaḥ || 10 ||
[Analyze grammar]

īśvara uvāca |
putri mā sāhasaṃ kārṣīḥ śuddhadehāsi sāmpratam |
tuṣṭo'haṃ tapasā te'dya varaṃ varaya vāñchitam || 11 ||
[Analyze grammar]

alikovāca |
yadi tuṣṭo'si deveśa varārhā yadyahaṃ matā |
nānāpāpāgnitaptāyā dehi śuddhiṃ parāṃ mama || 12 ||
[Analyze grammar]

tvaṃ me nātho hyanāthāyāstvameva jagatāṃ guruḥ |
dīnānāthasamuddhartā śaraṇyaḥ sarvadehinām || 13 ||
[Analyze grammar]

īśvara uvāca |
tvaṃ bhadre śuddhadehāsi mā kiṃcidanuśocithāḥ |
svanāmnā sthāpayitveha māṃ tataḥ svargameṣyasi || 14 ||
[Analyze grammar]

ityuktvā devadeveśastatraivāntaradhīyata |
alikāpi tato bhaktyā snātvā saṃsthāpya śaṅkaram || 15 ||
[Analyze grammar]

dattvā dānaṃ ca viprebhyo lokamāpa mahotkaṭam |
pitaraṃ ca samāsādya mātaraṃ ca yudhiṣṭhira || 16 ||
[Analyze grammar]

taiśca saṃmānitā prītyā bandhubhiḥ sālikā tataḥ |
vimānavaramārūḍhā divyamālānvitā nṛpa || 17 ||
[Analyze grammar]

gaurīlokamanuprāptasakhitve'dyāpi modate |
tataḥ prabhṛti tatpārtha vikhyātamalikeśvaram || 18 ||
[Analyze grammar]

tatra tīrthe tu yā nārī puruṣo vā yudhiṣṭhira |
snātvā sampūjayedbhaktyā mahādevamumāyutam || 19 ||
[Analyze grammar]

sa pāpairvividhairmukto lokamāpnoti śāṃkaram |
mānasaṃ vācikaṃ pāpaṃ kāyikaṃ yatpurā kṛtam || 20 ||
[Analyze grammar]

sarvaṃ tadvilayaṃ yāti bhojayitvā dvijānsadā |
dīpaṃ dattvā ca devāgre na rogaiḥ paribhūyate || 21 ||
[Analyze grammar]

dhūpapātraṃ vimānaṃ ca ghaṇṭāṃ kalaśameva ca |
dattvā devāya rājendra śākraṃ lokamavāpnuyāt || 22 ||
[Analyze grammar]